قصيده في عتيبه من ابداع ابو شرف..

[ابو شرف]

بسم الله الرحمن ابدي كلامي*.*واثني تراحيبي وترحيبه وترحيبه
والصلاه والسلام على خير الانامي*.*محمد رسول الله شفيع لصحيبه
وف البدايه ابغا ابدي سلامي*.*على الجميع واخص السلام لعتيبه
عتيبه هل الوقفات في كل عامي*.*واللي بغانا بعلم نكرهه يلقى نصيبه
فعولنا معروفه نور ماهي ظلامي*.*هل الطيب والله يجيب اللي يجيبه
لانقول انها حلال ولانقول انها حرامي*.*دايم نمشي بدرب الرجال تمشيبه
رجال شعر ووفاء وعلم وكر امي*.*وليا رمينا رمي نصيب الضريبه
عتيبي ونعم حجازي ولا تهامي*.*والوقفات النا رضى ولا غصيبه
شليويح العطاوي رجل صلى وصامي*.*معروف طيبه وكل ينعرف طيبه
وابن عون شعره يروي كل ظامي*.*والشعر عتيبي ترى ماهي غريبه
وفالمحاوره شعار يمشون بنظامي*.*واللي ماهو معروف احنا وش نبيبه
مطلق وبن تويم وهلال والزلامي*.*في فوز دايم ما يحبون الغليبه
ومستور وحبيب وملفي ليامي*.*نلقى علم غانم نبيع ونشتريبه
وباقي وباقي مكسرة العظامي*.*صبيان وشباب وان كان شيبه
السيف البندق الذخيره والحزامي*.*السيف فالميدان نلعبه ونواميبه
ونرمي بالبندق ليا جاء الوقت حامي*.*ونضرب بالشباري فالعظام الصليبه
والعدو فالحرب نقوده بالخطامي*.*وفالميدان نجره و نلعبه ونعديبه
وان مات رجل قلنا لعله للرحامي*.*نترحمله والله سبحان نلتجيبه
نذكر الله وفالحرم نلبس حرامي*.*لنا مخالب طوال وكفوف عطيبه
ومن كلامي لحد يلحقني ملامي*.*هذه الحقيقه وهذا شي نماريبه
حنا والقبايل اخوان امن وسلامي*.*ولايلحق كلامي لا شك ولا وريبه
حنا عتيبه زعامة زعامة الزعامي*.*هذا كلام الحقيقه وشئ نجاريبه
وختامها صلو على خير الانامي*.*محمد رسول الله شفيع لصحيبه(اللهم صلي وسلم عليه)
وسلامتكم اي ملاحظه يالربع فالقصيده علموني عليها وانا في انتظار الردود..
تــــــــــحــــــــــيــــــــــاتــــــــــي...

[ابو شرف]

الردود يالربع..

[مالك الذيابي]

صح لسانك يا بو شرف


قصيدة جزلة من واحداٌ جزل

[عمرالروقي]

صح لسانك يبو شرف
ولاهنت كلمات طيبه
وشعور جميل تجاه القبيله
لكن الابيات تفتقد لشئ مهم
وهو الوزن ........................
ارجوا اعادة النظر فيها
او سننقلها للمحاولات الشعريه
مع الاعتذار الشديد

[ابن حزيم الجعيد الهيلا]

رجال شعر ووفاء وعلم وكر امي*.*وليا رمينا رمي نصيب الضريبه
انا اشهد وصح اللسانك شاعر كلماته رصينه ذات معنى قوي تسلم

[ذيب روق]

مشكور يابو شرف ولكن امل اخذ ملاحظة الاخ عمر بالحسبان . سلام .

[ابو شرف]

بن نجم الذيابي اشكرك على المرور وشهاده اعتز فيها.
تحياتي يالغالي..

[ابو شرف]

عمر الروقي اشكرك على المرور وشهاده اعتز فيها وابشرك القصيده نزلتها في قسم ملتقى قبيلة عتيبه وقسم قصائد الاعضاء وقسم المحاولات الشعريه وقسم المحاورات الشعريه وقسم الشعر الشعبي لان هذه الاقسام الاقبال عليها واجد.
تحياتي يالغالي..

[ابو شرف]

ابن حزيم اشكرك على المرور وشهاده اعتز فيها يالغالي.
تحياتي..

[أبـو فيصـل]

صــــح الساانك يابو شرف

[ابو شرف]

ذيب روق اشكرك على المرور وتوي فالبدايات والله يعين الجميع والوزن مشكلتي والله يعيني على اني اتجاوزه.
تحياتي يالغالي..

[ابو شرف]

صح بدنك يابو فيصل واشكرك على المرور.
تحياتي يالغالي..