الفالح شب النار

[نايف بن ملحق الثعلي]

سلام ردية ٍ مثل الذهب ماتبور=ماكل شاعرمن الشعاريبديبها

يالفالح الليل توه وانت منت معذور=واللي على البال ياليتك تجينيبها

[علي فلاح العضياني]

يامرحبا من هجوس مثل موج البحور=ترحيبةٍ ترضي اهل الطيب من طيبها

يا ليل ياليل يا ليل الفرح والسرور=اكشف رموز البيوت اللي تغنيبها

[نايف بن ملحق الثعلي]

بعض العرب يعترض ماهوب قد الامور=واليوم معاد يدري وش يسويبها

الاوله في يدانا من قديم العصور=كل الحقايق جميع الناس تدريبها

[علي فلاح العضياني]

مايكسب الطايلات الاّ طوال الشبور=وطيور شلوى تعشيها مخاليها
العام يا صاحبي يوم المشوّك يثور=من لا اعترض تالي الايام راضيبها

[نايف بن ملحق الثعلي]

ياهل المواجيب انا ماقول فيكم قصور=لكن الايام ماحد ٍ عالم ٍ غيبها

مسرعك ياصاحبي مسرعك دمك يفور=لاتطرد المقفيات ولاتماريبها

[علي فلاح العضياني]

اليا قطعت الاشاره ما سلمت المرور=والبندق اليا اكذبت لا عاد ترميبها
هذي حقيقه لكنك لا تلف وتدور=اقولها وانته اذانيك توحيبها

[رجا بن فهيد الهاجري]

الله الله :)

صح الله لسانكم ياشعار

[نايف بن ملحق الثعلي]

تراك منتب على بعض الامور امعسور=واشيب عينك من الايام واشيبها

خلك على صكت الايام دايم صبور=واهل المواجيب تكمل في مواجيبها

[علي فلاح العضياني]

يا نايف انت إلك عامين وثلاثه شهور=اتخاصم اهل المناصب في مناصيبها
هذي تتبقي ليا يوم البعث والنشور=اهل الهناديب ما تترك هناديبها

[نايف بن ملحق الثعلي]

من لايعرف السنع ياصاحبي صار ثور=كم من علوم ٍ تمرك منت داريبها

بالله ياصحابنا لاتحفرون القبور=يامولع النار لاتقرب مشاهيبها

[علي فلاح العضياني]

الليله انته يا نايف صرت ذيبٍ عقور =حتى علومك على الذرعان تعطيبها
هرج القفى اخير وابرك منه دق النحور=جاتك رماحٍ عطيباتٍ مضاريبها

[نايف بن ملحق الثعلي]

وانته كما الطير الابرق منت مثل الطيور=لكن دنياك لاتامن عواقيبها

منته بويا الطماعه من يدين النمور=واكيد الايام ورتكم تجاريبها