حوادث المزاين !!!!!!!!!!!!!

[طلال الثبيتي]

حسب الكلام اللي وصلني من اهل نجد واللي حول المزاين ,, يقولون يوميآ حادث على طريق المزاين ويقولون فيه وفيات الله يكفينا الشر !!

فـ بغيت اتأكد من اللي عندهم خبر !!

وهل اهمل طريق المزاين !

[مالك الذيابي]

والله ياخوك مدري

وانشالله يفيدونا الشباب

[العطــ ابو نواف ــاوي]

الي وصلني انه ليلة العيد فيه حادث على خط لبخه وتوفي فيه نفيعي

الله يرحمه ويسكنه فسيح جناته ويلهم ذويه الصبر والسلوان


ويجبر عزاهم في العيد


وعلى فكره طريق لبخه وكذلك طريق شقراء الدوادمي هو طريق سيد واحد وضيق والله يستر

ونحط بالاخوه الذاهبين للمزاين بأخذ الحيطة والحذر وعدم السرعه والتأكد من خلو الطريق عند التجاوز وتجنب التجاوز الخاطئ

واستخدم الاشارات الضوئيه ( يمين يسار ) ولاتستهينو بها

[الرومي]

هذا ماكنت اخشاة ..وكنت بنزل موضوع عن الحوادث بس بارك الله فيك اخوي موضوعك كافي..

يجب وضع ارشادات مرورية ونصائح وتوضيح عن الطرق المؤدية لموقع المزاين حيث اتوقع والعلم عند الله ان يكون هناك حوادث كثير جدااا ..
ياخوان الحذر ثم الحذر وعليكم بنصح البقية من الشباب وعدم السرعة والتهور.

[محمد بن غازي]

نعم حسب ماوصلني أنه توفي نفيعي الله يرحمه وأصيب قبيله وهو روقي ولا أدري من أي فخذ بالتحديد والله يرحم المتوفى ويشفي المصاب .

والله يكفينا شرور السرعه والخطوط القشر .

[محمد الفقيه]

الله يرحمهم اخوي العطاوي النفيعي الي توفا ماتعرف وش اسمه كم عمره

[سعود النفيعي]

لا حوله ولا قوه إلا بالله توه وصلني خبر من واحد حافي في عسيله توفي ذيابي معه عياله كانوا على جيب2006 في أكس أر صدموا شاحنه شايله قعود كانة طالعه من المزاين وكان حادث مروع

[محمد بن غازي]

يالربع خذو الحذر ترا الخط أقشر خط نفود السر اللي طالع من شقراء بأتجاه الدوادمي فيه طلعات ونزلات ولفات مفاجئه خطره تذكرني بملاهي الحكير ونفس الكلام ينطبق على خط لبخه وحويته بأتجاه أبن جامع خصوصاً في الليل وللعلم الطرق سيد واحد والأفضل الممشى في النهار .

[المهاجر المجهول]

انتبهوا من الذين يمشون جنب الخط ، ترى اكثرهم نسى خط الدوادمي - شقرا ، هو شمال الخط يمشي بسرعة ويناظر في مخيم جنوب الخط وينسى الطريق . اهل الابل ترى ضاربتهم الهواجيس والتفاكير .

الحذر واجب

[عبدالله البرقاوي]

الله يكفينا شر الحوادث ويستر على المسلمين

[الـذيب]

الله يستر عليهم ويحميهم جميعاُ والله انا كم مره حذرت فيها من هذا الخط المشؤؤم

[مصدر رفيع المستوى]

الله يكفينا الشر
والواحد يجب ان ينتبه على الخط
حتى لا ينقلب الفرح الى حزززززززززن

[النايع]

هذا الموضوع هاااااااااااااااااااااام جداً جداً جداً

يجب النظر له بعين الاعتبار من قبل الجميع ومن ضمنهم منتدى الهيلا. يجب تثبيت موضوع بهذا الخصوص للتحذير.

والله يا أخوان أنا أسبوعيا أمر مع هذا الطريق مرتين.

حادر ومسند!!

وهو ما فيه مزاين دايم مزحوم.

الخط سيد واحد وضيق وممتلئ بالشاحنات والسيارات! فتلاحظ أن التريلة الوحدة يمشي وراها عشر أو عشرين سيارة يريدون التجاوز لكن لا يستطيعون لأن السيد الاخر مزحوم أيضا
فما بالك بهذا الخط أيام المزاين!!!!

الله يستر علينا وعلى المسلمين

[مخلد بن ماشع]

يالربع انتبهوا من الطريق

ولاتسرعون تراها سبب الحوادث السرعة

[الــعــضــيـاني]

صراحه الخط أمحق وضيق والسياراااات طوابير من الزحمه

أنا رحت أمس العصر ثم الله لايوريكم زحمه والله مانمشي مع الخط

بعض المرات غير 80 والسيارات تقطع الخط بالعرض هذي رايحه وهذي

جايه وحصلت حادثين الله يكفينا الشر واحد عند محطه العصيمي

والثاني مع الخط بعيد شوي....

توقعوا ولا تسرعووون 120 تكفي

[محمد بن ناصر الثبيتي]

ايوالله اخواني الحذر الحذر وعلى مهلكم

الله يحفظنا وياكم............

[ابومالك العتيبي]

اللة يرحمهم كلهم ويسكنهم فسيح جناتة

[محمد الحمادي]

ياشباب إلي وصلّني إنهم سبعـه من بداية العيد لحد إلحين




وفيهم 4 شيابين وياليت الكلام إشاعه .. والله يستر ..

[طلال الثبيتي]

يا الربع رجال عتيبه اهم من المزاين الف مره ..

المفروض احرصوا اكثر على الخط اما اصلاحها او يشوفون لها صرفه

فـ بدل ان يكون المزاين فرح وجمعه ووناسه يقلب تعس واحزان !!

[المنتهي]

نعم حسب ماوصلني أنه توفي نفيعي الله يرحمه وأصيب قبيله وهو روقي ولا أدري من أي فخذ بالتحديد والله يرحم المتوفى ويشفي المصاب .

والله يكفينا شرور السرعه والخطوط القشر .

صدقت اخوي النفيعي توفي الله يرحمه والسياره الثانيه كان فيها ثنين

روقه من المغايره توفى واحد الله يرحمه والثاني في العنايه المركزه

في مستشفى الملك خالد الجامعي باالرياض الله يقومه بالسلامه

[محمد بن غازي]

الله يرحم من توفي ويشفي المصاب ويكفي الجميع شر الحوادث ولا بد من تحذير في وسائل الأعلام المحتكره نقل ملتقى الهيلا عن الطرق ووضعها المزري .

[هاشم النفيعي]

فعلآ توفي عبدالرحمن الحويماني النفيعي

على طريق المزاين أثر حادث أنقلاب يوم الخميس الماضي

رحمه الله وأسكنه فسيح جناته


والله يقوم المصابين بالسلامه


يااخوان تكفون أنتبهو الخط من جد خطيررررر

الله يحفظ أبناء الهيلا ويحفظ جميع المسلمين

[خيال العليا]

يا ناس الله يكفينا شر هذا المزاين و الله أن الاموال اللي دفعت من القبايل للجنه ما دفعت لله و لكن كل واحد يبي يطلع اسمه امام قبيلته
وبعض الناس عندهم أن الرجال الطيب اللي يدفع و كل ما زادت قطته
صار أطيب الرجاجيل و الله يستر من عواقبها .............................

[صنهات المحياني]

حقيقة نحتاج إلى الحذر في المزاين من خطر الحوادث

[بن رشوان]

الله يستر فعلا سمعنا عن تلك الحوتادث من ناس موجودين في المزاين
الجذر يا اخوان واجب زالكثير من سائقي السيارات مشغول بالمخيمات والجوال وعدم اعطاء الطريق حقه , ارجو من الله العلي القدير ان لايرينا والمسلمين عامه اي مكروه0


اخوكم ابن رشـــــــــــــــــــــوان

[عبدالسلام النخيش]

انا سمعت نفس الكلام يا خوي طلال
وسمعت ان اللجنه المنظمه طالبت بوجود نقطه ودوريات من اجل تهدئة الناس المسرعين
الله يرحمهم

[عمر النفيعي]

نعم حسب ماوصلني أنه توفي نفيعي الله يرحمه وأصيب قبيله وهو روقي ولا أدري من أي فخذ بالتحديد والله يرحم المتوفى ويشفي المصاب .

والله يكفينا شرور السرعه والخطوط القشر .

اسمه عبدالرحمن بن عبدالله من الحوامى ........ عمره حوالي 70 ...... اللي اعرفه عنه انه عقيم فالله يصبر زوجته على فقده ويعوضها خير دنيا وآخرة ......

[مرزوق حمدان العتيبي]

...
.

فعلا يجب الحذر والاعداد في ازدياد
الى درجة ان امس قبل المغرب توقفت الحركه عند المدخل الشمالي للسوق من كثر السيارات الخارجه والداخله والقادمه من الاتجاهين
شقرا الدوادمي ....
الهدوء والسياقه بحذر والتواجد المستمر من رجال المرور مطلوب...
والله يستر على المسلمين

[_( ابن عاصم )_]

الحذر الحذر الخط شين

[أسعدي الفهيد]

الله يكفينا ويحمانا

[ذيب الدوادمي]

الله يستر والله العظيم يالربع انه خط يرووووووووووع

المهم الحذر,,,,,,,,,,,,,,,,, وأهل الأبل وسوسو بصراااحه وماعد لهم تفكير لدرجة ان نياقه يمشن على الخط وهو وراهم مدرعم..........

انتبهوووو الله يستر ويعديها على خيــــــــــــــــــــــــر

[محمد بن غازي]

أنتبهو أكثر من اللي في الخط لأن أكثرهم تفكيره يم النياق يدورها او يعاينها وألا يدور مخيمات ربعه الله يكثرهم ويعزهم ومنشغل عن السياره.
وبالتوفيق ياعتاااااااااااااااااااااااااااااااابه