قصيده للشاعر الاسعدي

[متأمل خير]

هذهي قصيدة مشاركة في ملتقى قبيلة عتيبة

فكـــري على بدع التماثيل ضميــان **** ونفسـي على المعنى شفـوق مغلـه
وردتها مارد طويــــــلات الارسان **** مع المســـافه والمظامي تدلــــه
من الضما تقل تسابق بميــــــــــدان **** يوم انها وردت سوات الاهلــــه
وأنا وقفت ابماقف الذيب سرحــــان **** في هضبةٍ عن العرب مستقلــــه
افكر بمشروع والقاب مشتــــــــــان **** اليا عقدت الحبل عودت احلـــــه
وحطيت للمعنى قواعد وسيســــــان **** وخططت له بالفكر تخطيط فــــه
مايختلف مع اختلافات الازمـــــــان **** مافيه شكاتٍ ولافيه خلــــــــــــه
زانت معانيهاو غنيت الالحـــــــــان **** صوتٍ على رجم المعزه نتلــــه
في ملتقى العتبان والعلم له شــــــان **** علم على يمه بوقته وحلــــــــــه
الاسعدي يقول من قلب ولســــــــان **** سلام يسليم الوفا في محلـــــــــه
لعتيبه الهيلا طويلين الايمــــــــــان **** اهل البيوت العامرات المطلــــه
واهل الفعايل موقفٍ يوم الاكـــوان **** يبين دق العلم ويبين جلــــــــــــه
يوم المغازي كلها اسنان وعنـــــان **** اعتيبه الهيلا دوى كل علـــــــــه
تعرف مواقفهم وللعلم برهــــــــان **** عدوهم يلقى العنا والمذلــــــــــه
وباقي القبايل نعم من دون نقصان **** كلٍ على حده وسيفه يسـلــــــــه
وقتٍ مضى واليوم جيران واخوان **** في ظل قصرٍ منبع الطيب كلــه
بناه ابو تركي وللحق ميـــــــــزان **** مرحوم ياللي بالمعزه سجـــلـــه
وحد صفوف المملكه ســر واعلان **** عقله على بيض المبادي يدلـــه
دستوره القرآن والسيف شامــــــان **** وقول الحقايق تحتميه الادلــــــه
مواقفه عجزت تخيلها الاذهـــــــان **** ماتنتصور بالصحف والمجلـــه
قلنا الكلام الحق والحق سلـــــــطان **** وسيف الحقايق للحقايق نسلــــه
وانا اختصرت القاف كله على شان **** الهرج اليا من طال كلٍ يملـــــه
وصلو على محمدعدد وبل الامزان **** من قلب والسان ومذهب وملـه


الشاعر صالح بن عبدالرحمن الصالح الناصر الاسعدي

[ابو ناصر المقاطي]

صح لسان الشاعر صالح بن عبدالرحمن الاسعدي

ويا ما العافيا يا متامل خير

[الواااكد]

صح لسانك مليون ولا يكفون يابن العم

بوابه الشمال للهيلا / محافظه بقعاء

[متأمل خير]

اخواني
ابو ناصر المقاطي
الواااكد
شكرا لمروركم العطر وشكرا لاخونا الشاعر الاسعدي على شعوره اتجاه قبيلته

[معلا إبراهيم الأسعدي]

صح السان الشاعر بيض الله وجهه

كفو

والله

[اسعدي زلفاوي]

مشكور وماقصرت

[ربوع نجد]

صح لسانك


الله يعطيك العافيه ..

[محمد الزايدي]

بيض الله وجهك وصح لسانك

[مالك الذيابي]

صح لسانه

وسلمت يداك على النقل يابن العم