ياهنيدس ياهنيدس التقت جاي

[المؤرخ]

كما هو معروف عند النسابين في القبيله..((ابن دخين وابن هليل وابن ثعلي وغيرهم))
له اربعة اولاد....عصيم...وقثام...وشيبان...ومفلح ..الذي منه دعيج..والدغالبه
هؤلاء الاربعة...ابوهم منصور... وكان يلقب بمنصور الابرق...لبرص في يديه...
لهذا يكون مسمى برقاء في الاساس...لهم....فقط دون غيرهم...نسبة الابيهم....
تحياتي

هذا كلام اخونا هنيدس ,,,,, وان اقول له

انت جعلت الدغالبه دعاجين وهذا مالم نسمع عنه اطلاقا

اذا كان هذا صحيح لماذا انفرد الدعاجين بمفلح دون الدغالبه ؟

وعلاقة الدغالبه المعروفه باالدعاجين هي بفخذ الملابسه فقط من الدعاجين حيث ان جد الدغالبه ( دغيليب ) وجد الملابسه ( زيد ) اخوان من الام وهذا ما تعرفه عموم عتيبه
الشاهد ياهنيدس ان الدغالبه يفزعون للملابسه ضد فخوذ الدعاجين الاخري ولهذا شواهد قديمه وحديثه لاداعي لذكرها

لوتكرمت الايضاح القصد نبا نعرف

[هنيدس الروقي]

ما نيب رايح افصل شي لاني انعس هالحين هههههههه
مشيلح بن رويبح الشيباني بعد معركة سناف الطراد 1269هـ وش قال ؟؟؟؟
ذكر مذخور مفلح ..... ليش ما قال دعيج بس !!!! ...ومنهم مذخور مفلح؟؟؟
مشكلتنا ان بعضنا مقتنع ان الدغالبه اشراف مثلما يقول قوم " فرق تسد "
اذا هم اشراف ولا هم عتبان ...ليش هم راس الحربه ؟؟؟؟؟؟؟؟؟؟؟؟؟؟؟؟؟؟؟؟؟
ليش ما جلسو في مناطقهم في الحجاز ..مثل الربع الثانين؟؟؟
فانا في وجهة نظري وحسب ما سمعت انهم من مفلح ...
واذا فيه شي ما نعرفه ...الميدان يا حميدان ...نتعلم منكم :D..
انا شخصيا بكبر الوساده ...

[المؤرخ]

عساك ما تطول نومك ياهنيدس ماصارت هذي نعسه

وماقلنا هم اشراف ومن اللي قال ؟ لكن كل فبيله منفصله وعتيبه كلها تعرف الشي هذا الا اخونا هنيدس يقول انهم واحد !

ولو كلامه صدق ليه انفرد الدعاجين بمفلح دون الدغالبه ؟

والهيضل قديم والمهري قديم ولو انهم قبيله وحده منهو الاقدم ومتى انفصلوا ؟

ولا انهم مانفصلوا الا عقب دلعه 1369 هج ؟

ولاندعي العلم والكمال مير ان بعض اساليب الكلام فيه اثاره اكثر من الفايده

ولو انك سألت الدعاجين ولا الدغالبه وش يبا يقولون ؟؟ وليه يفزعون الدغالبه للملابسه على عيال عمهم الخيوطيه والمعاليه والهدف ؟

وكبر الوساده وحط وساده ثانيه لكن انساب المسلمين ماهي مجال للاجتهاد والتحاليل السطحيه ..

ملاحظه لاقمت علمني ياولد عمي

[هنيدس الروقي]

انا يوم اقول بكبر الوساده ... ما اقولها اعاندكم ...
اقول هالكلام علشان ابتعد عن الحوار ... وعلشان اتعلم منكم .... لانه غريب علي
والدعاجين اكثر من الدغالبه .... وفيهم المشيخه... وهم عيال عم الدغالبه ...
والهيظل قديم...
المهم ... انا ما قلت ان الدغالبه دعاجين ....
انا قلت انهم من مفلح..يعني عيال عم للدعاجين ...
واذا كان الدغالبه مهم من مفلح ...وين يصيرون علمونا؟؟؟؟
واذا المقصد الشيخه القديمة... فهذا ما له دخل في الانساب ....
وشكرا على الوساده الثانيه .. يا ولد العم ..

[عضو فضي]

ماشالله علاكم حوار جميل

بس كلام هنيدس موكد ومعروف عند اغلب العتبان

[صاطي]

اقول ياهنيدس انت الناس تنظر لك نظره احترام وتقدير

وانت تقول جالس تكتب في شات تنسب القبايل من راسك وتضحك

مايصير ياولد العم اثقل بكلامك شوي بعدين لابغيت تعرف انساب القبايل

اسأل شيبانهم من غير قصور فالحاضرين لان النت اغلب اللي يظهر عليه

من الشباب ربما ماتكون عندهم المعلومه الكافيه يعني مطلعين مثلي

من غير قصور فيهم ارجوا ان تقبل النقد بكل صدر رحب

[خلف العتيبي]

مرحبا أخواني...

أشكركم على أجتهاداتكم واخوي هنيدس أخ قدير ويعلم الله أنه من الكبار هنا...

أنا دعجاني لاكن يعلم الله اني اول مره أعرف أن الدغالبه أقرب لنا من العصمه وعيال منصور بشكل عام ...


أخوي هنيدس حاول أن تتجنب الصور المبتسمه وبعض التعليقات الأضافيه التي تنظر لها انت على انها مداعبه وينظر لها غيرك على أنها عدم مبالاه لأنها تعطي الرياجيل رساله على انك عديم مباله وحشاك يا ابن العام انت كريم أبن اكارم.


وأشكر أخي المؤرخ على غيرته...

وأتمنى من أخواني وعيال عمي أن يتذكرون أن أخي وأبن عمي هنيدس قدم الكثير لعتيبه...

وإن كان لأخي هنيدس غلط فلنتذكر أنه إبن أدم ...

أخوكم خلف العتيبي...

[أحمد محمد العتيبي]

الف شكر على المعلومات

[الدعجاني 000]

يلي اعرفه من جدي الله يرحمه ان الدغالبه دعاجين


ولكم تحياتي

[صاطي]

وش اسم جدك يادعجاني كل من طلع قال اللي اعرفه من جدي

وحنا مانعرف من جدانا شي يعني اللبس اللي وقع فيه اكثر الناس

فزعه الملابسه من الدعاجين للدغالبه على الدعاجين وهاذ كما ذكر

اخونا المؤرخ ان جدانهم اخوان من الام واسأل شيبان الدغالبه وشيبان

الملابسه اما انك تقحم الدغالبه في الدعاجين هذا اللي مانرضاه

ونعم بالاد مفلح وسبعين نعم وهم عيال عمنا ومافيهم قصور لكن

مانرضى الخطا يعيال العم ليش ماسجلت افعال الدغالبه للدعاجين يوم

انهم منهم ليش فعل الدغالبه يرجع لهم مايرجع لغيرهم

ليش الدغالبه لهم ديارهم المستقله عن غيرهم

ليش الدغالبه مايرجعون الا للمهري اميرهم ولايرجعون لا لهيضل ولاغيره

اسئله كثيره صراحه تبين الحق من الباطل

اما انك تخلط لي الانساب وتحط ذا مع ذا والثاني مع الاخر بمجرد

مجاوره الدغالبه للدعاجين من قديم العصور ومساندتهم وفزعات الدغالبه

للدعاجين هذا ان دل على شي يدل على قوه ترابط هذه القبيلتين ببعض

وحبهم لبعض ولانهم جيران من اول وهالحين ولا يدل على ان الدغالبه

يرجعون للدعاجين وسلامتكم ونعم بعتيبه كلها والله يجمعهم على العز

والطاعه .

[البرق النجدي]

شكرا للاخ هنيدس الروقي على المعلومات الجديدة وعلى جهوده

وأقول للإخوان تذكروا (( إختلاف الرأي لايفسد للود قضية ))

[قف امامك عتيبي]

مشكور ولاهنت وتقبل مروري
1
1
1
1
1
1
1
1
اخوكم : سعود بن سالم الدغيلبي

[معشي الحربة]

مشكلتنا ان بعضنا مقتنع ان الدغالبه اشراف مثلما يقول قوم " فرق تسد "
اذا هم اشراف ولا هم عتبان ...ليش هم راس الحربه ؟؟؟؟؟؟؟؟؟؟؟؟؟؟؟؟؟؟؟؟؟
...


الأخ هنيدس والأخوة المتداخلين

حبيت اوضح نقطة يمكن ما اعطيتها حقها من البحث
المقصود بمن ينتمي للأشراف من الدغالبة هم (القمول) فقط وليس جميع الدغالبة ,حسب ماسمعت
اما البقية فهم من ابناء منصور


تحياتي ..

[صاطي]

السلام عليكم ورحمه الله وبركاته

اخوي معشي الحربه كلامك غير دقيق وليس له اساس من الصحه

ولم نسمع ان القمول من الدغالبه هم الاشراف فهذا غير صحيح

ارجوا من الاخوان التثبت فيما يقولون

وعدم اثاره مثل هذا الكلام الا بالدليل القاطع ؟؟؟؟؟؟