تعال يابن فلااااااح (( الفالح )) ....!!!!!!!!!!

[ناصر الجلاه]

..




سلام ردة وفا فيها بروق ورعود=نشت مخاييلها من نجد وحدودها

تعال يابن فلاح النار زادت وقود=بلشت صناديدها مع بشقت هنودها








.

[علي فلاح العضياني]

يا مرحبا من هجوسٍ فالمواقف تزود=وحتّيش لو المخايل حنّت رعودها
ما ينقضون العهود الاّ عيال اليهود=اتواعد المسلمين وتخلف وعودها

[سلطان الجـذع]

تعال يابن فلاح النـار زادت وقـود
بلشت صناديدها مع بشقت هنودهـا


ياسلام ياسلام كلام كبير ياناصر

صح لسانك وفي انتظار المذكوره اعلاه

[ناصر الجلاه]

..




دام البقا بك وانا بيني وبينك حدود=لكن خلك معي في داخل حدودها

حنا تواعدنا وجينا ياعلي فالوعود=إن سقتها سوقها وإن قدها قودها







.

[ناصر الجلاه]

..

سلطان الجذع

..


حياك يابوعبدالله .. وصح بدنك


ولاهنت يالجذع


..

[علي فلاح العضياني]

خل النواظر بعيده يا عريب الجدود=بيض الليالي ترى ما هي مثل سودها
الله يساعد رجالٍ يبذلون الجهود=ويخلف على اللي حقيقه ضاع مجهودها

[ناصر الجلاه]

..


الله الله



لو طولنُ الليالي ماتبيح السدود=حنا رجالٍ ترى ماباحت سدودها

اللي يشب الفتايل من خشوم الزنود=مايكسب ألا الجزيل ويترك زهودها

[سلطان الجـذع]

الله الله واصلوا


متــــــــــــــــابع

[ناصر الجلاه]

..



حضورك يشرفنا ياسلطان

لاهنت يالجذع على متابعتك


..

[علي فلاح العضياني]

يالله يالله لا تفرح علانا الحسود=الناس ما ا اعرف نواياها و مقصودها
مدام كلٍ بجوده يالعتيبي يجود=اللي تمدّ الجزال اكيد من جودها

[ناصر الجلاه]

..



ابشرك في عيون اهل الحسد كم عود=واعرف تكاتف يدينك شدد عضودها

انتم وحنا على الجمه صدور وورود=لا ماجهلنا مواردنا ولا عدودها



بيض الله وجهك يالفالح والله يعينك الليله

وهذا من طيبك سعدت بمجاراتك يالغااالي


تصبح على خير