الفارس براك بن سحمان !!!!!!

[سيف العدل]

هو براك بن بن بركات بن سحمان امير ذوي خليفه من الشيابين قال هذه القصيدة عندما ورد مع ابن شويه شيخ العرينات من سبيع على بيار رماح عندما رفض ابن رشيد السماح له بالتوجه الى عالية نجد بعد نهاية الربيع وطرى عليه اصدقاؤه فهيد الدعجاني وشارع التوم القرفاني في وادي العقيق فقال:


يامل عين ودها بالمسانيـــــــــــــــــد000ماترزق الا في علاوي ديرهــــــا

وياونتي ونة هزيل المعاويـــــــــــــد000على القليب اللي طوال حدرهــــــا

اشكي من الفرقا وطول المواريـــــــــد000وزملي من القامه تثالغ دبرهــــا

ياليتني مع شارع التوم وفهيـــــــــــد000من فوق عيرات تقارع بدرهـــــــا

وبيوتهم يم العريفه مشاييـــــــــــــــد000في عبلة بيضاء تعاقب زهرهــــــا

ذليت من ذروات قطاعة البيــــــــــد00 وازريت لاصل ديرتي من خطرهـــــــــا

حنث علي محمد مرذي العيـــــــــــد000اللي حكم من بر ها لبحرهـــــــــــــا

زيروم نمرا كل يوم سناجيــــــــــــد 000وان جا يحكر رفيها ماقهرهـــــــا

حكمه من البصره الي قصر ابو زيد000حراير تاطى السهل مع وعرهـــــــــا

واليا تركت رماح كنه ضحى عيــــد000يوم الفرح ربعي تفلل نشرهـــــــــا


وعندما سمع ابن رشيد هذه القصيده سمح لبراك بالذهاب الى عالية نجد وفي عالية نجد كسب براك سمحه ذلول مدرى وهادي0


اخوكم 000سيف العدل000

[سيف العدل]

هذه القصيدة للفارس براك ابن سحمان الشيباني عندما كان يدرب ( سمحه ) لاحد الغزوات فضلعت اثنا التدريب
ويقول فيها:


وراك ياسمحه من الضلع تدرين *** مدري هدد وإلا فرصك الشدادي

وانا معفيك الحيا وقم تســــــعين *** ومرمع لك عند مدرى وهـــادي

والابل في وادي الرمه يم ابانين *** ريحة عبسها مثل ريح الزبادي

ماعندها غير المغصب رعاييــن *** يحيلها الله من يدين لإيـــــــادي

وإليا رزقنا الله بذود المغــــــرين *** افرق على ربعي بناقة شــدادي

بنسف عليها الكور والجاعد الزين*** واسجها والها علىالله منـــــــادي

يامحلى صك الغنا عقب عشرين *** على العشاير مقرعات التوادي



اخوكم000سيف العدل000

[ابو فراس]

مشكور اخوي سيف العدل

والله يرحم ابن سحمان واموات المسلمين

[سيف العدل]

وهذه القصيدة قالها براك بعد ماغزا واخذ ذروات من ابل ابن رشيد وراح ابها للحجاز و يوم طاح الربيع على نجد حولوا عتيبه لنجد ومن ضمنهم ذوي خليفه جماعة براك وبقى هوفي ركبه ويقول براك:



شدوا وخلوني نشامى العيــــالي0000راحوا وضيف الله تضارب بالاشوار

ياعنك مافرق ربوعي خمــــالي0000لانيب لاسارق ولا بايق جـــــــــــــار

ياكود فلج عشارها والمتــــــالي0000كسبي على وضح النقا حسك الاوبـار

لي فاطر عفرا سوات الهـــلالي0000حنت تبا المنحى وتعطيل الاقفـــــــار

وحنث عليه حاكم بالشمــــــالي0000ومن السهر زادت على القلب الاوزار

يالله من نؤ صدوق الخيــــــالي0000يسقي من النفران اليا عن ويســــــــار

حتى يساوي النبت مثل الزوالي0000شرشر واعاضيد وحوذان ومــــــرار

ياراكب اللي فوقها الني كــــالي0000 بعيدة مفج العضد ماناشت الـــــــزار

ملفاك ابن هندي منج التـــــوالي0000تكفى يا ابن هندي تبصر بالابصـــار

من شد ليل من حساب الليــــالي0000ممسين مابين الاشده والاكــــــــــوار


وفعلا ركب الامير محمد ابن هندي وكلم له ابن رشيد وقبل عذره ابن رشيد ولحق براك بجماعته في نجد0



اخوكم0000سيف العدل000

[ابن فرحان]

تسلم يا سيف العدل على هذا البحث القيم , عن فارس من فرسان عتيبه

الله يعطيك العافيه

[ابن مشيب]

بيض الله وجهك سيف العدل , على هذة المشاركات عن الشيخ الفارس براك بن سحمان رحمة الله.

[سيف العدل]

وهذه قصيدة لبراك في ناقته يقول فيها:


البارحة كني على الجمر ممسود000مثل الخلوج اللي تذكر ولدهــــــا

ياحيسفي يافاطري شمعة الــذود000ينجاز من طريا التبدوي بعدهــــا

عدولة الخطار وان صرم العـود000ومن قام منا يالحموله عمدهــــــا

طلوقتي بالليل من ذود جلعــــود000يوم ان رجلي مستمرن سعدهــــا

يازينها مع خشم حليت وبــــــود000بعد ركبت شدادها من وعدهـــــا

الليل ناخذ منه مايدفع الكـــــــود000والصبح ندفع ضرعها من هددها


ولكم تحياتي0000سيف العدل0000

[سيف العدل]

هذه ردية بين الفارس براك ابن سحمان ومحسن الشويب شاعر ابن رشيد يقول الشويب :


ياراكب من عندنا في احتراكـــــــي 000هزع الوراكي مثل قوس العراجين

يالهجن لايطري عليك البراكـــــــي 000من دون مفحل شرفن بي على تين

يالهجن براك المسمى مساكـــــــــي 000براك عيد موفضين المواعيـــــــن

ثم سايله بالدين دين الهلاكـــــــــــي 000مامرهم باول قصير مظاعيــــــــن

في زول مقرون حجاجه عصاكــي000في راي ابن سحمان شيخ الشيابيــن

من عقب سيدي مالبست الحياكـــي 000وان هب ذعذاع الهواء هلت العيـن

وداعة اللي ينزلون الدكاكــــــــــي 000وحاذور من درب الشواو المحفيــن

ياقلب والله اني خابرن وش بلاكي 000مرباعنا هاك السنه في ضرابيــــــن



وقد رد عليه براك بقوله:


ياراكب اللي مشيها باصتواكـي000مافوقها الا اكوارها والفواليــــــــن

ركابها ماهوب خطو المكاكـــي000يولب عليها مثل سبع السراحيــــن

تلف الشويب واخطفه بالمناكـي000هيف السمان وسعد ركب جواعين

وقل له عليه من صحيبك مشاكي000يامحسن اللي عندنا تطلب الديـــن

طردنا اخو نوره ورحنا وراكي000ولا ردنا غير النخل والذراعيــــن

ومقطانها حسو على جال راكي000نختار في منزاحنا والمقاريـــــــن


وتقبلوا تحياتي 0000سيف العدل0000

[سيف العدل]

ابو فراس مرورك على المشاركه اسعدني لك مني اجمل تحيه

اخوك سيف العدل

[سيف العدل]

ابن فرحان مشكور اخوي على تواصلك الدائم ولاعد مناك يالغالي0

ولك اجمل تحيه من 00 سيف العدل00

[سيف العدل]

ابن مشيب عطرة المشاركه بمرورك الكريم وعساك على القوة ياابن العم0

اخوك 000سيف العدل000

[سيف العدل]

ويقول براك:


الاولــــه يــــارب زين حياتـــــــــي000واكتب لي الجنه اليا جن الاقــــدار

ياعنــــــك مـــــاحسبت للمقبلاتــــي000ياكود والي العرش حسب للامطار

لاجـــوني الخطـــار بتيت شاتــــــي000مـــــانيب مثبـــور جــداه التعـــذار

ولي فاطــــر عنيتهـــا ماتباتـــــــي000مـــادام ماجاهـــا من الرب مقــــدار

يامـــا حشيت بـــدودها بالهلاتــــي000قـدامها صيد الخــلا غـــادن نيــــار

وياطـــول مانصيتهــا المشرفاتــــي000واكثر مداهيلي من الهضب ويســار

وياكثـــر ماخليتهــن مسهداتـــــي000واخــذت مشعابي على خبــوة النـــار

وضويت كني معذر في الحياتــي000واصبحت انقــي في المعاشير واختار

يوم ان عايض عشقته في البناتي000ماذاق لـذات الهـــوى طافـــي النــــار


ولكم تحياتي000سيف العدل000

[احمد العصيمي]

مشكور اخوي سيف العدل

والله يرحم جميع المسلمين

[ابو وعيل]

بيض الله وجهك اخوي سيف العدل على هذا الجهدل المبذول

تحياتي لك ،،،


و

[سيف العدل]

ابو وعيل لاهنت على المرور وشكرا على تواصلك ويستاهل ابن سحمان ان نذكر ولو شيء يسير من تارخه0

وتقبل تحياتي اخوك000 سيف العدل000

[golden]

براك بن سحمان الشيباني... فارس وشاعر معروف

[ابن شهيل]

السلام عليكم
الاخ سيف العدل هل الفارس براك بن سحمان اخو للفارس فارس بن سحمان الشيباني

[الكناني]

مشاركه رائعه عن الفارس براك بن سحمان الشيباني. ننتظر المزيد ياسيف العدل