معركة العويند الاولى 1273هجري [الأرشيف] - الهيـــــــــــــلا *** منتدى قبيلة عتيبة

الخنفري

25-Aug-2003, 04:34 PM

معركة العويند واحدة من أشهر واولى المعارك بين عتيبة ومطير وحدثت عام 1273 للهجرة

أسباب المعركة :

لما رأت مطير ان عتيبة ضربت بسطوتها في وسط نجد بعد معركة سناف الطراد طمعت في اعادة أمجادها القديمه في نجد بعد اجلائهم لعنزه وقبل أن تخرجهم منها قحطان فجاؤ بعددهم وعتيدهم لمحاربة عتيبة وهذي هي بداية المعارك بين عتيبة ومطير لان عتيبة ومطير كانو قبل 1269هـ حبايب ولم يوجد في كتب التاريخ ألا انهم كانوا يتعاونون مع بعض قبل تلك المعركة ولما اجلت عتيبة قحطان بدت المشاكل بين مطير وعتيبة ومنها معركة العويند الأولى.

المعركة :

رأى الدويش انفراد عتيبة بوسط نجد فجمع مطير علوى وبريه والتقت جموعهم بجموع تركي بن حميد على العويند في يوم تشيب فيه الولدان والتحمت الجموع وسالت الدماء وتناثرت الجثث وقتل من مطير الكثير ومنهم عدة شيوخ وانهزمت جموع الدويش.

المصادر : يقول ابن بليهد رحمه الله عن معركة العويند : "واما الوقعة الثالثة فكانت بين تركي بن حميد ومعه رؤساء عتيبة الهيظل وبن جامع وجندهم عتيبة وبين الدويش رئيس مطير وانتهت المعركة بهزيمة مطير بعد قتال عظيم ، وهناك شجرة اعرفها بينها وبين ماء العويند كثيب الماء الذي يحيط بماء العويند ويقال لها شجرة ابي صفره أضيفت الى ابي صفره لأنه قتل عندها وهو من رؤساء مطير " أ.هـ كلام ابن بليهد ج/1 ص 46

من القصائد التي قيلت في العويند الأولى ...

يـا راكب اللي ما ترقـع رهـوقـه
حرً على قطع أشهب اللال صبار
هاته ودنـه وانسـف الكور فـوقـه
أسبق من اللي يدهل العش بالغار
كـودً على عيرات الأنضا لحوقه
فـجً عضـوده مـا قـطع في رحـا الزار
وحسو الرويقي نسم النضو فوقه
والـحـسو قدامـك مـن الصيف مـعـتار
ملفاك شيخً زين الله وفوقه
ضيـف الله اللي يـكرم الـضيف والـجـار
ليا قال ويش النضو يا للي تسوقه
قـله مـن ابـن حميد يـوصلك الأخـبـار
رد البرا من فوق عقله خنوقه
وثـور ظـعنـهـم نـاحـرن عـقلـة الـجار
جونا بجمع جات علوى تسوقه
حـمرً على مـاوصـف الخشم سنجـار
جونا يبون العد والعد فوقه
ربـعٍ مـسقـيـة الـعدا كـاس الامــرار
خذنا الجمل والبيت والقين فوقه
وتـسعين لحية في حجا القوز ما سار
كم جادلٍ ريح العويدي نشوقه
مـن عـقـبـنـا قـامـت تـقـلـط لقصار
انه ضيف الله عن الورد فوقه
مير أبتـخص حتى تسمـع بـالاشـوار

وقال ايضا الشاعر فهم الجنيبي العصيمي في قتل الفارس المسمى ابو صفرة الدويش

ياذيب عن جا ل العويند لا تغيب
من أشبعك ياذيب لا تنسى جزاه
ربع بابو صفرة وكل ابلج حبيب
شـيــخً نــوانـا بـالـبـلا والله بـلاه

وسلامتكم

ابن مشيب

25-Aug-2003, 05:10 PM

تسلم على هذة المشاركة الرائعة ياخوي الخنفري , ماقول غير بيض الله وجهك.

عين العقل

25-Aug-2003, 11:38 PM

مشكور يالخنفري وبيض الله وجهك .... :)

وأجمل مافي الموضوع ... ( المصادر) ... عشان بس نقطع دابر العالم الي أنت خابر :D:D

بس لي ملاحظة بسيطة ... قصيدة الشاعر فندي المقاطي ....

يـا راكب اللي ما ترقـع رهـوقـه *** حرً على قطع أشهب اللال صبار ..
هاته ودنـه وانسـف الكور فـوقـه *** أسبق من اللي يدهل العش بالغار

ماقيلت في العويند الأولى ... قيلت في العويند الثانية 1288 هج بقيادة عقاب بن شبنان ...

وسلامتك ........... |4|

أهداء خاص :
يـا راكب اللي ما ترقـع رهـوقـه *** حرً على قطع (أشهب اللال) صبار .. :D|4|

عين العقل

26-Aug-2003, 12:21 AM

أضافة :

في العويند الثانية راحت العطفه على المطران ...

خذنا الجمل والبيت والقين فوقه
وتـسعين لحية في حجا القوز ما سار
كم جادلٍ ريح العويدي نشوقه
مـن عـقـبـنـا قـامـت تـقـلـط لقصار
انه ضيف الله عن الورد فوقه
مير أبتـخص حتى تسمـع بـالاشـوار

وبعدين ترى فيه ناس واجد تخلط بين قصائد العويند الأولى والثانية ... للتنيه فقط

سلام ........

الخنفري

26-Aug-2003, 12:30 AM

ابن مشيب وعين العقل
لاهنتو ياخوان على مروركم للموضوع والتعقيب عليه
اما القصائد فنحن اجتهادنا ولكل مجتهد نصيب

واللي عنده تعقيب المجال مفتوح للتوضيح
وسلامتكم

فهيد العتيبي

26-Aug-2003, 12:46 AM

يعطيكم العافية

في معركة العويند

ذهب ابن بصيص شيخ الصعران من مطير والدويش إلى ضيف الله الذويبي من حرب

ليحارب معهم. لكن الذويبي قال أنا بيني وبين الحمدة عهد فلم يذهب معهم.

ذهب الدويش وابن بصيص إلى العويند

ويقوم الدويش يرفع الشلفا

قال له أبن بصيص( يا دويش لا تشقق.. يحدونا الرياجيل عن الما إنهلك)

وهذا حكم على الامور قبل حدوثها من الدويش

وفعلا انتصرت عتابة صفوة شبابة على مطير

قال شاعر عتيبة:

خذنا الجمل والبيت والقين فوقه
وتـسعين لحية في حجا القوز ما سار
كم جادلٍ ريح العويدي نشوقه
مـن عـقـبـنـا قـامـت تـقـلـط لقصار
انه ضيف الله عن الورد فوقه
مير أبتـخص حتى تسمـع بـالاشـوار

فهيد العتيبي

26-Aug-2003, 12:48 AM

أبو صفرة ظنتي ما هو من الدوشان

هو من الرخمان من الموهة من علوى. هو أشهر احد فرسانهم

عين العقل

26-Aug-2003, 12:50 AM

فهيد مشكور طال عمرك ........
والقصة التي ذكرتها في العويند الثانية ... والي فيها قصيدة فندي المقاطي
وتسلم يالذيب .......ولايسلم ردي العزايم

عين العقل

26-Aug-2003, 12:51 AM

وفعلا أبوصفرة من الموهه مو من الدوشان وكان من روؤساء مطير في العويند الأولى ............

فهيد العتيبي

26-Aug-2003, 12:53 AM

الله يسلمك يا عين العقل

يقال ان بنت الدويش كانت متوقعة الهزيمة

ووخذت عطفة الدويش في ذلك الكون

عين العقل

26-Aug-2003, 12:57 AM

تسلم بافهيد
العطفه وراحت ........
بس كون الهزيمة متوقعة ... فذي مايبيلها ذكاء هههههههههههه

عين العقل

26-Aug-2003, 01:06 AM

وبعدين يافهيد تراني يوم أقراء مشاركاتك طال عمرك .. وخصوصا عبارتك (( وفعلا انتصرت عتابة صفوة شبابة على مطير )) ... ذكرتني بمقال الأخ المؤرخ (هنيدس الروقي) عن (عتيبة والأرث الموروث) ... لأن كثير من العتبان ينطق بعبارات مغروسة في قيمه وأنتماءه القبلي حتى لو لم يعرف المعني اللفظي لها ... وذي هدية فوق البيعة للي يقولون أن عتيبة ليست الأصل الأصيل لشبابه .....

لـيــا جـــاك طـرقــي العتـيـبـي بـعــد يـــاس ** يـنـشـد عــــن الـعـتـبـان (صفوة شـبـابــه)

وتسلم يالذيب ............

هداج

26-Aug-2003, 02:55 PM

الخنفري

قلت مانصه :

((لما رأت مطير ان عتيبة ضربت بسطوتها في وسط نجد بعد معركة سناف الطراد طمعت في اعادة أمجادها القديمه في نجد بعد اجلائهم لعنزه وقبل أن تخرجهم منها قحطان ))
معنى كلامك ان مطير كانت في نجد وتم اخراجهم الى مواقع عنزه وهذا كلام واضح ودقيق

لكن عندما تقول مانصه : (( ولما اجلت عتيبة قحطان ))

هل تقصد ان عتيبه اجلت قحطان من نجد كما اجلت قحطان مطير من نجد ياليت توضح .

تقبلو شكري وتقديري

أخوكم // هدااااج

عين العقل

26-Aug-2003, 07:12 PM

الأخ هداج ........

يعني كون قحطان أجلت مطير من نجد فذا كلام واضح ..... ودقيق ولكن كون عتيبة أجلت قحطان من نجد فذي يبي لها توضيح ... !! على العموم ... أجلاء عتيبة لقحطان , وأن لم يكن موضوع النقاش هنا ... أمر مشهور ومعروف ... وأذا تبي تناقشه حياك الله بس أنصحك ترجع للمرادات الشعرية بين تركي بن حميد و بن قرمله وتفسر لي ذا البيت ...( أن كانك باول الخيل ملحوم *** فأنا برمحي حامين (نجد كله) ..) ؟؟؟
البيت ذا من راعيه ؟؟؟ وموجه لمن ؟؟؟ والشيخ الي برمحه حامين نجد كله وش صار عليه ؟؟؟ ووين راح وترك القطاع الأعظم من هضبة نجد تحت سيطرة عتيبة ؟؟؟
وموضوع المعركة هنا عن العويند الأولى ... وواضح جدا أن مطيركانت تبي نجد من عتيبة ...طيب .. وين قحطان ... وقت الوقعة ؟؟؟ ... يعني ليش عتيبة ومطير ماتحالفوا لهزيمة الشيخ الي برمحه .. ( حامين نجد كله ) ... أو بمعنى أصح .. هل الشيخ بن قرمله كان لايزال يسيطر على نجد وقت وقعة العويند بين عتيبة ومطير ... أذا تبي تقول موجود ومسيطر على نجد ... طيب وش سبب العويند الأولى ؟؟...وكيف بن قرمله يترك القبايل تشب الحروب فنجد وشيل أبوك وحط أبوك وهو موجود ونجد تحت سيطرته ؟؟؟ وأذا بتقول ترك نجد ... فأنت حسمت النقاش مبكرا ... الأجابة واضحة يارفيقي ... بس عاد حذ راحتك فالرد ؟؟ وعطني بعد فرصة أذا انت رديت لأني بغيب كم يوم ... (( نلحق الصيف ... قضى ... وحنا ماصيفنا ههههههههههه )) ........

وتسلم ولايسلم ردي العزايم .........

عين العقل

26-Aug-2003, 07:22 PM

على فكره البيت ذا ... ( كانك بأول الخيل ............. ألخ ) ... يحطم معنويات الي يبي يوهم الناس أن قحطان تركت نجد قبل نزول تركي بن حميد وأن بن حميد وجد أرض فضاء مايتسمعش فيها صريخ أبن يومين ههههههه ؟؟؟ لأني مستحيل أصدق أن زعيم قبلي بحجم بن قرملة بيقول شعر ...((خرابيط)) ؟؟؟ ... ألا أذا الأخ هداج القحطاني عنده كلام ثاني ؟؟؟؟؟

الخنفري

26-Aug-2003, 07:47 PM

الاخ هداج حياك والله ومرحبا وسهلا فيك
اما الموضوع اللي نحن ذكرناه فهو عن العويند
واذا تبي نتطرق الى موضوع قحطان وعتيبه
ونفتح صفحه ونتكلم من مصادر موثقه
هذا ودمت سالم

هداج

27-Aug-2003, 01:18 AM

الأخ عين العقل

الأخ الخنفري

سؤالي // الى اين تم أخراج قحطان ؟

فالخنفري يقول ان مطير أخرجة من نجد الى عنزه .

وقال ان قحطان أخرجة من نجد لاكن لم يوضح الى اين.

وانا من باب الفائده للجميع احب ان اعرف كيف ومتى والى اين تم اخراج قحطان

من نجد؟

الخنفري

27-Aug-2003, 03:29 PM

الاخ هداج
معروف ان ابن قرمله كان مسيطر على فقار نجد
ولكن بعد المعارك مع عتيبه
اصبح في جنوب نجد ( حصاة قحطان _ صبحا_الخ)

ابن عاصم

27-Aug-2003, 11:52 PM

الاخ هداج

ياهلا ومرحبا

ثانيا لاجابتك

لا شك ان عتابه اجلت قحطان والمعارك كلها كانت لاستحلال وادي الرشا الذي هو مطمع القبائل وسبب معارك عتابه لاحقا مع مطير وقحطان وحرب فكل هذه الحروب من اجل السيطره علي هذا الوادي الذي هو بطن نجد والشواهد كثير علي اجلاء قحطان من تلك المناطق وعلي سبيل المثال قصيدة شويمان اباالجلادا التي منها :

خلوه من بعد القسا بني مضيم ××× راحت شرايدهم بصبحا والحصاه

وايضا قصيدة محمد بن هادي عندما خرج من نجد ولا يعلم علي من سوف يغزو بعد اجلاءه من نجد :

يا الله بيوم يثور عسامه ××× اما علي المطران ولا علي يام

وهذه بعض الشواهد

ابو فراس

28-Aug-2003, 01:17 AM

نعم عتيبه اجلت قحطان من نجد او باالاصح منطقة وسط نجد المنطقه الحيويه والاستراتيجيه في ذلك الزمان ان صح التعبير

واضافه لما قال ابن عاصم استشهد ببيت من ماقال ابا الجلادا

وادي الرشا ماهوب لاحدٍ من قديم 0000 ياكود من ساق الجمل ثم احتماه
خلوه من بعد القسا بني مضيـــــــم 0000 راحت شرايدهم بصبحا والحصاه
وعنه الدويش منزحينه للقصيـــــم0000 واليوم حربي نافخٍ ذربـــــــــه يباه

وسؤال الاخ هداج

اجابته في مكان تواجد القبائل الان والهجر التابعه لكل قبيله ....

هداج

28-Aug-2003, 01:28 AM

الأخ الخنفري

انت في موضوعك قلت ان قحطان اخرجت من نجد
والآن تقول اصبحو في جنوب نجد

أخي الخنفري قحطان لم يخرجو من نجد كما اخرج مطير فالفرق شاسع ولا يوجد مقارنه قحطان في نجد لم يتركوها ويتحركون من اعلاها الى اسفلها
وديار قحطان موجوده من ذاك الزمان الى هذا الزمان لم تتغير .

تقبل شكري وتقديري.

هداج

28-Aug-2003, 01:42 AM

عين العقل

28-Aug-2003, 01:44 AM

هلا هداج ...
مافي فرق طال عمرك ... من الأعلى الي الأسفل ... أوالعكس ...
المقصد أن عتيبة نزحت قحطان عن هضبة نجد ... وكون ديار
قحطان لم تتغير من ذلك الوقت الى الأن فهذا كلام ... غير صحيح
طال عمرك ... والأبيات التي تكفي ... وان تبي زيادة زدناك طال عمرك

هداج

28-Aug-2003, 01:48 AM

الأخ ابو فراس

من يوم تنزل مع (( القديّه)) لين توصل الحصي الهجر اللي على الطريق من هي له؟

الأجابه اتركها لكل مسافر على طريق الحجاز؟

أخوكم /// هداج

عين العقل

28-Aug-2003, 02:05 AM

والله مدري باهداج ....

بس يازين النوم ... مع راحة البال ... طرحنا سلطان السلاطين يارفيقي ... وفي الصباح الباكر نطب الميدان ...ههههههه ... بس ياليتك تفتح لنقاشنا موضوع منفصل عن معركة العويند ... يعني موضوع جديد بعنوان جديد .... لان مداخلاتك شيقة وأنا شخصيا أود مناقشتك في هذا الموضوع .. (( man to man )) ...( لحاجة في نفس يعقوب) ....؟؟

هداج

28-Aug-2003, 03:57 AM

الأخ عين العقل

الماء من عندك يامايح حط الموضوع اللي تبي وانا في الخدمه.

تصبح على خير.

ابو فراس

28-Aug-2003, 04:06 AM

الاخ / هداج

انت قلت وبالنسبه للبيت اللذي ذكرته هذا من قصيده ارسلها ابن قرمله الى ابن حثلين يتوعده فيها بعد خلاف بين القبيلتين وليس له اي علاقه بموضوعنا .

وودي اصحح لك المعلومة طال عمرك .. لاننا نعرف تاريخنا ولدينا معلومات جيده عن تاريخ الاخرين .. القصيده رد من ابن هادي على قصيده للشيخ شافي بن شبعان شيخ الهواجر التي مطلعها
ياراكب حمراً بلونه سحامه 0000 ترعى الزهر لين الشحم فوقها زام
ولاهيب مرسله لركان .......

اما بالنسبه لموضوعنا :ــ

اقول لانزلت مع القديه لاتروح يسار الله يهديك امش مع وسط نجد وراجع الخارطه وين وسط نجد ؟

اخوي هداج ابن هادي رحمه الله وغيره يطمعون في وادي الرشا كما قال ابن عاصم لانه الهدف المنشود لكل قبيله لما فيه من مزايا ذلك الوقت

ودي اقصر النقاش وودي انك تقتنع لان هذي ارزاق يقسمها الله

واعطيك اكبر دليل على ان ابن هادي وقحطان كانوا في وادي الرشا وسط نجد وجلتهم عتيبه يقول ابن هادي يخاطب ابن شبعان

يامن يخبر شافيٍ نجد ممـــطور 0000 وادي الرشـــــــا مايخذ الا ملاله
قل ايتنصى منزله قاعة الضور 0000 ينصى غدير الشظو يوم امتلا له

هذا كلام ابن هادي عن وادي الرشا ... والان وادي الرشا لمن ؟؟؟

هاه ياهداج وش رايك ....

تقبل تحياتي

عين العقل

28-Aug-2003, 06:02 AM

هلا هداج ....غيرنا التوقيع (( من شان عيونك )) .........
والأبيات للأمير العظيم ... تركي بن حميد ... رحمه الله

صعب المنال

28-Aug-2003, 02:57 PM

الاخ هداج
مساك الله بالخير

تقول
من يوم تنزل مع (( القديّه)) لين توصل الحصي الهجر اللي على الطريق من هي له؟

الأجابه اتركها لكل مسافر على طريق الحجاز؟

واقول لك انا من المسافرين على طريق الحجاز ، وهذا مرايت

المزاحمية ديرة اخلاط من الحضر
الغطغط هجرة المقطة
الجله ، هجرة استحدثت بعد مرور خط الحجاز عليها ، واهلها قحاطين واميرها عتيبي
القويعية هجرة بني زيد

وبعدها مابين الاد عاصم والاد مشيب من عتيبه

تحياتي

هداج

28-Aug-2003, 03:16 PM

الأخ ابو فراس

الأبيات اللتي ذكرت مالها اي علاقه بموضوعنا

وشكرا

هداج

28-Aug-2003, 03:21 PM

الأخ عين العقل

تركي ابن حميد الله يرحمه ويرحم اموات المسلمين

تقبل شكري وتقديري .

ابو فراس

28-Aug-2003, 07:15 PM

اخوي / هداج

جبت لك دليل من كلام ابن هادي عن وادي الرشا .. وتقول ماله علاقه بموضوعنا ؟؟ ماادري ان كان الموضوع تغير؟؟

وبعدين ودي اعرف وش هو تعريفك لوسط نجد ؟؟ منطقة النزاعات القبليه السابقه

اخوي قصيدة ابن هادي دليل على وجوده في وسط نجد قبل رحيله منها

امل ان تقتنع لاننا ماجبنا شي من عندنا

هداج

29-Aug-2003, 05:36 PM

الأخ ابو فراس

ارسل ابن شافي الهواجر الى ابن هادي يريد منه الفزعه على العجمان

ومن قصيدة ابن شافي البت اللذي ذكرت :

ياراكب حمراً بلونه سحامه 0000 ترعى الزهر لين الشحم فوقها زام

فرد عليه ابن هادي قصيدته المشهوره:

والله ياذا البهم ان يباري الجهامه 0000 ويمسي مابين صفوى والأوجام
لي لابة حدرتهم من تهامه 00000 وسلاحهم صنع الفرنجي والأروام

ورد العجمي بالقصيده المعروفه اللتي منها :

أهديت لك نور السلف والجهامه 0000 ابيها ذخر في مقاديم الأيام
غديت انا وياك مثل النعامه 000000 جاها بلاها من ثقيلات الأقدام
كانك تبي للجحادر سلامه 00000 لاتحدر بالجحادر على يام

وهذه قصت البيت اللذي انت ذكرته وتقول ان مناسبته ان ابن هادي قاله عندما خرج من نجد ولايدري الى اين يذهب ارجو ان تكون عرفت حكاية البيت .

تقبل تحياتي

ابن عاصم

30-Aug-2003, 10:49 PM

الاخ هداج

سؤالين لك اخي الكريم

قبل نزول عتابه لنجد اين كانت منازل قحطان ؟

وبعد نزول عتابه لنجد اين اصبحت منازل قحطان وما السبب ؟ ام انهم مازالو في منازلهم بعد نزول عتابه لنجد ؟

ولك تحياتي

ابو فراس

31-Aug-2003, 01:13 AM

الأخ ابن عاصم
هناك فرق بين أجلاء قحطان من نجد وبين اجلاء قحطان من وادي الرشا
فاجلاء قحطان من نجد كما ذكر كاتب الموضوع غير دقيق .
وبالنسبه للبيت اللذي ذكرته هذا من قصيده ارسلها ابن قرمله الى ابن حثلين يتوعده فيها بعد خلاف بين القبيلتين وليس له اي علاقه بموضوعنا (هداج)

الاخ / هداج
انت قلت وبالنسبه للبيت اللذي ذكرته هذا من قصيده ارسلها ابن قرمله الى ابن حثلين يتوعده فيها بعد خلاف بين القبيلتين وليس له اي علاقه بموضوعنا .
وودي اصحح لك المعلومة طال عمرك .. لاننا نعرف تاريخنا ولدينا معلومات جيده عن تاريخ الاخرين .. القصيده رد من ابن هادي على قصيده للشيخ شافي بن شبعان شيخ الهواجر التي مطلعها
ياراكب حمراً بلونه سحامه 0000 ترعى الزهر لين الشحم فوقها زام
ولاهيب مرسله لركان .......
اما بالنسبه لموضوعنا :ــ
اقول لانزلت مع القديه لاتروح يسار الله يهديك امش مع وسط نجد وراجع الخارطه وين وسط نجد ؟
اخوي هداج ابن هادي رحمه الله وغيره يطمعون في وادي الرشا كما قال ابن عاصم لانه الهدف المنشود لكل قبيله لما فيه من مزايا ذلك الوقت
ودي اقصر النقاش وودي انك تقتنع لان هذي ارزاق يقسمها الله
واعطيك اكبر دليل على ان ابن هادي وقحطان كانوا في وادي الرشا وسط نجد وجلتهم عتيبه يقول ابن هادي يخاطب ابن شبعان
يامن يخبر شافيٍ نجد ممـــطور 0000 وادي الرشـــــــا مايخذ الا ملاله
قل ايتنصى منزله قاعة الضور 0000 ينصى غدير الشظو يوم امتلا له
هذا كلام ابن هادي عن وادي الرشا ... والان وادي الرشا لمن ؟؟؟
هاه ياهداج وش رايك .... (ابو فراس )

الأخ ابو فراس
الأبيات اللتي ذكرت مالها اي علاقه بموضوعنا
وشكرا ( هداج

اخوي / هداج
جبت لك دليل من كلام ابن هادي عن وادي الرشا .. وتقول ماله علاقه بموضوعنا ؟؟ ماادري ان كان الموضوع تغير؟؟
وبعدين ودي اعرف وش هو تعريفك لوسط نجد ؟؟ منطقة النزاعات القبليه السابقه
اخوي قصيدة ابن هادي دليل على وجوده في وسط نجد قبل رحيله منها
امل ان تقتنع لاننا ماجبنا شي من عندنا (ابو فراس )

الأخ ابو فراس
ارسل ابن شافي الهواجر الى ابن هادي يريد منه الفزعه على العجمان
ومن قصيدة ابن شافي البت اللذي ذكرت :
ياراكب حمراً بلونه سحامه 0000 ترعى الزهر لين الشحم فوقها زام
فرد عليه ابن هادي قصيدته المشهوره:
والله ياذا البهم ان يباري الجهامه 0000 ويمسي مابين صفوى والأوجام
لي لابة حدرتهم من تهامه 00000 وسلاحهم صنع الفرنجي والأروام
ورد العجمي بالقصيده المعروفه اللتي منها :
أهديت لك نور السلف والجهامه 0000 ابيها ذخر في مقاديم الأيام
غديت انا وياك مثل النعامه 000000 جاها بلاها من ثقيلات الأقدام
كانك تبي للجحادر سلامه 00000 لاتحدر بالجحادر على يام
وهذه قصت البيت اللذي انت ذكرته وتقول ان مناسبته ان ابن هادي قاله عندما خرج من نجد ولايدري الى اين يذهب ارجو ان تكون عرفت حكاية البيت (هداج)

ياهداج ياهداج ::: الظاهر انك تكتب ولاتدري وش كتبت وانا نقلت لك ردودك وردودي علشان تشوفها لاني والله ماادي وش اقول !!!!!!!!!!!!

هالحين من اللي صحح بيت ابن هادي اللي مرسله للهاجري ؟؟؟
انت في ردك تقول انه مرسله لركان وقولك قدام عيونك الان !!!!!!

انا قلت لك دليل ان ابن هادي كان في وادي الرشا قوله
يامن يخبر شافيٍ نجد ممـــطور 0000 وادي الرشـــــــا مايخذ الا ملاله
قل ايتنصى منزله قاعة الضور 0000 ينصى غدير الشظو يوم امتلا له
واتحدى ان تنفي هذا ........................
والحقيقه اننا كل ماقلنا شي تقول ماله دخل في موضوعنا !!!!!!!!!
وبعدين وين مكان قحطان في نجد اللي تقول ؟؟ على الاطراف ممكن

تحياتي اخوي

هداج

31-Aug-2003, 01:03 PM

الأخ ابن عاصم

نجد طويله عريضه ومن الصعب ان تحكمها قبيله واحده لاكن قبيلة قحطان تحدت كل الصعاب وحكمة نجد لفتره طويله وهذا ماعجزت عنه جميع القبائل.

تقبل تحياتي

هداج

31-Aug-2003, 01:05 PM

الأخ ابو فراس

اهم شي انك عرفت مناسبت بيت ابن شافي .

تقبل تحياتي

ابن عاصم

31-Aug-2003, 04:16 PM

الا خ هــــداج

انا ما سألتك وش كبر نجد ووش طوله من عرضه لاننا ابخص بديارنا طال عمرك .

السؤال وين كانت منازل قحطان ووين صارت وما السبب .

اذا كانت معرفتك عن نجد فقط بانها طويله وعريضه ولا تعرف ديار قبيلتك قحطان قبل وبعد حكم عتابه لنجد .

فا الله يهديك لا تناقش عن اشياء ليس لك بها درايه ام انك لا تريد الاجبه علي السؤال لانه سيجبرك علي قول (((((وبعد نزول عتابه لنجد اصبحت منازل قحطان في .... بعد ان كانت في .... ))) ...

واخيرا

لك تحياتي

ابو فراس

31-Aug-2003, 10:02 PM

ماعليش ياهداج حنا اللي غلطانين !!!!!!!!!!!!!!

بس قلي وش رايك في بيت ابن هادي

يامن يخبر شافيٍ نجد ممـــطور 0000 وادي الرشـــــــا مايخذ الا ملاله
قل ايتنصى منزله قاعة الضور 0000 ينصى غدير الشظو يوم امتلا له

تحياتي

مانع القحطاني

01-Sep-2003, 06:18 AM

الاخوة //عين العقل//ابن عاصم//ابو فراس/// ولايهونون الباقين
السلام عليكم
طال الجدال وتغير مساره من معركة العويند لموضوع اخر اكبر من العويند
اخواني
ان قلتوا ان عتيبة شاركة(خاشرت)قحطان في نجد بالقوة قلنا كلامكم صحيح
وان قلتوا انهم اجلوا قحطان منها فهذي كلمة جهل لايرد عليها لان الواقع خلاف ذلك ونجد فيه غير قحطان وعتيبة قبائل ثانية.
والمفاهيم اللي في روسكم غير اللي انتوا متصورينه عن الماضي
المقصود في نجد وحكمه حاجتين لاثالث لهما
الاولى العدود المعروفه لقبيلة معينه تقطن عليها في الصيف وهذي ماحصلت لاحد
ياخذها من قحطان واقصد عدودهم واعيد واكررها
الثاني هو الحيا(الربيع) وهو الذي يحصل عليه النزاع والقتال فحيث طاح الحيا في جهة ما من نجد حماه ابن هادي ولا رعاه احد الا بعد سوق الهدايا فيحدد للقبيلة التي اتت بالهدو جهة رعيها
وهذا الامر الاخير هو اللي سبب نزول بعض قبايل عتيبة من الحجاز عندما اضطرهم القحط ورفض ابن هادي لقبول طلب رعيهم ومن ثم اشتعال فتيل الحرب
بين القبيلتين حتى استقرت عتيبة في اماكنها الحالية .
اخواني
ارجوا ان يكون الكلام عن مسالة حكم نجد واضح
يتبع

مانع القحطاني

01-Sep-2003, 06:36 AM

الاخ //ابن عاصم
استدلالك ببيت ابن هادي اللي يرد به على بيت ابن شبعان ياخي في غير محله
هداك الله والمشكله انك عارف القصيدة ومناسبتها
انا اقدر اخذ اي بيت من شعر عتيبة مقتطع واستشهد به على موضوع معين انت تكتب وللناس اعين وقلوب وانا اخوك وانت مؤتمن على ماتكتبه .
وعتيبه عندها من الامجاد مايغني عن تلفيق ورصف الكلام لها اظن قصدي واضح
الاخ //عين العقل
اذا قلنا ان عتيبة اجلت قحطان عن نجد
وقحطان هي اللي اجلت مطير
ومطير هي اللي اجلت عنزه
وعنزه هي اللي اجلت بني لام قحطان
وبني لام هي اللي اجلت ؟؟؟؟؟؟؟؟؟؟؟؟؟
سلسلة طويلة وندخل في دوامة ترجع لغير صالح من يقع فيها لان القبائل لها حركة دائمة وخصوصا داخل نجد بسبب المراعي وباسباب سياسية كثيرة يعرفها من يتطرق للتاريخ.
التعميم دائما غلط فكل القبائل المذكورة اعلاه لم تجلي من قبلها تماما وانما اجلتها عن المراعي الخصبة والرعي بدون اذن وسماح.
بالمناسبة تدرون من اجلت بني لام
لقد اجلت قبيلة كبيرة هي هــــــــــــوازن والمياه في عالية نجد وحدود نجد مع الحجاز كانت لبني كلاب من بني عامر بن صعصعة هوازن
الم اقل لكم انها دوامة والتاريخ عجيب يعيد نفسه

ابن عاصم

01-Sep-2003, 07:11 AM

الاخ مانع القحطاني

حياك الله ويا هلا وغلا

اخي الكريم انت تناوشت المفاهيم اللي بروسنا وخليت مفاهيم هداج

اخوي العزيز

حنا نقول ان عتابه اجلت قحطان عن وادي الرشا اللي هو ثمرة نجد هل في كلامي غلط
حنا ماتكلمنا في عدود واذا عن نجد فاليوم القصيم والصمان صارت من نجد .

اخي الكريم وبما انك ملم ارجو ان تجاوبني علي نفس الاسئله اللي سئلتها هداج :

قبل نزول عتابه لنجد اين كانت منازل قحطان ؟

وبعد نزول عتابه لنجد اين اصبحت منازل قحطان وما السبب ؟ ام انهم مازالو في منازلهم بعد نزول عتابه لنجد ؟

اتمني ان لا ارى اجابه مثل اجابه هداج ((( نجد طويله وعريضه ))

اخي العزيز مناسبة البيتين بعد تعقيبك علي ردي هذا اجاوبك وبعدين تراك مسموح نسبة شي الي ماهو الي وهو التلفيق وانا ابعد ما يكون عن التلفيق فلدينا مايغنينا مثل ماقلت .

تحياتي

عين العقل

01-Sep-2003, 11:06 AM

الأخ مانع .........

قبائل بني لام لم تجلي هوازن عن نجد .... بنولام نزلوا نجد بعد ((هجرة)) الهلاليين الشهيرة من العالية ووسط نجد ... وأزيدك من الشعر بيت أن بنولام تشتتوا كقبيلة بعد معاركهم الشهيرة مع عتيبة في أوضاخ في حدود عام 980 هج ... يعني مالحد فعل عند عتيبة لا بني لام ولاقحطان ولاغيرهم ... المهم أن نجد و كحدود أدراية لدي شكوك أن كانت حكمتها قبيلة يوم ما ... ولكن هنالك نجد المراعي والهضبة ومنطقة النزاعات القبلية المشهورة ويطلق عليها نجد المسماة ... ( نجد الي عليها العلم ) .. وذكرها مخلد القثامي في قصيدته المشهورة ووضح حدودها المشهورة والمعروفة وهي الديار التي نزلتها عتيبة في ثورة النزاعات القبلية عليها وخذتها غصب ماهوبطيب ... يقول مخلد القثامي في قصيدته المشهورة ( برواية الباحث الكبير : سعدون الهرس ) ...

حنا عتيبه كم حريب لطمناه
.........................دقلاتنا مثل الخيال الرزيني
(( علونا في الحجز واقصى قراياه ))
.......................(( وشرقينا يم الحسا مردفيني ))
(( وجنوبنا وادي الدواسر رعيناه ))
........................(( وشمالنا يم المدينه يميني ))
حنا ترى (( نجد المسمى )) ملكناه
.......................وخابت حظوظ ملوكه الاوليني
وادي الرشا (( غصب )) على الناس نرعاه
......................(( بشلف رهاف ويقطعن الوتيني ))
تمرجحي في حمضته واشربي ماه
........................وتبرهجي يا مقرعات الحنيني
(( وكم بيت شيخ في نحانا هدمناه))
.....................وامسوا مساييره من الخايبيني
(( وكم راس شيخ عن متونه نطلناه))
....................وراحت تسير به كلاب القطيني
والفصل جا فاربع سنين مسماه
...................من عقبها سموى القبايل طنيني
منها النهار اللي على الضال واقصاه
........................من عجه الضلعان عيت تبيني
ومنها نهار فوق دلعه عبيناه
...................مع ايسر الهضبه عساها سنيني
ولد الدويشي فا لعويند كسرناه
........................يوم عليه ايشيب المرضعيني
وعلى طلال الدم الاشقر نثرناه
....................يومنهم جونا الضحى سارحيني

والقصيدة .. شافيه .. وافيه ... جامعة.. مانعة ... الا أذا ودك بالجدل ... فالأمرلله من قبل ومن بعد ... !!!!

هداج

01-Sep-2003, 02:42 PM

علونا في الحجز واقصى قراياه ))
.......................(( وشرقينا يم الحسا مردفيني ))
(( وجنوبنا وادي الدواسر رعيناه ))
........................(( وشمالنا يم المدينه يميني ))
حنا ترى (( نجد المسمى )) ملكناه
.......................وخابت حظوظ ملوكه الاوليني

الأخ عين العقل شرقيكم وصل الحسا وجنوبيكم وصل وادي الدواسر وملكتو نجد ماقول الا آمنت بالله.

هدااااج:D

مانع القحطاني

01-Sep-2003, 03:32 PM

اخوي / عين القل
اللهم اجعل له من اسمه نصيبا عظيما
في سنة980 هـ ذكر مناخ واحد بين الدواسر وقحطان في جهة وال مغيرة معهم ال كثير وسبيع والسهول في جهة.
واذا فرضنا جدلا وقوع هذه المعركة هل معركة واحدة تشتت بني لام القبيلة الكبيرة ثم ماذا اتى بعتيبة الى اوضاخ غزو ولا ديرة لهم ؟؟؟؟؟؟؟
وبعدين نعم الاستدلال ياخوي تبي القثامي يسب ربعه ولا يمدح خصماه عجيب
ولا كلامه قران منزل نسلم بحقيقته والامر الاخر ان الكلام عام هداك الله
ياخي حنا في وادي وانت في وادي اركد وركز وتراني من اليوم باستشهد بقصايد قحطان على افعالها مادام الدعوى كذا
وبعدين قلي وين حدود نجد المسماه
اللي عليها العلم
ومن حددها وفي اي كتاب من الاولين او الاخرين نجدك هذي اللي تدعيها
ياخي اترك المزايدة التي لانفع فيها وقل مايصح نقر لك به
وتراك واهم بالنسبه للهلاليين وانا اخوك ترى ماجالهم دور يذكر في الجزيرة
الا اذا كنت تصدق بالاساطير ولا ليش هاجروا منها
احترامي وتقديري

مانع القحطاني

01-Sep-2003, 03:46 PM

الاخ / ابن عاصم
السلام عليك

جزاك الله خير
بالنسبة يااخي لمفاهيم هداج فهذا شي راجع له وان شاء الله انه يبحث عن الحقيقة ويتبناها
وفي المقابل انظر الى ابن اخيك عين العقل اللي يحاج بصكوك مهمشة في محكمته الخاصة ارجوا تنبيهه اليها
اما بالنسبة لتحديدك لنجد بانه وادي الرشاء
فمن اين اتيت بهذا التحديد هاك الله
راجع صفة جزيرة العرب للهمداني
المنازل والديار لبن منقذ
وصحيحالاخبار لبن بليهد
وجميع المعاجم الجغرافية
تجد ان نجد حدوده كبيره ولم تدخل الصمان والقصيم فيه اليوم او امس
اظن ان كلامي واضح
وبالنسبة لمنازل قحطان ياعزيزي
فاقول وبملئ فمي قحطان من بني نقال عموده كسائر قبائل نجد يعني ليس لهم حاضرة وانت فاهمني بدو يعني زيكم
لكن ان قلت وين مراعيها وهل اختلفت فاقول
نعم بعض من مراعيها كانت في ديار عتيبة واستولت عليها عتيبة بالقوة
بعد ان قربت دماء كثير من شيوخها وفرسانها ورجالها وحلالها من اجل ذلك
وهذا هو الجواب الذي تريد وتبحث عنه
وتقبل تحياتي

عين العقل

01-Sep-2003, 06:59 PM

الأخ هداج :

http://www.otaibah.net/m/showthread.php?s=&threadid=6007

أعتقد أن الشاعرالكبير مخلد القثامي لم يبالغ في وصفه لمنازل عتيبة وحدود ديارها ..
( لاحظ موقع قحطان ) ........... !!!!
الأخ مانع :

بالنسبة للهلاليين ... فهذا الرابط عن سيرتهم قدمه الأخ الفاضل هنيدس الروقي
والموضوع مدلل بما فيه الكفاية ... وأذا كانت قبائل بني لام أجلت بني هلال عن نجد والعالية ... فأنت مطالب بمصدر يدلل على ماتقول ... !!

http://www.otaibah.net/m/showthread.php?s=&threadid=5935

وبخصوص معركة أوضاخ فعلى مايبدو أنك لم تقراء عن المعركة وماقيل فيها من قصائد ( راجع امتاع السامر ) وعندها لن تفترض (جدلا) حدوث معركة أوضاخ الشهيرة ...........!!!

ولله الأمر من قبل من بعد .......

عين العقل

01-Sep-2003, 07:22 PM

بالمناسبة الخريطة .... ( خريطة القبائل) ... معتمدة وقدمها طالب دراسات عليا ( أن لم تخني الذاكرة ) ومنازل عتيبة في قصيدة مخلد القثامي شديدة التطابق مع ماهو واضح في الخريطة ... فعين العقل مايستشهد بشي من محكمة الخاصة ... لاصكوك ولاغيره ههههههههه

ابن عاصم

01-Sep-2003, 11:07 PM

هلا بك اخي مانع القحطاني

وبما انك تقتنع بابن بليهد جغرافياولا تقتنع بما نقول فانظر ماذا يقول عن مواقع قحطانالذي يوافق ماجاء في الخريطه المعطاه وباختصار:

وكان سبب هزيمة ابن هادي ورده الي حدوده التي خرج منها في جهة الجنوب في بيت واحد من قصيده نبطيه لتركي بن حخميد وهي طويله يخاطب فيها ابن هادي حين تغير عليهم وعزم علي ان لايفي بما بينه وبينهم وهو ان يؤدي ابن حميد ما تأخذه عتابه ويؤدي ابن هادي ما تأخذه قحطان ولكن ابن هادي لم يؤد ما اخذه القحطانيون , فقال تركي قصيده منها هذا البيت الذي ذكر فيه خفر الذمه :

اديت انا اربع قحص خامسهن التوم ×××× وقعود زبن زبن اللي بغا ما حصله

انتهي

فقد ذكرت اخي العزيز انت في مكان اخر انا عتابه ادت اربع خيول لاجل قعود وهذا ينم عن عدم المام بما حصل في تلك الحقبه الزمنيه ولكن اتمني ان يكون ما كتب اوجز .

فالشيخ تركي ادي اربع خيول قد اخذتها عتابه وقحطان لم ترد قعود زبن الذي اخذته قحطان فجائت الطامه .

لك تحياتي وللجميع هنا

مانع القحطاني

02-Sep-2003, 02:28 AM

الاخ /عين العقل
شكلنا بنجلس في حلقه مفرغه
والحديث ذو شجون
ماانت راضي تفهمني وانت حر

ومقولة اجلاء بني لام لبني هلال هذه اتت من قبلكم
واما امتاع السامر فلا يعتمد عليه احد يبحث عن الحقيقة وتعلم انه مليء بامور كثيره غثه كما ان مؤلفه مجهول غير معروف
والظاهري من اكثر المهاجمين لامتاع السامر والظاهري حجة عندكم

ابن عاصم
والله اني ملم بالكثير والكثير جدا
ولكن ابغا اشوف وش هي نهاية هذا النقاش وتاليته

المهم
الخيول الاربع والحصان التوم الخامس هذي لقبيلة عتيبة الله يصلحك عطوها ابن هادي بدل الفرس اللي راحت يم العتبان ولا عينوها وهم نازلين بالهدو على ابن هادي

واما قعود زبن فقد رفض ابن هادي ارجاعه لين ترجع الفرس والتي لم يجدها العتبان واتوا بالخيول المذكورة والحصان معها.
ولا تدلس الاخبار وتاخذ منها ماتريد وتخلي مالا تريد
وانت المشرف على المشاركات والحياد فيك مطلوب الا بالحق

وبعدين اشوف انكم ياخوان اهل جدل ومراء تدورون حول نقطة معينه وكان الدين يدور عليها وكانها من لوازم الشريعة
ماهكذا يدار الحوار ياسعادة المشرف

مانع القحطاني

02-Sep-2003, 05:33 AM

الاخ عين العقل
السلام
الحين عرفت وانا اخوك انك معسر
لانك تنقل من الهامش ومن اي هامش هامش امتاع السامر
الهامش شروح لاتقدم ولا توخر وانا اخوك وبعدين اتركها فيها ذكر لبداية تكون عتيبة من احلافها وتشكلها وانت على كيفك
ياخي هذا الكتاب ليس بحجه كما ذكرت سابقا
مع العلم بان اكثر المستفيدين منه قحطان لو بنعزي اي معلومه
لكن مالنا حاجه في الركيك من العلوم

بعدين يالربع
ماهيب حمايا وتعصبا هي حقائق موجودة فمرحبا ماهيب موجودة فالدنيا على حالها ولن يتغير من حكم الله شيئا

وترانا دخلنا في اشياء عقيمة لاطائل منها وكان من الاجدى ان نركز على المعلومات الطيبة التي يندر وجودها وتفيد الناس

عين العقل

02-Sep-2003, 09:54 AM

الأخ مناع القحطاني ... المعركة لم ترد فقط عند صاحب أمتاع السامر ... راجع ماكتبه العصامي في كتابه سمط النجوم العوالي للعصامي .. 4/368 ... تجد المعركة مذكورة ومدللة بماقيل فيها من قصائد ...والا ذا بعد مصدر لايعتد به ... !!!!!!!!!!
بعدين جميع المراجع التي ذكرناها لك ... أعتبرتها مراجع لايعتد بها ... فلايعقل أخي الفاضل أنت تكتب ... بدون أن تدلل على كلامك بشيء موثق ... بينما تصف جميع المراجع بأنها ...مراجع لايعتد بها ... هذا هو العسر ياصديقي هههههههه

ابن عاصم

03-Sep-2003, 02:04 AM

اشهدوا ياعتيبة وخلطكم من القبايل في هذا المنتدى الطيب
عز الله انها نكبة طيبة قعود اجرب يجينا فيه اربع من الخيل وحصان اصيل

هذا ما كتبته عزيزي مانع القحطاني انت

ولان تقول ان الاربع خيول جاءت لاجل حصان لقحطان اخذته عتابه .

لانعلم ماذا سوف تقول بعد يوم بمانسبة هذه الخيول الاربع والحصان .

بمعجمك اخي العزيز مانع القحطاني يسمى تدليس وجدل ومراء اما بمعجم قبيلة عتابه نسميه ضيفنا غلط ويجب ان نصحح له .

وغير ماتقدم الكثير من الاغلاط التي وقع فيها ضيفنا وتم تصحيحها ولم نقول انت تدلس او انت صاحب جدل ومراء مع العلم انه اعترف وهذا من شيم الرجال اننا علي صواب وما كنا نتحدث فيه هو الصواب وهو الذي جاء بالمعلومات المغلوطه مع ابن عمه هداج ولم نقول انت صاحب جدل ومراء او انك تدلس .

وهنا يكمن الفرق .

اخي الكريم دع ما قاله ابن بليهد عن الخيول ولكن ما هو ردك علي كلامه ان عتابه ارجعت قحطان الي حدودها التي خرجت منها جنوبا .

مانع القحطاني

03-Sep-2003, 03:32 AM

الاخ ابن عاصم
اسمح لي انقل من المشاركات السابقة لان النسيان عندك زاد شوي ولا كبرت في السن او ماقريتها اصلا

ابن عاصم/ تقول في احدى مشاركاتك
وايضا قصيدة محمد بن هادي عندما خرج من نجد ولا يعلم علي من سوف يغزو بعد اجلاءه من نجد :

يا الله بيوم يثور عسامه ××× اما علي المطران ولا علي يام

الاخ //ابن عاصم
استدلالك ببيت ابن هادي اللي يرد به على بيت ابن شبعان ياخي في غير محله
هداك الله والمشكله انك عارف القصيدة ومناسبتها
انا اقدر اخذ اي بيت من شعر عتيبة مقتطع واستشهد به على موضوع معين انت تكتب وللناس اعين وقلوب وانا اخوك وانت مؤتمن على ماتكتبه .
وعتيبه عندها من الامجاد مايغني عن تلفيق ورصف الكلام لها اظن قصدي واضح

هلا بك اخي مانع القحطاني

وبما انك تقتنع بابن بليهد جغرافياولا تقتنع بما نقول فانظر ماذا يقول عن مواقع قحطانالذي يوافق ماجاء في الخريطه المعطاه وباختصار:

وكان سبب هزيمة ابن هادي ورده الي حدوده التي خرج منها في جهة الجنوب في بيت واحد من قصيده نبطيه لتركي بن حخميد وهي طويله يخاطب فيها ابن هادي حين تغير عليهم وعزم علي ان لايفي بما بينه وبينهم وهو ان يؤدي ابن حميد ما تأخذه عتابه ويؤدي ابن هادي ما تأخذه قحطان ولكن ابن هادي لم يؤد ما اخذه القحطانيون , فقال تركي قصيده منها هذا البيت الذي ذكر فيه خفر الذمه :

اديت انا اربع قحص خامسهن التوم ×××× وقعود زبن زبن اللي بغا ما حصله

انتهي

فقد ذكرت اخي العزيز انت في مكان اخر انا عتابه ادت اربع خيول لاجل قعود وهذا ينم عن عدم المام بما حصل في تلك الحقبه الزمنيه ولكن اتمني ان يكون ما كتب اوجز .

فالشيخ تركي ادي اربع خيول قد اخذتها عتابه وقحطان لم ترد قعود زبن الذي اخذته قحطان فجائت الطامه .

لك تحياتي وللجميع هنا

ابن عاصم
والله اني ملم بالكثير والكثير جدا
ولكن ابغا اشوف وش هي نهاية هذا النقاش وتاليته

المهم
الخيول الاربع والحصان التوم الخامس هذي لقبيلة عتيبة الله يصلحك عطوها ابن هادي بدل الفرس اللي راحت يم العتبان ولا عينوها وهم نازلين بالهدو على ابن هادي

واما قعود زبن فقد رفض ابن هادي ارجاعه لين ترجع الفرس والتي لم يجدها العتبان واتوا بالخيول المذكورة والحصان معها.

مانع القحطاني

03-Sep-2003, 03:49 AM

الاخ / ابن عاصم
السلام عليك
هل رايت من يغير الكلام
ولا مافهمتني
المتابعة في المشاركة واجبه ليستحضر الانسان ذاكرته

تقول ابن هادي قال البيت يوم اجليتوه من نجد هذا كلامك والحين عرفت التدليس اللي اقصده ماعتقد انك راضي عن هذا التحريف

ومن جاب طاري الخيل انت واحد الاعضاء في مشاركة اخرى ذكر ان القعود هو سبب نكبتنا فرديت عليه بنفس الطريقة لانه معسر من السوالف والمعرفة

بالود انهاء هذه المواضيع وفتح المجال لاثراءات اكثر فائدة

وبعدين انا غلطت في تاريخ وفاة بديوي الوقداني وهذي بسيطة جل من لايسهو
الا اذا الرجوع عن الخطا منقصة تركناه
مع اني عارف ان بديوي عايش في الطايف لين مات رحمه ولا نزل مع عتيبة ولا حضر لها اي موقعه ويعتبر من حاضرة عتيبة
ولم اجد بيتينه التي ذكرت في اي ديوان له
حتى راوية اشعاره الراوية/ عبدالله بن عابد الوقداني لم يذكرها
لكن مقبوله من هل الهيلا
منوخة النعامة للبعير يضربها
وتقبل تحياتي
والسلام

ابن عاصم

03-Sep-2003, 04:15 AM

بيت ابن هادي اسف اخوي غلطت لكن الشرهه علي اللي رواها لي وهو عرجاني من ال العرجا من يام ولم يتطرق للقصيدة ابن شافي ولا وش دخل المطران بين العجمان وقحطان واذا تبغا اسم العرجاني وين يشتغل ابشر ارسله لك عبر الخاص .

وقال انه ابن هادي يو اجلوه عتابه عن نجد يبا يصبها علي ابن حثلين او علي مطير .

وجل من لا يخطئء اخي الكريم .

اما طاري القعود لم يذكر الا في بيت جابه بعيد المراميع ولم يجيب شي غير البيت وانت عقبت عليه كنك لاقيلك كنز عقبت علي البيت ولم يجيب احد طاري ان عتابه ادت او قحطان ادت واتمني بما انك تعرف النسخ واللصق انك تجيب ما قاله اخي بعيد المراميع وماقاله عن القعود غير البيت وجيتنا باسلوب اشهدو ياعتابه اشهدوا يالقبايل وانت تتخبط في ردودك تتغير من حين الي اخر .

خلنا من هذا كله واجب عن ما قاله ابن بلهيد ورجوع قحطان الي جهة الجنوب .

اما سالفة النعامه اللي نوخناها للبعير يالحبيب انا اعلمك بقصتها كانك تجهلها:

هذا طال عمرك اذكرو احد القحاطين جالب له نعامه ما ادري من وين هو فايدها واستنكروا عتابه النعامه وقاموا وصبو غاراتهم علي القحطاين كسبوها وفيما هم يطالعون قالو الا نبا نشوف نعامة القحاطين ليا اضربناها ببعير عتابه ويش يطلع نسل نعامتهم .

وهذي سالفتها طال عمرك .

مانع القحطاني

03-Sep-2003, 05:48 AM

الاخ / ابن عاصم

السلام عليك

الله يسامحك مانيب اتخبط

لكن السالفة صارت حيري ديري

تاخذ سوالفك من العرجاني من غير قصور فيه وتخلي المراجع التي ذكرت

القصيد والردود واسبابه بين ابن شبعان وابن هادي وابن حثلين.

لاتكيل الامور بمكيالين ياعصيمي مر تطلب المصادر ومر تجيب الروايات

وسالفة القعود معروفه من القصايد اللي بين الشيخين رحمهم الله
وتلقى تفصيلها في كتاب الاسعدي بن فهيد بالتفصيل

علاوة على شرحي السابق والمطابق لما رواه ابن فهيد

ومسالة رجوع قحطان الى جنوب نجد

فاعتقد اني اكلم عاقل وكررتها لك لكن تبي بس تعيد وتزيد

اذا مانت بقاري وش نكتب لاعاد تطلب منا شي رحمك الله

وبالنسبة لسالفة النعامة فانا اوردتها على سبيل الممازحة معك

وتلطيف الجو واشارة لما حصل بين الشيخين ابن هادي وابن حميد بخصوصها

لكن جبت المطمة سالفة مابعد سمعناها ولا نعرفها

ياخوي ابن حميد يقصد كبر قبيلة عتيبة واتساع اراضيها

وقارضه ابن هادي برده عليه من باب المساجله

وتجدها كذلك في كتاب ابن فهيد الاسعدي

وتقبل تحياتي

ابن عاصم

03-Sep-2003, 06:18 AM

الاخ مانع القحطاني يامرحبا بك مره اخري

اول شي انا ماطلبت منك ولا مصدر وبعدين تراك تولجتني ياصبي قحطان بشي ماقلته متي طلبت منك مصادر اذكر لي مره اني قلت يامانع وش مصدرك .

ثاني شي ياخي راجع انت المواضيع زين انا ما قد كتبت عن القعود شي الا ماكتبه ابن بليهد .

اما انت طال عمرك كتبت ان قعود اجرب جاكم فيه اربع من الخيل صح ولا لا

ثم قمت انا و جبت من كتاب ابن بليهد مستدل عن موقع قحطان وذكر ابن بليهد في عرض كلامه القعود والخيل .

ثم رديت انت قلت ان الاربع خيول جت لاجل حصان اخذته عتابه وتغيرت السالفه من ان الخيول جت عشان القعود الاجرب الي ان الخيول جت عشان حصان اخذته عتابه .

صح ولا لا

ثاني شي ياخوي انا من الناس اللي اخذ من الروايات لانها اصدق من الكتب لان الكتب ماتجيب ادق التفاصيل وفيها اشياء منافيه لما حصل وانت توافقني الراي في هذا الشي .

وبعدين شكرا علي توضيحك السالفه وان سالفة رفيقي فيها وفيها .

وبعدين السوالف انت اللي خليتها حيري ديري حنا نقول عتابه اجلت قحطان عن وادي الرشا اللي هو ثمرة نجد اللي كل القبايل خسرت عشانه امراء وفرسان والكثير الكثير من عتابه وقحطان ومطير وغيرهم اما باقي نجد ما هم احد العلم كله علي وادي الرشا .

اخيرا

مزحه بمزحه والقلوب اصحاح

مانع القحطاني

03-Sep-2003, 08:01 AM

ابن عاصم

السلام عليك

ماعادها حيري ديري

قدها تي تي تي تي مثل مارحتي جيتي

وسلامتك

وادي الرشا ===== عند ابن عاصم ==== نجد
اذا انه بيشبعك جعل فيه العافيه.

ان كان تطري الحزم والضيرين///هذا وخام مانبي مرعاه
ترى الوعد جر الشعيب الزين/////مابين صبحا والحصاه

والسلام

ابن عاصم

04-Sep-2003, 05:12 AM

يامانع يالبا قلبي

نجد معروف ومعروفه حدوده

لكن افهمني انا اقول نجد عند البدو من اول , نجد عند البدو من اول , نجد عند البدو من اول

ماهوب عندي

القحاطين يوم اخذو وادي الرشا قالو ان ابن هادي حامي نجد وحاكم نجد و و و ....الخ

وهذا ما تقولونه .

والرسول عليه الصلاة والسلام قال : ( من راى حضن فقد انجد ).

وحضن من عرفنا العلم وفيه البقوم ومن علي وقت ابن هادي .

فكيف تقولون ان ابن هادي حكم نجد كله .

لم يقال الكلام هذا الا يوم اخذوا وادي الرشا اللي هو اهم شي في نجد وغير وادي الرشا .

ويوم اخذوا العتبان وادي الرشا ونزل بهم تركي بن حميد قالو اخذت عتابه نجد .

وصلت المعلومه .

اما

ان كان تطري الحزم والضيرين///هذا وخام مانبي مرعاه
ترى الوعد جر الشعيب الزين/////مابين صبحا والحصاه

لا والله يبن الحلا ل حنا مانبا الا الوخام اللي ما تبونه ((اللي مايطول العنب يقول تف عليتس حامضه )) اللي اخذناه علي نقا وغيره مالنا فيه شف ومرام وخلني علي وادي الرشا وانت خلك علي حصاتك وصبحاك .

ولك تحياتي ياصبي قحطان

اخوك

ابن عاصم

عين العقل

04-Sep-2003, 05:58 AM

خلوه بعد السقا بني مضيم *** راحت شرايدهم لصبحا والحصاة
والحين طلعت سوالف
ترى الوعد جر الشعيب الزين *** مابين صبحا والحصاه
صدقت ياين عاصم ... ((اللي مايطول العنب يقول تف عليتس حامضه )) ...!!!!

ابن عاصم

04-Sep-2003, 06:17 AM

1يالربع نرجع للموضوع الاساسي

ابو صفره المذكور ترا اللي ذبحه اباالعلا وعلي ما اضن انه الشيخ مشعان ابا العلا .

وهذي برواية احد الشيابين من العبادل .

مانع القحطاني

04-Sep-2003, 07:14 AM

الاخ / ابن عاصم

السلام عليك

يقول حجة عتيبة // ابو عبد الرحمن الظاهري

الجزء الاول صفحة 123 ديوان الشعر العامي

والحديث هنا عن فراج بن طويق الحافي يقول ( ركبنا مع مصلط بن ربيعان - شيخ الروقة- في حوى كشب واتينا ابن هادي على ماء الشعراء ومعنا جيش وخيل وهدايا نطلب منه الجوار فقال لنا : انتم في وجهي ارعوا حيث شئتم الا جبل النير : من دخله فهو خارج عن الامان) انتهى كلامه

جبل النير وينه
وليش يرعونه و مخلين وادي الرشاء يومه هو نجد بس من دون غيره؟؟

يالربع خلوا المهايط اللي ماله لزوم

الجهة اللي يطيح الحيا فيها من نجد هي اللي يصير عليها الحما والنزاع؟؟؟

ووادي الرشاء وسيع ورغيب لكن ماهو افضل مراعي نجد وخصوصا للابل ياهل الابل اللي تعرفون مشاهيها

عين العقل

هذي ماهيب سوالف توها طالعه هذي قديمه ومسيسة وعساك تجر حبالها
عشان يجي للسوالف لذه

والعنب طلناه واكلناه وملينا عيابنا وخروجنا منه وخلينا تريته والسور

تحياتي للجميع

عين العقل

04-Sep-2003, 07:58 AM

مناع .....
الظاهري ماهو حجة عتيبة ... حجة عتيبة الهيلا مراجلها ... يوم ساقت ربعك بالسيف لين تزبنتوا الجنوب ... !!!!!! هذا الصحيح يارفيقي ... وبعدين نجد واسعة شاسعة ... بس من القبيلة التي ضربت بسطوتها على القطاع الأعظم من نجد ؟... الأجابة ((عتيبة)) ...الا أذا بتقول غير كذا ... فهذا هو المهايط ... وسلم لي على سراة عبيدة ... يمدحونها .. ويطرونها فعالية نجد ....!!!!!!! .... وعلى فكرة عتيبة خذت وادي الشعراء ..والرشا والنير ......الخ ... مشكلتك لاتاريخ مرضيك ولاجغرافيا تغنيك ...وش الحل معك ... ؟

عين العقل

04-Sep-2003, 08:01 AM

وبعدين أذا ودك يجي للسوالف ((لذة)) ... دونك يالقحطاني ... أكتب ونكتب ... وثق ونوثق ... وترى مايخفانا من علوم العرب شي ... وجر الحبل ...بس لايلتوي على عراقيبك .... وتبلش ....!!!!!!!!! هههههههههههه

ابن عاصم

06-Sep-2003, 11:56 PM

الله يرضا لي علاك

يامانع

ممكن تحدد لي الاماكن اللي سمح بها ابن هادي

وبعدين ياخوي النير كان اقرب لعتابه ليا بغو يرعون اقرب لهم من وادي الرشا ولهذا كان سبب خوف ابن هادي .

لكن السؤال الاهم هو ((واتمني انك تجاوبني عليه بصدق ))

هل ابن هادي ادخل عتابه في وجهه لعتابه ان ينزلون في وادي الرشا واخرجهم من وجهه في نزولهم النير ؟؟؟؟؟؟

ولكي تعرف اهمية وادي الرشا سوف اذكر لك بعض من المناويخ والمعارك العظام لعتابه ضد قبائل وليست قبيله والسبب هو وادي الرشا :

مناخ الجنيفا

مناخ عرجا

كون وادي الرشا

كون الحور

يامانع اذا كان حنا مهايطيه الله يهديك

وش تقول في ابن هادي يوم يقول :

ان كان رمحك باول الخيل ملحوم ××× فانا برمحي حامي نجد كله

وين راحو البقوم ووين راحو سبيع ووين راحوو الحروب ؟؟؟؟

حنا للاسف ما نعرف مشاهي الابل ممكن تعلمنا وينهي فيه ؟؟

وصدقني لذة السوالف في شوفة اسمك يا مانع القحطاني هذي تسد وان جاء سوالف انعم واكرم فانتم اهل لها اهل علم وطيب ..

والعنب طلناه واكلناه وملينا عيابنا وخروجنا منه وخلينا تريته والسور

جملتك هذي يامانع اسلوب رائع ومغاير وجديد في المهايط .

وبعدين الموضوع مجراه تغير مع مداخلتك انت

وعشان ننهي الموضوع فا بسألك

اين هي مواقع قبيلة قحطان النجديه بعد نزول قبيلة عتابه لنجد ؟؟

وسلامتك ياغالي

الكناني

27-Jul-2004, 01:24 PM

الخنفري معلومات في غاية الأهميه
بارك الله فيك

ظافر الجنيبي

28-Aug-2007, 01:15 PM

لاهنتم على النقل يالربع ...

ويعطيكم العافيه ... وفعلا يبي لنا نفرق بين العويند الاولى والثانية

وتقبلوا مروري

سعيفان الهيلا

12-Apr-2008, 07:06 PM

الخنفري جزاك الله خير على الموضوع

وبيض الله وجهك لكن عندي بعض الاضافات

اولا ما ذكرت قال القصيدة (يـا راكب اللي ما ترقـع رهـوقـه )
للشاعر فندي بن عزارم المقاطي

ياذيب عن جا ل العويند لا تغيب
من أشبعك ياذيب لا تنسى جزاه
ربع بابو صفرة وكل ابلج حبيب
شـيــخً نــوانـا بـالـبـلا والله بـلاه ( هذا شطر في القصيدة اللي مطلعها : وادي الرشا مهوب لحدن من قديم )

انا سمعتها كالتالي
ياذيب عن جال العويند لا تغيــــب === من اشبعك يا ذيب ما تلحق جزاه
عشاك ابو صفره وكل ابلج حبيب ===ثربه يجي الحول ما كمل نــــــداه

وابو صفره من شيوخ مطير واللي قتله شرار العواصاني المقاطي

هذا ما وددت اضافته وشكرا

العالي البرقاوي

14-Apr-2008, 05:11 PM

ياعتيبه وقعة العويند وين مكانها
في الدوادمي ولا في عروى ولاوين

ماله امان

14-Apr-2008, 05:33 PM

أبو صفرة ظنتي ما هو من الدوشان

هو من الرخمان من الموهة من علوى. هو أشهر احد فرسانهم

نعم يا فهيد كلامك 100% هو من الرخمااااان وفارس شهير ،،،،

ماله امان

14-Apr-2008, 05:59 PM

1يالربع نرجع للموضوع الاساسي

ابو صفره المذكور ترا اللي ذبحه اباالعلا وعلي ما اضن انه الشيخ مشعان ابا العلا .

وهذي برواية احد الشيابين من العبادل .

يابن عاصم //اللي قلته ابا العلا نايف هو ابو عبيد في مناخ الدوادمي) ومناخ العويند اغلب اللي حضر من العصمه هم الشفعااااان والجنيبي

فهم الشفيعي صاحب القصيدة فارس وشاعر وحضرها ولكن الرؤيا تقول اللي قتله

فارس من الشفعان يدعى/فايز ابن عفنان الشفيعي وبعض الرواه يقول

انه من المقطه لايحضرني اسمه الان0

لكن قصيدة الجنيبي اللي من ضمنها هالبيتن

ياذيب عن جال العويند لا تغــــيب=من اشبعك ياذيب لاتنسى جـــزاه
عشاك ابو صفره وكل ابلج ٍ حبيب=شيخ ٍ نوانا بالبلا والله بــــــــــــلاه

(وقصده بالشيخ هو الدويش وليس ابو صفره)

ولعلمك بان شيوخ العصمه لم يحضرونها ولا قبيلة روق وبعض ٍ من برقا

والسبب ان الدويش كان مباغتهم بالغزوه لولا احد رجال الحروب الذي

مر على بيارق الدويش وساله فقال حنا غازين عتيبه0وقد كان الحربي

شهم ونصى عتيبه وخبرهم بالامر0000هذا بأحتصار وشكراً للعموم،،،،

أبن مكرز

16-Apr-2008, 12:24 AM

الي ذبح ابو صفره هو طلق ابن شرار العواصاني

ويالي تقول ذبحه الشيخ مشعان ابالعلا

والاخر يقول فهم الجنيني الشفيعي

اقولكم لم يحضر من العصمه في تلك الوقعه

الى فريق من النفارين بقياده العقيد زنيفر بن نفراء

/عبد العزيز الجذع/

16-Apr-2008, 10:21 PM

يعطيك العافية يالخنفري..

سعيفان الهيلا

18-Apr-2008, 12:58 PM

اقول للاخ العالي البرقاوي

مكان العويند جنوب من البجادية ( حسب قول احد الشيبان) والمعركة كانت بين المطران والعتبان والنصر حالف عتيبة

والعويند عد عنه نفود يقاله ( القوز) وجاء اسمه في قصيدة فندي بن عزارم السعيفاني من المقطة

خذنا الجمل والقين والبيت فوقه ــ وتسعين لحيه في حجا ( القوز) ماسار

وكان اعمى لم يحضر المعركة لأنه وصفها حسب قولهم

وهذا البيت يشهد على ذلك

جانا الجمل وعيال علوى تسوقه ــ حمر(ن) على ما وصفو خشم سنجار

ذكر المعركة على ما وصفوا له

واللي قتل الفارس ابو صفرة هو شرار العواصاني وليس من فرسان العصمة من غير قصور في قطمان المحازم

الامير حريبيش

28-Apr-2008, 07:14 PM

مشكور يالخنفري علي الموضوع
ياحبي لطاري معركة العويند قبيله ضد قبيله بدون تحالفات وانتصر الاجدر والاقوي
تستاهل عتابه النصرحكام الحجاز ونجد
شيخً بغانا بالبلاء والله بلاه

محمد الكريزي

27-Aug-2008, 10:29 PM

اخواني السلام عليكم
يسرني ان اشارك معكم في هذا المنتدي الطيب
بخصوص معركة العويند فاماذكره الاخوان فيه الكفايه ولكني احببت ان اوضح مايلي

الي ذبح ابوصفره هو جازي ابوطايره الفجري من المقطه وكان قعيد لعالي الفجري وعالي من اشهر فرسان عتابه الذي لم ياخذ حقه من الاعلام وسوف ناتي علي ذكره لاحقا
والقصه ان عالي اذا احرجوه الفرسان وضايقوه في المعركه نصابهم جازي حتي يلثهم عنه لين يستدير للقتال مرة اخري والمفصود هنا عند مايقفونه ويقول جازي يوم جاني هذه المره لاركبته للفرس ماهيب زينه منخرطن من عند رقبتها وراكبين ظهر خيالين واحدمنهم متقدم علي الاخر يقول وثورة علي الاول منهم وذبحته وعرفة بعدين انه ابو صفره وهو الي ذبح عالي

الفراتي

30-Aug-2008, 12:44 AM

طمعت في اعادة أمجادها القديمه في نجد بعد اجلائهم لعنزه

اانا ناوي ارد على الموضوع الاساسي . بس لفت نظري المقوله هذي .

منين جبت السالفه .. لايكون من منتدى الحمران قصدي حمران النواظر ..

او من اقوال ابن بليهد او ابو عقيل الظاهري او فايز البدراني او ابن خميس او الذكير . كلهم معاصرين ولاتوخذ
اقتراحاتهم ... لاصار ماقالها ابن بسام وابن بشر اللي هم حاضرين معاركها مع العمارات من عنزة ... هذولا مانعدهم
شي

تحياتي الخنفري

حفيد الابطال

16-Oct-2008, 07:21 PM

أرت من أخواني بعض التوضيح
اللي نعرفة ان وقعة العويند وقعة وحدة وليست وقعتين هذا اللي نعرفة ومن تالي صرت أسمع اولى وثانية متى الاولى ؟ ومتى الثانية ؟ومنهم اطرافها ؟.
اما اللي اردت ايضاحة هو ان هناك غلط في معلومة كتاب بن بليهد بقولة ان الهيضل وبن جامع حاضرين المعركة هذا ليس بصحيح حسب كبار رواة القبيلة احفاد قادة المعركة اللي حاضرين الحدث يقولون ان المقطة كانوا قاطنين على ماء العويند ومعهم فريق من بني زياد النفعة فقط .
وعندما اراد الدويش غزوهم قام على قرب المطران وشققها وقال تردون على المقطة والا تموتون وهذا من صلابه الدويش وقوته ولكنه أخطاء التقدير .
كما اردت ان اوضح ان الشيخ محمد بن هندي أول ما تومر يوم العويند شاورة الشيخ عقاب بن شبان و قالة تبي امير على أهل المركي والا على أهل الخيل واختار الخيالة .
كما أن القصيدة التي نسبتها للعصيمي و التي مطلعها
ياذيب عن جال العويند لاتغيب ####### من اشبعك ياذيب ما تلحق جزاة
مشهورة ومعروفة عند كبار القبيلة انها للشاعر / نوار بن هابس المقاطي
وأضيف ان أبو صفرة اللي ذبحة هو الفارس / شرار العواصاني المقاطي