قصيده غزليه بعنوان ناظر عيوني

[ابراهيم الزراقي]

ياصاحبي حبك على صدري اوسام = اشيل حبك لين وقت الممـــــاتي
محبتن ماشالها كل مقـــــــــــــدام = بين الضلوع العوج حبك يبـــــــاتي
عذبتني وانا على دين الاســـــــلام= مالان قلبك يوم اصلي صــــــلاتي
خليت قلبي كله اجـــــــــروح والآم = وهموم قلبي واضحه من سكاتي
سهرت من شانك وخلق الله نيـــام = ابغى وصال الي وصاله غنــــــاتي
اتخيلك فالشرق والغرب والشـــــام= واشوف طيفك في جميع الجهاتي
ماينفع المشتاق لو عاش بـهيــــــام= غير الوفا والحب ياذات ذاتــــــــــي
هاذي هي الدنيا وانا عشت باوهــام= وهذا زماني وانكتبلي شقـــــــاتي
ماكني الا منتضر حكم الاعــــــــدام= في كل يوم اقول بكره وفـــــــاتي
ماهو غريب ان رحت فيدينك حطــام=بس الغريب انك تجاهل حيـــــــاتي
عقب الوفا والحب نلقاك منــــــظــام= لاوالله الاصعب تجمع شتــــــــاتي
هذا وانا الي منشغلبك من العـــــام= واشوفك انته غايتي وامنيـــــــاتي
واكبر دليل اني اشوفك فالاحـــــلام= ماكن به غيرك مع الحلم يــــــــاتي
ياصحبي مابي ورى حبك اعـــــــلام=ابيك تحفظ مابقى من صفــــــــاتي
ناظر عيوني كنها عيون الايتـــــــــام= ادموعها في وسطها موج عـــــاتي
ناظر وتعرف وش حصلي من اسقام= وسط الخفوق الي به اجروح جاتي
القلب غابه وانت بالحب ضرغــــــــام= حكمت قلبي مثل حكم الطغـــاتي

[&**(الروقــــي)**&]

هاذي هي الدنيا وانا عشت باوهام .... وهذا زماني وانكتبلي شقاتي
ماكني الا منتضر حكم الاعدام .... في كل يوم اقول بكره وفاتي


صــــــــــــــــــــح لـــــــسانـــــــك عـــلى القــــــصيده

الـــــــــرائعه

[الشنباوي]

صح لسان الله يعطيك العافيه
وافيه من وافي

[ابراهيم الزراقي]

ارجوا من الجميع تقييمها

[ابراهيم الزراقي]

ارجوا التقييم

[طـــــــــلمس]

بوبيض الله وجهك على القصيده الرائعه

[ابراهيم الزراقي]

مشكور طلمس على المرور