اصحابنا قحطان وضيوفنا نكرم لحاها

[علي فلاح العضياني]

مرحبا باسم الهيلا مشرفين واعضاء بالشاعر الكبير عايض الحبابي


ارررحب يابو علي واستلم




يامرحبا بأصحابنا اللي لهم واجب وتقدير= اصحابنا قحطان و ضيوفنا نكرم لحاها
الله يوفقني طريق الهدى والعز والخير =من مبتدى الرحله معك لين تاصل منتهاها

[مرزوق حمدان العتيبي]

يامرحبا بأصحابنا اللي لهم واجب وتقدير
اصحابنا قحطان و ضيوفنا نكـرم لحاهـا
...
صح لسانك يامشرفنا الغالي
والله يحيي ابو علي ..
شرف محله واخوانه..
....

[نواف العصيمي]

صح لسانك يالفالح .. ويامرحبا بالشاعر عايض الحبابي ..وصح لسانه مقدماً

ومتابع

[علي فلاح العضياني]

هلا وغلا


يابومحمد



نورت الصفحه

[علي فلاح العضياني]

نواف العصيمي


حياك يابن العم




وبيض الله وجهك

[سلطان الجـذع]

الله الله ...يابو فلاح كلام كبير

صح لسانك



وفي انتظار الحبابي

[عايض الحبابي]

السلام عليكم جميعا ...

مسااكم الله بالخير ...

الله يبقيك يابو فلاح ... ويشرفني أتواجد معكم ..




دام البقا وأنتم كفو ماتحسبون المخاسير = سلّم على ربعك جميعا ويسعد لي مساها !

الله وأعلم ياصحيبي عن إطوال المشاوير = بعض الدروب طوال وآخاف ماتحلق مداها !!

[عايض الحبابي]

مرزوق العتيبي
نواف العصيمي
{ سلطان الجذع }

الله يبقيكم جميعا ...
ولاهنتوا على حضوركم المبكر :)

ولايفوتكم خالد العتيبي على الساحة <=== حماس بلا حدود :)

تحيتي

[علي فلاح العضياني]

يا اهل الحصاه اللي تقول انّها قطعه من النير =العام كنتو دونها كيف صرتوا من وراها
ما حاصلٍ من يمّنا يا طويل العمر تقصير=لكن شدّ الحيل والمعركه دارت رحاها

[ناصر الجلاه]

..

الفالح

..

صح لسانك يالذيب

وصح لسان عايض ومرحبابه


واصلوووووووا متابعين


..

[عايض الحبابي]

اليوم في حكم السعودية تسوق التباشير = والعام في حكم القحاطين سلّم لي علااااااااااها !!

في خاطرك علّة قديمة ...ولكن خير ياطير != تبطي عظم .. وتطوف الأقطار ماتلقى دواها ..

[علي فلاح العضياني]

اليوم والعام السعد فالنا ما فالنا غير =حجتك هذي بلّها زين واشربها بماها
مالي وراك ذهيب ننصاك يا عايض مداوير=انفوسنا والحمدلله مدركتن هواها

[ناصر المرشدي]

الفالح وعايض



غصب نتابع

واصلوا يامبدعين


-

[عايض الحبابي]

كم واحدٍ عاند مطانيخ قحــْطان المناعير = حاول يقاومنا ومن بين حجّانه كلاااها !

أنا ثلاث أعوام أحاول معك ياصاحبي .... ميــر ! = منهجك بااايت والمعاني على خبري كماااها !!

[مرزوق حمدان العتيبي]

...
.
أنا ثلاث أعوام أحاول معك ياصاحبي .... مير !
منهجك بااايت والمعاني على خبري كماااهـا !!




ايه يابو علي .... لاوصيك :)

...

[عايض الحبابي]

ناصرالمرشدي

مرحبا بك ولنا الشرف بمتابعتك ..

_________
أبو محمد لاخلا ولاعدم ....:)

[علي فلاح العضياني]

انتم ونعم وجوكم عتيبه الهيلا طوابير=مثل الصقور اللي مخاليبها تطرح عشاها
هذي ثلاث سنين افهّمك وانته ماش تفكير=ترى معانينا جزال و رفيعٍ مستواها

[عايض الحبابي]

أحيان أشوفك مثل جساس مدري سالم الزير = من كثر ماتمدح وتفرح كذا على عماها !!

إبلوف جيب البدو ياصحابنا تحتاج تغيير = من كثر مايمشي ..كذا ... من خلاها في خلاها !

[عايض الحبابي]

أبو فلاح ... بيض الله وجهك ودائما تعلم أن أكون سعيد باللعب معك :)

لاهنت ولاهانوا الربع اللي شاركونا في هالطاروق الخفيف :)

لنا لقاءات أخرى ...والختام عندك ...

تصبحون على خير

[رجا بن فهيد الهاجري]

عايض الحبابي ارحب يابن العم

ولله درك على هذا الابداع

وتشرفنا بتواجدك ..


___

الفالح صح الله لسانك يامبدع ودائما طواريقك جزله


للامانه استمتعت بهذا الابداع

[علي فلاح العضياني]

الشاعر الكبير عايض الحبابي



الشرف لي طال عمرك وصح لسانك وانت اللعب معك فايده طال عمرك



تحياتي لكل المشاركين اللي شاركونا هالمحاوره




اخوكم الفالح