ديوان الشاعر/ ثواب بن طنف الجعيـد

[متعب الجعيد]

روائع الشاعر ثواب بن طنف الجعيد




الهوازنيــه
سبحان محي الارض من بعد موتها = ولولا العنايه كان ماخضر عودها
حنت عليها المرزمات الغوادي = يرجع بها المسني ليا اوحى رعودها
كن البرد حول الحصى حين ينتثر = جوهر عذارى نثرت من عقودها
غدرانها سفاح تزهى رياضها = ريح العوالي في المحاني تذودها
تغرد بها الاطيار من كل ناحيه = من الطرب حدارها وسنودها
تلعب بها الاشواق حتى تجاوبت = واسترسلت من شوقها مجهودها
وجاوبتها بالصوت ماني بعاشق = لكن افكار الضماير تعودها
ان جيت ابا اقهرها تضايق بها الحشا = وان جيت اناحيها تزايد ورودها
كنيتها في خاطري واتعبتني = ولاتختفي دعوى تبين شهودها
تسعى لنا الدنيا وتطوي عمارنا = وبيض الليالي ماتعلم بسودها
عزوم ٍليا قفت غرورٍ ليا اقبلت = مكارةٍ بواقةٍ في عهودها
ان جيت احاربها واحارب نعيمها = روحي تباها والاماني تقودها
وان قلت اجد السير اباها تعذرت = وهي نومست ناسٍ هتيله زنودها
تنومس هتيل حربته لابن عمه = دايم مولمها وراكز عمودها
دايم مولمها ويطعن بها القفا = والطيبه من خلقته ما يفودها
وعزي لقومٍ ينزل البغض بينهم = بالتفرقه والبغض تشمت حسودها
ومن عرض اقرابه لعوج الطلايب = يذهب معزتها ويكثر زهودها
ويقطع هبيلٍ حكمته عند حرمته = يبدي لها سده وتبدي سدودها
على بساط البحث بينه وبينها = يبدع لها كلمه وياخذ ردودها
حتى ايش لو كانت حياته طويله = عسى حفرته في سرع تطوى لحودها
وترى تفاصيل الرياجيل واجد = يتعب مغنين المثايل عدودها
عرفت لي منها معاني كثيره = خابر ثعالبها وخابر فهودها
ترى الثعالب ما تغير عيالها = لو كان تنقش بالزمرد جلودها
والحر الاشقر ما سكن فوق عرفجه = لو كان مالت بالثماري فنودها
ومن لاتنقى في المناسب تندم = وروح الفتى تزهيدها ما يزودها
واناعتيبي من سلالة هوازن = ربعي عوايدها الفخر من جدودها
ما نوشي الفتنه ولا نحرث الردى = ولا نهاب اليا تسامت وقودها
ان ميل الميزان من قوم يمنا = صبرنا لها لوكان كبرت لهودها
وان ميل الميزان منا على العدا = نروي من السم السقطري كبودها
رسمنا الثلاث البيض في الجاهليه = واقرها الاسلام واثبت حدودها
من لاومن جاره فلا هو بمؤمن = واهل الشرف للجار تبذل جهودها
ومن لا اكرم اضيفان ما هو بمؤمن = واهل الكرم جادت على قيس جودها
ومن لا يعدي عن خويه بسيفه = خساره على سبلاه تسكن خدودها
ساهمت باابيات الشعر في محلها = مع جملة الشعار لا جت وفودها
نفخر باصالتنا ويفخر مليكنا = تحت راية التوحيد ثابت وجودها
ملكنا امام الشعب قايد جيوشه = فيصل سعدها في ليالي سعودها
واخوانه الاحرار نصره على العدا = نمورٍ يقهر كل طاغي صمودها
والمملكة من غربها لين شرقها = ان حك حيدٍ حيد حنا جنودها
اموالنا وارواحنا فدوة لها = نسخى بها لسهالها واحيودها
ويحرم عليها ما تزين لغيرنا = لو غطرفت بقعا وساقت قعودها
تمت وصلى الله على خيرة الملا = اللي هدى الكونين بامر معبودها



طلبت ربي فالق الحب والنوى = رب العباد منزل الايات
محصي جميع الخلق فالبر والبحر = ومدبر الحيين والاموات
ربٍ بعث جد الحسنين بالهدى = ونور سناه بيدد الظلمات
ارجوه يغفر لي ويسمح ذنوبي = والعبد مايسلم من الزلات
لاشك ذنبي ينحصي عند كاتبه = وفضله وجوده غير محصيات
الراسيه والسابحه والزواخر = في بحر جوده ماتجي قطرات
والبارحه عيني تكدر منامها = وجريت من جوف الحشا ونات
طول الليالي تقتلب في ضمايري = واكنها لايدري الشمات
وقلبي يشيل الغيض يومه وليله = وبابور فكري يضرب الغبات
وليا ضرب موج البحر فاح خاطري = وغنيت من زين اللحون ابيات
لاهل العقول احلى من الماء على الضما = والذ واحلى من لبن سمحات
ترعى جديدالنبت عدله رقابها = عن صكة العدوان محميات
في شق آلاد جعيد لطامت العداء = لطامت العايل عن العيلات
يوم اني امدح عزوتي من يلومني = واجب عليه ياهل الطالات
ماني بجاهل كاسي الشيب عارضي = وعصر الجهاله ياكريم فات
عشرين مع عشرين عام قضيتها = ومرت عليه كانها ساعات
العشر الاولى عشت مع والديني = الله يجازي الولدين جنات
وخمس رعيت الابل والخيل والغنم = واجرب العمان والعمات
وخمس سبح غصني وعانقت للهوى = واخذت في سوق الهوى عجات
اعدي معادي الذيب واضوي ليا ضوا = وامسي معه واصايد الغرات
وعشر لجلب الرزق شمرت ساعدي = وتعبت فالروحات والجيات
وعرفت ما لابن آدم إلا نصيبه = والارزاق ما ياتن بالقوات
كم واحد تمسي وتصبح مراكبه = لوكان مايسوى عشر بيزات
وكم واحدٍ يسوى جموع غفيره = واجوع من السرحان في الغابات
وخمسٍ خدمت ابوي جمع الدعاوي = وناحرت في الدعوات والطلبات
ماهي بديعه ماقفي في محله = وياهل البدايع ما بها سرات
وخمسٍ عرفت ان الاماره خساره = والراس مايسلم من الصكات
وعزي لقومٍ ماتنومس عقيدها = اتنومسه فاللين والشدات
حتى ليا منه برك فاللوازم = خابر وراه حصون مبنيات
ياجاهل انظر في عمل عارد النحل = ليا طار يقفاه النحل صفات
ولولا التعاون ما جنا صافي العسل = تضرب به الامثال في البيتات
وظلا بليس يغير بين القبائل = بين القبائل يقطع الغارات
واليوم رد الحرب بين القرابه = كثر الحسد والبغض والضنات
ما يجتمع خمسه على قلب واحد = في بيت واحد والقلوب افوات
وانا ليا شفت الردى بعت صاحبه = وكانه غدابه هادم اللذات
وان شفت زوله قلت نصايبه = وقبره يجي طوله عشر مرات
ليا صار لا نافع ولاهو بشافع = فرقاه زينه وابرك الحزات
فالازم الغصاب يلوي مخاذعه = تلوت على رجلينه الحيات
وليا بنى رأيه يعلم حليلته = وتصبح تسير به مع الجارات
وليا بغى الجودات فكت عزايمه = وتغانم الاقفال والحلقات
عبرت عن عرفي وسيرة حياتي = ولي في الليالي المقبله لدات
انا ولد من تاخذ القوم رايه = جدي وابويه يحكم القالات
قالات نحكمها وقاله نحلها = وقاله ندرج فوقها الحيلات
الادنين نرفاهم ونرفا خطاهم = ونضفي على زلاتهم لو جات
والاقصين نكسركيدهم في نحورهم = وحبل الشقا ممدود هاك وهات
والجار نعرف حشمته واعتباره = ويأمن بنا لو ينثر النيرات
ولاطرقنا الباب من غير داعي = ولا وقفنا موقف الشبهات
وحنا عبيد الضيف فاللين والقسا = واهل المروه تتبع العادات
اليا عطانا وجدنا من زمانا = أعذارنا مع وجدنا جزلات
وخوينا ياطى ديار العشاير = لو كبودهم بالغيض مليانات
واليا حضرنا بين داعي ومدعي = نحلها لو انها صعبات
ولا يصطغي ميزاننا في خصومه = ولا نغطي الحق بالرشوات
تمت وصلى الله على منبع الهدى = والارواح ماموره ومنهيات




وله ايضا
سبحان من سبح له الحوت فالبحر = ومجري نصيبه فالبحار السود
والطير والارياح والشمس والقمر = تسبح بحمد الخالق المعبود
يارب تغفر لي ذنوب جنيتها = واشهد على روحي بغير شهود
عبدك عصى واذنب ويرجى السموحه = وفضلك وجودك ما لهن حدود
ويا جاهل الدنياترى الموت حاصل = ماحدٍ تعدى يومه الموعود
ما تنفع العزوه ليا زلت القدم = ومن طاح راح ولا عنه منشود
وانا سبب مابي وماجاء وما جرى = همٍ يولع فالضمير وقود
وليا بغيت ارتاح لو ربع ساعه = هواجيس فكري صادره وورود
وان قلت يا قلب اطرد الهم بالنجم = واصبر عسى ايام الجميل تعود
قام يتزايد واوقد النار فالحشا = نارٍ يولعها بغير زنود
وطرفٍ يحرب النوم ويحالف السهر = يرعى الكواكب والعباد رقود
ياهل ترى هل من سهر غير ما مضى = وهمٍ على طول الدهر ممدود
او تستريح الروح ويزول ما بها = من الهم والاحزان والمنقود
فلسطين تدعينا مساها صباحها = والجسم عاري والامن مفقود
تبكي بعد ماصابها من زمانها = من يوم فيها نازلين يهود
يا معشر الاسلام اجيبوا نداها = وقوموا على وضح النقا المجرود
اغيروا على اسرائيل من كل جانب = بنمر السرايا واشهب البارود
واحيطوا بهم عشية او ضحاها = وخلوه يا حاوي ويا مردود
لاترتجون الامن من مجلس الامن = امنه زبيبه في ذنبها عود
ان كان ما ذدنا عن الحوض بالقنا = ضمينا ويروى من قناه يذود
وان كان ما خضنا الدماء في ربوعها = وإلأ فلا حنا عراب جدود





المقناص
هاج الضمير اللي بالامثال مطواع = ولاهو بغاوي في سمان التماثيل
يسوقنه سوق عجلات الاقطاع =ان وردها من بعيد المحاويل
جانى كلام زبدته تبرى الاوجاع =تشفى الكبود من دون كشف وتحليل
من عندحركال بالمد والصاع =بالعرف والمعروف يفى المكاييل
وان عدوا الشعار فىكل الوضاع =هرجه ذهب من يسمعه قال تكميل
حر لصعبات المحريف صناع = وتمشى على معنى ومبنى وتبتيل
وذكرتناالمقناص والقلب جزاع = وخوت رجال نشاما حلاحيل
مايخربون الراى هايش وفراغ = والعلم قرضة ملح فوق المعاميل
ودليلة الرحله صميدع وبتاع =عنده شهادة عرف قدوتفصيل
وان جاء توال الليل والصبح مانزاع =قال اتزلوا وابااشعل النارتشعيل
وتطلقوا للهيش كاسر وقطاع= وسمعوا لهم صوت مكبر وتهليل
وفزوا كما البارود عجلين فى ساع =وصلوا مع اللى رتل القول ترتيل
وقحص لبيب واوقد النار بولاع= ماهوا من اللى يسحبون الدهاميل
حمس جديد وصار للنجر لعلاع = والهيل فوقه زعفران وقرنفيل
وجاء مثل دم الجوف من فوق الاصباع =وناشوا معالمصفاه تمر مذابيل
والقرص بروفوقه السمن نقاع= شغل العذارا لابسات الخلاخيل
وجات السوالف بين راوى وبداع= كلام احلى من حليب المباهيل
مشرهه مادارها كل رعراع =في واديٍ مسقيه وابل المخاييل
وعلومهم ما راحت انصاف وارباع =يمشون صف ويطلبون التساهيل
واول سعدهم صيدهم تسع اتباع =وثلاث صادوهن جوف المداحيل
فى ديرة جاها من الوسم هماع = وارض خلاء ماعجفوها النزازيل
قالوا نباالمقيال والخطر وساع =مقناصنا ماهوب للصيد تنكيل
نمشى على خبره ودبره وتوقاع =وجميع ما شفناها معنا مقاتيل
والاصايل جاء لهنه تزلواع= يكن خبط ايمانهنه معاويل
واثر الخزز خابر فعوله ليافاع =يبا يعرضهن الحفى والمصاقيل
وهدن رايه ماتعدن الاقشاع = اللى يباها فى طريقه زهاليل
وصدوا على سرح فياياه شراع = وبطحا نضيفه برحتهاالمساييل



وهذه المحاوره بين الشاعر ثواب الجعيد وبين الشاعر المسعودي

المسعودي
سرى الليل ياساري على نور كشاف=طفت لمبة الكشاف والليل ساري
بعد قلت تكفى غير القاف بالقاف=اكيل العدا وليا وليت ابا اداري

ثواب الجعيد
سرى الليل ياساري ثقيلات وخفاف=احسبك معي واثرك يطراك طاري
ترى ما يمح البحر عشرين مغراف=حذاري يجني غير ما اطلب حذاري

المسعودي
انا لو ابا وصفك وش كثر الاوصاف=لقيتك مشكل مثل رز البخاري
الايام ماترضي عتيبه والاشراف=ودق المعاني مثل دق الشباري

ثواب الجعيد
لو اقرا على قلبك من الميم والكاف=خبطتك كما خبط الصقر للحباري
لكن انت لك ميقاف وثياب نظاف=ولو كنت داري قلت ماني بداري

المسعودي
بسيطه بسيطه ياصقر ريشك انتاف=وانا رجل شبه بالحباري لغاري
قريص الحنش شالوه في وسط الاسعاف=على شفة الحفره وهاك المحاري



وهذه المحاوره بين الشاعر ثواب الجعيد وبين الشاعر خلف بن هذال

خلف بن هذال
يا بو متعب زعل خلان عيني من كبار البلاوي والمصيبه = مارضينا زعل ريف الطراقي وان حداهم من الايام حادي

ثواب
والله ان اشقر الجنحان مخطر بالزعل فالبعيده والقريبه = مير اكنه عن العدوان لايدرون وامست جروحه في فؤادي

خلف بن هذال
الزعل دافنينه يا ثواب وراكزين ٍ على قبره نصيبه = خابرين القلوب ابيض من القرطاس وانظف من البيض الجدادي

ثواب
ياوسيع النسب في حال واما حال من صاح وحده من يجيبه = يشتكي فرقة الخلان وان طال النوى فز من نومه ينادي

[ابن فرحان]

يا اخ متعب الله يبيض وجهك يا ابن العم ...

الحقيقه قصيده من اروع ما سمعت , اتمنى انك تزودنا بقصائد الشاعر ثواب بن طنف الجعيد الله لايهينك اذا ما عليك تكليف , وتسلم يا الغالي

[ابو فراس]

الاخ متعب ماقصرت وصح لسانك ولسان الشاعر قصيده رائعه معبره


تقبل تحياتي

[متعب الجعيد]

اشكر اخواني ابن فرحان وابوفراس واعدكم بالكثير من اقوال الشاعر/ ثواب بن طنف الجعيد في المسقبل القريب.
اخواني الأعزاء لقد طلبت من المشرف تثبيت ديوان للشاعر ثواب الجعيد ولم اتلقى الإجابه حتى الان لعله مشغول في ما هو اهم لكم تحياتي

[geath]

اخوي متعب عطنا من قصايد ثواب ولا تنسى الشيخ نوار الجعيد تعطينا قصايدة

[الأزوري العتيبي]

فعلا تعد من روائع الشعر النبطي .
نطالبك بالمزيد لهذا الشاعر المبدع .

[نهيان الحمادي]

بيض الله وجهك على ها المشاركة
بانتظار المزيد

[البدوي نت]

بيض الله وجهك اخوي حقيقة قصيدة طيبه

لكن انا عندي استفسار بسيط وياليتك ما تزعل مني

طبعا حنا في نجد ما نعرف الجعده وانا يوم سالت الشايب وشيبان الجماعه
قالوا انهم طفيح من طفيح عتيبه يعني انهم لصقوا فيهم وسارو عتبان

والله العالم

فياليتك اخوي توصف لنا دياركم وتعد لنا بعض خوامسكم وبعضا من الماضي

والصراحه راحه يا خوي ولا تزعل مني

[النفاعي]

في شـق آلاد جعيـد لطامـت iiالعـداء لطامـت العـايـل عــن iiالعـيـلات
يوم اني امدح عزوتـي مـن iiيلومنـي واجـب علـيـه يـاهـل iiالـطـالات
ماني بجاهل كاسي الشيـب iiعارضـي وعصـر الجهالـه ياكـريـم iiفــات

نعنبو من يلومك في مدح ربعك هل الطاله . ونعم بالاد جعيد وبعتيبه كلها.
قصايد جزله والله لايهينك يامتعب على نشرها .

[البدوي نت]

ما اخس من قديد الا عسفان يالنفاعي

يااااااااااااااااااوك لاوالله الا راحت عتيبه تلاصيق

[النفاعي]

يابدوي . نت . وش تقصد بالضبط . ان الجعده تلزيق مع عتيبه وان طفيح كذلك ماهم عتبان . اقول خل عنك هالشياب . الجعده والطفحه معروفين من عتيبه ولاهم بحاجة تشكيك في الانساب . وهم يعودون مع النفعه والمقطه في رايق بن فلاح . فالجعده
هم من الطفحه اللي جدهم طويفح بن نفيع بن رايق بن فلاح بن شملان .....الى ان يعودو في بطيان بن سعد بن حجاج الى ان يعود في شباب بن هوازن ..

يعني مافيه وانا خوك تلزيق . الا عند الشياب اللي سئلتهم ونسئل الله يعطيهم طولت العمر ..
والموضوع هنيا موضوع قصايد لشاعر جزل ومبدع . واذا فيه مناقشات نزلها في الانساب . وتلقى من يناقشك .

[البدوي نت]

ونعم ونعم ونعم يالنفيعي بك وبالجعده

[متعب الجعيد]

السلام عليكم
اخواني الأعزاء : النفاعي وبدوي نت لكم مني اجمل تحيه وتقدير.
اشكرك يابن العم النفاعي لدفاعك وتوضيحك للحقيقه التي لامجال للتشكيك فيها
وكما قال الشاعر ثواب الجعيد .
انا عتيبي من سلالة هوازن ربعي عوايدها الفخر من جدودها
واشكر بدوي نت للبحث عن الحقيقه ويا ليته سأل من شباب او شياب عتيبه في الحجاز
ولكن ابن العم يسأل وارجو ان يكون قد اقتنع وجعلنا عتبان لكم تحياتي.

[ابو وعيل]

بيض الله وجهك على المشاركة الاكثر من راااائعه



تحياتي لك يامتعب.


اخوك ابو وعيل الرويس

[طلال الثعلي]

بيض الله وجهك اخوي متعب

ولك شك ان ثواب شاعر كبير

ويفتخرون ابه جميع عتيبه

تحياتي...

ابن ثعلي....................

[متعب الجعيد]

اشكر اخواني ابن وعيل و طلال الثعلي واعدكم بالمزيد من اقوال الشاعر ثواب بن طنف الجعيد واحب ان اقول انه لولا دعمكم الغير متناهي لما كان لهذا المنتدى من اشتهار بين المنتديات تحياتي لكل من ساهم في هذا المنتدى وانا ارحب بأي مشاركه

ابن عمكم
متعب ثواب الجعيد

[متعب الجعيد]

هذه القصيده للآمير /محمد احمد السديري كانت على شكل سؤال او لغز وقد رد عليه الشاعر ثواب بن طنف الجعيد واجدها فرصه طيبه ان انشر هذه القصيدتين لأخواني زوار منتدى عتيبه ارجو ان تحوز على رضاكم.


القصيده للآمير /محمد احمد السديري
شيى بقلبي ياملا حايرن فيه = شيء تحير ابه العقول الفهامى
مخفيه بفوادي ولا ودي ابديه = وادور الخيرات شرقن وشامي
احترت به ماشفت شي يحاليه = واليوم ابنشد عنه ماني بكامي
سيل حدر مع وادي غير واديه = مدري حلا ل ماه والا حرامي
كانه حلا ل جايزن شرب صافيه = وش حلله يامفسرين الحلا مي
هاتوا تفاصيله وهاتوا معانيه = نبي الدليل الي عليه الكلامي
نبي دليل يفهم الدرب ماشيه = يمشي به التايه بليل الظلامي
يمشي به التايه ويقدي مواطيه = ويشرب قراح الما ليا صار ضامي
لا شك هجسي يوم خلا مماشيه = انه حرام ومنه زود الاثامي
احرم من الزقوم مره وحاليه = وشربه علي الضامي يزيد الهيامي
الله من قلب همومه تقزيه = تدك به مثل الجراد التهامي
من ما جري قامت تتله مشاحيه = تل الرشا من فوق هدف المقامي
روابع قامت تصيبه وتخطيه = شاف الهوايل واختلاف الاسامي
مايسمع الداعي اليا قام يدعيه = يعوم في بحرن من الهم طامي
ما يتنبه للي بصوته يناديه = يزيد همه يوم كلن ينامي
يشوف وقتن ماعرفنا تواليه = وقت يشيب من ابسن الفطامي
هذا زمانن كاثرات بلاويه = الغيم يقلب فيه عج وكتامي
يا بعد شرب الما علي كبد راجيه = ما سيل الغبرا زعوج الجهامي
انبيك يا من كلمة الحق ترضيه = اعطيك ما ينفعك وافهم مرامي
قصرن يذلك لاتقابل مبانيه = خله عسي شامخ طويله هدامي
خله عسي ما صاب اغادير يفنيه = يودع منازله الطويله رجامي
لو زان مدخاله وطالت حواميه = شيد علي الخيبه قليل الرحامي
وحي يوريك المذله وتغليه = انا اشهد انك ميت القلب عامي
من لايودك لا توده وترجيه = ارفع مقامك ياعزيز المقامي
ارفع مقامك عن عدوك وتوذيه = ويلحقك من تركت رفيقك ملامي
حق الرفيق وواجبه لا تخليه = يلزمك مثل الوالدين الحشامي
اختر عزيز الجار والحق يعطيه = شبل على هرج يقوله يحامي
مادك به عرج المذله وطاريه = يسبق على فعل الفضيله شمامي
ومن قارب الاجرب بالامراض يعديه = عدواه تسطي باللحم والعضامي
درب السلامه بيناتن مماشيه = ودرب العطب يرث عليك اللكامي
ابعد وقلبك نازح البعد يشفيه = وتلقى عن الدار البغيضه مقامي
دارن بدار وداعي الذل عاصيه = ولا تقبل الذلة نفوس الكرامي
الذل موت حايماتن ضواميه = ادخل على منزل فروض الصيامي
عن مقعد بالذل عينك تراعيه = الموت عند الذل امان وسلامي
يرضى المذله من تردت هقاويه = والذل يجفل منه قلب العصامي
والعبد له رب عن الناس يغنيه = ولولاه ما صاب الهدف كل رامي


رد الشاعر ثواب بن طنف الجعيد
هيهات ياقلبٍ كثيره طواريه = ويجيلها بين الضلوع ازحامي
اليا بنيت القيل اصواغه واعليه = ولاني بجالب سلعه ماتسامي
وهيضني الشاعر بقاف مسويه = واحكم تفاصيله قوي الحزامي
لو ما حكم فالسيل ملزوم نفتيه = والله عليم بقدرتي واهتمامي
اللي كرهته نكرهه ماندا نيه = لو يجمعونه من طوال النوامي
قلعه بوابيره وقلعه سواعيه = تقفي ليا ذعذع لهن الولامي
بعض الطيور البرق شاقه تمديره = ورقابه اطوال من رقاب النعامي
العلم الاول فات ماني مناحيه = والمقبلات إلها جزاء واحترامي
ولاباس ياقلب همومه تصاغيه = مثل الاصيل اليا صغاه الخطامي
من باح سده تفرح قلوب اعاديه = وصاعه غدا صاعين حل الصرامي
وكم واحد شيطان فرعون مغويه = ومن الحسد شمسه عليها غمامي
محضر زنابليه ومحضر مساحيه = ويبا رفيعات المباني هدامي
وتلقى خدوده كن هنه سماريه = ياطن وطي مثقلات الجلا مي
خله على اليسرى وكنك تعزيه = من غير قولة والدة للرحامي
والوقت مثل الوقت حاديه باديه = والفرق فاهله يالديب الشهامي
احد كما حيد زنيبه يذريه = يلقى الذرا في نايفات العقامي
واحدعن الطولات تقصر مراميه = ولو صاح في اعلى المرتفع مايلامي
وخل العوى للي همومه تلاويه = لي الهبوب لمشرفات البشامي
وعبد البقوم ان ما غبش له يماسيه = وباني عليه مبرقعات الخيامي
وهمٍ مناحر له وهم متقفيه = والعش ضايق من فروخ الحمامي
والضيف عذر معزبه ما يعشيه = يبا مع الترحيب شرب وطعامي
واللي يفوته مركب العز ويتيه = مثل الخليع اللي حياته عدامي
واحدٍ حباله تلحق الماء وترويه = ويمناه لاحقةٍ فروع السنامي
ومن لاتنقى دون جاره وعانيه = يلبس لباس مشوذرات الزمامي
وردي على ابو زيد ماهو تحديه = لكن ملحق خير ماني زعامي
ومن طابت ايمه وطابت لياليه = يجيه في رد الرسائل ختامي
وفرحة عيوني حايزٍ من مناشيه = تسبق سيوله مطلقات السهامي
متى نشوفه مايلاتٍ ثماريه = ومتعاقبات فيه ريمي وادامي

[متعب الجعيد]

تحية اعزاز وتقدير لاخواني ابو وعيل الرويس وطلال الثعلي ولولا الله ثم دعمكم المتواصل لما شارك العديد من الاخوان وفقكم الله ورفع من قدركم على هذا التشجيع
واعدكم بالمزيد .
لكم تحياتي
متعب الجعيد

[الهاجر]

مشكووووووووووووووووووووور قالوها العرب سبعه شياطين ولا جعيد واحد

.................................................. ..................ولد عمك الجعيد

[متعب الجعيد]

سلمت يابن العم من كل مكروه ### يالهاجر اللي كلنا نفتخر بك


ابن عمك / متعب ثواب الجعيد

[متعب الجعيد]

اخواني الأعزاء هذه قصيده لشاعرنا ثواب بن طنف الجعيد في احد المناسبات عند قبائل
بني سعد واترك للقاريء الاطلاع لعلها تنال اعجابكم.

طابت لنا الايام وابدت سرورها = ليالها وادوارها واشهورها
هذى فضايل ربنا رافع السماء = الملك ملكه والليالي يدورها
ارزاقنا وآجالنا تحت حكمته = والارض ارضه برها وبحورها
وقال الجعيد نيابة عن بني سعد = عنهم جميع غيابها وحضورها
يا مرحبا عداد ما زلزل الرعد = وما اخضرت الاغصان وابدت زهورها
اهلا وسهلا عد ما ناض بارق = بالامراء فخر البلاد وسورها
تم الفرح بزيارة امير مكه = يامرحبا في أي ارض يزورها
انتم هل الافعال والمجد والسخا = وشهامة ظاهر على الناس نورها
ويا مرحبا برجال صقر الجزيره = فيصل كسر كيد العداء في نحورها
عزمه يهد الشامخات الرواسي = وحلمه وعلمه واضحات سطورها
خطط مشاريعٍ كثيره ونفذت = ويسهر عى شعبه يراعي امورها
العلم نورٍ فالدجا ينسرى به = وبالعلم يعرف وردها من صدورها
وحنا جنوده مستعدين فالطلب = اما الثنا والمدح والا قبورها
والجد اساس العز من كل مجتهد = وقومٍ بليا عز تقصر شبورها
ومن لا يروي السيف تقصر مطامعه = ولا زاد في اعمار العباد محذورها
سنام الفخر ما يلحقه كل عاجز = ولا يبلي ايام القسى الا صبورها
ومن لا بذل حاله وماله ومهجته = من شامخات الارض ينزل حدورها
ومن لا يقيس الحادثه قبل دوسها = يبدي عليه من الليالي كدورها
ومن لايدور للذهب في معادنه = يتعب نظر عينه ويتعب حجورها
فلسطين تدعينا من اللي جرى لها = احتلت اسرائيل بالبطش دورها
يامعشر الاسلام اجيبوا نداها = في ساعه اسرائيل نمحو غرورها
من لا يهين إعداه اهانوا كرامته = ان كان شوره ما دمغ راس شورها
تمت وصلى الله على منبع الهدى = شفيع خلق الله ليا جاء نشورها

الشاعر ... ثواب الجعيد


تقبلوا تحياتي
متعب بن ثواب الجعيد

[سلطان الفهد]

بيض الله وجهك
يابن العم على نشرك الممتاز
وجزاك الله كل خير يالغالي

[متعب الجعيد]

اشكرك ياخوي سلطان الفهد على مرورك واعدك انني سوف ازيد من المشاركات
ولي عتب ياأخي على المشرف لأنه لم تظهر القصيدة الاخيرة كسابقتها من القصائد
لك تحيتي وتقديري
اخيك/ متعب الجعيد

[نجد]

وقال الجعيد نيابـة عـن بنـي iiسعـد .. عنهـم جميـع غيابهـا iiوحضـورهـا

عزالله انه قال ... وأجاد ..

سلمت يمينك يامتعب على هالنقل .. وبيض الله وجهك

واسمح وادمح يابن العم ... وعتبك على العين والراس ياغالي

تقبل تحياتي
نجد

[متعب الجعيد]

هذه قصيدة لشاعرنا/ ثواب بن طنف الجعيد وموضوعها في بعض الأصدقاء اللذين ارجوا ان لانكون منهم.
يا قيل من غرب وجرب ولا انتهى وقضى حياته شاريٍ بياع
بياع شاري والمنافع قليله وياما غدى لي من جميل وضاع
وكم طمعةٍ منها السلامه غنيمه يسعى لها باقدامه الطماع
وليا عرفها ما يبا الا فراقها تطير والا تندفن في القاع
ويا مكثر الاصحاب وقت العوافي ويا قلهم في حزة المفزاع
يغرون بالاجسام واللبس والنظر مناظر سليمه والقلوب وجاع
ثعالب ليا دورتهم عند حاجه وليا بغوا حاجة يجون سباع
كم واحدٍ يعجبك قوله وزوله وليا نصيته فاللوازم ماع
حرصه على دنياه ماهو بنافعه بطون الليالي المقبلات جياع
فلا دايمٍ فقرٍ ولادايمٍ غنى والارزاق من عند الكريم انواع
قلته بعد جربت حالي وحيلتي والتجربه تكفي عن الاوضاع

[سمران القثامي]

الأخ الغالي متعب الجعيد

اولا الله يسعد مساك بكل خير يابو فهد

ثانيا المعذره والله ان الشاعر ثواب بن طنف اكبر من ان انقده او احكم على قصيده ثواب الجعيد رجل فاضل رجل شاعر رجل عارفه رجل يفوق الوصف

في جميع مايحويه 00اسأل الله له الجنه وحسن الختام

ولكن لي اقتراح اخوي ابو فهد يتمثل في اصدار ديوان يجمع فيه القصيد

الذي يعد من خيار القصيد لما يحويه من حكم وتجارب ونصائح افرزتها

مواقف حياته وهذا من باب البر به واعتقد ان ابناء ثواب الجعيد ولمعرفتي ببعضهم لن يتاخروا عن هذا المشروع

اتمنى لكم التوفيق اخوي متعب ويشرفني التعليق على نتاج شاعر وقامه

من قمم الشعر التعليق 00فقط

اخوكم سمران القثامي

[تركي الجعيد]

السلام عليكم ورحمة الله
أحب أشكرك على كل الجهود التي تبذلها في هذا المنتدى واتمنى أن تقوم بنشر قصائد الشاعر وهي عدة قصائد قالها في الديره وأني أبحث عنها منذ زمن طويل واتمنى أن تقوم بنشرها هنا مع ذكر كل قصة للقصيده وأنا أعلم كم هذا شاق عليك ولكن أملي في الله ثم فيك كبير وتقبل تحياتي

[ابوسعدالحليفي]

الاخ متعب اشكرك شكرا جزيلا على ادراج هذه القصائد ونتمني المزيد المزيد من قصائد الشيخ ابو متعب حفظه الله

فلا تبخل علينا ولك جزيل الشكر مع تحياتي لكم وتمنياتي لكم بالتوفيق .

وكل عام وانت بخير

[مرزوق الجعيد]

يا قيل من غرب وجرب ولا انتهى= وقضى حياته شاريٍ بياع
بياع شاري والمنافع قليله= وياما غدى لي من جميل وضاع
وكم طمعةٍ منها السلامه غنيمه= يسعى لها باقدامه الطماع
وليا عرفها ما يبا الا فراقها= تطير والا تندفن في القاع
ويا مكثر الاصحاب وقت العوافي= ويا قلهم في حزة المفزاع
يغرون بالاجسام واللبس والنظر= مناظر سليمه والقلوب وجاع
ثعالب ليا دورتهم عند حاجه= وليا بغوا حاجة يجون سباع
كم واحدٍ يعجبك قوله وزوله =وليا نصيته فاللوازم ماع
حرصه على دنياه ماهو بنافعه =بطون الليالي المقبلات جياع
فلا دايمٍ فقرٍ ولادايمٍ غنى =والارزاق من عند الكريم انواع
قلته بعد جربت حالي وحيلتي= والتجربه تكفي عن الاوضاع

ثـــــــــواب بن طنف الجعيد



الاخ متعب الجعيد
مشكور يبن العم على هالقصايد الطيبه الي نعتبرها رمز من رموز القصيد لشاعر معروف
ارجو منك ان تستمر بنشر باقي القصائد واعلم ان في ذلك مشقه عليك ولكن ما للحمول الا جمالها
واذا تبي اي فزعه انا حاضر وتحت امرك
اخوك
مرزوق الجعيد
ابو نواف

[متعب الجعيد]

الأخوان الأعزاء
سمران القثامي
تركي الجعيد
ابوسعد الحليفي
مرزوق الجعيد
اشكركم جزيل الشكر على مروركم وتشجيعكم وبهذه المناسبه كلنا نشكر الأخ مرزوق الجعيد على اخراج القصيده الأخيره بطريقه جعلتني اكثر حماس على المزيد من العطاء
واهدي لمحبين الشاعر ثواب بن طنف الجعيد هذه القصيده رد على قصيدة الشاعر محمد بن تويم رحم الله الميت واحسن خاتمة الحي
اعمارنا في دبرة الخلاق رب العباد مقسم الارزاق
وروح الفتى ما تاخذ الانصيبها لوكان كلفها مالا تطاق
واعمالنا مقرونة مع حياتنا ومعلوم بعد الاجتماع فراق
وان زل عمر الرجل عشر مربعه يحسب حساب الموت في الاعناق
ويا قيل من صب المعاني وكالها واختار من مضمونها ما لاق
يعالج بها همه ليا ضاق خاطره وغنى زعل ماهو غنى مشتاق
يسمع كلام مخالفٍ للحقيقه ومن يستمع غير الحقيقه ضاق
كان الهوى العذري محبه وشيمه ويقدرونه معشر العشاق
وساجت وماجت به صروف الليالي وترنم الألآت والابواق
والفاتنات الغاويات العرايا الخاينات العهد والميثاق
ماهي بمجبوره على قصر ثوبها ثيابها صفات في المعلاق
لكن خفت عقلها مثل لبسها سوات عش العنكبوت رقاق
وتعرضن لاهل الحكى والنقيلي والعاشق اللي يبذل الاوراق
ويغالط العشاق عند استماعهم ويحلف لهم ويقول انا الصداق
يقول حب الزين حرق ضمايري ولو كان صادق كان راح حراق
ويقول عنقه مثل عنق النعامه وعنق النعامه منحني ودقاق
ومن هرجهم على سبيل المغالطه يقول ابو خدٍ كما البراق
وتفكروا ياهل العقول الرزينه من ذا يصدق والبروق سباق
ويقول لو شمس الضحى غاب نورها نوره يكفينا عن الاشراق
وعند الحقيقه في كلامه زياده وان زاد ملح الزاد ما ينذاق
ومحمد ابن تويم وافق غريبه وفي حد قوله خدها شعاق
وسير بها في كل دارٍ وديره واشفت بوابيره على الاغراق
يقول بالمنديل يمسح دموعها وجاء فالعلوم معقله واطلاق
ولو قال يا راعى العيون الكحيله الماء انتثرفي الارض ما ينحاق
ما كان يرفعها وترخي مقامه وبعض الطمايع ييبس الارياق
واللي يطيع ابليس والنفس والهوى لاشك مع تيارها ينساق
وتصبح قصيرات عن الماء حباله ولا يستوي سدٍ وراه رواق
والطيب ستر العرض عما يعيبه ماهو بطرد الهيم في الاسوق
وهن حطن للمجانين أشاره موصلاتٍ روسهن باحقاق

مع تحيات
متعب بن ثواب الجعيد

[مرزوق الجعيد]

اعمارنا في دبرة الخلاق= رب العباد مقسم الارزاق
وروح الفتى ما تاخذ الانصيبها= لوكان كلفها مالا تطاق
واعمالنا مقرونة مع حياتنا= ومعلوم بعد الاجتماع فراق
وان زل عمر الرجل عشر مربعه= يحسب حساب الموت في الاعناق
ويا قيل من صب المعاني وكالها= واختار من مضمونها ما لاق
يعالج بها همه ليا ضاق خاطره= وغنى زعل ماهو غنى مشتاق
يسمع كلام مخالفٍ للحقيقه =ومن يستمع غير الحقيقه ضاق
كان الهوى العذري محبه وشيمه= ويقدرونه معشر العشاق
وساجت وماجت به صروف الليالي= وترنم الألآت والابواق
والفاتنات الغاويات العرايا =الخاينات العهد والميثاق
ماهي بمجبوره على قصر ثوبها= ثيابها صفات في المعلاق
لكن خفت عقلها مثل لبسها= سوات عش العنكبوت رقاق
وتعرضن لاهل الحكى والنقيلي= والعاشق اللي يبذل الاوراق
ويغالط العشاق عند استماعهم =ويحلف لهم ويقول انا الصداق
يقول حب الزين حرق ضمايري= ولو كان صادق كان راح حراق
ويقول عنقه مثل عنق النعامه =وعنق النعامه منحني ودقاق
ومن هرجهم على سبيل المغالطه= يقول ابو خدٍ كما البراق
وتفكروا ياهل العقول الرزينه= من ذا يصدق والبروق سباق
ويقول لو شمس الضحى غاب نورها =نوره يكفينا عن الاشراق
وعند الحقيقه في كلامه زياده= وان زاد ملح الزاد ما ينذاق
ومحمد ابن تويم وافق غريبه =وفي حد قوله خدها شعاق
وسير بها في كل دارٍ وديره =واشفت بوابيره على الاغراق
يقول بالمنديل يمسح دموعها= وجاء فالعلوم معقله واطلاق
ولو قال يا راعى العيون الكحيله= الماء انتثرفي الارض ما ينحاق
ما كان يرفعها وترخي مقامه= وبعض الطمايع ييبس الارياق
واللي يطيع ابليس والنفس والهوى= لاشك مع تيارها ينساق
وتصبح قصيرات عن الماء حباله= ولا يستوي سدٍ وراه رواق
والطيب ستر العرض عما يعيبه= ماهو بطرد الهيم في الاسوق
وهن حطن للمجانين أشاره =موصلاتٍ روسهن باحقاق


ثواب بن طنف الجعيد




اشكر الاخ متعب كل الشكر

وصح لسان شاعرنا الكبير

وما زلنا نطالب فهذه المشاركات نقطه في بحر من الشاعر الكبير ثواب الجعيد


اخوك

[متعب الجعيد]

اخي مرزوق الجعيد اسعد الله اوقاتك بكل خير
لااستطيع ان اعبر لك عن شكري وتقديري لك بما قمت به من مجهود لإخراج القصيده
بشكل جميل واسألك ياأخي كيف استطيع كتابتها بهذا الشكل بدلا من اعادت كتابتها
تحياتي لك ولاهل شقصان ستيت
اخيك
متعب ثواب الجعيد

[مرزوق الجعيد]

الاخ متعب تحية طيبه وبعد
اولا لا تشكرني على اي شي اقدمه لانني لم اقدم الا لواجب والشاعر ثواب بن طنف انا شخصيا من عشاق هذا الشاعر الكبير
ثانيا بالنسبه لطريقة تنسيق القصائد هذه الخدمه موجوده في المنتدى والشرح راح يطول ولكن راسلني على الماسنجر او سارسل الشرح لك رساله خاصه وشكرا
اخوك

[متعب الجعيد]

قصيدة للشاعر/ ثواب بن طنف الجعيد عن اختلاف الناس في هذا الزمن


حياتي سفينه والروابع تشيلها = وحالي نحل من سيرها واتعديلها
اليا جيت امشيها على قيس غايتى = تعذر زماني واعترض في سبيلها
تعرض لي الاحداث وازريت احلاها = ويتعب ربابين العقول اتحليلها
ويا مكثر الاصحاب في حزة الرخاء = لكن في الشده قليل ا تحصيلها
فكرت فالدنيا واهلها تغيروا = من ما تشوف العين وآعزتيلها
كانت مرواة العرب مضرب المثل = واليوم راحت ما بقي الا قليلها
اشوف لي ناسٍ تغير سلومها = تعوضوا باسلوم ماعرف دليلها
غضبها قريبٍ من طربها اليا اشتهوا = وفي الحالتين احوالها ينرثيلها
تغيروا فالجار والضيف والخوي = ولوازمٍ في ما مضى ترتكيلها
فلا الدين يمنعهم عن الزور والخطاء =
حياتي سفينه والروابع تشيلها = وحالي نحل من سيرها واتعديلها
اليا جيت امشيها على قيس غايتى = تعذر زماني واعترض في سبيلها
تعرض لي الاحداث وازريت احلاها = ويتعب ربابين العقول اتحليلها
ويا مكثر الاصحاب في حزة الرخاء = لكن في الشده قليل ا تحصيلها
فكرت فالدنيا واهلها تغيروا = من ما تشوف العين وآعزتيلها
كانت مرواة العرب مضرب المثل = واليوم راحت ما بقي الا قليلها
اشوف لي ناسٍ تغير سلومها = تعوضوا باسلوم ماعرف دليلها
غضبها قريبٍ من طربها اليا اشتهوا = وفي الحالتين احوالها ينرثيلها
تغيروا فالجار والضيف والخوي = ولوازمٍ في ما مضى ترتكيلها
فلا الدين يمنعهم عن الزور والخطاء = ولا البوق يفنيها عسى الله يزيلها


ولا البوق يفنيها عسى الله يزيلها

[متعب الجعيد]

هذه القصيده قالها الشاعر بريكان الجعيد


ليت البحر يوصل مكاتيب مني
وارسل مكاتيبي على صافي الامواج
مضمونها للي يسالون عني
اني بدار مابها هم واحراج
دار بها كيف على كل فني
وبها طرات الروح في كل منهاج
اللي يعيش بها يعيش متهني
وحتى مريض القلب يلقى بها علاج
حلفت لان كان الليال امهلني
في غيرها ماعاد افكر ولا احتاج

ورد عليه الشاعر ثواب بن طنف الجعيد هذه الابيات


انا ليا اوحيت الشقاوي يغني
غنيت من فكر هواجيسه افواج
يوم الليال التاليات اعذبني
وغيري مفرشته حرير وديباج
الكيف يابريكان هيلٍ وبني
وسوالفٍ يطرب لها كل هراج
في مجلسٍ للي يجيه متعني
يرمي حمول الهم ويشوف الافراج
مع ربعة من صلب جدي ومني
افخر بهم واعدل بهم كل منعاج


وارسل مكاتيبي على صافي الامواج
مضمونها للي يسالون عني
اني بدار مابها هم واحراج
دار بها كيف على كل فني
وبها طرات الروح في كل منهاج
اللي يعيش بها يعيش متهني
وحتى مريض القلب يلقى بها علاج
حلفت لان كان الليال امهلني
في غيرها ماعاد افكر ولا احتاج

ورد عليه الشاعر ثواب بن طنف الجعيد هذه الابيات


انا ليا اوحيت الشقاوي يغني
غنيت من فكر هواجيسه افواج
يوم الليال التاليات اعذبني
وغيري مفرشته حرير وديباج
الكيف يابريكان هيلٍ وبني
وسوالفٍ يطرب لها كل هراج
في مجلسٍ للي يجيه متعني
يرمي حمول الهم ويشوف الافراج
مع ربعة من صلب جدي ومني
افخر بهم واعدل بهم كل منعاج

[مرزوق الجعيد]

الاخ متعب الجعيد

صح السانك والسان الشاعر الكبير ثواب الجعيد
واتمنا ان الرساله الخاصه الي ارسلتها لك انها وصلتك
وارجو ان تعمل معاينه للقصيده قبل النشر لتكون باجمل اشكالها


اتمنا لك التوفيق
وارجو من المشرفين الاعزاء العمل على تنسيق القصائد بشكل جميل فهذا التنسيق يخدم في البدايه المتصفح ويخدم الموقع بشكل عام

وارجع واكرر شكري للاخ متعب الجعيد على ما يقوم به من جهد للوقوف بالمنتدى والديوان الخاص بالشاعر ثواب الجعيد الى الافضل



اخوكم ومحبكم
-
-
-====================>>>

[متعب الجعيد]

الأخ مرزوق الجعيد تحية عطرة
لقد وصلت الرسالة وانا عاجز عن شكرك لقد تعلمت منك ومن علمني حرفا كنت له عبدا وكما قلت في احد قصائدي
الطيب لاهل الطيب سهل ٍ مناله# ومعلوم لاهل الردى صعب وبعيد
كما اشكر القائمين على المنتدى جزيل الشكر لنشر قصائد لشعراء عظام اهملهم
الاعلام وهو من تراثنا الاصيل ويجب علينا المحافظة ونشره لقرائنا الأعزاء
اخي العزيز : انا على اتم استعداد للمزيد من المشاركات لك التحية وللمشرفين
سلامي لاهل شقصان .
اخيك
متعب ثواب الجعيد
metibaljeaid@hotmail.com

[سبع الجزيرة]

بيض الله وجهك ولاهنت

مشكووووووووررررررررررر

[معيقل بن جعيد]

الرجاااااااااااااااااااااء من كل يدخل على التعقيب الآتي ان يدعو للشاعر


ثوااااااااااااب بن طنف الجعيد؛

بالشفااااااااااااااااااااااء العاااااااااااااجل؛من المرض؛


وكذلك الدعااااااااااااااء بحسن الخاااااتمة.

ارجو التأمين

معيقل بن جعيد...:confused:

[متعب الجعيد]

تحية من الأعماق للأخوان سبع الجزيرة ومعيقل بن جعيد واشكركم على مروركم
واعدكم بالمزيد واطلب منكم الدعاء للشاعر المبدع الشيخ/ ثواب الجعيد .
اسأالله العظيم رب العرش الكريم ان يشفيه ويحسن خاتمته.

اخيكم
متعب الجعيد

[الحاير]

الأخ العزيز / متعب الجعيد
السلام عليكم ورحمة الله وبركاته
أسعد الله مسائك بكل خير
أشكرك وأشكر جميع القائمين على هذا المنتدى لما تقومون به من جهود
الله يبيض وجهك على ما قمت به من نشر قصائد للشاعر الكبير / ثواب بن طنف الجعيد أطال الله في عمره
نتمنى له الشفاء العاجل وحسن الخاتمة آمين
اتمنى منك أن تنشر المزيد من قصائد الشاعر /ثواب بن طنف الجعيد
ولك تحياتي والى جميع أبناء شقصان
والى الأمام
مع تحيات / **************** ابن عمك الجعيد

[ماجد عوض الجعيد]

أبـو فهـد

أسعـد الله جميع أوقاتك بكـل خيـر ..


بيض الله وجهـك طال عـمـرك ..


والشاعر الكبير ثواب بن طنف الجعيد رمز من رموز الشعر ..


اسئل الله الكريم رب العرش العظيم أن يشفيه ويحسن خاتمته ..


وطلبنا لك يابو فهد انك ماتحرمنا من أشعار ابو متعب الله يقومه لنا بالسلامه ..


لك مني الاحترام والتقدير..

[متعب الجعيد]

الأخ ماجد الجعيد السلام عليكم ورحمة الله وبركاته
اشكرك على مرورك وجزاك الله خير لدعائك لوالدنا الله يقبل منا الدعاء
ويختم له بالخاتمة الطيبة.
اخي العزيز اعدك اني سوف اواصل في نشر المزيد من قصائد الشاعر
ثواب بن طنف الجعيد ولك مني اجمل تحيه.
اخيك
متعب الجعيد

[متعب الجعيد]

قصيدة قديمة للشاعر / عوض الله بن رجاء الجعيد لها مكانة خاصةفي
نفس الشاعر / ثواب بن طنف الجعيد لأنها تاريخية وفيها من الحكم ما
يجعلها متميزة جداً .

قال الجعيد اللي ليا قال ما تاع كلامه احلى من شراب العدودي
واحلى من اللبن اليماني ليا فاع في مجلس ٍ فيه اللنشاما قعودي
واكن سري بين قلبي وألأضلاع وان هاض صدري رد زين الردودي
يالله ياللي للمخاليق سماع ياجيد ٍ ما مثلك احدٍ يجودي
ياللي ليا مديت مدتك في ساع مدك ولا مد البخيل الحسودي
طالبك من نوءٍ سحابه ليا ماع يسقي الديار المسنيات الخمودي
ياراكبٍ من عندنا فوق مطواع وقم الرباع مشرهينه قعودي
يشدى الفريد ليا تميز من القاع ما عاود الا في عدام النفودي
ودوا كلامي يا موديت الاسماع ودوه لآل سعود اهل كل جودي
الحكم لال سعود ماهو بداع موارثٍ لأبوانهم والجدودي
ياما بدوا بالجمع مع روس الارواع وكلٍ شرب يوم اصطفاق الوردي
هدوا ومدوا يوم مدات الأبواع لين ٍ قر الحكم بين الحدودي
لين ٍ كل ٍ كال بالمد والصاع ما زعزعوهم بايقين العهودي
هدوا وردوا لين راع الخطاء راع لين ٍ عود كل عاص ٍ عنودي
وموج البحر ما يقطعه غير شراع حظ الفتى من يوم هو في المهودي
وان جاء الولد من مركز الجود واسباع يصبح كماهم فالمجالس قعودي
ترى عريب الجد ينشي وبتاع يطلع كما جده ويرقى سنودي
بيت الشجاعة للشجيعين مرجاع والسلم ما يحفظ يقع بالعدودي
والصقر له في ماكر الصقر ميقاع ما يبدي الا في طويل الحيودي
والبيت ما يبنى بلا اطناب واشراع ما ينبني الا بالذرى والعمودي
والراس ما يومي بلا جنب وذراع والجنب عزه من شديد العضودي
والحق له سدة وله باب واسناع مافيه بيع ومشترى بالنقودي
وان كان جاء فالحق شاري وبياع يضيع بين المدعي والقعودي
اوصي هل الذمة مدورة الاطماع على رضى الله حدهم فالوجودي
لابد يوم ٍ فيه نزله ومطلاع ولا شاهد الا الله خيار الشهودي
يوم ٍ ما للعبد عاني وفراع غير العمل ومبيحات السدودي
هذا كلام الصدق ما هو تبراع لاهو كرم مني ولاهو حشودي
الصدق اله وزان وان ما وزن ضاع يضيع بين اثنين ما فيه فودي
والصدق ما يوجد يقع عند صناع يصنع كما رمي ام خمس الركودي
والكذب ما يشرى ولاهو بمنباع دايم كما حب الرحاه اللكودي
تسعين عام موزن الهرج ما تاع حافظ جوابي ما تبيح سدودي
ردوا عليه ياهل الذرع والباع في ما عليه تنقدون الردودي
انا كلامي لا يوديه تواع ترى كلامي للقبائل فيودي
يا جعل من وداه في غير الاسناع يبات خائف في طويل اللحودي
واختم بذكر الله على كل الانواع عداد نوءٍ من سحابه يقودي
نوءٍ من المنشا يجيله تزعزاع في الزعزعة جاله تزاهم رعودي

[فهدمتعب الجعيد]

قصيدة قديمة للشاعر / عوض الله بن رجاء الجعيد لها مكانة خاصةفي
نفس الشاعر / ثواب بن طنف الجعيد لأنها تاريخية وفيها من الحكم ما
يجعلها متميزة جداً .


قال الجعيد اللي ليا قال ما تاع= كلامه احلى من شراب العدودي
واحلى من اللبن اليماني ليا فاع= في مجلس ٍ فيه اللنشاما قعودي
واكن سري بين قلبي وألأضلاع= وان هاض صدري رد زين الردودي
يالله ياللي للمخاليق سماع= ياجيد ٍ ما مثلك احدٍ يجودي
ياللي ليا مديت مدتك في ساع= مدك ولا مد البخيل الحسودي
طالبك من نوءٍ سحابه ليا ماع= يسقي الديار المسنيات الخمودي
ياراكبٍ من عندنا فوق مطواع= وقم الرباع مشرهينه قعودي
يشدى الفريد ليا تميز من القاع= ما عاود الا في عدام النفودي
ودوا كلامي يا موديت الاسماع= ودوه لآل سعود اهل كل جودي
الحكم لال سعود ماهو بداع= موارثٍ لأبوانهم والجدودي
ياما بدوا بالجمع مع روس الارواع= وكلٍ شرب يوم اصطفاق الورودي
هدوا ومدوا يوم مدات الأبواع= لين ٍ قر الحكم بين الحدودي
لين ٍ كل ٍ كال بالمد والصاع= ما زعزعوهم بايقين العهودي
هدوا وردوا لين راع الخطاء راع= لين ٍ عود كل عاص ٍ عنودي
وموج البحر ما يقطعه غير شراع= حظ الفتى من يوم هو في المهودي
وان جاء الولد من مركز الجود واسباع= يصبح كماهم فالمجالس قعودي
ترى عريب الجد ينشي وبتاع= يطلع كما جده ويرقى سنودي
بيت الشجاعة للشجيعين مرجاع= والسلم ما يحفظ يقع بالعدودي
والصقر له في ماكر الصقر ميقاع= ما يبدي الا في طويل الحيودي
والبيت ما يبنى بلا اطناب واشراع= ما ينبني الا بالذرى والعمودي
والراس ما يومي بلا جنب وذراع= والجنب عزه من شديد العضودي
والحق له سدة وله باب واسناع= مافيه بيع ومشترى بالنقودي
وان كان جاء فالحق شاري وبياع= يضيع بين المدعي والقعودي
اوصي هل الذمة مدورة الاطماع= على رضى الله حدهم فالوجودي
لابد يوم ٍ فيه نزله ومطلاع= ولا شاهد الا الله خيار الشهودي
يوم ٍ ما للعبد عاني وفراع= غير العمل ومبيحات السدودي
هذا كلام الصدق ما هو تبراع= لاهو كرم مني ولاهو حشودي
الصدق اله وزان وان ما وزن ضاع= يضيع بين اثنين ما فيه فودي
والصدق ما يوجد يقع عند صناع= يصنع كما رمي ام خمس الركودي
والكذب ما يشرى ولاهو بمنباع= دايم كما حب الرحاه اللكودي
تسعين عام موزن الهرج ما تاع= حافظ جوابي ما تبيح سدودي
ردوا عليه ياهل الذرع والباع= في ما عليه تنقدون الردودي
انا كلامي لا يوديه تواع =ترى كلامي للقبائل فيودي
يا جعل من وداه في غير الاسناع= يبات خائف في طويل اللحودي
واختم بذكر الله على كل الانواع= عداد نوءٍ من سحابه يقودي
نوءٍ من المنشا يجيله تزعزاع= في الزعزعة جاله تزاهم رعودي

[متعب الجعيد]

الأبن الشاعر فهد الجعيد
السلام عليكم ورحمة الله وبركاته.
اشكرك على مرورك و تنسيقك للقصيدة .
والدك
متعب الجعيد

[الحاير]

الأخ العزيز / متعب الجعيد
السلام عليكم ورحمة الله وبركاته
أسعد الله جميع أوقاتك بكل خير
كيف حال الشاعر الكبير /ثواب بن طنف الجعيد
أتمنى له من الله الشفاء وأن يحسن خاتمته
لي طلب عندك يابو فهد وهو نشر قصيدة قالها الشاعر الكبير مع نشر المناسبة التي قيلت فيها القصيدة التي في مطلعها
وش بلا صاحبي ينشد عن سعيد
لاجمال ولا كمال ولا وراه فياده
الهوى ياراعي المحبة يدخله برويد
يدخل الرجال لين يقصر قيادة
************************************************** *********************************
وبيض الله وجهك يابو فهد على ما تقوم به من جهود لنشر قصائد الشاعر / ثواب الجعيد ولك أجمل تحياتي
أخوك / الحاير
albriins_15@hotmail.com

انا ولد من تاخذ القوم رايه
جدي وابويه يحكم القالات
قالات نحكمها وقاله نحلها
وقاله ندرج فوقها الحيلات

[الحاير]

الأخ العزيز / متعب الجعيد
السلام عليكم ورحمة الله وبركاته
أسعد الله جميع أوقاتك بكل خير
كيف حال الشاعر الكبير /ثواب بن طنف الجعيد
أتمنى له من الله الشفاء وأن يحسن خاتمته
لي طلب عندك يابو فهد وهو نشر قصيدة قالها الشاعر الكبير مع نشر المناسبة التي قيلت فيها القصيدة التي في مطلعها
وش بلا صاحبي ينشد عن سعيد
لاجمال ولا كمال ولا وراه فياده
الهوى ياراعي المحبة يدخله برويد
يدخل الرجال لين يقصر قيادة
************************************************** *********************************
وبيض الله وجهك يابو فهد على ما تقوم به من جهود لنشر قصائد الشاعر / ثواب الجعيد ولك أجمل تحياتي
أخوك / الحاير
albriins_15@hotmail.com

انا ولد من تاخذ القوم رايه
جدي وابويه يحكم القالات
قالات نحكمها وقاله نحلها
وقاله ندرج فوقها الحيلات

[متعب الجعيد]

الاخ الحائر :
السلام عليكم ورحمة الله وبركاته:
اشكرك على مرورك واعتذر عن التأخير في الرد وذلك لأسباب خاصة اما طلبك سوف احاول البحث عنه
كما تعلم يا أخي العزيز والدنا الشاعر / ثواب الجعيد شفاه الله واحسن خاتمته له مواقف كثيره مع اصحابه
بعضها لا نعرفه الأ من بعض اللأصدقاء مثلك تكون لها قصة او طرفة لك تحياتي .

اخيك
متعب الجعيد

[الوليد الاسعدي]

بيض الله وجهك وكثر من امثالك يامتعب ويفخر المنتدى بوجود امثالك وتزداد المحبة والتقدير عندما نعلم انك انت ابن الشاعر الكبير الكريم المفوه الذي استمتعت بشعره امة العرب كافة وما زال ينافح عن حياض القبيلة بسيوف من القصائد كانت عزا وفخرا ابى التاريخ الا ان يحملها معه بكل جدارة وتقدير .
شفى الله الشاعر ابو متعب ثواب بن طنف الجعيـد والبسه ثياب الصحة والعافية واسبغ عليه من نعمائه الظاهرة والباطنة ....آآآآآآآآآآمين .

[أبو الوليد]

الأخ متعب بن ثواب الجعيد ........ حفظه الله
السلام عليكم ورحمة الله وبركاته

جزاك الله خير على انزال هذه القصائد الرائعة .... وفعلا الشعر ديوان العرب..

هل يوجد ديوان مطبوع للوالد .. وهل نستطيع الحصول عليه في مكتبات الطائف..

والله يعطيك العافية انت والوالد والحاضرين ..

[متعب الجعيد]

الأخوان الأعزاء الوليد الأسعدي والشهاب تحية طيبه وكل عام وانتم بخير
اشكركم جزيل الشكر على مروركم ودعائكم لوالدنا الشاعر/ثواب الجعيد احسن الله خاتمته وقد قال في احد قصائده
تسعى لنا الدنيا وتطوي عمارنا***** وبيض الليالي ما تعلم بسودها
عزوم ٍ ليا قفّت غرور ٍ ليا أقبلت***** مكارة ٍ بواقة ٍ في عهودها

اخي الشهاب : اما عن الديوان فانه مازال تحت الطبع وسوف اخبركم عندما ينزل في السوق
وبالمناسبة اهدي لكم وللقراء الأعزاء هذه القصيدة لشاعرنا الشيخ / ثواب الجعيد
لكم تحيات
متعب الجعيد

[متعب الجعيد]

يالله يامنشي المطرمن سحابه

للشاعر / ثواب بن طنف الجعيد قصائد كثيره في النصح منها ماهو موجه لأصحابه
واقاربه كذلك اولاده منها هذه القصيده يخاطب ابنه متعب وينصحه.



ياالله يامنشي المطر من سحابه = يامنشي غر السحاب بماه
يامنشي الماء فالمزون الغوادي = تلعب به الأرياح في منشاه
يامجري الافـلاك حـتى مـقرها = ترتيب كل عارف مجراه
يارازق الحيتان في غبة البحر = حاشا كرم جود الغني ينساه
تفرج لعين حارب النوم نونها = كن الكرى عنها طويت رشاه
وقلب حداه الوقت من دون غايته = ساهر قمر عشرين في مبداه
وياقيل من جرب حلاها ومرها = وضيم الليالي ما يرع ثناه
لكن اماشي الوقت في اللين والقسا = ومر ٍ يحاديني ومر احداه
ومن لايداري هجرته باح سده = عميت دروبه واللزوم إحذاه
ضده زمانه لين يبحث سدوده = وامسى كما ذيب يجر عواه
وانا الذي من تجربتها عرفتها = وكل عرفت بناه في مبناه
وليا بنيت قصور ترجع سقايف = وعلى كذا بيع الزمن واشراه
ويا متعب اسمع من مجرب نصيحه = من عاقل ٍ مايختلف معناه
حلس القبيله ياحذارى تناسبة = خله يناسب واحد ٍ شرواه
وابعد عنه قدام لاتبتلي به = وليا بليت احرص على فرقاه
مقارب الانذال كله خساره = والبيع بالخسران من يرضاه
خسارة ٍ فالحال والمال والذرا = ومعلوم طلع العود من مجناه
من قارب الجربا كما قيل يجرب = ومن حل في وادي الهيام اعداه
ومن لا يصون العرض عن منسب الردى = شاف الندم في ما جنت يمناه
ليا جهلت الارض سايل هل النظر = ويجيك من عند اللبيب وصاه
من قارب اجواد العرب يسلم النشب = يصون عرضه ما يباح حماه
يرفون خلاته ويدرون خاطره = وبيته يعلونه على علياه
وليا نبابه منزله ثم زارهم = عاضوه في اقرابه وفي مشحاه
ولو كان زلاته كبار الزرايب = ما احد درى عنها ولا ناحاه
ومن لا يشيرك لاتشقوى بحاله = لو كان سرعات الندب تاطاه
كم جاهل رايك يشوفه جهاله = وليا نصحته راح في عمياه
ولا كل من يضحك معك تعتزيى به = يغرك الربريب عند حكاه
وتصبح تبيع من الهقاوي بلا ثمن = في سوق خالي قول واعزاه
ليت الرجال وسومها في خشومها = حتى ليا شفت الردي تـنفاه
لكن اوادم كاسيتها ثيابها = والستر من رب العباد اضفاه
تمت وصلى الله على منبع الهدى = نبينا اللي نهتدي بهداه
عداد ماتذري الصبا والعوالي = واعداد ماهل الخيال بماه

[متعب الجعيد]

يالله يامنشي المطرمن سحابه

للشاعر / ثواب بن طنف الجعيد قصائد كثيره في النصح منها ماهو موجه لأصحابه
واقاربه كذلك اولاده منها هذه القصيده يخاطب ابنه متعب وينصحه.


ياالله يامنشي المطر من سحابه = يامنشي غر السحاب بماه
يامنشي الماء فالمزون الغوادي = تلعب به الأرياح في منشاه
يامجري الافـلاك حـتى مـقرها = ترتيب كل عارف مجراه
يارازق الحيتان في غبة البحر = حاشا كرم جود الغني ينساه
تفرج لعين حارب النوم نونها = كن الكرى عنها طويت رشاه
وقلب حداه الوقت من دون غايته = ساهر قمر عشرين في مبداه
وياقيل من جرب حلاها ومرها = وضيم الليالي ما يرع ثناه
لكن اماشي الوقت في اللين والقسا = ومر ٍ يحاديني ومر احداه
ومن لايداري هجرته باح سده = عميت دروبه واللزوم إحذاه
ضده زمانه لين يبحث سدوده = وامسى كما ذيب يجر عواه
وانا الذي من تجربتها عرفتها = وكل عرفت بناه في مبناه
وليا بنيت قصور ترجع سقايف = وعلى كذا بيع الزمن واشراه
ويا متعب اسمع من مجرب نصيحه = من عاقل ٍ مايختلف معناه
حلس القبيله ياحذارى تناسبة = خله يناسب واحد ٍ شرواه
وابعد عنه قدام لاتبتلي به = وليا بليت احرص على فرقاه
مقارب الانذال كله خساره = والبيع بالخسران من يرضاه
خسارة ٍ فالحال والمال والذرا = ومعلوم طلع العود من مجناه
من قارب الجربا كما قيل يجرب = ومن حل في وادي الهيام اعداه
ومن لا يصون العرض عن منسب الردى = شاف الندم في ما جنت يمناه
ليا جهلت الارض سايل هل النظر = ويجيك من عند اللبيب وصاه
من قارب اجواد العرب يسلم النشب = يصون عرضه ما يباح حماه
يرفون خلاته ويدرون خاطره = وبيته يعلونه على علياه
وليا نبابه منزله ثم زارهم = عاضوه في اقرابه وفي مشحاه
ولو كان زلاته كبار الزرايب = ما احد درى عنها ولا ناحاه
ومن لا يشيرك لاتشقوى بحاله = لو كان سرعات الندب تاطاه
كم جاهل رايك يشوفه جهاله = وليا نصحته راح في عمياه
ولا كل من يضحك معك تعتزيى به = يغرك الربريب عند حكاه
وتصبح تبيع من الهقاوي بلا ثمن = في سوق خالي قول واعزاه
ليت الرجال وسومها في خشومها = حتى ليا شفت الردي تـنفاه
لكن اوادم كاسيتها ثيابها = والستر من رب العباد اضفاه
تمت وصلى الله على منبع الهدى = نبينا اللي نهتدي بهداه
عداد ماتذري الصبا والعوالي = واعداد ماهل الخيال بماه

[أبو الوليد]

ليت الرجـال وسومهـا فـي خشومهـا*****حتـى ليـا شـفـت الــردي تنـفـاه

صج لسان الشيخ ثواب ... والله يكتب له العافيه وحسن الخاتمة

ويعطيك العافية يا متعب

[مرزوق الجعيد]

ابو فهد السلام عليكم
وكل عام وانت بخير انت وجميع اعضاء المرقاب
ومشكور على الجديد للشيخ ابن طنف

نسال الله ان يحسن خاتمته

[متعب الجعيد]

ألأخ مرزوق الجعيد
السلام عليكم ورحمة الله وبركاته
يسعدني مرورك على ديوان الشاعر الشيخ/ ثواب الجعيد وانا يشرفني ان اضيف كل ماهو جديد ارجو ان يحوز على رضاء
الأخوان القراء واتمنى من يعرف اي بيت شعر عن ثواب الجعيد ان يرسله لأنني سوف اصدر كتاب عنه في القريب العاجل ان شاء الله .
لكم تحيتي
متعب ثواب الجعيد

[عبدالله القثامي]

بسم الله الرخمن الرحيم

اخوي الغالي


بيض الله وجهك اخوي متعب

والله ان ثواب شاعر كبير

ويفتخرون ابه جميع عتيبه

ولاكن لي ملاحضه لالاامانه وعدم كتم الحق


ان هذه المحاوره المذكوره في هذا المتصفح الغالي والثمين ليست بين المسعودي وثواب

بل بين المسعودي والشاعر ////// عبد الخالق النفيعي وليس ثواب الجعيد

اعذرني فمن الامانه ان ادلي بملاحضتي

اخوك الصغير//عبد الله القثامي

[فهدمتعب الجعيد]

بسم الله الرحمن الرحيم
الأخ:الشاعر عبدالله القثامي
اسعد الله اوقاتك وبعد اشكرك على مرورك على ديوان والدنا الشاعر/ ثواب الجعيد
احسن الله خاتمتنا وخاتمته اما عن ملاحظتك ياخي العزيز فأنا احترمها واتمنى ان يكون مصدرك موثوق به اما مصدري فهو شريط تسجيل بالصوت موجود لدي وايضا مثبت في كتاب الشاعر عبدالله المسعودي رحمه الله في الأسواق اذا لديك غير ذلك ارجو اطلاعي
عليه ولك جزيل الشكر
اخيك
متعب الجعيد

[ب الصفياني]

يعطيك العافيه والى الأمـــــــــام
ونتمنى لك التوفيق
انت وجميع أعضاء الهيـــــــــــــــــــلا*** منتدى قبيلة عتيبة

[متيه العشاير]

الاخ/متعب الجعيد (أبو فهد) سلمه الله

فضلاً عطنا قصة وقصيدة الشيخ ثواب بن طنف

في قضية القرشي (أبو حاسن) وقطيره التي فيها

حل الاشكال الذي حدث بين القرشي وقبيلته في قضية جاره..

[غازي بن ردن]

مشكور يامتعب على هالنقل الموفق
والله يطول عمر ابو متعب ثواب
غازي بن ردن العصيمي

[سمندر]

قصائد قمة في الإبداع والله يبيض وجهك ووجه قايلها

لكن المحاوره اللي مع المسعودي أضنك أخطيت في نقلها فهي محاورة مع شاعر آخر اسمه عبدالخالق هلال النفيعي مع المسعودي وهي مثبته في تسجيلات القصير وقد رواها لي الشاعر بنفسه وهو مازال على قيد الحياة

للتوضيح فقد والله يعطيك العافيه ياولد جعيد

[الزائري]

وترجل الفارس

رحمه الله رحمة واسعة وأسكنه فسيح جناته

وأبدله داراً خيراً من داره


وافاه الأجل المحتوم مساء الجمعة الموافق 18 - 6 - 1427 هجرية

[شقصان]

وترجل الفارس

رحمه الله رحمة واسعة وأسكنه فسيح جناته

وأبدله داراً خيراً من داره


وافاه الأجل المحتوم مساء الجمعة الموافق 18 - 6 - 1427 هجرية
رحمه الله وأسكنه فسيح جناته
والله أسأل ان يلهم أهله وذويه الصبر
وابو متعب فقيد على قبيلة الجعدة بأسرها
انا لله وإنا إليه راجعون

[متعب الجعيد]

نشكر كل من واسانا في فقيدنا الغالي الشيخ/ ثواب بن طنف الجعيد رحمه الله رحمة واسعة واسكنه فسيح جناته . لقد ترك في انفسنا فراغ كبير ولكن عزائنا في تركته الوفيره من العطاء والسمعة الطيبة التي تدوم الى اجيال بعد اجيال.
وقد كان رحمه الله يردد ابيات قالها قبل عشرات السنين قناعة منه انه لابد من يوم تطوى فيه صفحته ومنها.

تسعى لنا الدنيا وتطوي عمارنا وبيض الليالي ما تعلم بسودها
عزوم ٍ ليا قفت غرور ٍ ليا اقبلت مكارة ٍ بواقةٍ في عهودها
كم واحد ٍ من حبها جد واجتهد حريص ٍ عليها ما تهيا خلودها


وقال :
تسعى لنا الدنيا ويا كثر مكرها ولوكان تضحك ضحكها غرار
خيولها وجنودها مستعده وياسرع ما شنت لها مغوار
الله يغنمنا السلامات منها ويجعل لنا فالمعضلات انصار
مادام ماترهب نبي ٍ ولا ملك ولا تهاب الفارس الكرار



رحم الله ابومتعب

[الحاير]

رحمه الله وأسكنه فسيح جناته
والله أسأل ان يلهم أهله وذويه الصبر
وابو متعب فقيد على قبيلة الجعدة بأسرها
انا لله وإنا إليه راجعون
اللهم إرحم موتانا وموتى المسلمين

[" المعيقلي "]

بيض اللللللللللللللللللللللللللللللللللللللللللللللللل لللللله وجهك يا متعب





مكشوووووووووووووور على الطرح الزين زماقصرت ،،،،،،،،،،،،،،،



ورحمة الله على ابوك وعلى موتى المسلمين

[نداوي هوازن]

وشلون نفذتي يا بنت ابوي
اكيد لابسه طاقية اخفاء وما شافوس المشرفين
انا ولد ابوي !!!!!!!!

[متعب ثواب الجعيد]

الأخ الغالي متعب الجعيد

اولا الله يسعد مساك بكل خير يابو فهد

ثانيا المعذره والله ان الشاعر ثواب بن طنف اكبر من ان انقده او احكم على قصيده ثواب الجعيد رجل فاضل رجل شاعر رجل عارفه رجل يفوق الوصف

في جميع مايحويه 00اسأل الله له الجنه وحسن الختام

ولكن لي اقتراح اخوي ابو فهد يتمثل في اصدار ديوان يجمع فيه القصيد

الذي يعد من خيار القصيد لما يحويه من حكم وتجارب ونصائح افرزتها

مواقف حياته وهذا من باب البر به واعتقد ان ابناء ثواب الجعيد ولمعرفتي ببعضهم لن يتاخروا عن هذا المشروع

اتمنى لكم التوفيق اخوي متعب ويشرفني التعليق على نتاج شاعر وقامه

من قمم الشعر التعليق 00فقط

اخوكم سمران القثامي

الأخ سمران
السلام عليكم ورحمة الله وبركاته
نزولا عند رغبتك ورغبة الطيبين شرواك ازف لك بشرى صدور ديوان والدنا الشاعر /ثواب بن طنف الجعيد وهو في المكتبة العربية بالطائف فرع سوق قلب الطائف (برج العبيكان) وفرع شارع الملك فيصل امام موقف مكه ولي طلب عندك اذا لك علاقة بالمدير العام للمنتدى ان يضع اعلان او بنر في المنتدى لثقتي فيك وعلمي بان لديك نفس الاهتمام ليطلع و ليعلم كل المحبين للشاعر رحمه الله
لك مني جزيل الشكر
اخيك
متعب الجعيد

[ابن العتيبي]

سلمت يمينك على هذا العقد المنضوم
رائعة فعلاً رائعة

[متعب ثواب الجعيد]

سلمت يمينك على هذا العقد المنضوم
رائعة فعلاً رائعة

سلمت يابن العتيبي واشكرك على مرورك
لك مني جزيل الشكر

[بن مشيلح]

الله يعطيك العافيه يامتعب وقصايد جزله





البدوي نت اللي ينقص في الرجال مهووو برجال والجعده ضروس ومن جاء تحت ضروسهم كسرو عضامه

[ناصر الدعجاني]

يعطيك ألف ألف عافية

[محمد@الجعيد]

الله يبيض وجهك يابو فهد ويرحم الشاعر الشيخ ثواب الجعيد رحمه واسعه ويسكنه الجنه