لقاء مع الشاعر الكبير ضاوي العصيمي

[نواف العصيمي]

بسم الله الرحمن الرحيم

يسر منتديات عتيبه الهيلا أن ترحب بعلم من أعلام الشعر ونجم متألق في سمائها

الشاعر الكبير :ضاوي العصيمي

وتستضيفه في لقاء مفتوح ليتسقبل الإسئله من محبيه وجمهوره الكريم

لمحه مختصره عن الشاعر ضاوي العصيمي :.


رئيس المنتدى الشعبي لشعراء المنطقة الشرقيه..عضو منتديات عتيبه الهيلا ..نجم من نجوم الساحة الشعبية ..يتابعه الكثيرون ويشهد بتميزه العديد من الشعراء ..أبدع في القصائد له العديد من الإصدارت الصوتيه وهي عباره عن أناشيد اسلاميه ..له الكثير من الأمسيات الشعريه .. له شريط مظاليم له ديوان مطبوع اسمه مسافات..



له دور فعال في ملتقى عتيبه لمزايين الأبل

وقد تم مؤخراً اعتماد ( الشيلة الرسميه لملتقى قبيلة عتيبه لمزاين الابل )
وهي بكلمات الشاعر ضاوي العصيمي ومنها


ياهل البل مـن بعيـدات النحايـا =قربوهـا للمـزايـن قربـوهـا
فيه جـزلات الجوايـز والهدايـا =للابل الزينه عتيبـه جهزوهـا
بشروا بالفـوز كاملـة المزايـا =بنت هرشٍ طيبها من طيب ابوها
وجمع شولٍ من بعض فيهن حلايا=السهاف اللي تنومس من قنوهـا
الرقاب من اللحم جرد عريا= والنحور ابواب قصر شرعوها




في إنتظارك أسئلتكم وإستفساراتكم ليجيب عليها الشاعر ضاوي العصيمي
________________

[مالك الذيابي]

يا هلا ومرحبا ومسهلا


بالشاعر / ضاوي العصيمي


ولي عودة انشالله


وجعبتي بها أسئلة كثيرة

[سعود النفيعي]

السلام عليكم ورحمة الله وبركاته


لاهنت على الاستضافه ينواف

مرحبااا مرااااااااحب فيك يبو زياد تو مانور المنتدى والله

الاسأله:

1_هل سيصدر لك ديوان عن قصايد الابل والمقناص وهل هوو تسجيل أسلامي وفيه شيلات

2_من هووو شاعر عتيبه فالنظم بكل صراحة

3_هل فكرت بأن تكووون شاعر محاوره فانت مبدع فالنظم وهل مارستها ومع من لعبت


تحياتي,


تحياتي يبن العم,

[الجوباحي]

يامرحبا مليوووووووووووووووووووووووووووون

[النافذ]

يا هلا ومرحبا ومسهلا


بالشاعر / ضاوي العصيمي


ولي عودة انشالله

[fahad8088]

ونعم والله فالشاعر / ضاوي العصيمي

ونشكر أبو راكان على تألقه و إبداعه

ونا والله ماعندي اسئله

غير أسلم عليك

ومرحبا فيك وأهلين

[نوافــ الهيــلا]

هلا وغلا بشاعرنا ضاوي

حياااااااااااااك الله

المنتدى منور انت راعي المنتدى وحنا الضيوف عندك


وأما من ناحية الأسئلة ....... فما عندي شيء لسؤال عنه

الله يحييك مره ثانيه ،،، وتحياتي لك

أخوك،
نوافــ الهيــلا

[بندر العصيمي]

مشكور ياولد العم على هذه الموضوع وبيض الله وجهك

[نايف الحيص الثبيتي]

ياهلا يامرحبابك يا العصميي عند عيال عمك وعزوتك ومكانك


ولاهنت

[أبو مرحبا]

يامرحبا مليون × مليون

الله يحيي (شاعر القنص) الشاعر: ضاوي بن عايض العبادي العصيمي العتيبي

أبرك الساعات مشاركتك معنا

ونشكر المشرف نواف لترتيب المقابلة


سؤالي للأخ ضاوي العصيمي


س1:لماذا مقل في ظهورك الاعلامي .؟

س2:مارايك في شاعر المليون .؟



لي عودة ان شاء الله

[عيضه الثبيتي]

اهلاً وسهلاً

بالشاعر الكبير


ضاوي العصيمي


س/بداياتك كانت محاوره ونظم؟والكنك اتجهت للنظم واصبحت من كبار شعراء النظم؟الا تفكر في خوض بحور شعر المحاوره من جديد؟


س2/ماهو رائك في شعر المحاوره؟واين يوجد الأبداع في شعر المحاوره أو النظم؟

[الخمري]

مرحبا مليون بالشاعر والي ستضاف الشاعر

[راعي سنام]

مرحبا تراحيب المطر بالشاعر ضاوي العصيمي



محبك /راعي سنام

[محمد الزايدي]

يامرحبا وسهلا بالشاعر الكبير ضاوي العصيمي

ونورت المنتدى بتواجدك الكريم

[مشاري الحبردي]

اسفرت وانورت

ياهلا ومرحبا بك ياضاوي العصيمي

[أبو نجر النفيعي]

..

يا هلا ومرحبا يابو زياد .. تو نور المنتدى والله ..

وحيّاك الله في محلّك :)

.

أخوك / أبو نجر

[متعب العصيمي]

نرحب بالشاعر المبدع / ضاوي العصيمي ..

وحياك الله ...

والشكر موصول للمشرف نواف العصيمي على المقابلة..

س/ مارايك في كثرة القنوات المتخصصه بالشعر؟

س/هل سنستمتع بديوان صوتي قريب ؟

[ضاوي العصيمي]

بسم الله الرحمن الرحيم

اخواني مشرفي واعضاء وزوار هذا الصرح الجميل بكم
وباسم عتيبة الهيلا
كل عام وانتم بخير

الاخ الغالي نواف العصيمي الف شكر لك على الاستضافة
واسال الله ان يوفقني لاكون عند حسن الظن

[ضاوي العصيمي]

الاخ ابن نجم الذيابي
تبقا وتدوم يالغالي
والله يحييك ويحي الاسئلة في كل حين

لك ودي

[ضاوي العصيمي]

السلام عليكم ورحمة الله وبركاته


لاهنت على الاستضافه ينواف

مرحبااا مرااااااااحب فيك يبو زياد تو مانور المنتدى والله

الاسأله:




تحياتي,


تحياتي يبن العم,


الغالي سعود
المنتدى منور بك وبامثالك
وتبقا يالغالي

1_هل سيصدر لك ديوان عن قصايد الابل والمقناص وهل هوو تسجيل أسلامي وفيه شيلات
ج/ انشالله بعد المزاين مباشرة ساقوم بتسجيل
اصدار جديد خاص بقصائد الابل والبر والربيع وبعض القصائد الاجتماعية
والفكاهية الهادفة وسيكون هناك شيلات لمنشدين معروفين وسيكون في مؤسسة بالنطقة الشرقية لكي اتمكن من الاشراف مباشرة على العمل بالرغم ان هناك الكثير من المؤسسات بالرياض حاولت ان اتنازل لهم عن العمل ولكن الى الان لم يتم شي

2_من هووو شاعر عتيبه فالنظم بكل صراحة
ج/ اخوي سعود شف يوجد لعتيبة اكثر من شاعر وانا لا أومن بمسمى شاعر عتيبة لانني ارى بان شاعر عتيبة هو من يحضر الحفل ويمثلها في ذلك الحفل
مثلا في المحاورة
حفل حضر به مستور سيكون هو شاعر عتيبة في الذلك المحفل
حفل حضر به رشيد سيكون هو شاعر عتيبة في ذلك الحفل
وهكذا وكذلك النظم

3_هل فكرت بأن تكووون شاعر محاوره فانت مبدع فالنظم وهل مارستها ومع من لعبت
ج/ اخوي سعود انا احب النظم واجد نفسي فيه وقد مارست المحاورة ولكنها كانت محاوله ولم ارغب في الاستمرار

[ضاوي العصيمي]

الجوباحي البقا ياراعي مرحبا


النافذ / تبقا وتدوم والله يحييك في كل وقت


فهد ماعليك زود يالغالي وتبقا وتدوم يالقرم



نواف الهيلا تبقا يالغالي والمنتدى منور بكم جميعا


بندر العصيمي شكرا على الحضور


نايف الحيص تبقا وتدووووم يالقرم

[ضاوي العصيمي]

ابو مرحبا تبقا وتدوم يالغالي
وتراي لقيت لك رسالة خاصه وحاولت ارد عليك لكن
لم استطع لانني لم تبلغ مشاركتي الحد المطلوب واسلت لك طلبك على الايميل


س1:لماذا مقل في ظهورك الاعلامي .؟
ج/ ابو مرحبا انا لو بغيت اظهر كل يوم في القنوات ظهرت
لكن انا قننت الظهور لان الظهور المكثف يعطي نتيجة عكسية
يكفيني اظهر كل شهر او شهرين مره من خلال القنوات وهذه قناعة شخصية

س2:مارايك في شاعر المليون .؟

ج - كبرنامج ناجح


وتقبل ودي

[ضاوي العصيمي]

هلا وغلا بشاعرنا عيضه الثبيتي
والف شكر لك على الحضور والترحيب

س/بداياتك كانت محاوره ونظم؟والكنك اتجهت للنظم واصبحت من كبار شعراء النظم؟الا تفكر في خوض بحور شعر المحاوره من جديد؟
ج/ اخوي عيضه بداياتي نظم ولكن مارست المحاورة بشكل بسيط واغلبها مجالسي لكن ميولي كان للنظم خاصة ان المحاورة تحتاج الى بعض العوامل غير الشعر وانت قلت انني اصبحت شاعر كبير وهذي والله شهادة اعتز بها خاصه انها من شاعر وابن شاعر ولكن انا ارى بانني مازلت في البداية وامامي طريق طويل
اما التفكير في خوض بحور المحاورة فلا يوجد لدي تفكير الان بتاتا

س2/ماهو رائك في شعر المحاوره؟واين يوجد الأبداع في شعر المحاوره أو النظم؟

ج/ شعر المحاورة الان نوعين نوع شعر فتل ونقض ومعاني اغلبها مدفون وهذا احبه واعشقه واحرص على متابعته وتحليل معانيه
ونوع مكشوف ويغلب عليه طابع السب والشتم وتتكرر فيه كلمة (( حنا )) وهذا لاارغب في متابعته
والله الابداع موجود في النظم والمحاورة فالمحاورة ابداعها في قدرة الشاعر على تغليف المعنى بشكل صحيح

والنظم لايتناقله الجمهور الا ان كان به درجة من الابداع فيحفظ وينقل

[محمد بن غازي]

اولاً/ أشكر الأخوان في المنتدى على أتاحة هذه الفرصه .
ثانياُ / ليس لدي سواء الدعاء لك بالتوفيق وتحقيق ماتصبو له من مكانه عاليه وهو قمة الهرم الشعري شاعرنا الكبير/ ضاوي .

[عتيبي من شقراء]

الف الف مبروك اخوي ضاوي ومشكورعلى هالقصيده الى تبيض الوجه وبكل جداره واستحقاق استحلت الشيله الرسميه لمزاين الهيلا
رجاء نطالبك بالمزيد من هالقصائد ومزيد من الابداع والظهور اعلاميا وعدم التقصير ما بعد المزاين ولا اقول الا الله يكثر من امثالك
وبالتوفيق

[تكفووون ياعتيبة]

يامرحــــــــــــــــبا والله يابن عاصم

وحياك الله في منتدى عيال عمك ومنتداك

[محمد العتيبي]

ابعث تحية للشاعر القدير : ضاوي العصيمي

وتقبل ودي وحبي وتقديري

[ابن عصيم]

يا مرحبا في منتدى الهيلا من أعماق القلوب
بالشاعر اللي يطرب القناص ترديده غناه

ضاوي وشعره يحوي المعنى مع الحس الطروب
شاعر وله بين العرب تقدير عالي مستواه

وأدعي لك الله يحرسك ويجنبك شر الذنوب
يا مرحبا من حلحلي(ن) قالها في مبتداه


الشاعر ضاوي العصيمي لك كل التقدير والإحترام

وحياك الله بين بني عمك

وتقبل مودتي
ابن عصيم الحلحلي

[ضاوي العصيمي]

الخمري / تبقا وتدوم يالغالي


راعي سنام / تباق وتدوم يالغالي


محمد الزايدي / البقا وعساك سالم يالقرم


مشاري الحبردي/ البقا ومنورة بوجوك انت وشرواك

ابو نجر / البقا ياالقرم

[ضاوي العصيمي]

تبقا وتدوم يامتعب العصيمي


س/ مارايك في كثرة القنوات المتخصصه بالشعر؟
ج/ كثرة القنوات المتخصصة للشعر زيادتها طيب حتي يكون هناك مجال اكبر للظهور لكن يجب ان تنتقى وتقدم الجيد وتبحث عن الشعراء الذين لايسعون خلف ضوء الاعلام لتقدمهم للجمهور

س/هل سنستمتع بديوان صوتي قريب ؟
ج/ نعم ان شالله بعد المزاين مباشرة ساقوم بتسجيل ديوان صوتي خاص بقصائد الابل والبر وغيرها ويحوي شيلات لاصوات جميله وسيعلن عنه في حينه
كذلك الان الاخ الاستاذ سمير البشيري يستعد لتسجيل الشريط الانشادي ( مظاليم 2 ) وسيطرح قريبا باذن الله في الاسواق

[بدرالهبيري]

الشاعر ضاوي العصيمي : اريد ان ارحب بك
في منتدى الهيلا بااسم عتيبه مع انني ضيف
على الهيلا لكن نمون كلنا شبابه يامرحبا بك
ياشاعر القنص ومرحبا بالجزاله ومرحبا بالطيب
الحقيقه احب ان ابارك لك منصبك في منتدى
شعراء الشرقيه في الدمام واحب اقول الرجل
المناسب في المكان المناسب وحبيت اسئلك
سؤال بسيط وربما يكون له ابعاد :

س :
هل هناك آليه معينه تطبقونها في المنتدى
وهل يتوجب على من كان من سكان الخبر
او الدمام التسجيل من قبل او تتم دعوته
طبعا ً التسجيل مثل المنتديات الشعريه بالنت
ولك صادق التحايا ..
تحياتي وتقديري .. بدرعيد ..

[فيصل العبادي]

أرحب بالشاعر ضاوي العصيمي

واسئلتي

يعد الظهور والتواجد في ملتقى عتيبه لمزايين الإبل تطلع كل شاعر عتيبي
وهاجس من أبناءها لخدمة الوطن و قبيلتهم أود أن أسال الشاعر ضاوي العصيمي

س1/إنطباعك عن إختيار القصيده من قبل اللجنه ؟

س2/هل تم إختيار الشاعر سلطان الجلاوي من قبلك أم من قبل اللجنه ؟

س3/رساله تواجهها لابناء عتيبه بمناسبه الملتقى الأول ؟


والله يعطيكم العافيه ويسلمك يا نواف

[صقر العوالي]

الله يحي شاعرنا الكبير

[ضاوي العصيمي]

محمد بن غازي / مشكور على الحضور والترحيب يالغالي


عتيبي من شقراء / الله يبارك فيك ويقدرنا على تقديم ماينال استحسان الطيبين مثلك وشرواك


تكفوووون ياعتيبه/ تبقا وتدوم يالقرم



ابو مشعاب/ مشكور على التحية والله يبيض وجهك

[عايض بن زوير]

أخوي ضاوي بن عايض العصيمي

الأسأله لا أسأله..

ولكن قولي..مرحبا مليوووون وكل عام وأنت بألف خير

؛؛؛؛

؛؛؛

؛؛
؛
عايض المقاطي..
أحد اللذين تشرفوا باحياء أمسيه شعريه بجانبك
قبل كم شهر وياليت تبلغ سلامي والتهاني لمسعود اذا أمكن..

[ضاوي العصيمي]

ابن عصيم هلابك

يا مرحبا في منتدى الهيلا من أعماق القلوب
بالشاعر اللي يطرب القناص ترديده غناه

ضاوي وشعره يحوي المعنى مع الحس الطروب
شاعر وله بين العرب تقدير عالي مستواه

وأدعي لك الله يحرسك ويجنبك شر الذنوب
يا مرحبا من حلحلي(ن) قالها في مبتداه

الرد

دام البقا عداد ماهبت ذعاذيع الهبوب
من شاعر وقف قدر للاسم يومنه قراه


والمدح لا جا من رياجيلٍ يدلون الدروب
يزيد عزمي عزم والمجهود اجيب اللي وراه


الحلحلي هو مسندي في السلم وزحام الجنوب
واله التحيه والشكر عداد نوٍ هل ماه
ولك ودي

[ضاوي العصيمي]

الغالي بدر الهبيري

هلابك واشكرك على الترحيب


السؤال
هل هناك آليه معينه تطبقونها في المنتدى
وهل يتوجب على من كان من سكان الخبر
او الدمام التسجيل من قبل او تتم دعوته
طبعا ً التسجيل مثل المنتديات الشعريه بالنت

الجواب
اخوي بدر المنتدى الشعبي هو فرع من فروع جمعية الثقافة والفنون
وهو المشرف وعلى اقامة الامسيات الشعريه وكذلك تقديم الشعراء الشباب ومساعدتهم في بداية المشوار
وليس هناك تسجيل كل شعراء المنطقة الشرقية نعتبرهم اعضاء في المنتدى لكن هناك عضو فعال وهو الذي يحضر المجلس كل يوم احد من بعد صلاة العشاء ويشارك مع الشعراء ويطرح قصائده ويناقش مع زملاءه وهناك عضو غير فعال وهو الشاعر الذي لايحضر جلسات المنتدى
واي شاعر نرحب به في مقر المنتدى بجمعية الثقافة والفنون كل يوم احد وعندما يزورنا سيتعرف اكثر على اهداف المنتدى

[ضاوي العصيمي]

فيصل العبادي هلابك ياعصابة راسي



س1/إنطباعك عن إختيار القصيده من قبل اللجنه ؟
ج- حقيقة كان شي مفرح وبكل صراحة لم اكن اتوقع لان المشاركين كلهم شعراء كبار واسماء رنانه ولكن الحمد لله وهذا توفيق من الله سبحانه
وهنا اتذكر كلام قاله لي المرحوم الشاعر محمد بن عمره المقاطي عندما سمعته قصيدتي قبل ارسالها قالي هذي هي اللي بتفوز وكان هو من ضمن المشاركين رحمة الله عليه وكنت اظن بانه يجاملني


س2/هل تم إختيار الشاعر سلطان الجلاوي من قبلك أم من قبل اللجنه ؟
ج- عندما بلغوني اعضاء اللجنة باختيار قصيدتي لتكون هي الشيلة الرسمية كانت ببالي عدد كبير من اسماء المنشدين منهم مرزوق المقاطي وهو صديق وصوته جميل وسلطان الجلاوي وهو غني عن التعريف ومهنا العتيبي وغيرهم وعندما ذكرت ذلك للجنة لمست منهم بانهم يرغبون بان يؤديها سلطان الجلاوي وسمعت لحنها واعجبت به وسلطان كفو واضاف للقصيده


س3/رساله تواجهها لابناء عتيبه بمناسبه الملتقى الأول ؟
ج- اقول لهم الله الله في التكاتف والتلاحم واوصيكم بالبعد عن التعصبات الغير مرغوبة والتي قد توثر على سير المزاين ونحن بهذا الملتقى يجب ان ننسى اي لقب او فخذ فكلنا قبيلة وحده والاسم السائد هو عتيبي
والله يوفق الجميع

[ضاوي العصيمي]

صقر العوالي / الله يبقيك يالقرم


مقاطي الحجاز / هلا وغلا والف شكر على المرور والترحيب

[ابن حيلان]

الشاعر الكبير

بل علم من اعلام الشعر

ماتدري ولا راح تعرف مداء اعجابي بشعرك فلله درك

فانا من اشد المعجبين بشعرك ودايم تصنيفك عندي من الاوائل


ماهو رايك في المنتديات الادبيه ؟؟وهل تعتقد انها ساهمة في التعرف على كثير من الشعراء؟؟ولو حصل في يوم وكان يوجد لقاء لشاعر ضاوي في احدى المجلات وفي نفس التوقية طلب لقاء في منتدى ادبي ايهما يفضل الشاعر ضاوي؟

ولك خالص شكري

اخوك

راكان بن حيلان بن ريمان العصيمي

[clogk]

بسم الله الرحمن الرحيم
السلام عليكم ورحمة الله وبركاته
الله يعطيكم العافيه على الموضوع الممتاز لقاء مع الشاعر الكبير ضاوي العصيمي ويستاهل

[طلال الثبيتي]

مرحبا بـ شاعرنا الكبير / ضاوي العصيمي ..

وش حالك طال عمرك ؟؟

ابو زياد ! بما انك رئيس المنتدى الشعبي بالشرقيه ..

ما اسباب الخلافات التي حدثت بينكم وبين جريدة زوايا !!

وما اسباب خمول الحركه الشعريه بالمنطقه الشرقيه وندرة امسياتها التي تكاد تكون معدومه لولا تفضل جريدة زوايا علينا بالامسيات مع عدم رضانا عن الامسيات .. ومع العلم انها غير مسئؤله عن ذلك ؟

[ضاوي العصيمي]

هلا وغلا باخوي راكان
واعجابك يزيدني شرف يابعد راسي


ماهو رايك في المنتديات الادبيه ؟؟وهل تعتقد انها ساهمة في التعرف على كثير من الشعراء؟؟ولو حصل في يوم وكان يوجد لقاء لشاعر ضاوي في احدى المجلات وفي نفس التوقية طلب لقاء في منتدى ادبي ايهما يفضل الشاعر ضاوي؟

ج- المنتديات الادبية كثيرة ومنها الجيد وغيره
نعم ساهمت في التعريف وتقديم الكثير من الشعراء التي تجاهلتهم المجلات والصحف قبل ظهور تلك المنتديات

لو طلب مني لقاء في مجلة واخر بالمنتديات اقبل الثنين واحاول ان اوفق بينهما بالتوقيت ههههه ما ابي يفوتني شي
وصراحة الان المنتديات اهم من المجلات عندي

وتقبل ودي

[ضاوي العصيمي]

clogk هلابك والف شكر على المرور


ولك ودي

[ضاوي العصيمي]

الغالي طلال الثبيتي

هلابك والف شكر لك على الحضور يالغالي


ما اسباب الخلافات التي حدثت بينكم وبين جريدة زوايا !!

وما اسباب خمول الحركه الشعريه بالمنطقه الشرقيه وندرة امسياتها التي تكاد تكون معدومه لولا تفضل جريدة زوايا علينا بالامسيات مع عدم رضانا عن الامسيات .. ومع العلم انها غير مسئؤله عن ذلك ؟


ج- انا لايوجد بيني وبين احد اي خلاف وجريدة زوايا يشرف عليها الزميل سعد ال بريك وهو صديق عزيز لي ومابيننا الا كل خير


تعرف انا استلمت المنتدى في نصف اجازة الصيف وعلمت بان امسيات الصيف اعطيت من قبل لجنة السياحة لجريدة زوايا وانا حقيقه لم اكن مستعد لاقامتها نظرا لضيق الوقت هذا بالنسبة للصيف

اما بعد الصيف فانت تعلم باننا عدنا من الاجازة قبل رمضان بايام قليله ولم يكن الوقت مناسب لاقامة اماسي ولكن اقمنا في شهر رمضان لقاء مفتوح بمناسبة اليوم الوطني انا والزميل خالد الخالدي

ولدينا امسيتين كنا ننوي تقديمها هذه الايام ولكن الاخوان الشعراء طلبوا تاجيلها الى بعد مزاين عتيبه حيث ان بعض الشعراء مشارك بامسيات المزاين
وان شالله سيكون هناك العديد من المناشط القادمه

ويامليون هلابك

[قناة الساحة]

الأخ / ضاوي
لم يتركوا لي الأخوان
شي لإضافته ويعطيك
العافيه ولنا لقاء بإذن الله.
ومروري للسلام عليك.


اخوك
نايف العتيبي

تحياااتي

[زياد المغيري]

احيكم جميعاً بتحيه الاسلام

السلام عليكم ورحمه الله وبركاته
احيي الجميع واحيي شعرنا/ضاوي العصيمي

ويعطيك العافيه يانواف العصيمي على استضافتك لشاعر دائماً متألق

ولنا عوده مع بعض الاسئله لنطرحها على شاعرنا


ويعطيكم العافيه جميعاً

[مشعل الحمراني]

الله يحيك يالشاعر / ضاوي العصيمي
وسعيدين بهذه المقــابله معك
ويعطيك العافيــــه
على القصيده الى قدمتها للمزاين
فعلا روعه بالابداع وفيها من التألق المعهود منــك
ولاننسى الشاعر سلطان الجلاوي اضاف عليها
جمالا بصوته الجميــل والرائع

لاتوجد اسئله
سوى شكري و
تقديري لحضورك بينا
في منتدى الهيلا

وياهلا ومرحبا
اخوك /
مشعل الحمراني العصيمي

[أبونجر المحيشير]

لا هنت والله يا نوااف والشاعر غني عن التعريف

[ابن مشيب]

حياك الله ياضاوي , وكم استمتع وانا اقراء هذا اللقاء الشيق بينك وبين جماهيرك في منتدى الهيلا , والاخوان لم يتركوا لي ما اضيفه , وسوف اضل متابع هذا اللقاء حتى النهاية


تحياتي

[عاصم البرقاوي]

هلا بك والله شاعرنا ضاوي العصيمي

س / سمعت انك مقيم حالياً في الدمام ؟

[ضاوي العصيمي]

الغالي نايف العتيبي

هلا وغلا والله

والف شكر لك على المرور والترحيب
وبيض الله وجيهك انت وكل منسوبي قناتنا المحبوبة الساحه
على ماتقومون به من جهد في سبيل خدمة الموروث


وتقبل تقديري يالغالي

[ضاوي العصيمي]

زياد المغيري / هلا وغلا واشكرك على المرور والترحيب


مشعل الحمراني/ هلابك يالغالي والف شكر على الترحيب وشهادتك وسام غالي لي يالغالي


ابو نجر / هلابك يالقرم وشهادتك اعتز بها لاعدمتك


بن مشيب / متابعتك اعتز بها ولاهنت على الترحيب

[ضاوي العصيمي]

البقا ياعاصم البر قاوي


س / سمعت انك مقيم حالياً في الدمام ؟


ج- نعم مقيم حاليا في الدمام .

[ابن حزيم الجعيد الهيلا]

ضاوي العصيمي علم من اعلام قبيلة عتيبه
كلمات جزله في شعره
نعم ياشاعر عتيبه

[مرزوق حمدان العتيبي]

..
.
مليون مرحبا يابو زياد ...
استضاءت صفحات المنتدى بحروفك
وعشنا المتعه والاستفاده مع رودك على كل ماقدمه
الاخوان لك من الاسئله وفيت وكفيت...
اعلم انها جيه متأخره والسبب هو الابتعاد عن النت
في الفتره السابقه ..
.. شكرا ً لك على رحابة صدرك وقبولك هذا اللقاء والشكر موصول
للمشرف المميز نواف..
...

[ضاوي العصيمي]

ابن حزيم الجعيد

هلا وغلا

واشادتك اعتز بها يالقرم

[ضاوي العصيمي]

الغالي

مرزوق العتيبي

تبقا وتدوووم يالقرم

وانا حاضر باللي تبون مني
المنتدى يحمل اسم عزيز علينا
وانتم بني عم وغالين

والف شكر لكل من تداخل معي اوسال او رحب او زار هذا الموضوع


وللجميع تقديري

[العصيمي2007]

يامرحبا مليون ياشاعر القنص............. ياليتني من ربعك اللي يخاووك

ياناس والله اني مب شاعر بس جت على لساني هالبيت
انشاء الله يعجبكم

[نواف العصيمي]

الشاعر الكبير :ضاوي العصيمي بيض الله وجهك
على التواصل مع جمهورك وأبناء عمومتك ونقدر قبولك هذا اللقاء ..

ويتم الإكتفاء بهذه الإسئله تقديراً للأخ ضاوي ولظروف المزايين فقد
أعطانا من وقته الشي الكثير .. ونكرر شكرك مجدداً

ويتم إيقاف الأسئله ..

إلا إذا وجد عبارة ترحيب أو تقدير للشاعر نرحب بها ...


أخوكم نواف العصيمي

[أبو مرحبا]

نيابه عني وعن إدارة الهيلا

نشكر شاعر القنص : ضاوي بن عايض العصيمي

بمشاركته والرد على جميع أستفسارات معجبيه

نسأل الله ان يوفقه

ونشكر المشرف نواف العصيمي


يعطيكم العافيه

سيتم تثبيت الموضوع


مودتي

أخوكم
أبو مرحبا

[نواف الزايدي]

مرحبا بك أخي وشا عر النضم معر وف ولسسسسسسسسسسوووووووواااااااااااااالللللللللللل عــــــــــــــنـد الــــــــــــــــــحـــــــــــــــــــــــدث ُُُُُُُُُُُُُُُُُُُُُُُُُُنواف

[نواف الزايدي]

مرحبا بك أخي وشا عر النضم معر وف ولسسسسسسسسسسوووووووواااااااااااااالللللللللللل عــــــــــــــنـد الــــــــــــــــــحـــــــــــــــــــــــدث ُُُُُُُُُُُُُُُُُُُُُُُُُُ

[نواف الزايدي]

بسم الله الرحمن الرحيم

قال الله تعالي ) وتعا ونو علي البر والتقوي