مسدح الشعار و(العود أحمد)

[مسدح الشعار]

تحية طيبة محملة بالمسك والعنبر للاعضاء الكرام في هذا المنتدى المميز ولقد تشرفت بأن اكون احد المنتسبين له وقد جبرتني ظروف سفري عن الانقطاع عنه ولكن في هذه الاجازة شدني الحنين اليكم واحببت ان اشارك بشي بسيط بما تجود به النفس وكل عام وانتم بخيرررررر



ياسلامي عدد ماسبح الذاكـــــــرون === قالها شاعر(ن) يهوى القنص والقصيد

جيت في منتداكم جعلكم ســالمون === ياهل صولة وجولة واهل شور(ن) سديد

[محمد الحمادي]

مسدّح ..



أرحب .. وحياك الله .. وحمد الله على السلامـه ..



ومبداء كايف .. وكلام كبير .. ونحتري خصمّك !!

[مسدح الشعار]

الله يبقيك ويسلمك انشاء الله يالحمادي====
وانا في انتظار احد الاخوان من متذوقين الشعر مثلي ليشرفني بالمحاورة معه====

[بن عبيدان]

مسدح الشعار

مساك الله بالخير والرد جايك

[بن عبيدان]

ياسلامي عدد ماهلل المسلمون= من ضميرن صدوق وللمعاني يجيد
مرحبا عند قوم بالكرم يعرفون= هات مافي ضميرك وابشر اما تريد

[مسدح الشعار]

هلا وسهلا فيك يابن عبيدان

خلوووووووووووها


لنعمى القلب والله ماتشوف العيون===والبنا لونشيل الاعمدة مايشــــيد

قل حسادنا من حسدهم وش يبون===من نوى بالعزيمة يقرب اللي بعيد

[بن عبيدان]

انت لك نيةٍ وانا على ماتبون= راية المجد قدامي وانا ابها سعيد
الاذاعة نبرمجها على التلفزون =وكل حرن نعرف اسمة برمز البريد

[مسدح الشعار]

خلوووووووووها


اليدين الكريمـــــــــة بالوفـا ماتخون === جاك علم(ن) شديد وجاك علم(ن)وكيد

شد حيلك ترى الجمهور مايرحمون === وعن طريق النجاة اليــوم لالاتحيد

[مسدح الشعار]

بن عبيدان المحاورة بلا جمهور ماتشجع والا وش رايك؟؟؟ والله ماهي عوايد الاعضاء في هذي المنتدى بس يظهر الصوم اثر عليهم
نتمنى التشجيع منهم ولو من قبيل المجاملة

[رمح برقاا]

كفووو يا الشعاررر المحاوره مثل ما قلت ما فيه جمهور يتابعها والله الابيات قوويه تحياتي لكم

[فيصل بن دحيم]

كفو يا مسدح الشعار كفو

ويبن عبيدان


شد حيلك ترى الجمهور مايرحمون = وعن طريق النجاة اليــوم لالاتحيد

[مسدح الشعار]

(رمح برقاا) و(سمي عمهوج) ماعليكم زوووووووووود

وهذي تراها بداية خيرررررر عسى باقي الجمهور يشاركون والصراحة مادفعني للعودة والمشاركة في هذا المنتدى المميز بأعضاءة ومنتسبيه الا يقيني المسبق على تذوق جمهوره للشعر وفن المحاورة على الخصوووووووص

تحياتي للجميع وبانتظار بن عبيدان بس شكله طلع مكة ياخذ عمره

[محمد الحمادي]

شد حيلك ترى الجمهور ما يرحمون ..




مسدّح .. إبن عبيدان ..




محاوره حذره :)



صح إلسان كلاكما .. :)




متابعين ..




والعذر .. مقاضي العيد أشغلتنا عن المنتدى ..




ومتابعين لو بعد حيـن ..

[مسدح الشعار]

محمد الحمادي شكرا لمرورك وكل عام والامة الاسلامية والعربية بالف خيرررررررررر

ونكمل المحاورة بعد العيد ان شاء الله ونحن في انتظار بن عبيداااااان!!!!!!!!!

وعساكم من عواااااده

[بن عبيدان]

مسدح الشعار

المعذرة وخيرها بغيرة وليس لي فيها قصد ولاكن ربما كان ضرف طاري وعلى اني بعود ولم اعد
تقبل تحياتي