رد الشاعر الكبير مرزوق الشمري على المستشعر تركي 2000

[الحلحيل]

السلام عليكم ورحمة الله وبركاته

اخواني ابناء عتيبة الكرام يشرفني ان اكون احد منتسبي منتداكم العامر باسم قبيلة مثل قبيلة عتيبة الهيلا
ويشهد الله علي انني من المعجبين والمتابعين لمنتداكم من سنوات وقد استفدت منه تاريخي وادبي وغيره
واليوم اتشرف بوضع اولى مشاركتي وهي عبارة عن رد على احد المستشعرين المساكين الذين يحاولون تهميش وسلب حقوق الاخرين بالزور والكذب والبهتان وللاسف يجد له بعض ........ المطبلين والمزمرين له

وهو المدعو تركي 2000 فقد تجنى على تهميش رمز من رموزنا العربية التي يضرب بها المثل وهو حاتم الطائي في كلام مصفف له بطريقة الاشعار عندما قال:


((خلو كرم حاتم))وماضي عهوده=سلطان يعطي شي حاتم مايعطيه

فلماذا لم يجد غير هذا الرمز العربي الذي يضرب به المثل من المحيط للخليج حتى يقلل منه ويقول ( خلو كرم حاتم ) ثم يرجع ويقول حاتم مايعطيه

هل قل المدح عند هذا الصعلوك حتى يتجنى على تاريخ منهو ................
وانتم تعلمون ان هناك محاولات من .......... له يقولون انك شاعر الوطن ...............
وشاعر الوطن هو الشاعر الكبير خلف بن هذال العتيبي ولان ننسى وقفاته ورفع معنويات للشعب السعودي ايام حرب الخليج الثانية


ومع ذلك لم يسكت له الشاعر الضرغام مرزوق الرمالي الشمري فقد رد عليه الصاع بصاعين واليكم قصيدة هذا المستشعر ورد الشاعر الكبير مرزوق الرمالي


يقول المستشعر تركي:



كريم يانوّ(ن)هبوبه تقوده=لي مدة(ن)وانا عيوني تراعيه
اكبر من الغربي ترازم رعوده=سيله حقاق والمخايل تباريه
اللي وطا حزم البلاد ونفوده=عقب المحل ماناش من عرق يحييه
ايام وسمه ماتجيك معدوده=ثابت على طول السنه من مناشيه
هتان ودان ذعاذيع نوده=تجلا هموم القلب والجرح تبريه
وليا سمك وبله وخيّم ركوده=تفرح به البيدا وتروا ضواميه
فوق البسيطه ماتحدد حدوده=مافيه وادي غير تجري مجاريه
والعشب انواعه تلاعب وروده=طلعه سوا من مدلهم(ن)يساقيه
هذي هماليله وهذي شهوده=كل(ن)يرحب به وكل(ن)يحييه
هذاك سلطان السعد من جدوده=غيث(ن)على غيث(ن)يعافيه
ياراح قلنا الله علينا يعوده=من كثر حبه ودّ شعبه يخاويه
وليا رجع تباشروا في وجوده=شيخ(ن)وحنا برض البلاد لمواطيه
حنا تحت رايه وحنا جنوده=واعمارنا في ساحة الحرب تفديه
القايد اللي منبع الجود جوده=صار الكرم صرح(ن)للأمجاد بانيه
((خلو كرم حاتم))وماضي عهوده=سلطان يعطي شي حاتم مايعطيه
خيره على العالم عسا الله يزوده=لو جيت ابذكر ماتعدد حسانيه
وفاه وصلة لكل دوله وفوده=من مد كفه مايبا احد(ن)يكافيه
وليا قدح من نار فكره زنوده=رايه سديد وكل تايه يقديه
وليا بطش ضاعت روابع حسوده=من سطوته خصمه يضيع هقاويه
هداج تيماء اللي يصدر وروده=ياحي ابو خالد وياحي طاريه
كنت اتمنى وقفتي في وجوده=واليوم انا موجود مابين اياديه:


وهذا هو رد الشاعر الكبير مرزوق بن محمد الرمالي الشمري :


كريم ياقاف(ن)خذته البروده=وعلى صفا سلمى تحطّم معانيه
قدام اجا غصب يتبخر صموده=ويصبح سراب(ن)بأوله لين تاليـه
اصغر من اللي عن سمانا يذوده=يقفي وذعذاع الشمال متقفّيه
ماينثني لأطماع نفس(ن)حقوده=ياصار راعيها الخطا من مباديه
نفسه عن الكايد عزوم(ن)شروده=والا على الذمه كبار(ن)هقاويه
حايل غنيه عن نفوس(ن)جحوده=وتركي يبي سب الاجاويد يغنيه
سيرة سجاح اليوم منه معيوده=متفرش(ن)نهجه ونهجه مغطيه
لو كان مسلم ماسجد مع سجوده=فرض الصلاة اللي نصلي يصليه
شرهاتنا بالطيب نثبت بنوده=والا الردي ماله علينا مشاريه
وتركي عطا الله قام يشعب قعوده=يبي كرم حاتم يشيله ويمحيه
اكرم رجل يوم الحبال معقوده=واطلق شنب يجري كرم مايجاريه
تركي جحد والا النبي جاب جوده=تركي طعن والمصطفى اللي مزكيه
يمكن يشيل جبال حايل لسوده=وطويق للصمان يرسي مراسيه
دامه لحاتم طي جنّد جنوده=ويمكن فرس حاتم هو اللي مذكيه
دام الكلام بلاش يبذل جهوده=شاعر وطن يالله عسا الله يخليه
شاعر وطن يبغى المشاعر يسوده=وعلى حساب الغير يبني مبانيه
نعم(ن)بحكام الجزيره واسوده=حكام تاخذ حق وافي وتعطيه
حكام عدّو للمعالي سنوده=والكل منهم مانزل عن معاليه
الهرج ياجاهم تقيّد قيوده=يطيب هرج الطيب بلسان راعيه
ال سعود احرار جو مهدوده=وسلطان منهم ماتردا مداليه
والسرد مايغني رجال(ن)سروده=لو ماانسرد يعجبه سرده بشافيه


القصايد منقولة من منتديات حايل نت

[مالك الذيابي]

الله يعطيك العافية

وسلمت يداك على النقل المميز

[ابو فايح]

والله عطاه القاز وتركي اخطا خطا فادح وهذا رد كبير على كل من قال انه شاعر وطن

[النيروز]

لله در مرزوق الشمري عرف كيف يداويه

[رعد الشيباني]

استغفر الله بس

..........................
ابك هو ما همش صورة
حاتم الطائي ولا سبه هو يقول سلطان يعطي اللي ما يعطيه حاتم
وهذا صحيح فالامير سلطان معروف بالكرم والجووود

.............................................
...............................................
وشكرا

[ذيب الجهني]

الله اكبر يالحلحيل . وش هاذى التهجم على الشاعر تركي وتكبير الموضوع . ترى هاذا تشبيه بليغ من تركي دون نقص من حق حاتم . وقوله خلو كرم حاتم ضرب مثل لرمز من رموز الكرم لتعلق كرم حاتم بالأذهان . ومن ثم أنتقاله لولي العهد سلطان وأبراز كرمه بالقصيده دون نقص او تشكيك بكرم حاتم



أقتباس من مشاركتك أخوي حلحيل

هل قل المدح عند هذا الصعلوك حتى يتجنى على تاريخ منهو .............
وانتم تعلمون ان هناك محاولات من ........ له يقولون انك شاعر الوطن وماهو ...........



حلحيل ماهاكذا توّرد الأبل
وأرجو من الاداره أتخاذ الامر المناسب

[ابن عقاب الشمري]

مشكور على المووضوغ ....

ولكن تركي لم يقصد ذلك


........................................

[Man من العتبان]

تسلم يا الحلحيل ع النقل الرائع

وصح لسان الشاعر مرزوق الشمري

[الرتوعي]

كفو يا الشمري ورد قوي وساحق
واما بالنسبة للاخوان الذين ردوا
بانه لم يقصد فهذا يجوز لان الشاعر
لا يشره عليه ولاكن حاتم الذي عاش فالبرد
والحر الشديدان وايايمها الفقر الشديد
والاموال قليلة وهو الذي كان غنيا ومن اجل
الكرم اصبح فقيرا حتى انه ذبح فرسه من اجل الضيف مركوبه الوحيد
.................................................

[ابو براك]

الله يعطيك العافية

وسلمت يداك على النقل المميز

[واسفاه]

اولا سلطان كما قال الشيباني عطى عطايا ماعطاها لاحاتم ولا غيره
كم من رقبه فكها عطا فيها من الملايين لين شراها
وكم من ناس طارت في العلالي يوم خوة عليه ومعروفن مجلسه ومعروف حتى كرمه مع السودان والصومال والبوسنا والباكستان ............... سلطان مهو حول حاتم


ثانيا حتى لو كان حاتم اكرم فانه يحمل على صيغة المبالغه واجد الامثله على هالشي حتى في مثل دارج يقال اكرم من حاتم
مع ان سلطان من جد مهو حول حاتم

[ابو شرف]

بسم الله الرحمن الرحيم
اشكرك اخوي الحلحيل على طرح هذا الموضوع.
اولا:كلام تركي مافيه شي والحق ينقال مافيه شي هو شبه كرم صاحب السمو الملكي ولي العهد الامير/سلطان بن عبدالعزيز بكرم حاتم الطائي وافضل من كرم حاتم مافيه شي وكرم حاتم يضربه المثل وهذا شي صحيح ووارد مع الناس كلهم ولكن ماننسى كرم الامير ولا كرم حاتم كرم الامير كل الناس تدريبه ياما وياما وياما سوا وسوا وسوا اشياء واجد ومعروف طيبه وكرمه من الجدان ومن ماضي الزمان ولاينجحد كرم حاتم.
ثانيا:الموضوع المفروض ياطويل العمر ماينزل كذا ينزل على النقاش الجيد الشريف بعيدا عن الالفاظ اللي مالها داعي.
ولك مني جزيل الشكر والعرفان.
مــــــــــودتــــــــــــي...

[عبدالرحمن الهيلوم]

والنعم بالكريم ابن الكريم ( سلطان الخير)..والنعم برمز الكرم (حاتم الطائي )الذي سمي الكرم باسمه ((الكرم الحاتمي)ولكن الرجاء احترام صبي شمر فهو من اعز قبيله من قبائل الجزيره علي قلوب عتيبه .. الاخذ والعطاء ولكن بحدود المعقول(( في الختام)) مرحبا مليوووووووون انت راعي المحل يابن السناعيس الطنايا)) والله يعز الاسلام والمسلمين ويعز ابو متعب ويعز سلطان((((((( الهيلوم النفيعي. ابن عتيبه البار)))))))))

[عبدالله الجـــذع]

وتركي يبي سب الاجاويد يغنيـه..

ياشباب اللي ينتقد الشمري والله ماعنده سالفــه اولا:الاميــر سلطان لايختلف اثنان على كرمـــه ....ولكـــن هل يقارن بمــن اثنى على كرمــه الرسول صلى اله عليــه وسلــم ..ياليــت تركــي قارنهم ببعــض لكــن فضــل الأميــر سلطــان حفظه الله على حاتم الطائـــي ...


اقول اللي يدري يدري واللي ماي\ري يرقــد بــدري والمجامــلات مالها داعـــي؟؟؟؟؟؟؟؟؟؟؟؟؟؟؟؟؟؟؟؟؟


صح لسان المبــدع مرزوق الشـــمري..

[بندر الحافي]

عطاه القاز

والله اخطاء خطأ كبير

في تهجمه على

مضرب المثل ومنبع الجود

حاتم الطائي

ومرزوق ما قصر

[عـاشق داورد]

الله يهديك اخوي تركي مستشعر حرام عليك والله
بعدين هذا تشبيه بليغ وقوي
مثل ماقال شاعر الامه يوسف العصيمي في مدج محمد بن زايد شيخاً لوني مامدحته..........شككت في قوميتي واسلامي

[الحلحيل]

اشكرك جميع من علق واقول الله يعطيكم العافية

وسوف اعلق على بعض اصحاب الردود المغيبه عقولهم عن الشعر ومتجاذبه مع الالحان الغنائية

[الحلحيل]

الله اكبر يالحلحيل . وش هاذى التهجم على الشاعر تركي وتكبير الموضوع . ترى هاذا تشبيه بليغ من تركي دون نقص من حق حاتم . وقوله خلو كرم حاتم ضرب مثل لرمز من رموز الكرم لتعلق كرم حاتم بالأذهان . ومن ثم أنتقاله لولي العهد سلطان وأبراز كرمه بالقصيده دون نقص او تشكيك بكرم حاتم



أقتباس من مشاركتك أخوي حلحيل

هل قل المدح عند هذا الصعلوك حتى يتجنى على تاريخ منهو اعز واشرف منه
وانتم تعلمون ان هناك محاولات من اذناب له يقولون انك شاعر الوطن وماهو الا صعلوك لايشرف الوطن



حلحيل ماهاكذا توّرد الأبل
وأرجو من الاداره أتخاذ الامر المناسب


هذا الصعلوك كما سميته انا وانت مغتاض من تاريخ بعض القبائل والشخصيات لانه لايجد الثقة في نفسه وهذا واضح والامثلة كثيرة

فمحاولة سطوته الفاضحة له امام الجميع على لقب شاعر الوطن والتقليل من كرم حاتم الطائي وتجنيه على قبائل اشرف منه واعرق منه تاريخ وسمعة مثل شمر عتيبة قحطان وغيرها
هذا اكبر دليل على حقده وعدم ثقته بنفسه وتاريخه

وانا والشاعر مرزوق وغيرنا لانعترض على كرم الامير سلطان صاحب الايادي البيضاء

ولكن نعترض على محاولة هذا المسكين فاقد الثقة بنفسه على التقليل من رمز من رموزنا العربية التي يضرب بها المثل من اجل غرض في نفس يعقوب

فحاتم الطائي عندما لم يجد مايكرم به ضيوفه من قل ذات اليدين وليس من غناء ومال قام ونحر اغلى مايملك العربي الاصيل وهي فرسه !!!!!!!!!!!!!!!

فهل اصاب هذا المسكين في التقليل من هذه الشخصية من اجل التشبيه البليغ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الحلحيل]

اولا سلطان كما قال الشيباني عطى عطايا ماعطاها لاحاتم ولا غيره
كم من رقبه فكها عطا فيها من الملايين لين شراها
وكم من ناس طارت في العلالي يوم خوة عليه ومعروفن مجلسه ومعروف حتى كرمه مع السودان والصومال والبوسنا والباكستان ............... سلطان مهو حول حاتم


ثانيا حتى لو كان حاتم اكرم فانه يحمل على صيغة المبالغه واجد الامثله على هالشي حتى في مثل دارج يقال اكرم من حاتم
مع ان سلطان من جد مهو حول حاتم

اعيد واكرر انا والشاعر مرزوق وغيرنا الكثير لا نشكك في كرم الامير سلطان صاحب الايادي البيضاء

ولكن اعتراضنا على قول هذا المستشعير وضحته في بداية موضوعي

[ولـــد السلاطين]

والله موضوع مميز

مشكور اخوي حلحيل على هذا الموضوع وصح الله لسان مرزوق الشمري في الرد على الصعلوك المستشعر

............................

اولا ياجلهى يا أغبياء الكرم الصحيح هو وقت الفقر

.................................................. .........


يعني حرام تقارنون كرم حاتم الطائي بغيره من الناس

.................................................. ...
.................................................. .................

وتحياتي لشمر كلها

ولد السلاطين ... العتيبي

[ابو شرف]

................ انتبه لالفاظك يامحترم وراي مالك دخل فيه ......................

..................................................

[شاعرخطير]

اللي يسمعك يا الحلحيل يقول انك جايب راس غليص صفقوله عشان ينبسط !!!!!!!!!!!!!!!!!!!

شكلك توك مالك في الشعر


هل قل المدح عند هذا الصعلوك حتى يتجنى على تاريخ منهو اعز واشرف منه
وانتم تعلمون ان هناك محاولات من اذناب له يقولون انك شاعر الوطن وماهو الا صعلوك لايشرف الوطن

لا يكون انت رسول منزل وحنا ماندري

لكن الشرهه ماهي عليك على المشرفين اللي يخلوا موضوع
زي هذا يستمر على رداءته

[ولـــد السلاطين]

شاعر خطير وش المشكلة في الموضوع ؟؟

وانت اللي يشوفك يقول هذا والله عنده دهاء وفطنة ماحد ملكها

الشمري والله انك تسوى رجال هنا ولا يهمونك ........................................

كفو يالشمري

[ولـــد السلاطين]

الله يهديك اخوي تركي مستشعر حرام عليك والله
بعدين هذا تشبيه بليغ وقوي
مثل ماقال شاعر الامه يوسف العصيمي في مدج محمد بن زايد شيخاً لوني مامدحته..........شككت في قوميتي واسلامي

وليه حرام عليه ؟؟

الا مستشعر ونص وكلمة شاعر كبيرة عليه

أحسن شي عجبني في ردك جملة ( تشبيه بليغ ) ههههههه

.................................................. ....................

[فلاح الهاجري]

يا الربع ترى تركي ماهو يهودي تسبونه كذا خير يا طير يا حاتم لاهو رسول ولانبي وكلمت الحق تنقال يا الطيب ماعندك سالفه والامير سلطان يستاهل المدح والي يقول ان تركي صعلوك يا الشمري شاعركم الكبير خله قبل يقول القصيده يحلل الي قاله قبله وانا مع كلام ابو شرف انت يا الطيب موضوعك ما منه داعي


وجهت نظر مني

[ابو فهد العمري]

(هل قل المدح عند هذا الصعلوك حتى يتجنى على تاريخ منهو اعز واشرف منه
وانتم تعلمون ان هناك محاولات من اذناب له يقولون انك شاعر الوطن وماهو الا صعلوك لايشرف الوطن )
أقول يالربع ترا هالموضوع مايستاهل الضغط النفسي ونحن في ايام فرح وعرس كبير لقبيلتنا ثم اذا الشمري رد علاه من باب الحميا لمنطقة حايل عتيبه وش دخلها بالموضوع
إلا اذا كان الهدف ان بعض الانفس مليئه بالحقد على تركي 2000 فهذا شي آخر
ولكن الرجاء من المشرفين الايتركوا الحبل على الغارب لياتي من يقول هذولا مطران متنكرين في ثياب العتبان
اخواني هداكم الله الرجاء عدم التجريح والتقليل من راي الطرف الاخر وتناول النقد بالبعد عن التشنجات وشكرا
اخوكم ابو فهد العمري

[ابو شرف]

بسم الله الرحمن الرحيم

يالربع تركي شاعر وطن لا والله ماهو شاعر وطن.

.................................................. ..........................

................................. وان كنت انا مطيري والله العظيم اني لاقول اني مطيري

والنعم في مطير ماينقال فيهم كلام لكن كلمة الحق تنقال وانا يشرفني .............. اني من

عتيبه الهيلا والكل يعرفني.

وفلاح الهاجري اشكرك ياصديقي على موافقتك لرايي وبيض الله وجهك..

[ولـــد السلاطين]

^
^
^
طيب وش اللي محرق رزك ؟


وانا مالوم الشمري فيه والله


كرم حاتم مايقارن بغيره واتركوا عنكم الخرابيط

حاتم الطائي كريم وهو فقير وحط تحت كلمة فقير الف خط

اذا مايقارن بالغني الكريم

وبعدين مستحيل يجي واحد بربع كرم حاتم الطائي الى ان تقوم القيامة

نستنتج من هذا المعادلة ان الالفين صعلوك حقيقي ومسترزق ليس الا

[فلاح الهاجري]

ابي اعرف حاتم ليش مافيه اكرم منه .................................... لا والله غير فيه رجاجيل اكرام ماهو حاتم بس وترى حاتم ماهو نبي ولا رسول على شان مانقارن في كرمه احد والشاعر الكبير مابه كبير غير الله

[مخاوي العتبان]

^
^
^
طيب وش اللي محرق رزك ؟


وانا مالوم الشمري فيه والله


كرم حاتم مايقارن بغيره واتركوا عنكم الخرابيط

حاتم الطائي كريم وهو فقير وحط تحت كلمة فقير الف خط

اذا مايقارن بالغني الكريم

وبعدين مستحيل يجي واحد بربع كرم حاتم الطائي الى ان تقوم القيامة

نستنتج من هذا المعادلة ان الالفين صعلوك حقيقي ومسترزق ليس الا


ولد السلاطين

ماقدر اقول غير صح الله لسانك والله كلامك درر

حاتم الطائي وقت الجوع والحرب كان أكرم الناس لدرجة انه ذبح حصانه لضيفه عندما لم يجد شيئا في بيته

وهنا يكمن الفرق بين الكريم الغني والكريم الفقير


آسف على المداخله بس اعجبني رد ولد السلاطين ولازم اثني عليه

[سعود الجعفري العنزي]

ابو شرف

انت بيض الله وجهك

كلامك عين الصواب

الله يوفقك بالدنيا والاخر\\وين المشرفين

عن المهاترات اللي هذا المنتدى ارقا منها


يكفي انه منتدى عتيبه من العارض الى الحره


\\\ احتمال يحذف الرد \\ ثاني مره ارسله

[فارس نجد]

الله يعطيك العافية

وسلمت يداك على النقل المميز

[ولـــد السلاطين]

مخاوي العتبان

صح بدنك طال عمرك

والظاهر ان الربع هنا يسمعون بس بحاتم الطائي ولا يعرفونه زين

يعني ماحولك أحد بس

راعي النوق وش المهاترات اللي تشوفها في الموضوع ؟؟

وارجع واكرر

كرم حاتم الطــائي لن يوجد له مثيل الى قيام الساعة

[طاوي الشوق]

يالربع

هدو جيتكم


تركي الفين شااعر كبير

لكنه اخطأ

والخطا وارد

بحيث انه شبه بحااتم الطاائي

واللي عرفنااه ان الرسول مزكيه لاهو تركي الفين ولاغيره

افهمهااا ياافهيم

من الرسول صلى الله عليه وسلم

يعني فرق بين السمااء والارض

ارجوكم لاتقولون في واحد قد زكى من قبل اطهر شخص مشى في بقاع

الارض


وبيقى تركي كماا هو

شااعر كبير لكنه اخطاا تقبلو مروري

[فارس البدو]

في نظري ان تركي الفين قصيدته اقوي من الشمري

[ابو شرف]

....................................

سويتو لنا قضيه في هالموضوع طيب وشفيه يعني اذا تقارن كرم حاتم باي كرم غيره احنا نعرف انه

في ناس اكرم من حاتم ومثل ماقال الهاجري حاتم لانبي ولارسول سبحان الله العظيم حاتم كريم في وقته

هذاك والحين كرمه مايعادل اي كرم من الرياجيل الشهامه اللي موجودين الحين عقلك ياورع

.................................................. ..........

راع النوق اشكرك يالغالي وبيض الله وجهك.


للمرة الثانية يحرر ردك لاستهزائك بأحد الاعضاء , نتمنى ان يكون إنتقادك في صلب الموضوع

الإدارة

[ولـــد السلاطين]

ابو شرف أشوف كل ردودك فيها تعديل مادري وش قلت

لكن يابو شرف وش معك شهادة ؟؟

شكل مامعك الا كفاءة او ثانوية ؟؟

اذا تريد ان تناقش موضوع معين مع أحد الاشخاص لابد من المكافأةفي الدرجة العلمية

مهوب معقولة اني جامعي وأتناقش مع واحد مامعه الا ابتدائي او متوسط .. !!

ثانيا ,, ارجع لكتب التاريخ واقرا زين وكثف من القراءة لعلها تفتح عقلك

كرم حاتم الطائي أثنى عليه الرسول وهذا بحد ذاته أكبر مفخرة لحاتم الطائي ودليل كاف على كرم حات المنقطع النظير

ثالثا... لا أدري مايغضبك في الموضوع هل تريد منا مثلا ان نقول ان كرم سلطان بن عبدالعزيز لايوجد مثله في العالم كلها علشان ترضى ؟؟؟

أخيرا يوجد الكرم في كل قبيلة ولكن بدرجات مختلفة ويظل حاتم الطائي متسيد الكرم

يقول حاتم الطائي

أماوي ان المال غاد ورائح ... ويبقى من المال الاحاديث والذكر


ارجو ان ترد بأدب يابو شرف ولاتكون متشنج على شيء مايستاهل

حاتم الطائي فقير في زمن فقر وجوع وغيره ملياردير كريم

هذا هو الفرق ...