ياســـــلام الله عليكم بعد طول الغيــــاب

[الحر الأشقر]

ياسلام الله عليكم بعــــــد طول الغيــــــــاب
.................................................م ن هواجيـــــسٍ تداحم مثل زملٍ ظمــــي
كنـــت غايب مير ما غاب ذهنـــي ياشبـاب
,,,,,,,,,,,,,,,,,,,,,,,,,,,,,مع بني عمي واساهم بعرفي وسهمي

[ابوزيد]

ياهلا يامرحبا عد همال السحاب
0000000000000000من ضمير الشاعر الي بفكره محتمي

بعد ماحضرت من غيبتك سوق الركاب
00000000000000000والبلد منزول والعلم ماهو بعجمي

[الحر الأشقر]

بين أبو زيد الهلالي وإبن غانم ذياب
،،،،،،،،،،،،،،،،،،،،،،،،،،،،، المعاني والحكم صيرمي مع صيرمي
كم وكم سقنا الركايب وجودنا النصاب
،،،،،،،،،،،،،،،،،،،،،،،،،،،،، والتجارب علمتني وأسد بلازمي

[ابن عاصم]

الله الله

والله انه اطربني هالطاروق يالربع

واصلو لاهنتو


ولا تبطون علينا

[وصل العطياني؟؟؟]

يا سلام عليكم يالنشامى


طاروق ولا أروع




الله يعطيكم العافية


وعلى القوة







ترانا متابعينكم إن شاء الله أول بأول




أتمنى لكم التوفيق


وتقبلوا فائق تحياتي

[ابوزيد]

قودها وانطح براسك طويلات الصعاب
0000000000000000000والنهايه يصدر الحكم وانت تفهمي

كان منت ذيب يالحر تاكلك الذياب
00000000000000000000لوتعلمت الكتابه وصرت معلمي

ابن عاصم ووصل العطياني

شكرا لمروركم لكم تحياتنااااااااا.

[نديم الصمت]

الله يقويكم يا شباب
ترانا معكم

الليل الليل

واصلوا وحنا معكم بالصفوف

[الحر الأشقر]

أحمد الله وأشكره فالمـــــواقف مــــانهـــــاب
،،،،،،،،،،،،،،،،،،،،،،،،،،،،،، لو ساحات الوغى تمتلي طعـــــن ورمــــي
أبك أنا من روس قومٍ يهدون الصعـــــــــاب
،،،،،،،،،،،،،،،،،،،،،،،،،،،،،، للرجولـه والكـــــرم والشجاعــــــة ننتمي

[ابوزيد]

احمد الله واشكره عقب بيعت الزهاب
..........................................عايش في ظل منهو يرد المعتمي

شابكين الحر ما بين ضرس وبين ناب
.........................................كل ما تبا تشفيه كلمه خذاها من فمي

[ابوزيد]

احمد الله واشكره عقب بيعت الزهاب
..........................................عايش في ظل منهو يرد المعتمي

شابكين الحر ما بين ضرس وبين ناب
......................................... ما تبا تشفيه كلمه خذاها من فمي


نديم الصمت شكرا على الزياره

تحياتنا لك.

[الحر الأشقر]

لو تشوف إسيوفنا كان شققت الثياب
........................................أبك حنا نروي السيف الأبتر بالدمي
أنت أظنك ما تعرف الحرار من الغراب
....................................... ملتوٍ بين الحصى والحصى تحت قدمي

[ابوزيد]

الله الله

طيب طيب....

استلم..

كل طير يطير لابد ياقع في التراب
00000000000000لاتروح بعيد فكر بعقلك وانعمي

انت اظنك ماتعرف المياه من السراب
00000000000مار خلك تحت حكمي ويعجبك اقلمي..

[الحر الأشقر]

الطــيور الـــباز والحــر الأشقر والذباب
......................................كان هي عندك شبيهات ما أنته بآدمي
الحكم للي يشيلون علطـــات الرقــــاب
.....................................لو للا هم كان احوشك ليا حشت غنمي

[ابوزيد]

انت ياطير السعد طير يامال الذهاب
0000000000اعرف الشيطان لابان لازم يرجمي

ليش رميك ياعميلي على غير الصواب
00000000000من يشوفك قال ها الحر الاشقر منعمي

[الحر الأشقر]

الطيور إلها مخالب مثل حد الحراب
,,,,,,,,,,,,,,,,,,,,,,,,,,,,,,,,وأنت عظم غض وإن جيتها ما تسلمي
لا تفسر بالخطا وش هي أحكام الكتاب
...................................... تحسب إنك مثل ملفي ومثل العــــــــازمي

[وصل العطياني؟؟؟]

عز الله إنكم قروم وتستحقون المتابعة

الطــيور الـــباز والحــر الأشقر والذباب
......................................كان هي عندك شبيهات ما أنته بآدمي


البيت هذا صاروخ أرض جو لو يسلم كلمة الذباب فقط


فلو غيرت بغيرها لاتنشد

على العموم طاروقكم هذا من أحسن ما مر علىهذا القسم من الطواريق الأخرى



الله لا يحرمنا منكم

ومتابعينكم بيت بيت




تحياااااااااااتي


.

[ابوزيد]

مانوينا نكسرالعظم وندقلك باب
00000000000000طيع شوري لاتعنى تريح واسلمي

الجبل شامخ وعالي على كل الهضاب
00000000000واطيب الانساب في العرب بيت الهاشمي

شكر ا لك ياوصل على المتابعه.

[الحر الأشقر]

قمت ترخي عقب ما جاك سوطٍ من عذاب
...........................................برد قلب وانت جايٍ منول محتمي
والبحر ما ينتقارن بضحضاح السراب
....................................... وكل سيد عنده الأمر فوق الخادمي

[ابوزيد]

الليل يالحر الاشقر وشبك قمت تردف

الصعاب سرت وسكتنا
والسراب سرت انتبه انتبه وشد حزامك.

الليل..

دوب زانت ياعميلي وقافيك الحساب
0000000000وكل من يطلع عن الشرع لازم يعدمي

انت طيرحر لكن موت بسم داب
00000000000ليش تاخذ من حقوق العباد وتهتمي

[الحر الأشقر]

اولاً الصعاب أنت تقول طويلات الصعاب، وأنا أقول يهدون الصعاب فهاتين الكلمتين مختلفتان تماماً في المعنى لو أن اللفظ واحد ولاكن لكل كلمه معنى والنقاد موجودين
اما السراب صحيح انها تكررت بنسيان مني وجل من لا يسهو وتأخر الردود والإنقطاع عن الجهاز فترات أحد هذه الأسباب لأني ماهو كل مره أرجع للمحاورة من أولها، عموماً لاهنت، واستلم

أنت لا في يديك رحمه ولا عندك عقاب
,,,,,,,,,,,,,,,,,,,,,,,,,,,,,,,,,انت معنا يا أاحمر العين مثل الخاتمي
الحرار الشقر ولعة عزيزن الجنـــاب
.......................................... مانقلها في يمينه يا كود الضيغمي

[الوافــــــي]

صــــــــــــــــــــــــراحــــــــــــــــــــه:



بيض الله وجيهكم على هذه الرديه الجميله




وهذي ماهي غريبه على احفاد هل الشعر من ماضي الوقت وحــــــــــــاضره








مرحبا بك يالحر بين بني عم واصحاب = مرحبا بك عداد ماغنت ام ســـــالمي

[الحر الأشقر]

وجهك أبيض يالوافي وهذا من طيبك وحسن ذاتك
وانت وافي على إسمك،

[ابوزيد]

الاخ الوافي

شكرا لمتابعتك ووجهك ابيض يالغالي

تقبل تحياتنااااااا.

[ابوزيد]

الله الله

استلم ياطيب


يالله انك ترحم الحرعقب القاف شاب
00000000000000000مامعه حيله وجالس بخده يلطمي



نطلب الله يغفر الذنب ويزيد الثواب
000000000000000والسموحه وانت رجلً عزيز وتكرمي.


اخوي الحر شكرا يالغالي..وماقصرت..وبيض الله وجهك..والسموحه اذا حصل تقصير من طرفنا


تقبل تحياتي..

[الحر الأشقر]

لا هنت وبيض الله وجهك وصح لسانك والتقصير بعيد عنك ولا تواخذنا ترى حماسنا وتفاعل الإخوان معنا يمكن يخلي الواحد يزل لأكن الهدف الأسمى هو تفعيل وتنشيط المنتدى والتسليه والتنافس الشريف والا القلوب صافيه ولا فيها شي، عموما ما قصرت وبيض الله وجهك
والمعذره والسموحه في أي زله،
أخوك / الحر الأشقر