والبل مع الوبال مال غليظي؛؛؛ وخضر الجريد اللي على البير شراع (صنهات العريض)

[ذياب المرشدي]

هذه القصيده المشهوره والرائعه جداااا هي للشاعر صنهات بن صويلح العريض الدللبحي
وقد نسبها بعض الناس لغير شاعرها وللأمانه اذكرها كما رواها لي احد اقارب الشاعر وذكر مناسبتها وبعض قصائد الشاعر صنهات :



الليله امسى خاطري مستهيضي=وامسن يرودنه مهاجيج الارواع
يالله ياربي ببخت حظيظي=لاعاد لموده ولاني بزراع
والا الغنم ماعاد فيها بضيضي=جتها الدهور اللي يبحصن الاقطاع
وعزالله اني عندها من مقيضي=وفالشتو ماقيلت عنها ولاساع
وحنا نداريها سوات المريضي=اللي وليه من ترديه مرتاع
واباالخلا اللي منزله فاللحيضي=حط المعاني وقام يشري ويبتاع
وحط الدلال وحط لبس غليظي=وحط الزوالي مع طويلات الابواع
ويالله من نوءن يجيله نفيضي=يكسر يمن واول طخافه يجارياع
وهبوبه اللي تردعه ماتغيضي=وارقاب مزنه مسحقات ليا ماع
دنياً باهلها هقوتي ماتريضي=اللي سعوا فيها قصرين الابواع
اربع معاني من شبقهن غميضي=وثلاث للعراف فيهن الاسناع
الطير والحرمه وزرع المقيضي=وصفر العيون اللي بذرنا بها ضاع
والبل مع الوبال مال غليظي =وخضر الجريد اللي على البير شراع
والطيب فالطيب حزام حفيظي =وباق العلوم الكم على اشكال وانواع

[ابن فرحان]

تسلم يا ذياب ماقصرت قصيده طيبه

انا اسمع فيها ولا ادري منهي له

مشكور طال عمرك

[عليمي]

السلام عليكم
أخوي ذياب مشكور علي هذه الأبيات والقصيده جدا مفيده
************************
اربع معاني من شبقهـن iiغميضـي
وثـلاث للعـراف فيهـن iiالاسنـاع
الطير والحرمـه وزرع المقيضـي
وصفر العيون اللي بذرنا بها iiضـاع
والبل مـع الوبـال مـال iiغليظـي
وخضر الجريد اللي على البير شراع
والطيب فالطيـب حـزام iiحفيظـي
وباق العلوم الكم على اشكال iiوانواع
****************
ممكن يالحبيب تفسير لهذي الأبيات للفائده للجميع ................تحياتي

[ابو فراس]

مشكور ياذياب على حسن الاختيار

وصح لسان من قالها

[راعي الحامدية]

ابو فراس

[ذياب المرشدي]

الاخوان
الغالي ابن فرحان جزيل الشكر والتقدير
الغالي عليمي مشكور ياخوي
والمعنى يقول الشاعر ان المعاني الاربع اللتي هي تعب على من كانت له بدون فائده الطير والحرمه والغرس في القيض (شدة الحر) وصفر العيون (الغنم )
وهذه وجه نظر خاصه بالشاعر وهي طبعا خاطئه فيما يخص الحرمه
وفالطير والغنم فالامر مختلف حسب الناس منهم من يحمد ومنهم من يذم
وامازرع المقيض فهو خطأ لاجدال فيه
اما الثلاث المعاني اللتي ذكرها الشعر اللتي هي مكسب لمن حاز عليها
البل والنخل والخوي الطيب وهي كلها من المعاني الطيبه اللتي يحرص الرجل عليها
هذا والله اجل واعلم



الأخ الغالي ابوفراس
الأخ الغالي راعي الحامديه
مشكورين جزيل الشكر على مروركم

[عليمي]

مشكور يا خوي الذيب على الأيضاح
أما بالنسبه للحرمة فأعتقد بأن الشاعر يقصد ما يفعله بعض الشباب في هذه الأيام من الطرد وري حريم خلق الله ومثل ما يقلون شوف عينك حض غيرك. مثل اللي يسعي وراء السراب وهو من عمل الشيطان . والشكر للجميع

[نهيان الحمادي]

تسلم يا ذياب على هذا الاختيار
اخوك نهيان الحمادي

[طيرالرياض]

والطيب في الطيب حزام حفيظي @@@ تلقاه في الطيب على كل الاسناع

[طيرالرياض]

مشكور
رائعة بارك الله فيك