تسجيل الدخول

مشاهدة النسخة كاملة : ماهي اجراءات اضافة الفخذ؟


عتيبي وراسي مرفوع
29-Oct-2007, 08:10 AM
السلام عليكم ورحمة الله وبركاتة يا ابناء عمي الاحرار،

في بطاقة الاحول اسمي الرباعي واسم القبيلة "العتيبي" وارغب باضافة اسم الفخذ الحمادي او الروقي فماهي الاجراءات والاثباتات المطلوبة وهل تختلف الاجراءات اذا رغبت اضافة الحمادي عن الروقي؟

شكرا للجميع

خلف العتيبي
29-Oct-2007, 12:21 PM
الله حيه...

وانا اخوك لازم تروح الأحوال المدنيه وتسأل...

بعدين أنت ترغب أنك تحذف كلمة العتيبي وتضع الحمادي أو الروقي؟

عموما الله يختار لك الي فيه الخير وترى اسمك زين محليته كلمة العتيبي...

تقبل وجهت نظري...

خلف الدعجاني...

عبدالله الجـــذع
29-Oct-2007, 12:34 PM
خلها على العتيــبي ازيــن لكـ ..


ههههـ<<ملقوف

يابن العــم اتوقع انهم يطلبون دفتر العايله والبطاه الاولــه اللي هي الحاليه اللي معكـ الحين وبــس ..

بــس تأكــد..

عتيبي وراسي مرفوع
29-Oct-2007, 01:23 PM
خلف الدعجاني
عبدالله الجذع

مروركم شرفني وبيض الله وجيهكم على ردودكم.


للتوضيح انا ابغى اكتب في البطاقة الحمادي العتيبي او الروقي العتيبي ولا ارغب بحذف العتيبي لانها منورة البطاقة.

عندي سؤال.. هل كل عتيبي لازم يحط اسم الفخذ في البطاقة واللي ما يحط اسم الفخذ يعتبر شي مستنكر؟

شكرا للجميع

البقعاوي الهاوي
30-Oct-2007, 09:00 PM
لا مهب لازم يحط اسم العتيبي انا ي بطاقتي مهب مكتوب العتيبي


سعود الحمين مه مكتوب ببطاقته العتيبي

عتيبي وراسي مرفوع
31-Oct-2007, 06:27 AM
لا مهب لازم يحط اسم العتيبي انا ي بطاقتي مهب مكتوب العتيبي


سعود الحمين مه مكتوب ببطاقته العتيبي

مشكور يابن العم وبيض الله وجهك.

انا اقصد اسم الفخذ. يعني اللي يكتب العتيبي بدون اسم الفخذ؟

البعيـد النـايف
03-Nov-2007, 10:53 AM
على ما اعتق انه لازم تجيب واحد من اصولك (( ابوك , او جدك ابو ابوك)) او اعمامك او اخوانك يكون واحد منهم في بطاقته الحمادي العتيبي علشان يعدلون بطاقتك عليه اما سالفة تجي وتعدل من غير وثايق تثبت انك من الفرع الفلاني فعندي خبر انه ما يعدلون لك لو وحصلة عند واحد من عيال العم



هذا ودمتم

عتيبي وراسي مرفوع
03-Nov-2007, 07:54 PM
على ما اعتق انه لازم تجيب واحد من اصولك (( ابوك , او جدك ابو ابوك)) او اعمامك او اخوانك يكون واحد منهم في بطاقته الحمادي العتيبي علشان يعدلون بطاقتك عليه اما سالفة تجي وتعدل من غير وثايق تثبت انك من الفرع الفلاني فعندي خبر انه ما يعدلون لك لو وحصلة عند واحد من عيال العم



هذا ودمتم

مشكووور يابن العم وبيض الله وجهك

المرهق
09-Nov-2007, 10:24 PM
اخذ العلم بلا برقاوي بلا روقي خلها العتيبي وبس

عتيبي وراسي مرفوع
10-Nov-2007, 10:07 PM
اخذ العلم بلا برقاوي بلا روقي خلها العتيبي وبس

مشكور يالمرهق على النصيحة، والله ما حدني على اضافة الفخذ الا اني كل ما شاف احد بطاقتي قال وين الفخذ؟

يعني انت ما حطيت اسم الفخذ في البطاقة؟ او تعرف احد ما حطها؟

شكرا لك مرة اخرى

ابن نميان
10-Nov-2007, 10:17 PM
الله يعين الجميع

وبالتوفيق لكــ ياعتيبي

راعي الصفاة
05-Dec-2007, 11:31 PM
السلام عليكم

عتيبي وراسي مرفوع


اخوي اسف على المداخلة

ولكن حبيت اقول لك افضل انك تبقي العتيبي من غير فخذ

قلي ليه

اقولك ليه

واحد اعرفه زين مكتوب في البطاقه ؟؟؟؟؟؟؟؟؟؟؟؟؟؟؟ البقعاوي

ولم يستطع حتى اضافه القبيلة العتيبي

سكرت عليه من كل باب

وبقي بقعاوي في البطاقة


اخوي اسف واكرر اسفي

لأني خرجت عن الموضوع

نيويورك
06-Dec-2007, 07:44 AM
تقدر تعدل اذا ابوك او جدك او اخوك مكتوب فيه الفخذ ....

او تجيب ورقة من شيخ الفخذ المعتمد من الداخلية ...

و شهود ... و تروح للأحوال و يعدلون اللي تبيه :)

البقعاوي الهاوي
06-Dec-2007, 01:04 PM
انت مادام اثق من نسك نك عتيبي خلاص انا ببطاقة احوالي مهب كتوب العتيبي وولد عمي مكتوب ببطاقته العتيبي ياخي عادي

ال حبيش العجمي اليامي
20-May-2012, 07:39 PM
انا عكسك عندي الفخذ ال حبـيش
ودي اضيف العجمي

ال حبـيش العجمي

أبو صقر
23-May-2012, 03:51 AM
وجهة نظري ان اسم القبيلة كافي للتعريف بك وهو العتيبي

وليس بالضروره ان تكتب تفاصيل نسبك البطاقه بطاقة احوال ماهي مشجرة نسب




اما شيء مستنكر !!!!!!! بطاقة الاحوال ماهي محل اثبات او انكار نسب هي للتعريف
والدليل ان هناك اشخاص ليسوا قبليين واضافوا في هوياتهم اسماء قبائل والعكس .





تحيتي .......

وصل الشهيب
23-May-2012, 08:36 AM
ياعتيبي


العتيبي لقب كافي وفخر

وش عاد تبي أكثر

ال حبيش العجمي اليامي
27-Jun-2012, 02:21 PM
احمد ربك على الاقل انت احسن مني انا الفخذ (ال حبيش) بدون القبيلة (العجمي)