أهل بيوت ما تحوش الرديـه … رجالهم يدفع على الضيف ما حـاش

[ابن نجد]

قصة قديمة تدور حول تمسك اهل البادية بالملحة والخوه والصداقة وحصل ان فراج بن صلاح من قبيلة حرب ادى فريضه الحج وعندما انتهى من حجه رجع الى اهله وفي طريقه رافقه شخص يدعى مقبول بن سمير من قبيلة مطير وصار طريقهم واحد يشربون وياكلون وتسامرون لقضاء طول الطريق ، حتى وصلوا قرب اهلهم وتوادعوا وكل واحد منهم سلك طريقه قاصدا اهله ، وبعد سنه غزا مقبول بن سمير المطيري مع بعض جماعته للكسب ، وفي منتصف الليل وجدوا مجموعة من الابل واختطفوها ورجعوا عائدون لاهلهم ، وعندما تبين النور وطلعت الشمس طالع الوسم واذا هو مثل وسم مطية خوية الحربي الذي تخاوى معه بعد رجوعه من الحج ، وقال مقبول لجماعته الابل هذي عليها وسم خويي الحربي فراج بن صلاح واليوم من حقي عليكم تتنازلون عنها واذا تبون عوضها من ابلي فأنا مستعد ، قالوا خوياه اللي بوجهك بوجيهنا وخويك خوينا ، فرجعوا بالابل الى اهلها ، وهم بالطريق عارضوهم الحروب مطالبين بأبلهم فقال مقبول بن سمير المطيري حنا عرفنا وسم خويي فراج ورجعنا بها لكم فنزلوا جميعا وتسالموا وقلطوهم في بيوتهم واكرموهم غاية الكرم ثم احضروا لهم جميع ما يلزمهم من قهوه وماء ليواصلوا بها مسيرهم لديارهم وبهذه المناسبه قال الشاعر مقبول بن سمير المطيري ابيات طويله يمدح بها خويه الحربي :

كل عرف حق الخوي مع خويه
ما يجحده غير الرديين واللاش

والخوه اللي ماتكون امحميـه
يصير عن خوة هل السمت بالفاش

رديتها ما راح منها مطيه
حشمة خويي عزوتي راحت ابلاش

وانا منول كنت اقود الغزيه
منكف بكسبي عن نحا القوم منحاش

وفي رجعتي من حرب شفت السريه
ربع يبون ارقابنا ثم الادباش

ورديتهم وانا مكفكف ايديه
ماهوب خوف او وجهي ابيض من الشاش

وعلمتهم بالبينه والخفيه
واستقبلونا مكرمة كل طراش

ثم اكرمونا بالعلوم الطريه
ذبايح تذبح وتكريم وفراش

اهل بيوت ما تحوش الرديه
رجالهم يدفع على الضيف ما حاش

ارجو ان تحوز على الاعجاب .
---------------------------------------------------------------------------
زماننا غير زمانهم وحتى نتذكر الاولين
اخوكم ابن نجد

[@عريب الساس@]

ابن نجد سجل اعجابي وشكري لك على هذه المشاركة الجميلة

[ساري ليل]

ابن نجــــــــد

تسلم يمينك على هذه القصـة الرائعــه .

ابن نجد انت منبـع الابـداع .