يا سلطان الجذع بيت القصيده زبدته معناه

[علي فلاح العضياني]

يا سلطان الجذع بيت القصيده زبدته معناه=ليا من هاجت افكار القريحه واسر يا ساري
انا لا شفت سلطان الجذع جاني ذبحت الشاه=وجوب الضيف نذبح له ذبيحه واسر يا ساري

[سلطان الجـذع]

والا يامدور المعنى مع صحيبك تبا تلقاه =انا ماامد بالكف الشحيحه ..واسر ياساري
اخاف الناس تهرج فيك صبح : الضيف وش عشاه !!=ولكن انتبه واخذ النصيحه ..واسر ياساري

[غازي غالب]

يا سلطان الجذع بيت القصيده زبدتـه معنـاه
ليا من هاجت افكار القريحه واسر يا سـاري


ابداع منقطع النظير ,, صح لسانك يالفالح ملايين ,,



والا يامـدور المعنـى مـع صحيبـك تبـا تلقـاه
انا ماامـد بالكـف الشحيحـه ..واسـر ياسـاري


كلااااااام ياسلطان ,,


بيت وافي من وافي ,, صح لسانك ملايين ,,


واصلوا ياعتيبه ,, والله يقويكم


وازهلوا الصفوف يأبنا العم ,,




اخوكم

[علي فلاح العضياني]

طيب طيب



ابن غانم ذياب اللي توقّع فاللحم شلفاه=قصم ظهر الحنش فوق الصفيحه واسر يا ساري
عليّه بالحرام انّي لا ادهّن بالشحم يمناه=ولن عاف الشحم هذي فضيحه واسر يا ساري

[علي فلاح العضياني]

قبلان الدعجاني





الابداع والله مرورك يالغالي



نورت الصفحه ولاهنت ياخوي




تحياتي

[سلطان الجـذع]

صحيبك ياوسيع المعرفه للشر لاتحداه =ترى كبدك من الماضي جريحه ..واسر ياساري
نجوز آعن اخو مره ..مانبا غمره ولاحناه =علومه مخطيه ماهي صحيحه ...واسر ياساري

[عبدالله الجـــذع]

ماشاء الله بيــوت دسمــه

والله أني نادرا ماألقى مثــل هذه المحاورات ..كيــف لا وهــي من فطاحلــه الشعــر (الفالــح &سلطــان)..

يعلــم الله ربــي انها ليــست لامجامله ولا انحيازيــه..


ابداع منقطع النظيـــر..

ولكــن أنا بصــف سلطان وأعذرنــي يالفالـح ولكــن هنا أنحاز لأبــن عمــي ..ولاتهــون يالغالـــي..

اللــيل اللـــيل....

[نواف العصيمي]

الليل الليل صح السنتكم

ومتابع ودام التميز .. وفي صفك يالفالح


ولكم التقدير والإحترام

[كبتن عتيبه]

الفالح وسلطان

ثنائي مدهش



انا لا شفت سلطان الجذع جاني ذبحت الشـاه
وجوب الضيف نذبح له ذبيحه واسر يا ساري


خطيررررررررر يالفااااااااااالح





تحياااااااتي

[سلطان الجـذع]

عبدالله الجذع ...حياك الله وكلامك اللي تقوله

محل فخر واعتزاز لي ولا اخوي الفالح

وبما أنك في صفي ازهل الفالح هههههههه

[سلطان الجـذع]

نواف العصيمي .. حياك الله

نورت المتصفح . .

تحياتي لك

[سلطان الجـذع]

خطيررررررررر يالفااااااااااالح



انت تشــــــــــــوف :)



كل التقدير لك ياكبتن وجودك شرف كبير