يا هلا يا مرحبا في منتدى ربعي عتيبه

[علي فلاح العضياني]

يا هلا يا مرحبا في منتدى ربعي عتيبه=ربعي عتيبه هل الطاله عريبين الجدودي
العلوم الطيبه ما هي على ربعي غريبه= و لا على كل القبايل في علوم الطيب زودي

[ناصر المرشدي]

بارك الله فيك يالفالح بعد طول المغيبه=وآآآآه يازين الكلام اللي مثل صرف النقودي
الكلام اللي تقوله دون شك ودون ريبه=وانعمي يامملكتنا في ذرى الحكم السعودي

[علي فلاح العضياني]

بارك الله فالرجال اللي لهم عزٍ وهيبه=الرجال اللي لهامات العلا ترقى سنودي
سرّها يالمرشدي واللي معه علمٍ يجيبه=الذخيره في حزامي والشراره من زنودي

[حمود الحمود]

بارك الله فالرجال اللي لهم عزٍ وهيبه=الرجال اللي لهامات العلا ترقى سنودي
سرّها يالمرشدي واللي معه علمٍ يجيبه=الذخيره في حزامي والشراره من زنودي

الله الله ياشعارنا بيض الله وجيهكم
ردود تجبر ان يقف لها المار احتراماً
وتقديراً لجزالتها بارك الله فيكم واسجل
اعجابي بكلا الشاعرين وانا في صف
الثنين واصلوووو واصلوووو
تقبلو تحياتي .

[ناصر المرشدي]

باذلين اعمارهم في وقفة الطاله ضريبه=قلتها واقولها والناس يالفالح شهودي
وان سرينا ماحسبنا للبعيده و القريبه =علم الصاحين يابو زيد يصحون الرقودي

[علي فلاح العضياني]

حمود الحمود



مرحبابك في منتداك وبين اخوانك


تحياتي

[ناصر المرشدي]

حمود الحمود



بيض الله وجهك على الكلام الطيب


وصح بدنك ولاهنت ونتشرف بمتابعة مثلك

تحياتي

[علي فلاح العضياني]

عادة الطيّب يحوش الطيب دايم من نصيبه=يا عسى عيد رمضان يعود ويعود و يعودي
ما عليّه دام انا راكب على كور النجيبه=ابذل جهودي عسى ربي يبارك في جهودي

[ناصر المرشدي]

كاسب الطاله ليا منه فزع جاب الكسيبه=باذلن جهده ومجهوده ومن جوده يجودي
وانت من ضمن الكتيبه مانت قايد للكتيبه=لاتحسب انك من الضباط وانت من الجنودي

[علي فلاح العضياني]

ان بغوها بالرضا ولاّ بغوها بالغصيبه=كاسبين الاوله والعود في عين الحسودي
وابك انا راع الشداد ومن ظلمنا الله حسيبه=والمطيّه فرقبتها ما تشوفون العمودي!!!!!