__جبر عظم ___و___كسر عظم__

[ابن نجر]

قصيده تشرفت بالقائها في مخيم العضيان

امام بدر بن نايف الضيط





جفا جفن السهر لذة منامه=سرقه اللي تخطى باللثامه
يعاف النوم من بعده ويسهر=شقي القلف في حظرة غرامه
حرام النوم ماخيم بعينه=زلا ريح من الهاجوس هامه
سوى يوم اجتمع مع روس ربعه=هل الطالات راعين المسامه
شداد المجد يفرح لاحملهم=ويرفع باسمهم عالي مقامه
هم اهل الطيب واهل الصيت دايم=هم اللي للفخر عزٍ وقامه
خذوا من اول الدنيا سطرهم=ومن تالي الزمن عز وكرامه
لهم مدات تفرح من نصاهم=ولهم فزعات في وقت العسامه
يفز القلب لاقالوا عتيبي=عليه بالملازيم وحرامه
يشوش الراس لاشفت القبيله=تنافس بالمكارم والشهامه
الاول فالمزاين من عتيبه=والاقصى نفس اسمه واحترامه
عليه بالحرام ارتاح قلبي =بعد شفت الفرح يجلى الغمامه
تجمعِنا على خيرٍ خيره=جبر عظم وكسر عظم الملامه
هذا والله فعلٍ فيه نفخر =مهو فعل التراخي والرخامه
عتابه اسم في صدري حفظته=لاوالله ألآ نحته في عظامه
بعدها ارتاح ياجفن المعنا =ولاتشفق على راع اللثامه



.

[الصريح العتيبي]

الاخ/ابن نجر--------------سلمه الله
صح لسانك واعتلى شانك ابيات جزله
تقبل مروري ودمت بخير

[مرزوق حمدان العتيبي]

...
.
صح لسانك يابو راكان
والله ونعم بالضيط يستاهل ...

[الشنباوي]

ابن نجر شاعر لك ثقلك وصح لسانك

الله يبيض وجهك

[فهد النفيعي]

قصيده جزله من شا عر مبدع

صح لسانك وفي انتظار الجديد

[نايف بن ملحق الثعلي]

صح لساااااااانك

يابن نجر


وافي والقصيده وافيه

[معلا إبراهيم الأسعدي]

صح اللسانك


كلام جميل وجزل بارك الله فيك

[طـــــــــلمس]

بيض الله وجهك على القصيده الرائعه