قصيدة الشاعر ملفي المورقي في مزاين قبيلة عتيبة

[الشيباني 2000]

بسم الله الرحمن الرحيم

السلام عليكم ورحمة الله وبركاتة

أسعد الله صباحكم بالخيرات

أطرح بين أيديكم قصيدة الشاعر / ملفي المورقي لمزاين قبيلة عتيبة ( الهيلا )
والذي سيقام بإذن الله تعالى في شهر شوال (10) لعام 1428هـ

ويقول أبو وافي





ياعيدنا اللي صاير(ن) بين عيديـن=بين رمضان وبيـن عيـد الضحيـة

جعلك تعود ليال وشهـور واسنيـن=وحنـا بخيـر ولا رزانـا رزيــه

نعم بنعم الضافـي الأمـن والديـن=ماعندنـا بغـضـا ولا مكرهـيـه

في ظل ربي ثـم بظـل السلاطيـن=العادليـن اللـي ذممـهـم بـريـه

حكامنا الوافين في العسـر والليـن=في حكمهـم كـل القبايـل سويـه

وحنا لهم طـول الليالـي مطيعيـن=علـى كتـاب الله وسـنـة نبـيـه

من عهد أبو تركي مقـر الموازيـن=اليـا عيالـه طيبـيـن السجـيـه

متكاتفيـنـن كلـنـا ومتصافين= الرأي واحد والضماير نقيه

سوات هذا اليوم فالمحفل الزين=اللي حضرنا فيـه مـن كـل نيـه

في أربع ميه وإلف وثمنيه وعشرين=في شهر عشره وسط نجـد العذيه

مسجل(ن) في قلوبنـا والدواوييـن=مايمحـي مادامـت الشمـس حيـه

مزايـن الهيـلا للأبـل المـزايـن=أهل الحلال اللـي قليـل(ن) حليـه

سود(ن) وواضح(ن) غاليات المثامين=وشعل(ن) وصفر(ن) فيهن الجاذبية

نسع الغـوارب ضافيـات العرانيـن= وظهورهـا فيهـا تقاعـس شويـه

معمقات(ن) مـن خيـار البعاريـن=ماحولـت فيهـا الزمول الرديـة

ومن السطر فيهـا تـدك المياديـن=عسكر ولـو ماتعـرف العسكريـه

تعمل عروض خلاف ويسار ويميـن=تقـول راعيهـا مــدرب سـريـه

والوحـده منهـا تراعيـه بالعيـن=تقول تضـرب لـه سـلام وتحيـه

ماجـات معنـا بالتسلـف وبالديـن=والا عطـن مصفـوط والا هـديـه

اللي ورثها من رجـال(ن) مسميـن=وصية(ن) يوصـي عليهـا وصيـه

واللي دفع فيهـا مئـات الملاييـن=ويقـول مهمـا سقـت فيهـا بليـه

والبـل تـرى ماتؤخـذ الا بثنتيـن=شي(ن) مجرب من علـى الجاهليـه

أمـا بنثـر الـدم يـوم الأكاويـن=ومصافق الفريـس صبـح وعشيـه

والا قناطير الذهب والذهـب ويـن=يخلـي النـاس الفقـارى غنـيـه

وحنـا كسبنـاه مـن أول وذلحيـن=بالجهـد وعـزوم الرجـال القويـه

وقمنا بواجبهـا كـلام(ن) بتثميـن=واللـي يسـوي مثلنـا حـي حيـه

مرباعنا عرعر وأبا القـور ويميـن=اليا الحجـر ومـن تحتهـا شويـه

وأن صار للصيف المبكـر وداديـن =علـى العبـال الشاسعـات الخليـه

جاتك تخافـق مخزيـات الشياطين=تبغا الجنوب اللـي تطـارد نصيـه

وأن صار يامشكاي وجه الدهر شين= وضاعت علوم اللي يسوق المطيـه

علـى مصارفهـا بربـي قويـيـن=ندرك عشاهـا لـو نباتـه وقريـه
هنا صوتيه

http://up9.arabsh.com/d.php?filename=ac9090..ra

[ابو براك]

صح لسان ابو وافي

وبيض الله وجهك ياالشيباني 2000

والله يعز عتابه

[نبض عتيبه]

ابو وافي ما يحتاج ابداع

[الليل السرمدي]

صح لسان شاعرنا ملفي ومشكور اخوي على كتابه القصيده

[مبارك مسفر الرقاص الحافي]

ربعي عتيبه من العارض الي الحره سقم الحريب الا جاالعلم مردودي

[fahad8088]

صح لسان أبو وافي

[فايز العلوي]

صح لسان ابو وافي الغالي

[الدعجاني2006]

صح لسان شاعرنا ملفي ومشكور اخوي على كتابه القصيده

[فهيد الايدا المورقي]

اللـــــــــــــــــــــــه ابدااااااااااااع الشاعر الكبير ملفي المورقي نتمنا ان يستمر في الابداع الرائع

[صقر نايف العتيبي]

اللــــــــــــــــــــــــه دائما مستمر في الابداع ابو وافي

[شاعرخطير]

صح لسان ابو وافي وتستاهل عتيبه كل خير

[الزيادي2]

جعلك تعود ليال وشهـور واسنيـن
وحنـا بخيـر ولا رزانـا رزيـه

نعم بنعم الضافـي الأمـن والديـن
ماعندنـا بغـضـا ولا مكرهـيـه


صح لسان ملفي المورقي وتسلم يمناك يالشيباني

[ممدوح السليماني]

قصيدة في منتهى روعة جميلة ومتوازنة في كلماتها ولا فيها قصور

تحية خاصة الى الشاعر والى قبيلة عتيبة العزيزة على قلوب الجميع


تحياتي

[رفيع المنزل]

صح لسان ملفي ولكن يقول مرباعنا عرعر وابا القور ويمين هل هذه المكانات من ديار عتيبة ام لا حسب علمي ان عتيبة في نجد ليس لها صلة بالشمال اطلاقا فارجو الرد منكم يالعتبان

[الذيبان]

اللة يعطيكـ العافية.....