يالجلاه اللي مرابيك فطحيّ وسنام

[علي فلاح العضياني]

يالجلاه اللي مرابيك فطحيّ وسنام=يا عسى وبل الحيا كل يوم يعلها
ليلنا دوب ابتدى واستوى شد الحزام=كان معك علوم عطني علومك كلها

[ماله امان]

الجلاه الهم موارد على حد السهــام=يوم دقلات الحرايب تحد اعدلهــا

وستر بيض ٍ يلبس ٍ الجواهر والزمــام=يوم بعض القوم ماوقفت سترلها

[معجب العتيبي]

الله الله

بدايه ناريه منشاعر معنى ووزن وقافيه ذات نورق وطعم خاص

ورد جميل من شاعر يجيد التعامل مع الهجمات الناريه

فلله دركما وبدايه تبحث عن نهايه اجمل منها

الليل الليل يالصفوف

[شاعركم]

ياسلام ياسلام

على الشعار

وفي صف الفالح

ولايهون قبيله

متابع:)

[ناصر الجلاه]

..

ماله أمان

..


صح لسانك يا ماله أمان ولكن يأخي القدير هذي مشكله قمنا نعاني منها في هذا المنتدى

كيف شاعر يطلب شاعر آخر ويخش شاعر عرض لله العجب (( هنا نناشد المشرفييين المسؤلين بوضع موضوع مثبت لكي يحمى هذا المنتدى اللي بدأ فيه حاجات يمكن تسبب في تدهوره ))

وأولها الأسماء المستعاااااره
كلامي ماهو تنقيص فيك ياماله أمان او في ردك ولكن النظـــــــام حلو

لذا استلم يالفــالح وانا يالغااالي ماشي للمزاين الفتره الحاليه ولكن اعذرني ولي لقاء معك إن شاء الله :




مرحبا ياللي مرابيك شرقٍ من نعام=ديرة مطيب عربها ومطيب دلها

انت تال الوقت صاير مفسر للأحلام=مار أنا حلمي عليك السيوف اسلها

[شاعركم]

يالجلاه اللي مرابيك فطحـيّ وسنـام
يا عسى وبل الحيا كـل يـوم يعلهـا
ليلنا دوب ابتدى واستوى شدذ الحزام
كان معك علوم عطني علومك كلهـا

مبدا كايف
الفالح,,صح السانك


يامرحبا ياللي مرابيك شرقٍ من نعام
ديرة مطيب عربها ومطيـب دلهـا
انت تال الوقت صاير مفسر للأحلام
مار أنا حلمي عليك السيوف اسلها

رد وافي

ناصر صح السانك:)ودرب السلامه

وانا بالحياد

مع الصفين

ولاهانو الشعار

[ناصر الجلاه]

..

شاعرنا

..

صح بدنك يالغاااالي .. مرورك كريـــم

والله يسلمـــك ويعافيـــك


لاهنت

..

[علي فلاح العضياني]

استلم ياناصر الجلاه


بدون قصور فاللي ماله امان



علّم اللي مايعرف الضوابط والنظام=اكثر العربان لو تستريح احسن لّها
السيوف اللي شباها يقصنّ العظام=خلها للمعتدي والعلوم افطن لها