مصافحة

[مجندلهم]

ياسلامي عليكم يالرجال القروم=من هجوس(ن)تصافق فالحشا جالها
كل طير(ن) معه جنحان يقدر يحوم=والحرار النوادر فالنا فالها

[أبو زيد الهلالي]

مرحبا يالمسلم عد وبل الغيوم=والبيوت الجزيله حض من قالها
قمت يالحر الأشقر جعل حضك يقوم=والكحيله لفاك اليوم خيالها

[مجندلهم]

مرحبا بك يالهلالي وآسف على التأخير لسبب طارى..


البقا يالمرحب فاللقا بالسلوم=في حلال توسع صدر من جا لها
مالنا فالدعاوي يالهلالي لزوم=دام حظي مشاريف السما طالها

[أبو زيد الهلالي]

هات دق العلوم وهات جل العلوم=وكل حسنه تجازا عشر بمثالها
كان حضك وصل ياصاحبي للنجوم=العرب ياعميل الخير بافعالها

[مجندلهم]

كل عام وانت بخير يالهلالي ولو انها متأخره شوي..واستلم

فالعلوم الجزيلة يالزميل امخدوم=مار فتح عيونك زين واصحى لها
والفعايل ختمنا فوقها بالختوم= وانت لا زيدها ولا أنت بهلالها

[أبو مازن-العضياني]

بيـــــض الله وجيهكم الا

واصلــــــوا




ولاهنتم ,,,,,,,,,,,,,,,,,,

[أبو زيد الهلالي]

فيه معطى من العالم وفيه محروم=والعلوم الهزيله مالك ومالها
الحقيقة تراها ياقوي العزوم=دلتك شارب ٍ يا صاح فنجالها

[أبو زيد الهلالي]

ووجهك ابيض يابو مازن

وحياك ربي وشكرا على المتابعه

[مجندلهم]

ياحليلك تحسب ان العوافي تدوم=طحت فالمصيدة وازريت تشتالها
ما بقالك معي ياكود فرك الخشوم=ودلتك يالهلالي ناثر حثالها

[مجندلهم]

مرحبابك يابو مازن مليوووووون

[أبو زيد الهلالي]

طبعنا واحمدالله مانقابل رخوم=نرفع النفس عن شرواك واشكالها
الحرار النوادر فوق روس الرجوم=ماتجي فالطماني فوق منزالها

[مجندلهم]

مرحبا بك يالهلالي..ومن طول الغيبه يقولون البدو جاب الغنايم..

وعز الله انك جبتها ..(مربوعة)..صبرك ثواني يالغالي..

[مجندلهم]

لو يضيق الهلالي ..صاحبي ومحشوم=له مكانه على راس الجبل نالها
مار ليته يميز بين حر(ن) وبوم=والعرب ماتجازى غير باعمالها

[مجندلهم]

أخوي الهلالي فالأوله والتالية..صح لسانك..

استمتعت باللعب معك

..والختام علاك..

[أبو زيد الهلالي]

أخوي الهلالي فالأوله والتالية..صح لسانك..

مجندلهم أخوي فالتاليه والأوله .. صح بدنك

استمتعت باللعب معك
معك اللعب متعه

..والختام علاك..
..واستلم خاتمتك ..


أنت مره مدافع نوب مره هجوم=وان بغيت القوافي قمت تبرالها
منت قد المواقف منت ند الخصوم=مار بعض الأوادم نلطف بحالها

[مجندلهم]

أخوي أبو زيد..الله يلوم اللي يلومك..

..تاكل المطب بدون شعور.. وكنك غانم..

تحيااااااااااااااااااااااااتي

[أبـــو مشـــعاب المطــيري]

ابو زيد



مجندلهم



صح ألسانكم ولا هنتوا


مجندلهم مطبك ماهو مطب الله يغفر لك فالاوله والتاليه

ابو زيد صح ألسانك بالاوله والتاليه ولا هنت

[مجندلهم]

ابو مشعاب...هههههها

يوم عرفت انك ماكلك مطب في قافي معك قلت هالكلام..

لكن وقع الفاس فالراس..ولا بيدك حيله..

تحياااااااااااااااااااااتي

[أبـــو مشـــعاب المطــيري]

تصدق ماخذ مقلب بنفسك انت



ابك انت ضاربً بطن الشعيب الله يصلحك



اتصور لك أمورً الله واعلم فيها

[مجندلهم]

أبك عود عود يالمطيري لمحشرك..

وخل أبو زيد الهلالي ..يخدمك في نفسه

[أبو زيد الهلالي]

أخوي أبو زيد..الله يلوم اللي يلومك..
طيب ليش تلومني ؟؟!! ... وبعدين وش مزعلك المفروض تستانس ..!!

..تاكل المطب بدون شعور..
ليه جايك على ددسن على شان أكل مطب ..!!

وكنك غانم..
أجل غانم متعود ياكل مطبات ..؟؟؟ .. بسلامته مأعرفه

تحيااااااااااااااااااااااااتي
قبلناااااااااااها

=========

ابو زيد



مجندلهم



صح ألسانكم ولا هنتوا


مجندلهم مطبك ماهو مطب الله يغفر لك فالاوله والتاليه

ابو زيد صح ألسانك بالاوله والتاليه ولا هنت

صح بدنك يابو مشعاب المطيري .. والله لا يهينك على الحضور والتعليق
تقبل احترام وتقدير أخوك أبو زيد الهلالي