عرفنا اللي فازوا بس ماعرفنا وش فازوا به

[الرويس 999]

اهل البل في المزاين وش كانت جوائزهم من الاول للعاشر

قلبي يفرك على جيوب اللكززززززس ودي اشوف وين راحت

يمكن يزود عليهم واحد ويهدونه علي

والشي الثاني جائزة الجمهور وش صار عليها

[ALOTHMAN 2010]

والله يالرويس للمره الاولى الي يعلن الفايزين بدون اعلان جوايزهم وحط تحت الجوايز الف خط لان المعلومات الوارده غير ساره وانشاءالله تكون كذب ولنا تعقيب بعد التاكد من الخبر

[رائد الحمدان]

اوافقك الرائ و سبق و كتبت موضوع يوم امس بنفس المضمون لكن يبدو ان حجب الاراء متوفر حتى في المنتديات مع اني لم اتطرق الذمم لا بتصريح و لا تلميح

[ابوالطيب]

صحيح كلامك وبكل مجلس نسمع الإستفسار هذا

[الذيب]

الرويس999 بارك الله فيك
سبق أن كتبت بعد إعلان
الفائزين يوم الخميس موضوعا
عن طبيعة الجوائز على الرابط
http://www.alhaila.net/m/showthread.php?t=52170

[جدوع بن مخلد]

اهل البل في المزاين وش كانت جوائزهم من الاول للعاشر

قلبي يفرك على جيوب اللكززززززس ودي اشوف وين راحت

يمكن يزود عليهم واحد ويهدونه علي

والشي الثاني جائزة الجمهور وش صار عليها


كلامك بالثمنيات أخوي

[قاهر العذال]

الاول والثاني جيب لكزس ..


ومن الثالث الى التاسع جيب جكســار gxr


والعاشر جيب شــــاص ..

[زعام]

10 جيب لكزس
10 جيب نيسان سفاري
5 جيب Fjكروزر
20 شفر
3 همر
5شيصان
5جيوب فورد
ويمكن غيرها شي


توزيعها قريب انشاء الله.

بس لاعاد تجيبون لها طاري.

[أبو يزيد البراق]

والله ما أدري

[مشاري العتيبي]

10 جيب لكزس
10 جيب نيسان سفاري
5 جيب Fjكروزر
20 شفر
3 همر
5شيصان
5جيوب فورد
ويمكن غيرها شي


توزيعها قريب انشاء الله.

بس لاعاد تجيبون لها طاري.



هذي الجوائز اللي وصلتهم

طيب والستين مليون وش صار عليها

[الشاهين.]

لانقول إلا حسبنا الله ونعم الوكيل على اللجنة المنظمة للحفل

يا أخوان أنا أحد المشاركين في مزيان الإبل والجوائز على النحو التالي وأتحدى أي شخص يقول غير خلاف ذلك

الأول: جيب لكزس

الثاني :جيب في أكس ار

الثالث: جيب جي أكس آر

ومن الثالت إلا العاشر عطوهم فلوس ولا أعلم هل هي متفاوتت المبالغ أو سعرها واحد ولكن أعرف واحد حاصل على المركز السادس عطوه شيك بمبلغ 126 ألف0

ولكن المشكلة الظلم في الترتيب أنا سئلت أحد أعضاء اللجنة اللي تقيم البل وقالي بالحرف الواحد أنا محلف إني ماعلم أحد ولكنك فائز بمركز حلو ولكن أكتشف أن مركزي الحادي عشر وواعدونا بهدية ولكن كل يوم يقولون بكرة وأخر يوم جيتهم اليوم وواعدوني بكرة والله يعين0

ولكن اللي مبهرني إن في ناس كثرة يدرون واحد أسمه شامان من أعضاء اللجنة0

ومحمد بن قشعان رفض استلام جائزتة

ونايف بن غتار رفض أستلام جائزة وذلك للظلم0

والقهر الواضح إن صاحب الإبل اللي فازة العام في نوفا لم يحصل على مركز وهو عبدالله بن عامر الحنتوشي0

ولكن أقووووووووول الله لايسامحهم كان الكلام اللي سمعناه عن الغش حصل

[زعام]

ولكن اللي مبهرني إن في ناس كثرة يدرون واحد أسمه شامان من أعضاء اللجنة0



الرجال أسمه شامان ابن هايف العطاوي ويقيم في الرياض
راعي ذودين وفاز باالذودين المجاهيم فئة 80 المركز الثاني والوضح فئة 80 أظنه العاشر وعضو اللجنه العليا ...........والله ماأدري....الرجال ماقد سمعنا عنـّــه الا طاري الخير.

[الشاهين.]

زعام هو عطاوي ولا مغيري تأكد من الخبر لأني سمعت إنه مغيري واللي حضر عند اللجنة يوم الجمعة شاف أن أكثر المشاركين يدورون شامان ولكن لماذا لا أعلم وأتوقع إنهم يدورون لشر وليس لخير

[fahad8088]

والله ما ندري

مار كيفهم

انت فايز؟؟؟؟

[زعام]

المغيري والغنامي والقسامي والمهيدلي والسليس وغيرهم كلهم ذي عطيه .

[سهم الهيـــلا]

يا جماعه اتركو عنكم الجوائز

الا باقي المبلغ وين راح يحطونه

صحيح انهم بيوزعونه او يستفيد منه ابناء القبيله

المعسرين والمديوني اللي بالسجون

نبي الزبده وان شاء الله تنحط في مكانها الصحيح

وتقبلو خالصـ مودتي

[زعام]

الشيخ بدر بن نايف الظيط في مقابله تلفزيونيه له أشار ان الفائض من المال سوف يكون صرفه في مايراه الأمير سلمان بن عبدالعزيز

[قائل الحقيقة]

الغريب ان اللي فازوا بحفظ القرآن وهم ثلاثة عطوهم 50000 ريال و 30000 و 20000 بدلا من جيب لكزس كما اشيع . فضلوا اهل البل عليهم
علما ان هناك جوائز اعطيت للجنة من المتبرعين لتوزع على الحفظه .
تلاعب واضح وظلم

[صـالح العصيمي]

للــــــــــــرفع...

[راع العوجا]

والله ماسمعنا شيء بس الاكيد واحد من الربع فاز بالمركز السابع

وخيروه بين الدراهم والسياره واختار الدراهم 120 الف

الكلام صحيح موثوق منه