مزارق الطيب انتهى يانايف الروقي

[ناصر المرشدي]

يانايف الروقي مكانك لاتروح=شد الحزام مزارق الطيب (انتهى)
ماعندنا لك لاغبوق ولاصبوح=ليا طلع في راسك الشيب (انتهى)

[مرزوق حمدان العتيبي]

ماعندنا لك لاغبـوق ولاصبـوح
ليا طلع في راسك الشيب (انتهى)


..
بيض الله وجهك وصح لسانك
... ننتظر نايف ... ليكتمل الابداع
...

[نايف بن ملحق الثعلي]

انا مكاني والدواء يبر الجروح=كم ذيب لاجيناه ياذيب(انتهي)

البرق ياناصر على راسك يلوح=مافيه ظن وشك والريب(انتهى)

[ناصر المرشدي]

احسب حسابك والسراير لاتبوح=ان باح سر الطيّب الطيب (انتهى)
مالك ركوبٍ في سفينة قوم نوح=والغيب للي يعلم الغيب (انتهى)

[سلطان الجـذع]

اطرح الرجال عن الرجال :)



صحت السنتكم يامبدعين ...واصلوا واصلوا

[ناصر المرشدي]

يامرحبا يامشرفنا حياك الله

بعد ها الانقطاع

وجودك معنويه يامرزوق

[ناصر المرشدي]

مرحبا ياسلطان

شرفتنا


الحذف وصل المعقل

[نايف بن ملحق الثعلي]

اليا احتما الميقاف ماني بالشحوح=مافيه شي اتعيب وصعيب(انتهى)

حنا نعرف الجد ونعرف المزوح=مدام قلبك فيه تعذيب(انتهى)

[ابن خليفه]

الله الله


الروقي - المرشدي

مبدعان ......... واصلا نحن متابعين .

[ناصر المرشدي]

دام الدلي قامت من الجمه تموح=قول انتهى واقول ماهيب (انتهى)
مافيه مخلوقً يعيش بدون روح=مالك مع الترتيب ترتيب (انتهى)

[نايف بن ملحق الثعلي]

انته تلد العين والورقا تنوح=منته لها ياناصر اصحيب(انتهى)

صدري على بعض السوالف مايفوح=والشاعر اللي فيه اكاذيب(انتهى)


صح لسانك