محمد الصفياني
30-Oct-2007, 03:39 AM
قصيدة الشاعر ناصر النفيعي والتي القاها في حفل قبيلة المساعيد من النفعة في افتتاح مخيمهم العامر على هامش مهرجان ملتقى قبيلة عتيبة وذلك ليلة الخميس 12 / 10 / 1428 هــ
سلام الله عليكم يابني عمي ذوي مسعود
سلام ٍ مااختلف لونه ومضمونه وترتيبه
يخص ولايعم ابحال مضمونه عيال العود
دهينات الفخر والمرجلة والعز والهيبه
ويعم ولايخص ابحال كل اللي حضر موجود
سلام الله على اللي حاضرين مزاين عتيبة
من اهجوس الضمير اللي يزورنّه وفود اوفود
وتقفي به وتقبل به وتقبل به وتقفي به
احولها على الغبة واعرضها على الجلمود
واسريها بعيد الدار الاقصى لين تمسي به
مهيّضني ولع برق الخيال اللي سناه ايقود
وسال الحزم واطرافه وسال الضلع وشعيبه
اليا منه دعانا طيّب الصيت وسليل الجود
نجي له من بعيد الدار ركابه ونجّيبه
تجمعنا على وضح النقاء فالمحفل المشهود
على سبل الوفاء والرجل مايترك مواجيبه
انا شاعر وامثّل لي قبيلة حدها محدود
اليّ رزفه واليّ وقفه واليّ ميقاف واثني به
واليّ هقوة واليّ سطوة واليّ نية واليّ مقصود
واليّ قاف ٍ ليا هبّت هبوب الشوق اغني به
يقول الشاعر الشعر الحقيقي منهله مارود
وانا اقول القصيد العذب ماجفّت مشاريبه
واقول ان الفتى يمشي سلف ربعه عريب جدود
واقول الضلع مااحد ٍ يجهل ابحصنيه وذيبه
واقول البقبقه والنقنقه مامن وراها فود
واقول الشر واليوم العبوس الله يبطي به
واقول ان الكلام اللي بليا ذوق سمر اكبود
والا ياللي تجيبه روح عني لاتجيني به
انا مااداني البلاس واصحاب القلوب السود
احد يضحك بسن الله واحد بسنون تركيبه
وانا مااداني الخرتيت والرعديد والمقرود
وانا مااداني البلام والنمام والغيبة
وانا مااداني الهامل ولا اعامل ضعيف زنود
ومقطوع العراوي يالعله ينقطع صيبه
واقول المرجلة ماهي لسمحات الخدود الخود
واعلم من غفى فالنوم والجاثوم ساري به
تبا رجل ٍ يحل المعضلة لو حبلها معقود
يحل بكفه اصعيبه ويفتل كفه اصعيبه
واذا قر القرير بخير وسهود الامور مهود
تكفيني فعول الشيخ مقعد يوم اماري به
اخو غزوا عقيد القوم لهبّت هبوب النود
بحد السيف الاملح والقناء بانت مضاريبه
عسى مقعد بجنات الخلود امين يامعبود
عسى الله يرحمه ويشد فالفردوس اطانيبه
ترى لا زال حيّا ً لو كلا عظمه عمود الدود
لو ان الجسم مات الاسم ماماتت مشاهيبه
سطر مجد وسناء نجد وسنام المذهب المجرود
والا يالطيّب اللي نستمد الطيب من طيبه
ذخر نايف واخو نايف محمد والامير سعود
ليا جت للحقائق مابها شكة ولا ريبه
نعم ياروسنا ، ناموسنا وانتم كبار حيود
ذرانا واومرانا مابها صدة وتجنيبه
ونعم فالشيخ فرحان الدهينة نعم يدبل زود
وكل شيوخنا والنعم فالشبّان والشيبه
وعسى ربي يعز المملكة والعاهل ابن سعود
ويحفظنا وياقنا ومن شرّا عواقيبه
سلام الله عليكم يابني عمي ذوي مسعود
سلام ٍ مااختلف لونه ومضمونه وترتيبه
يخص ولايعم ابحال مضمونه عيال العود
دهينات الفخر والمرجلة والعز والهيبه
ويعم ولايخص ابحال كل اللي حضر موجود
سلام الله على اللي حاضرين مزاين عتيبة
من اهجوس الضمير اللي يزورنّه وفود اوفود
وتقفي به وتقبل به وتقبل به وتقفي به
احولها على الغبة واعرضها على الجلمود
واسريها بعيد الدار الاقصى لين تمسي به
مهيّضني ولع برق الخيال اللي سناه ايقود
وسال الحزم واطرافه وسال الضلع وشعيبه
اليا منه دعانا طيّب الصيت وسليل الجود
نجي له من بعيد الدار ركابه ونجّيبه
تجمعنا على وضح النقاء فالمحفل المشهود
على سبل الوفاء والرجل مايترك مواجيبه
انا شاعر وامثّل لي قبيلة حدها محدود
اليّ رزفه واليّ وقفه واليّ ميقاف واثني به
واليّ هقوة واليّ سطوة واليّ نية واليّ مقصود
واليّ قاف ٍ ليا هبّت هبوب الشوق اغني به
يقول الشاعر الشعر الحقيقي منهله مارود
وانا اقول القصيد العذب ماجفّت مشاريبه
واقول ان الفتى يمشي سلف ربعه عريب جدود
واقول الضلع مااحد ٍ يجهل ابحصنيه وذيبه
واقول البقبقه والنقنقه مامن وراها فود
واقول الشر واليوم العبوس الله يبطي به
واقول ان الكلام اللي بليا ذوق سمر اكبود
والا ياللي تجيبه روح عني لاتجيني به
انا مااداني البلاس واصحاب القلوب السود
احد يضحك بسن الله واحد بسنون تركيبه
وانا مااداني الخرتيت والرعديد والمقرود
وانا مااداني البلام والنمام والغيبة
وانا مااداني الهامل ولا اعامل ضعيف زنود
ومقطوع العراوي يالعله ينقطع صيبه
واقول المرجلة ماهي لسمحات الخدود الخود
واعلم من غفى فالنوم والجاثوم ساري به
تبا رجل ٍ يحل المعضلة لو حبلها معقود
يحل بكفه اصعيبه ويفتل كفه اصعيبه
واذا قر القرير بخير وسهود الامور مهود
تكفيني فعول الشيخ مقعد يوم اماري به
اخو غزوا عقيد القوم لهبّت هبوب النود
بحد السيف الاملح والقناء بانت مضاريبه
عسى مقعد بجنات الخلود امين يامعبود
عسى الله يرحمه ويشد فالفردوس اطانيبه
ترى لا زال حيّا ً لو كلا عظمه عمود الدود
لو ان الجسم مات الاسم ماماتت مشاهيبه
سطر مجد وسناء نجد وسنام المذهب المجرود
والا يالطيّب اللي نستمد الطيب من طيبه
ذخر نايف واخو نايف محمد والامير سعود
ليا جت للحقائق مابها شكة ولا ريبه
نعم ياروسنا ، ناموسنا وانتم كبار حيود
ذرانا واومرانا مابها صدة وتجنيبه
ونعم فالشيخ فرحان الدهينة نعم يدبل زود
وكل شيوخنا والنعم فالشبّان والشيبه
وعسى ربي يعز المملكة والعاهل ابن سعود
ويحفظنا وياقنا ومن شرّا عواقيبه