المرواني1
29-Oct-2007, 06:12 PM
قصيدة تختال شموخا وصدقاً ...اتت على لسان كل حربي
في تعبير صادق لمانكنه لقبيلة عتيبه العزيزه
قبيلة الكرم والمجد والشجاعه والبطولات
لن اطيل عليكم واترككم مع القصيده التي نظمها الشاعر العلم
لافي بن حمود الغيداني الحربي .. راجيا ان تجد القبول
من متصفحي منتدى (الهيلا)
ووالله ان قبيلة عتيبه تستاهل المدح
وانا اعتبر نفسي هنا بالنيابه=عن حرب ربعي بني سالم ومسروح
اهل الوفاء من قبل عصر الصحابه=واهل النقاء اللي دونه الوجه ممسوح
سلام يالهيلا قبيلة عتابه=سلام(ن) اسوقه من الروح لروح
نفحة شذى ريضان نبت السحابه=معه وعليكم تنبعث منه وتفوح
من بيننا مابا المعزه غرابه=لها وسط قلوبنا ابراج وصروح
للوصل بجسور التواصل صلابه=حقايق(ن) ماهي بقاويل ومزوح
ياللي على صدره نقشتوا كتابه=صدر الكتاب اللي للامجاد مفتوح
على جبينه ياجده من قرابه=تاريخ سيرتكم مدون ومشروح
صافح جبين الشمس عز ومهابه=احد(ن) عنه راضي واحد منه مجروح
لولا بياض افعولكم من رقابه=على سفوح(ن) دونها سفوح وسفوح
لطامت العايل الياجاب مابه=وذباحة الحايل لو الزاد مشحوح
فيكم على تكفى غلاثة اذيابه=وعلى نعم فيكم ضرم راس مشفوح
تاريخكم بالطيب كل(ن) درابه=وعلى ماقيل العلم مقفي ومنطوح
الطيب ياعتيبه لبستم ثيابه=قول وفعل والكلمه اللي لها روح
واللي رجاء عفوه يسابق عذابه=حفاظ بيض وسود الاعمال باللوح
لو ماني محاسب على كل جابه=اني لاقول بكلمة(ن)حد ذابوح
بفعالكم مع غيرها ماتشابه=لكن بظلم الناس ماني بمسموح
ايه احترم حق القبايل واهابه=والظلم عنه العبد منهي ومنصوح
ماتنهب حقوق القبايل نهابه=حتى اني انسفها على ضهري واروح
لكم اخشرى بالطيب من كل لابه=الطيب حق(ن)للاجاويد ممنوح
مثل المجم اللي عذي(ن) شرابه=وكل(ن) بدلوه يارد الجم ويموح
مايغط نورالحق ويصك بابه=الا ضعيف العرف وقصير الشوح
عسى السحاب اليا تراكم ضبابه=وبروقه تفرق مثانيه وتلوح
على وطن صقر العروبه عقابه=همالها يروي عطش كل صحصوح
غيث(ن) مايذكر للضرر فيه اصابه=صحه على ماقالو الناس وصحوح
لين يتشابك نبتها تقل غابه=وروس الزبيدي كنه المرو بالصوح
حاولت تجنيب الخطاء ورتكابه=ون حصل مطلوبي عفو كل طحطوح
قصيدتي تختال كبر وصبابه=على معانقها سمع كل ممدوح
وختام شاعرها مثل مابدابه=الا اني بكلمة شرف ودي ابوح
تدرون من اولا البعض من شبابه=برقاء وروق وبني سالم ومسروح
الشاعر / لافي حمود الغيداني الحربي
في تعبير صادق لمانكنه لقبيلة عتيبه العزيزه
قبيلة الكرم والمجد والشجاعه والبطولات
لن اطيل عليكم واترككم مع القصيده التي نظمها الشاعر العلم
لافي بن حمود الغيداني الحربي .. راجيا ان تجد القبول
من متصفحي منتدى (الهيلا)
ووالله ان قبيلة عتيبه تستاهل المدح
وانا اعتبر نفسي هنا بالنيابه=عن حرب ربعي بني سالم ومسروح
اهل الوفاء من قبل عصر الصحابه=واهل النقاء اللي دونه الوجه ممسوح
سلام يالهيلا قبيلة عتابه=سلام(ن) اسوقه من الروح لروح
نفحة شذى ريضان نبت السحابه=معه وعليكم تنبعث منه وتفوح
من بيننا مابا المعزه غرابه=لها وسط قلوبنا ابراج وصروح
للوصل بجسور التواصل صلابه=حقايق(ن) ماهي بقاويل ومزوح
ياللي على صدره نقشتوا كتابه=صدر الكتاب اللي للامجاد مفتوح
على جبينه ياجده من قرابه=تاريخ سيرتكم مدون ومشروح
صافح جبين الشمس عز ومهابه=احد(ن) عنه راضي واحد منه مجروح
لولا بياض افعولكم من رقابه=على سفوح(ن) دونها سفوح وسفوح
لطامت العايل الياجاب مابه=وذباحة الحايل لو الزاد مشحوح
فيكم على تكفى غلاثة اذيابه=وعلى نعم فيكم ضرم راس مشفوح
تاريخكم بالطيب كل(ن) درابه=وعلى ماقيل العلم مقفي ومنطوح
الطيب ياعتيبه لبستم ثيابه=قول وفعل والكلمه اللي لها روح
واللي رجاء عفوه يسابق عذابه=حفاظ بيض وسود الاعمال باللوح
لو ماني محاسب على كل جابه=اني لاقول بكلمة(ن)حد ذابوح
بفعالكم مع غيرها ماتشابه=لكن بظلم الناس ماني بمسموح
ايه احترم حق القبايل واهابه=والظلم عنه العبد منهي ومنصوح
ماتنهب حقوق القبايل نهابه=حتى اني انسفها على ضهري واروح
لكم اخشرى بالطيب من كل لابه=الطيب حق(ن)للاجاويد ممنوح
مثل المجم اللي عذي(ن) شرابه=وكل(ن) بدلوه يارد الجم ويموح
مايغط نورالحق ويصك بابه=الا ضعيف العرف وقصير الشوح
عسى السحاب اليا تراكم ضبابه=وبروقه تفرق مثانيه وتلوح
على وطن صقر العروبه عقابه=همالها يروي عطش كل صحصوح
غيث(ن) مايذكر للضرر فيه اصابه=صحه على ماقالو الناس وصحوح
لين يتشابك نبتها تقل غابه=وروس الزبيدي كنه المرو بالصوح
حاولت تجنيب الخطاء ورتكابه=ون حصل مطلوبي عفو كل طحطوح
قصيدتي تختال كبر وصبابه=على معانقها سمع كل ممدوح
وختام شاعرها مثل مابدابه=الا اني بكلمة شرف ودي ابوح
تدرون من اولا البعض من شبابه=برقاء وروق وبني سالم ومسروح
الشاعر / لافي حمود الغيداني الحربي