لغز لحد الان ما احد حله .... تحدي

[رجا بن فهيد الهاجري]

اللغز هذا سبق إن طرحته في مسابقه ولا احد حله

وهو لشاعر ذيب بقان العنزي وهو غني عن التعريف

وصار له اكثر من 17 سنه


حل اللغز عجزو كثير ما حلوه

اللي يحله بنفسه وبدون سابق معرفه وبدون قوقل :)

له ساعه ماركه قيمتها

5 الاف ريال ماركة Dior

يقول الشاعر



يابو سالم شفت لي شين غريب = شفت لي بنتٍ خفيفٍ دمها


بنت حره واعيالها عبيد = امها بطن المره ما ظمها


افتكر باللغز والمعنا بعيد = كيف يصبح جدها رجل امها

[رجا بن فهيد الهاجري]

المده لحل اللغز ثلاث ايام

[سعد بن مطلق المقاطي]

صح لسانك ولسان العنزي
وش رايك في الجحه
او الحبحب
واذا هذا حله والله ماستعنت باحد
رمعه على الطائر
لك تحيتي

[فهيد الايدا المورقي]

اضم صوتي للاخ سعد المقاطي

واقول الحبحب

[رجا بن فهيد الهاجري]

رمعتن طيبه




ولكن الحل غير صحيح :)

[بن عبيدان]

ابو يزيد

لغزك طيب ومن شاعر متمكن في هذا الفن

اخي انا بدلي بدلوي لعلها تكون صحيحة وهي

البنت الحرة هي المروة

وعيالها الصفاء

واللغز يدور حول الكعبة ومقام ابراهيم واللع اعلم

تقبل تحياتي

[رجا بن فهيد الهاجري]

بن عبيدان لاهنت على المشاركه


وحلك





















غير صحيح


:)


:)

[خيال الصغيره]

بنت حوى حل لغزك يابوزيد . وارسل الساعه لنا في كمها
كان جاك الحل صح امن الوليد. وكانه اخطة رمعتي لي ضمها

تقبل تحياتي

[رجا بن فهيد الهاجري]

بنت حوى ؟؟ كيف بنت حوى ؟ :) :)

[رجا بن فهيد الهاجري]

انتهت المهله

[خيال الصغيره]

ماتنتهي عند مثلك وشرواك المهله.
الكان الحل صح قلي صح السانك والكان خطا قلي مالك لوىىىى

والقصد من بنت حوى هي . حوى التي عقبة جميع النسأ ويقال ان العبيد اكثر من البيض والله اعلم ,,,,,,,,,,,,

[رجا بن فهيد الهاجري]

خيال الصغيره الله لايهينك على كل حال

انا شرطي في حل اللغز ما يكون بسابق معرفه

... وكل انسان وضميره


انت لما تقول بنت حوى

كيف اعرف انك ما تعرف اللغز فى السابق او بحثت عنه في قوقل



وانا اقلت لك حوى كيف بنت حوى ابي اعرف كيف عرفت الحل

وترا ردي كان بعد ردك بدقايق على طول والله وثم والله لو انك رديت علي في وقتها انها حلال عليك :)


واكن انت مارديت الا هالحين


وكان ابيك تفسر اللغز في وقتها

على اساس اعرف كيف حليته بس تفسيرك جاي متاخر


وانا طرحت اللغز وكان لي شروط :)





وابشر بالعوض يا خيال الصغيره وان كانك حليته بدون مساعده

فــ انا اشهد انك شاعر وعقلك نظيف :)

لان والله عجزو ناس كثير ماحلوه وهم شعار ويفكون الطلاسم اللي ما تفك