رداً على من سب العتبـان

[محمد بن دحيم الدوسري]

القصيده كتبها الشاعر عندما سمع احد ابناء القبايل الاخرى يسبون العتبان ورد بهاذي القصيده

يقول من يبدع بيوته على ساس
من هيض فكره جابها والأحاسيس

من الغيض يدفعها على الطرق الأحساس
من مصنع افكارلها فيه تأسيس

فكره ينظمها مثل عقد الألماس
استاذ ناجح في جميع المقاييس

من حس من منحوس والوضع حساس
اعوذ بالله من الفتن والوساويس

ياهل النمايم والحكي والتجاسيس
عز الله انكم ماربحتو مفاليس

لاتحسبون الحكي في الناس نوماس
هرج القفا ماهوب يحسب نواميس

يازارعين بالفتن كل وسواس
لاتدنسون اعراض الأجواد تدنيس

مالكم مع اهل الطيب مقعدومجلاس
اشباهكم ناس أخساس بلاليس

ولكل شين عندي عيار وقياس
أخذت مع كثر التجارب تداريس

بدنيا نتاجها الغباين والأفلاس
دنيا بها ذيب الخلا صاحب التيس

واحتست منها واكثر الناس منحاس
دنيا الغرايب والشقا والعواكيس

اهل الوفا فيها تلمس تلماس
راحو بنجد مثل وصف المحابيس

مثل العتيبي جعل يسلم من الباس
ابن حشر راعي الوفا والنواميس

نسل الرجال متعبه قب الافراس
لويزعل الحاقد ويرقص له ابليس

من قوم ضيف الله وتركي وعفاس
اللي تقدم شذره السيف والكيس

اللي لهم في نجد غارات وارماس
تاخذ على بعض القبايل مراويس

تاريخهم يبقى على مر الأجناس
على الصخر منقوش قبل القراطيس

يبقى جديد والمداهيل دراس
تاريخكم يامبعدين المراميس

يامحققين آمال منهو طوى الياس
يعتابه اللي تحرقون المحاميس

قلته وانا من لابه ترفع الراس
قوم تنكس قايد القوم تنكيس

ليا جانهارفيه الأرياق يباس
في حزه للشر فيها مقاييس

دواسر يثنون من دون الأغراس
ويثنون دون البل طوال النسانيس

هذا وصلى الله على سيدا لناس
والعود الأزرق مع نسيم النسانيس



شعــر/ محمد بن دحيم عبيان الدوســري

[مشاري الحبردي]

ونعم والله بك يالدوسري


صح لسانك
ولا هنت على الرد

[فيصل بن دحيم]

كفو يالدوسري كفو

والله اللي كفيت ووفيت

وافي من صلب وافي

صح لسانكـ ملياااااااااااااااااااااااااااااااااااار

[قف امامك عتيبي]

بارك الله بك , شكراً أخي الكريم

تقبلوا خالص تحياتي
أخوكم: سعود بن سالم بن ملهي الدغيلبي

[مرزوق حمدان العتيبي]

..
.
بيض الله وجهك يالدوسري وصح لسانك
اصيل ومن رجالٍ بالطيب محسوبه..
...

[فايح عبدالله الحزيمي]

بيض الله وجهك يالدوسري وهذا ليس بمستغرب عليكم وهذه شهادة حق منكم رغم انوف الحساد والحاقدين فالشكر موصول لك ولقبيلتك العزيزة.

[مسقي العطشان]

بيض الله وجهك يالدوسري وصح لسانك

اصيل ومن رجالٍ بالطيب محسوبه..

[ممدوح الروقي]

صح لسانك يابودحيم

[ابن مشيب]

اللهم صلي وسلم على محمد


صح السانك ودام بوحك يامحمد على هذه العصماء السامية , وانعم واكرم بخطلان الايدي , لاهنت


تحياتي

[الاشهب]

صح لسانك يابو دحيم

وبيض الله وجهك

نسخه لحاذفي مواضيعنا

[خلف العتيبي]

الدواسر كواسر..

والنعم فيك ولاهنت يا القرم..



خلف الدعجاني..