الفزعة الفزعة يعيال العم

[النادر المقاطي]

هناك شاعرين من كبار شعراء عتيبة في هذا العصر لم أشاهد من كتب عنهم فنريد أن نقوم بكتابة وجمع قصائدهما ليستفيد الاخوان من ذلك .
وهما الشاعر عبدالله بن نايف بن عون
والشاعر غازي بن ضيف الله بن عون

[مـــديوس]

جيتك طااير من العااام قااااااالو لي انك تبغى فزااع\
وناااا لك يمين وشماال لكن سااامحني عن الشعر وناا لك فزااااع




والله يااليت عندي ابياات منهااا كااان افيدكم لكن
انااااا انشااء الله رااح ابحث عنهااااااا


تقبلوو تحيااتي
مــــــديوس الزويلي

[لــيــل]

بسم الله


نبدأ برائعة عبدالله بن عون:








يامـل قلـب يسـج وفيـه دولاجـه
من هاجـس بالضمايرقـام يدرجهـا
في معزل عن جميع الخلق وازعاجه
ما اسمع من الناس لوتكثر لجالجهـا
ماغير اهوجس تقول مضيع حاجـه
آخذ واسند على روحـي واهرجهـا
وادوج لوكـان مارجلـي بدواجـه
ادلّـه النفـس ليـن الله يفرجـهـا
يالله يالي بيـدك الضيـق وافراجـه
ياخالق الخلـق ياقاضـي حوايجهـا
تفرج لعين الذي أغفـت بسوهاجـه
تجهز عليها الطواري لين تزعجهـا
بالصدر ضيقه ونوم العين هملاجـه
عيني من العـام والسهـر متولجهـا
نوب سهرها شديـد ونـب نهاجـه
ومر تكن الدمـوع ومـر تزعجهـا
عليك ياللـي بقلبـي كـن وهاجـه
وهاج نار هوى الغربـي يسارجهـا
أبـو ثمـان تشـاد اللولـو لعاجـه
كن البرد يوم يضحك فـي مفالجهـا
ياروح روحي وجرح القلب واعلاجه
الطف بحال عليـك الهـم ساهجهـا
قلبي يناجيك بسلوب الهوى ناجـه
يشكي لك الحال داخلهـا وخارجهـا
اما التفت لي وتم الوصـل بمواجـه
والا بـلا عشـرة هـذي نتايجـهـا
وش ينفعك من حنين القلب وخلاجه
وجروحي اسبابها انت ولا تعالجهـا

[النادر المقاطي]

اعذب ما في الشعر إبداعات الشعراء فيه بتفننهم باساليب جذابة وتراكيب جيدة ووصف طيب ومشوق وتصوير حالات توحي إلى حقيقة الموقف وتجسيده ويختلف اسلوب شاعر عن آخر من جودة وخبرة ومكانة شعرية وتغلب الموهبة على كل الصفات فالموهبة هي العنصر الاساسي في الشعر ويقوم بتنميتها الشاعر من خلال ممارسة الشعر من تلك الإبداعات ما قاله الشاعر الكبير والمعروف الشاعر عبدالله بن نايف بن عون في قصيدته التي يقول فيها:
هلا باللي نعش روحي بصوته
وهو شوفه غذاء روحي وقوته
تفرقنا وحسب انه نساني
وصدتني أوقوتي عن وقته
بعدما كان مندثرن هوانا
زهم وحياء غرامي عقب موته
وهذا عادتن في كل وافي
فرض حبل المواصل ما يفوته
وانا قبله عن العشق امترجع
ما هوب اعياف خوف من شموته
وهو صار السبب في رجعتي له
نده قلبي وجاوب له صموته
لاجل عينيك يا مشعل غرامي
رهين الحب ومعمر ابيوته
مدامك رافعن صرح الصداقة
فانا حق عليه ادعم ثبوته
واعمر لك مقاصير بقلبي
واغطيها بعش العنكبوته
7فما كان من الشاعر الكبير ايضا غازي بن دخيل الله عندما سمع القصيدة الجميلة والقافية الجذابة سوى مجاراتها بإبداعية أخرى جميلة يقول:
يعيش اللي بعد طول سكوته
وعبّر فوق المحيط ابجيلبوته
جميع ماسة ومرجانه ودره
وغيره ما حصل له غير حوته
ومن حاول يجاري صيد فكره
يبا يحفي على دربه اسبوته
جزاء الله خير من هيج غرامه
لدعوى العشق طرش له افروته
وخلاه يتغزل في جماله
وياصف لوعته بوراق نوته
بيوته ذوقها للسامع أحلى
من السكر ومن تمر النبوته
ونوب الصعب منها عنده اسهل
من اخذته للقلم من جيب كوته
محيط الشعر ينقص لو عفته
ولو زدته غمر موجه اخبوته
7وعندما سمع الشاعر عبدالله بن عون مجاراة الشاعر غازي له وابداعه في تلك القافية المشوقة ما كان منه إلا حث ركاب الشعر قدما في الإبداعية والاستمرار في هذا الرائعة التي توضح معاناة الشعر من غير أهله وامتهانهم له دون موهبة أو أدرك أو فهم ويقول عبدالله بن عون مسترسلا ومجاريا.
لقيت الشعر ما تضعف افتوته
مع اللي فاهمن متره وفوته
الا ياليت كلن مثل غازي
يريح البال يوم اسمع بيوته
اليا حاول يجاري له قريحه
مشت له طوع ما هيب امعفوته
وطرلته قوافيها البخيله
ليا رام البحر غيب اخبوته
ترى بعض العرب شعره مغثه
تشوته عنك والا ما تشوته
لونه موترن جاك متحادي
تناضح فوق هوباته ازيوته
الا ياليت للشعر استشاري
يصونه قبل يفقع به انبوته
متي ما شاهده دفاع ساقه
يفك الناس من عصره ولوته
7ويستمر حب الإبداع والانجذاب في طرح الموضوع وجمال القافية ويسترسل ايضا الشاعر غازي القصيدة علي النهج ويقول:
ابيوت قلتها عدت ابيوته
بها كل المذاخير امحتوته
هقيت اني حكمت وصار حكمي
منه خمسين ابو زيد وبلوته
وهقيت اني بدعت وصار بدعي
ديار بالصفا الصم امخروته
عيون الشعر شامت لبو نايف
كما شامت لأبو سعدون نوته
اليا استنى الفريق مفارقن له
عن اللي جامعن ثومه وتوته
هذاك اللي ليا سمع القريحه
سرى فوق اللحن يضرب اطشوته
وشعره حادرن له بطن وادي
مثل عمايت الرفل امعموته
سوات اللي يحاول في دواها
ويعمي عينها بالعنزروته


( منقول من جريدة الرياض