فنجـــــــــــال بن سلطـــــــــــــــان

[عيد العازمي]

.
انا عتيبي من ســـــلايل روق=واحـــب برقـــا واحب فنجالي

فنجال ابوسلطان راع النــوق= راعـــي وضـح تنعش البـالي

عنده نياقٍ ما تطب الســـوق=ماقــــط حنّـــت قـــدم دلالي

هاذي عتيبه تفتخربك فــــوق=شـــرفتها يـــاطيـــب الفالي

عسى يدينك مايجيها العـــوق = ويـــدوم عــزك لاخـــر اجالي

بالمحفل الدولي تجيب الطوق = عسى الحسود بعينه الصالي

نبيك دايم مانته بمسبـــــــوق = فخـــرٍ لـــنا في كـل محفالي

وعسى ديرها تعتلج ببــــروق=مــن صــادق الامــزان همالي

واختم كلامي باخر الطـــاروق = احـــب برقا واحب فنجـالي






اسمح لي على تنسيق القصيده
غازي البقعاوي

[عبدالعزيز2007]

مشكور اخي جدي على هذة القصيدة .

[الزراقي@]

صح لسانك يا ولد عاصي

ويستاهل ابو سلطان

[العرندس511]

صح لسانك ياجدي هههههه أقصد جدي عاصي ونعم فيك وفي فنجال

الشيباني أنت تقصده في القصيدة على ماأعتقد؟ والله يوفقنا وإياك

لمايحبه ويرضى.

أخوك/العرنـــــدس الوذينانـــــي

[ابو براك]

صح لسانك أخوي جدي عاصي

ويستاهل الطيب أبو سلطان ( فنجال الشيباني )

وعتيبه سوا الله يحفظهم جميع

[برق لاح]

تسلم يا جدي عاصي على القصيدة ويستاهل فنجال .
بس لي تعليق على البيت الأول واللي تقول فيه بانك روقي وتحب برقا علشان فنجال .
يعني حبك لبرقا علشان فنجال بس وانا اشوف ان برقا فيها فنجال وغيره من الريجيل الطحاطيح .
وعلى قول المثل ما يستنقص الريجيل الا .......
اترفع عن ذكر الباقي من المثل .
لك الود

[راع العوجا]

يستاهل ابوسلطان هالمدح وصح لسانك ياجدي عاصي

بس انا عندي ملاحظة مثل ماذكر سابقي ان البيت الاول عيب واضح في

القصيدة ماتحب برقا الاعلشان فنجال وابله تنومسك ههههههههه

لونك من قبيلة ثانية قلنا هذه بيثير الفتنة بين عتيبة بس انك منا ارجوا

الاعتذار ههههههههه

اما انا احب برقا روق وسماهم واراضيهم .........الخ

[نايف المحمد]

هذا راي شخصي لكاتب القصيدة وهو حر اتوقع

[راعي مزبورة]

بس أحذف البيت الأول لأنه ماله داعي مره شاطح ياخوي قل على الأقل :

أناعتيبي من سلايل روق**** وأحب برقا وأبنها فنجالي
تقبل تعليقي بصدر رحب .. أخوك / راعي مزبورة

[الصف الواحد]

صح لسانك


ويستاهل المدح ابو سلطان


بيض الله وجهه ...


بيض الله وجهه..


الله يوفقه...

[بـنـدر]

أنا من برقا ... ومدام تحب برقا على أساس فنجال فقط


ما راح أعلق على الموضوع

وقصيدة جميلة من جمال قبيلة كاتبها .............. ههههههههه 1/1



تقبل مروري وإحترامي وبرقا ووروق عينان في رأس بفنجال أو بدون فنجال
ومحد من عتيبه له معروف على عتيبه ....

[عيد العازمي]

تسلم يا جدي عاصي على القصيدة ويستاهل فنجال .
بس لي تعليق على البيت الأول واللي تقول فيه بانك روقي وتحب برقا علشان فنجال .
يعني حبك لبرقا علشان فنجال بس وانا اشوف ان برقا فيها فنجال وغيره من الريجيل الطحاطيح .
وعلى قول المثل ما يستنقص الريجيل الا .......
اترفع عن ذكر الباقي من المثل .
لك الود

نعم ولكن ارجع للبيت الاخير اخي

اعتقد انك استعجلت

وما اسنقصت احد انا


عتيبه رجل واحد وقلب واحد

[أبو يزيد البراق]

قصيدة ممتازة

وصح لسانك


تحياتي لك بود واحترام ،،،،

[عبدالله بن دبيس العتيبي]

بسم الله الرحمن الرحيم

السلام عليكم ورحمة الله وبركاته

بيض الله وجهك وصح الله السانك

يستاهل ابو خالد بلعون انه فخر لعتيبه الله يطول عمره

وتقبلوا تحياتي

[fahad8088]

صح لسانك ياولد عاصي

ابيات طيبه تشكر عليها

[أبونايف الثعلي]

مشكوررررررررررر

[عيد العازمي]

كل من مروووووا لهم تحية واحتراااااااااااااااااااام

[رائد الحمدان]

فنجال الشيباني (( ابو خالد ))
يستاهل المدح ليس لانه فاز و لكنه رجل مثل عتيبة في كثير من المحافل في مزاينات سابقة و في ميادين الفروسية و يستاهل كل الشكر و التقدير ابو خالد

[الديوان]

مشكور اخي جدي على هذة القصيدة