عهد على نفسي وسوف اوفيه

[العطــ ابو نواف ــاوي]

اني امر كل مخيم فخذ من فخوذ عتيبه واشرب فنجال عندهم



لتوطيد صلة الرحم وصفاء القلب وتجديد اللقاء والتعارف


ولنبين للغير انا يد واحده مهما ابعدت بنا جغرافية الارض



روق ++++ برقا اولاد رجل واحد
ونحن كلنا واحد في بيت واحد يسمى الهيلا


الله لا يفرقهم ويجمعهم على خير

[غازي البقعاوي]

عساك على القوه
بس ودي تعد كم فنجال شربت او بالاحرى كم مخيم زرت وهذه معلومه احصائيه هامه
وبالتوفيق يابن العم

[العطــ ابو نواف ــاوي]

هلا اخوي غازي البقعاوي

شرف لي زيارتك لمتصفحي

وان شاء الله اوثقها بالصور

[فارس عصاوي]

كفو يابو نواف هذه من عادتكم يابن عتيبه
ولك دعوه من الدلابحه خاصه لمشاركة الدلابحه احتفائهم بمشايخ اعتيبه يوم الاحد الموافق 9 /10/1428 لتناول وجبة الغدا وحياك الله والف رحب

[العطــ ابو نواف ــاوي]

عساكم على القوه

يوم 7/10

موعدنا ان شاء الله عند بني عمنا المراشده

ويوم 9/10

ان شاء الله عند الدلابحه

[طلال الثبيتي]

كفو كفو كفو ..


وبيض الله وجهك ..

وهذا مثال لتماسك قبيلة عتيبه

وعز الله انك كفو

[العطــ ابو نواف ــاوي]

كفو كفو كفو ..


وبيض الله وجهك ..

وهذا مثال لتماسك قبيلة عتيبه

وعز الله انك كفو

ما عليك زود اخوي طلال

والله لا يفرقنا

[عبدالله البرقاوي]

كفوا والله يابو نواف
انا اشهد بالله انك كفيت ووفيت
بيض الله وجهك

[مالك الذيابي]

بيض الله وجهك يالعطاووي


وكلنا تحت مسمى واحد الهيلاا

[سعود النفيعي]

الله يعينك يبو نواف وتوفي هالنذر ودربي ودربك واحد والله يحييك عند البسايس يوم الخميس القادم العشى

موودتي

وأرجو مراسلتي على الخاص

[عمرالروقي]

الله يقويك وموفق خير وماسويت الا الطيب

[عبدالله الجـــذع]

والله انكـ انكـ نشمــي وولــد حــلال ..

وياليـــت كل الناس مثــلكـ ...


وحياكـ الله فــي مخيــم ألاد عساف (الجذعان)..




عبد الله الجذع..

[العطــ ابو نواف ــاوي]

الله يعينك يبو نواف وتوفي هالنذر ودربي ودربك واحد والله يحييك عند البسايس يوم الخميس القادم العشى

موودتي

وأرجو مراسلتي على الخاص

الله يحييك

وعساك على القوه من ناحية العزيمه

[الـذيب]

ونعم والله يابو نواف تقول وتفعل وانا عني نفسي نفس الفكره وناوي انشاءلله بس ماوصلت انها تكون نذر لاني ماحبيت الزم نفسي بشي يمكن ماقدر به والسبب وانا اخوك ضيق الوقت والدوامات لاني ماراح اجي للاسف الشدييييييييييييييييييييد الا ربوع وخميس وجمعه لاكن حياااك الله وانا اخوك بمحلك وبين عيال عمك مخيم الدلابحه وماقصر اخوي فارس قالك الوقت 9/10 وانشاء لله ان اله قدرني حظرت وقابلتك شخصياً.

[العطــ ابو نواف ــاوي]

بارك الله فيكم يالربع ومثل ما تفضلت اخوي الذيب الله يقدرني واوفي بالنذر

بس تبدى الدوامات ويوافقون على الاجازه

[عبدالعزيزالعصيمي]

بيض الله وجهك ولا تنسى القهوة عندنا الله يحييك يابن العم

[العطــ ابو نواف ــاوي]

صدقوني يا شباب الفكره جتني من كثر العزايم الي تاصلني

اخوي سعود النفيعي يعزمني والدلبحي والمرشيدي والعصيمي

وربي اني منعزم عندهم قبل ما تصالني عزايم الاخوان من غير قصور فيهم

والله ونعم بربعي كل فخذ يقولون القهوه والعشاء عساهم على القوه والله يجمع كلمتهم على الحق ولا يوريهم مكروه

[العصيمي111]

السلام عليكم ورحمة الله وبركاته

عساك على القوه يا ابو نواف العطاوي
والله محييك في كل محل عند عتيبه او عند غيرهم
وان جيت كل محل في عتيبه تراه محلك دون شك
والله محييك عند عياد بن ثابت العصيمي
وانا عبدالله بن عياد وعازمك على القهوه انت ومن يعز عليك
والله محيي الجميع

[العطــ ابو نواف ــاوي]

السلام عليكم ورحمة الله وبركاته

عساك على القوه يا ابو نواف العطاوي
والله محييك في كل محل عند عتيبه او عند غيرهم
وان جيت كل محل في عتيبه تراه محلك دون شك
والله محييك عند عياد بن ثابت العصيمي
وانا عبدالله بن عياد وعازمك على القهوه انت ومن يعز عليك
والله محيي الجميع

بارك الله فيك اخوي عبدالله

والله ونعم بك وبابوك وربعك الي انت منهم

[عاشق نجـد]

الله يحيك في مخيمنا مخيم العضيان

[مخلد بن ماشع]

كفوا


يابو نواف

[رمح برقاا]

كفووو والله يا العطاوي يا ابو نواف بيوت عتابه كلهاااا محللك ومحل اي عتيبي يمشي على الارض من روق ومن برقا والله ميرررر يحييك وانا اخووك على العشاء انشاء الله يوم الاربعاء الجاي 6/10 /1428هـ عند ربعك المحايا من النفعه والخميس عن ربعك البسايس والجمعه عند ربعك النخشه والله يحيكك انت ومن يجي معك والدعوه عامه للجميع

[ابوزعبه]

كفو والله يعطيك العافيه

[غزاي الاسعدي]

مثال جميل ياعتيبة . . . كرم .طيب عفو . تسامح . زيارات .

هكذا يجب أن تكون اخلاق الرجال.