فرهود بن صالح
17-Oct-2007, 07:12 PM
السلام عليكم ورحمه الله وبركاته ....
قصيدة خاصة في أجتماع أُسر الفراهيد من ذرية فرهود بن صالح الأسعدي الروقي العتيبي رحمه الله وذلك في ثاني أيام عيد الفطر المبارك 1428 هـ في محافظه الزلفي
هاضت هجوس الشعر ياقاسمة خير **** ياهاجس هيضتني وش تجيبي
إن كان ما سخّرت الابيات تسخير **** أحسن تنام من الضحى للمغيبي
قدّم لي الجزله وكب المهاذير **** واقنب كما ذيبٍ يجاوب لذيبي
خلك على أمري جاهزٍ بالتعابير **** جندي ودق تحيتك للنقيبي
في حفل ربعي مكرمين المسايير **** كسّابة الطالات عون الصحيبي
سلامٍ أحلى من حليب المباكير **** واعذب من الما من عذيّ القليبي
أهلاً هلا ما غردن العصافير **** واعداد ماتبد النجوم وتغيبي
يامرحبا يااهل الوجيه المسافير **** في محفلٍ يجمع قريب وقريبي
صلة رحم فيها محبة وتوقير **** تجمع شباب العائلة والمشيبي
نرضي بها الرحمن ونواصل السير **** نمشي على نهج الرسول الحبيبي
وإليا بغيت اخذ عن الوقت تقرير **** تذهلني أحداث الزمان العجيبي
أسلافنا عاشوا حياة التعازير **** الجوع سايد والخطر والنهيبي
عاشوا حياة الذيب فوق المزابير **** والموت في راس الجبل والشعيبي
لكن رسوا مرسى شمنصير والنير **** والصبر مفتاح الفرج والكسيبي
والحمد للمعبود والي المقادير **** يسّر لنا هاك الشجاع النجيبي
عبدالعزيز مسطر المجد تسطير **** ياجعل حظه عند ربه يطيبي
جاهد ومعه اجدادنا بالمشاوير **** لين استتب الامن بعد السليبي
وأللي من أول وسط راسه سعاطير **** خلوه يذعن بالرضى والغصيبي
فرسان حرب وتالي الليل تكبير **** مزهبهم التوحيد نعم الزهيبي
واليوم في نعمه وخير وتياسير **** ينعم بها ولد الوطن والجنيبي
في ظل حكام السعود المناعير **** معالجين اللي صوابه عطيبي
منا لهم طاعة وحشمة وتقدير **** واللي على نهج النبي ما يخيبي
وحنا سلايل مشبع الذيب والطير **** فرهود بن صالح عريب النسيبي
نسل الرجال الطبين المشاهير **** أولاد روق مدلهين الغريبي
خوال من جاء بالهدى والتباشير **** فخر على طول الزمن للعتيبي
ذبّاحة الحايل بوقت المعاسير **** ولطّامة العايل وسقم الحريبي
أجدادنا كانت تسوق المضاهير **** بسيوفها ترعى المكان الخصيبي
وأجدادنا كانت تقود الطوابير **** ولها مطانيخ العرب تستجيبي
أجدادنا عند الملاقى مغاوير **** إليا لقا وجه الطليب الطليبي
أفعالهم بين النشاما مغاتير **** وميرادهم جمٍّ قراحٍ عذيبي
من دون قاصر بالرجال البواتير **** اللي لهم بالطيب حظ ونصيبي
نقدر الطيب ولو هو من الغير **** ونفرح بمعرفة الأديب الأريبي
للدار حمّايه وللكسر تجبير **** ولكل عله طبها والطبيبي
وحنا على منهاجهم دون تقصير **** نصبر على دنيا العنا واللهيبي
شبنا وشفنا والليالي مداوير **** نوبٍ ضحوك ونوب وجه غضيبي
هذي مواريدٍ وهذي مصادير **** ومره نصيب ومرةٍ مانصيبي
كنا ولازلنا بهيبه وتاثير **** الساس طيّب والمباني تطيبي
مانستمع لاهل الوجيه المغابير **** أهل المشاكل والكلام المريبي
ناس ملافظها سوات المناشير **** حسيبهم ربي ونعم الحسيبي
ناس تغرر بالاجاويد تغرير **** وتخلط خبايث سمها بالحليبي
حفّارة السيسان نفّاخة الكير **** أهل الدسايس والخزا والشذيبي
نصبر على الشدات ونقدم الخير **** ونقابل المخطي بصدر رحيبي
أما اعتدل وألا مع مقيط فالبير **** والخبل مقطوع الرجا والنصيبي
من يحفر الحفره وقع بالمحافير **** ولا ينفعه كثر البكا والنحيبي
في وسط عينه ضاربين المسامير **** وفي وسط قلبه زايدين اللهيبي
حنا حرار ومع حرارٍ كواسير **** وألا الردي عند النشاما يهيبي
أي الحرار الساطيه والخواضير **** وأي الثعل ومجاوبات القنيبي
وأي اليدين الطايله والمقاصير **** وأي الخشوم النايفه والعقيبي
أمثال يا أهل المعرفه والتفاكير **** لوكان ماني فالمنابر خطيبي
أخذ من اشوار الرجاجيل واشير **** واحرص على حفظ الكلام المصيبي
ولانيب لا عنتر ولا سالم الزير **** لكنّ عظمي بالمواقف صليبي
لي عزوة ماترتضي بالمحادير **** ولا تستمع للنمنمه والسبيبي
حنا بعصر العلم والعلم تطوير **** للي حباه الله بقلب لبيبي
لكن شياطين الهوى والمزامير **** مايعشقون ألا الطريق المعيبي
جابوا قنوات الفضا والتصاوير **** يالله تخارجنا من اللي تجيبي
فيها سفور وعنصرية وتدمير **** ويامكثر القصدير عند الذهيبي
ويالله ياللي في يديك التدابير **** ياسامع بالخرمسي الدبيبي
تعزنا بالدين والدين تنوير **** وتذل عبّاد الوثن والصليبي
وتظلنا يوم الأوادم محاشير **** في يوم لا ينفع صحيبٍ صحيبي
وتكتب لنا الجنه وتبعد زمهرير **** عن كل مسلم يالكريم المجيبي
وصلاة ربي عد مارفرف الطير **** على النبي الهاشمي العريبي
عبدالله بن عبدالعزيز بن محمد الفرهود
قصيدة خاصة في أجتماع أُسر الفراهيد من ذرية فرهود بن صالح الأسعدي الروقي العتيبي رحمه الله وذلك في ثاني أيام عيد الفطر المبارك 1428 هـ في محافظه الزلفي
هاضت هجوس الشعر ياقاسمة خير **** ياهاجس هيضتني وش تجيبي
إن كان ما سخّرت الابيات تسخير **** أحسن تنام من الضحى للمغيبي
قدّم لي الجزله وكب المهاذير **** واقنب كما ذيبٍ يجاوب لذيبي
خلك على أمري جاهزٍ بالتعابير **** جندي ودق تحيتك للنقيبي
في حفل ربعي مكرمين المسايير **** كسّابة الطالات عون الصحيبي
سلامٍ أحلى من حليب المباكير **** واعذب من الما من عذيّ القليبي
أهلاً هلا ما غردن العصافير **** واعداد ماتبد النجوم وتغيبي
يامرحبا يااهل الوجيه المسافير **** في محفلٍ يجمع قريب وقريبي
صلة رحم فيها محبة وتوقير **** تجمع شباب العائلة والمشيبي
نرضي بها الرحمن ونواصل السير **** نمشي على نهج الرسول الحبيبي
وإليا بغيت اخذ عن الوقت تقرير **** تذهلني أحداث الزمان العجيبي
أسلافنا عاشوا حياة التعازير **** الجوع سايد والخطر والنهيبي
عاشوا حياة الذيب فوق المزابير **** والموت في راس الجبل والشعيبي
لكن رسوا مرسى شمنصير والنير **** والصبر مفتاح الفرج والكسيبي
والحمد للمعبود والي المقادير **** يسّر لنا هاك الشجاع النجيبي
عبدالعزيز مسطر المجد تسطير **** ياجعل حظه عند ربه يطيبي
جاهد ومعه اجدادنا بالمشاوير **** لين استتب الامن بعد السليبي
وأللي من أول وسط راسه سعاطير **** خلوه يذعن بالرضى والغصيبي
فرسان حرب وتالي الليل تكبير **** مزهبهم التوحيد نعم الزهيبي
واليوم في نعمه وخير وتياسير **** ينعم بها ولد الوطن والجنيبي
في ظل حكام السعود المناعير **** معالجين اللي صوابه عطيبي
منا لهم طاعة وحشمة وتقدير **** واللي على نهج النبي ما يخيبي
وحنا سلايل مشبع الذيب والطير **** فرهود بن صالح عريب النسيبي
نسل الرجال الطبين المشاهير **** أولاد روق مدلهين الغريبي
خوال من جاء بالهدى والتباشير **** فخر على طول الزمن للعتيبي
ذبّاحة الحايل بوقت المعاسير **** ولطّامة العايل وسقم الحريبي
أجدادنا كانت تسوق المضاهير **** بسيوفها ترعى المكان الخصيبي
وأجدادنا كانت تقود الطوابير **** ولها مطانيخ العرب تستجيبي
أجدادنا عند الملاقى مغاوير **** إليا لقا وجه الطليب الطليبي
أفعالهم بين النشاما مغاتير **** وميرادهم جمٍّ قراحٍ عذيبي
من دون قاصر بالرجال البواتير **** اللي لهم بالطيب حظ ونصيبي
نقدر الطيب ولو هو من الغير **** ونفرح بمعرفة الأديب الأريبي
للدار حمّايه وللكسر تجبير **** ولكل عله طبها والطبيبي
وحنا على منهاجهم دون تقصير **** نصبر على دنيا العنا واللهيبي
شبنا وشفنا والليالي مداوير **** نوبٍ ضحوك ونوب وجه غضيبي
هذي مواريدٍ وهذي مصادير **** ومره نصيب ومرةٍ مانصيبي
كنا ولازلنا بهيبه وتاثير **** الساس طيّب والمباني تطيبي
مانستمع لاهل الوجيه المغابير **** أهل المشاكل والكلام المريبي
ناس ملافظها سوات المناشير **** حسيبهم ربي ونعم الحسيبي
ناس تغرر بالاجاويد تغرير **** وتخلط خبايث سمها بالحليبي
حفّارة السيسان نفّاخة الكير **** أهل الدسايس والخزا والشذيبي
نصبر على الشدات ونقدم الخير **** ونقابل المخطي بصدر رحيبي
أما اعتدل وألا مع مقيط فالبير **** والخبل مقطوع الرجا والنصيبي
من يحفر الحفره وقع بالمحافير **** ولا ينفعه كثر البكا والنحيبي
في وسط عينه ضاربين المسامير **** وفي وسط قلبه زايدين اللهيبي
حنا حرار ومع حرارٍ كواسير **** وألا الردي عند النشاما يهيبي
أي الحرار الساطيه والخواضير **** وأي الثعل ومجاوبات القنيبي
وأي اليدين الطايله والمقاصير **** وأي الخشوم النايفه والعقيبي
أمثال يا أهل المعرفه والتفاكير **** لوكان ماني فالمنابر خطيبي
أخذ من اشوار الرجاجيل واشير **** واحرص على حفظ الكلام المصيبي
ولانيب لا عنتر ولا سالم الزير **** لكنّ عظمي بالمواقف صليبي
لي عزوة ماترتضي بالمحادير **** ولا تستمع للنمنمه والسبيبي
حنا بعصر العلم والعلم تطوير **** للي حباه الله بقلب لبيبي
لكن شياطين الهوى والمزامير **** مايعشقون ألا الطريق المعيبي
جابوا قنوات الفضا والتصاوير **** يالله تخارجنا من اللي تجيبي
فيها سفور وعنصرية وتدمير **** ويامكثر القصدير عند الذهيبي
ويالله ياللي في يديك التدابير **** ياسامع بالخرمسي الدبيبي
تعزنا بالدين والدين تنوير **** وتذل عبّاد الوثن والصليبي
وتظلنا يوم الأوادم محاشير **** في يوم لا ينفع صحيبٍ صحيبي
وتكتب لنا الجنه وتبعد زمهرير **** عن كل مسلم يالكريم المجيبي
وصلاة ربي عد مارفرف الطير **** على النبي الهاشمي العريبي
عبدالله بن عبدالعزيز بن محمد الفرهود