لماذا ياروات الشعر بمنتدى الهيلا تدعون هذه القصيده

[طيرالرياض]

عـديت في مرقبً واللـيل ممسيني
بـديار غرب لعل السيل ما جاها
أضحك مع اللي ضحك والهم طاويني
طية شنون العرب ليا سربوا ماها
وراك ما تزعجين الـدمع يا عـيني
على هنـوفً جديد اللبس يزهاها
هـبت هبوب الشمال وبردها شـيني
مـا تدفي النار لو حـنا وقدناها
مـا يدفي الا حشـى مريوشة العيني
وإلـيا عطشنا شربنـا من ثناياها
أبـو عـيونً لـيا سلـهم تنـاجيني
يـا قرد عين المشقى كيف يقواها
يـا شبه وضحـى فـتاةً دلها زيني
داجت على عقلةً والورد ما جاها
يا عل من شار بالفرقى عمى العيني
مخباط صمعا جليل الفخذ يشظاها
جـعله حـسير كـسير وراكبه ديني
وأتـلى حـلاله ذلولً راح يطـلاها

للشاعر : عبدالهادي بن سعيد العتيبي


يا اخوان هذه القصيده الفريده تناقلها كل الناس في الجزيرة العربية حاضرة وبادية وتغنى بها الجميع على كل الالوان فلماذا لاتحقق هذه القصيده وتحفظ في تراث القبيلة ونعطى مزيدا من التعريف عن قائلها ومناسبتها .

[عبدالله الجـــذع]

وراك ما تزعجين الـدمع يا عـيني
على هنـوفً جديد اللبس يزهاها
هـبت هبوب الشمال وبردها شـيني
مـا تدفي النار لو حـنا وقدناها


الله رووووعه هذي القصيـده المشهــوره ..

والله انـ عتيــبه تملكـ الشعــر جميــع القصائــد القديــمه التي نعرفها نكتشــف في الأخــر انها لأحــد ابناء هذه القبيــله العزيــزه..


الى الأمااااااااااااااااااااام..

اشكركـ طير عالنقلــه..

[درع الجزيره]

لاهنت ع النقل المميز والتوضيح ,,

[سعود الجعفري العنزي]

الله رووووعه هذي القصيـده المشهــوره


ولكن البيت هذا اول مرة اسمعه وانا حافظ القصيدة من زمان

ياليت تتأكد منه ياخوي الله يعطيك العافية

أبـو عـيونً لـيا سلـهم تنـاجيني
يـا قرد عين المشقى كيف يقواها


مشكووووووور على النقل الرائع..

[طيرالرياض]

مشكورين الاخوان الذين مروا على القصيده .

[فهد النفيعي]

طرح راقي

لاحرمنا منك يالغالي

دام العطاء

[مالك الذيابي]

الله يعطيك العافية

[طيرالرياض]

الله يعافيكم ومشكورين على المرور

[روح جاي]

صح لسان الشاعر

عبد الله والله انك صادق الشعر لعتيبه

[الـثـقـفـي]

مشكور اخوي والله انك صادق ياذيبان

[شحوب الوقت]

قصيدة تستحق التوثيق فعلا تسلم على مجهوداتك

[فهد النفيعي]

لاهنت على الموضوع الرائع

دام العطاء

ولك تقديري