@ تجربة( الدغالبة ) في المزاين ,,,, مثال يحتذى به @

[معشي الحربة]

يعلم الله اني احب الآد النعيري ( الدغالبه )
اهل فروسيه وشجاعه وقليلين كلام وكثيرين فعل
وقد جاورتهم وعاشرتهم شخصياً


واللي صار في احتفالهم اتمنى الكل يسوي مثله
حيث نقلت لي الأخبار و تفاصيل حفلهم اللي يسر ابناء العم
وتمنيت اني لو كنت حاظره

تنظيم رائع واستثمار جميل للحدث

- حيث تم في حفلهم حل جميع النزاعات البسيطه فيما بينهم وتصفية القلوب نهائياً وهذي من حسنات المزاين اللي غفل عنها البعض


وبعد ان علموا بحجم التبرعات الهائله التي وصلت للجنة المنظمه وفروا جزء من الدعم المادي لتسديد ديون المعسرين من قبيلتهم
واكتفوا بتقديم خمس سيارات جيوب ومبلغ معقول جداً 200 الف ريال
لا اسراف ولاتقتير


كما تم استقدام الشركه الراعية لشاعر المليون لنقل شاطيء الراحة من ابو ظبي الى نفود السر ... وخذي خطوة مهمه لأني مهتم بالتوثيق في اجمل صوره بما يرفع راس عتيبه بصوره حضاريه


وتعددت فقرات الحفل اللي منها تدشين موقع رسمي للقبيلة في صورة تعطي الاهتمام بالجانب المعاصر والتكنولوجي لأبناء القبيلة
وبالمناسبه معظم ابناء الدغالبه حسب علمي متقدمين علميا بنسبه عاليه


ولم يكتفون بحفل خطابي وشعري فقط
ولكن عندما جاء دور الشعر رمى الشيوخ والحضور بشوتهم وعقلهم بلا كلافه وعرضوا جميعهم في عرس عتيبي على صوت الشيلات

وعرض معهم بن حميد وبن ربيعان والكل انبسط بهالعرس حتى اللي ماحضر


كما انهم عزموا شيوخ قبايل من برا عتيبه في خطوه جميلة للرد على تهمة التعصب



اتمنى ان يحتذي الجميع بهذه التجربه في احتفالاتهم

بحل المشاكل وتصفية القلوب
مساعدة المعسرين بصورة عاجلة
نقل صورة حضارية عن قبيلتنا
توطيد العلاقات مع بقية القبائل


ولنا الى الآد النعيري اطيب سلام
وبيض الله وجيهكم

[عطالله الذيابي]

اتمنى ان يحتذي الجميع بهذه التجربه في احتفالاتهم

[مالك الذيابي]

الله يعطيك العافية يابن العم

[معشي الحربة]

اتمنى ذلك يا عطا الله من كل قلبي



الله يعطي الدغالبه الف عافيه يابن نجم
انا ناقل للخبر اللي يسر
واللي هذي فعوله مع ربعه يستاهل الشكر
لكن مثل ماقلت الدغالبه قليلين كلام


شاكر مروركم

[فيصل الدغيلبي]

بيض الله وجهك ومعليك زود وهذا تمثيل لعتيبه كلها قبل الدغالبه وتسلم ويسلم غاليك

[معشي الحربة]

الله يعافيكم يافيصل

وياليت تعطينا القصيدة اللي يقولون تفاعل معها بن حميد وبن ربيعان ورقصوا عليها لاهنت

يقولون ان قايلها شاعر شاب

[فيصل الدغيلبي]

الله يعافيكم يافيصل

وياليت تعطينا القصيدة اللي يقولون تفاعل معها بن حميد وبن ربيعان ورقصوا عليها لاهنت

يقولون ان قايلها شاعر شاب

ابشر بالخير فيه الشيله لشاعر تركي بن عبيد بن قبلان الدغيلبي
هي التي نالت على رضاء الجميع

[شايع الصيت]

ان يأتينا الثناء والاشاده من ابناء عمومتنا من خارج
فبيلة الدغالبه فو الله انها لقمة الفخر
والاعتزاز .
وماطيب الدغالبه وتميزهم الا امتداد لطيب القبيله الام عتيبه
وابناءها وتميزهم في كل ناموس ونجاح
شكرا لك يامعشي الحربه
اذا حبيت الدغالبه ومدحتهم فنقول ماعليكم زود وحبكم عندناياعيال عمنا
لايمكن ان تترجمه الحروف ولا تصفه المشاعر
حفل الدغالبه الذي اقيم في قاعة نواره للاحتفالات كان حفل رائع
ازدان بحضور مشايخ القبيله امثال
بن حميد وبن ربيعان وغيرهم لاتحضرني اسماءهم وبحضور
اللجنه العليا المنظمه لملتقى قبيلة عتيبه وبحضور كل ابناء
قبيلة الدغالبه وضيوفهم الاعزاء من القبائل الاخرى
حفل القيت فيه كلمة شيخ قبيلة الدغالبه متعب المهري
وكلمات بعض المعرّفين للهجر واعيان القبيله
كما القيت قصائد رائعه للشعراء رائعين
والقى الشاعر الشاب نايف الحميدي قصيده ملتهبه تفاعل
معها الجميع بمافيهم مشائخ القبيله وتفاعل معها بشكل
ملفت الشيخ عبد الله بن ربيعان من ماجعله بعد الانتهاء من القاءها
ان يستدعيه ويشيد به ويحوز الشاعر نايف على صوره تذكاريه بهذه المناسبه مع الشيخ عبد الله والشيخ متعب وبعض الضيوف
..
كما انه كانت هناك شيله حماسيه رائعه بحق
من كلمات الشاعر الكبير مانع القبع وانشاد تركي بن عبيد

بالاضافه الى شعراء قبيلة الدغالبه كانت هناك قصيدة
مدح من شاعر من بني رشيد
وكذلك كلمة شكر واعجاب من احد رجال قبيلة قحطان
بأذن الله سوف انزل القصيده التي القاها الشاعر المتوهج
نايف بن الحميدي الدغيلبي صوت وصوره .
في موضوع مستقل.

[معشي الحربة]

حياك الله ياشايع الصيت وعساكم على القوه وتستاهلون

وننتظر القصيده لاهنت

ووعد الحر دين عليه

[أبوأنس العتيبي]

ابشر بالخير فيه الشيله لشاعر تركي بن عبيد بن قبلان الدغيلبي
هي التي نالت على رضاء الجميع


وين احصل هالشيلة بارك الله فيك

[مرزوق حمدان العتيبي]

..
.
ماعليك زود يامعشي الحربه ...
ولاعلى ابناء عمومتنا العتبان زود ...
...

[فيصل الدغيلبي]

وين احصل هالشيلة بارك الله فيك

ابشر بالخير راح ارفعها هينا وهي من كلمات الشاعر مانع القبع وصوت الشاعر تركي بن عبيد بن قبلان الدغيلبي

[محمدالدغيلبي]

مشكور معشي الحربة
وانا في بلاد الغربة انقل للأخوة هنا من فعل أبناء العم (وبعد ان علموا بحجم التبرعات الهائله التي وصلت للجنة المنظمه وفروا جزء من الدعم المادي لتسديد ديون المعسرين من قبيلتهم
واكتفوا بتقديم خمس سيارات جيوب ومبلغ معقول جداً 200 الف ريال
لا اسراف ولاتقتير )

فكرة رائعة
فخر فخر فخر لهذه الأخبار الرائعة

[أبو الوليد]

ونعم بآلاد النعيري ( الدغالبة )
رجال الحمية وعلى ما قيل مخيمهم عامر بعلوم الرجال .. وهم اهل الكرم والنخوة .. وهذه المبادرات ليست غريبة عليهم ولا على عتيبة بشكل عام.
مشكور يا لدغيلبي

[بندرالأسعدي]

كفوا والله يا الدغالبه

[الذيابي (العطيف)]

الله يعطيك العافية يابن العم

[فيصل الدغيلبي]

كفوا والله يا الدغالبه

معليك زود يبناخي

[جديع الدغيلبي]

بارك الله فيك وبيض الله وجهك وهذا الذي حصل