قصائد ابداعية للشعراء سفر الهيلوم و احمد الهيلوم في اجتماع قبيلة النفعه.

[عتيبي للابد]

السلام عليكم ورحمة الله وبركاته,
أحببت ان اشاطركم هذة القصائد واضعها في في موضوع خاص لقصائد شعراء ذوي مفرج و هم شعراء لقبيلة عتيبة الهيلا و ايضا لاتاحة الفرصه لاكبر عدد من المشاركين الاطلاع عليها.

هذه القصائد القيت في لقاء النفعه الذي دعى له الامير شبيب بن حجنه:

القصيدة الاولى للشاعر سفر بن سلوم بن سليم الهيلوم المفرجي النفيعي

سلام من راس عريب .. ياروس لطم العيلا .. عداد من شاف وسمع .. فعل عتيبه سوته
يوم المحارب والحريب ..يشهد بهيبتنا الملا .. بالفعل نردع من طمع .. ويعود ما ادرك هقوته
عتيبه اخوان الغريب .. إذا ارتكب ذنب وجلا .. داخل حماهم يرتفع .. راسه وتقوى شوكته
ياطيبهم للي يطيب .. احلا والذ من الحلا .. وياسعد منهم له درع .. تحدا المعادي قوته
واول ملبي يستجيب .. لحكم الشريعه بالولا .. حكم بدستور الشرع .. تبقى وتقوى دولته
في ظل من لا له شريب .. بالحق للكل اعتلا .. والكل بايع واقتنع .. والخير تثمر شجرته
وارجع لمن ساسه قريب .. فارس ويتلى ما تلا .. نجم من الهيلا سطع .. وسموا النفاعي عزوته
كروش والرمح وشبيب .. في الكون سهم مرسلا .. من قام لجل ام الورع .. وجابه من اقصى ديرته

صح لسانك يا بو سلوم
اخوك الدكتور سعد الهيلوم.

[عتيبي للابد]

بديت بأسم العظيم المعطي العافي .. لجل القريحه تصوغ القاف وتحوفه
قدام ارد التحيه واعلن اهدافي .. ابي اخترع للقوافي خط وبروفه
يقول من تل جيبه والشفق غافي .. يوم انشرح خاطره ببيات مصفوفه
عن كل عالي مقام وذرب وسنافي .. مفرجي بالوفا ماقل معروفه
سم درج في عروق الخصم وزعافي .. يبغى يسير فيافي نجد وكهوفه
ويوصل ازكى سلام بكل الاعرافي .. من هجرسة فكر للعتبان مصروفه
سلام يهل الوفا والمعدن الصافي .. تسليمة من بنات الفكر معزوفه
نبدي بها ونتعلا كل مشرافي .. ومنها نشاهد جميع الحفل ونشوفه
حفلة مزاين عتيبه درعنا الضافي .. العزوه اللي لها هيبه ومعروفه
قوم حماهم منيع وسهمهم وافي .. يشهد لهم نجد هيلا نجد وسيوفه
كم طوعوا من عنيد وعايل جافي .. وردوه عن مبتغاه وبينوا خوفه
وللضيف والجار ظل ومرتع دافي .. في ذيك الايام يوم الفقر وظروفه
واليوم في ظل حكم العدل ميقافي .. عقب انتفض ليث نجد ووحد صفوفه
حتى اصبح الضد جنب الضد ميلافي .. حقن دما المسلمين وحطهم جوفه
في وسط قلب سليم وصار متعافي .. في هجرة بالجهل والفقر مكنوفه
وصار لجهلها علاج وبلسم شافي .. جمع بها شمل شعب وصافح كفوفه
وعقب صقور الجزيره عدلهم كافي .. بصدورهم للجميع قلوب مكشوفه
امن ومحبه وحكم وعدل وانصافي .. والبيت كم وسعوا مبناه لضيوفه
وساد الامن واستتب لشعب مضيافي .. لين المواطن تمرجل وانطلق شوفه
وجا للمزاين مجال ولا به اسرافي .. بأسم القبايل وكل يكتب كشوفه
لجنه وتنظيم يسعد نظرة اللافي .. انجاز ممتاز لهل الطرش وصنوفه
لمن اشترى بالذهب زينات الاوصافي .. وإلا ورث عقب ابوه وزاد بولوفه
ياعزوتي مايقوم بحقكم قافي .. تعجز قوافيه لو غنيت وحروفه
واختامها ازكى سلام لكل الاطرافي .. للحفل ومنظمين الحفل وضيوفه


صح لسانك يا بو سلوم و سلمت على هذا الابداع
اخوك الدكتور سعد الهيلوم

[عتيبي للابد]

مرحباعد ما تمطر مزون الخيال @@@ وعد ما توفي الهيلا بحق الطليب

وعدماتنطق الأفواه فعل الرجال @@@ وعدماتفعله فالقوم شلفا شبيب

مرحبابأسم ربعي يوم جالي مجال @@@ باسم ربعن لهم بالمجد حق ونصيب

بأسم ابن حجنه اللي للجماعه ظلال @@@ شيخ قومن نهار الكون رمحه يصيب

مجدهم من قديم وذكرهم لايزال @@@ وثقلهم ما يزعزع في النهارالرهيب

يارجالن عزايمهم تهد الجبال @@@ حان وقت المواقف زيدوا الطيب طيب

لوجهلنا الاجابه ما طرحنا السؤال @@@ ولو كشفنا الحقائق ما لقينا مجيب

ولو نهاب الخفايف ماقدرنا الثقال @@@ ولو نخاف الحرابه مانهزم الحريب

كفو يا بو راكان و صح لسانك و لا فظ فوك
============
اخوك الدكتور سعد الهيلوم.
============
اتمنى من الاخوان اضافة باقي القصائد في هذا الموضوع حتى يسهل تصفح ومشاهدة القصائد التي قيلت في اجتماع قبيلة النفعة و لكم جزيل الشكر و الشكر موصول للاخوان القائمين على منتدى الهيلا

[نفيعي وحيد]

يعطيك العافيه عتيبي للابد


وصح لسان الشعار

[خالدعبدالرحمن الحبردي]

يعطيك العافيه


وصح لسان الشعار

[عبدالرحمن الهيلوم]

بيض وجيهكم جميعا الناقل والشعار (( ووفق الله عتيبه بكل اطيافها وهي ترقي سلم المجد )) وعلي الطيب يامخلفةالهقاوي..........................(( الهيلوم 1383 ابن عتيبه البار))

[عتيبي للابد]

اخواني نفيعي وحيد و الحبردي والهيلوم اشكر مروركم و اطرائكم , و نشكر الاخوان الشعراء على اتحافنا بهذه القصائد الجميلة و صحت السانهم مرة اخرى و ملايين المرات.

( كروش والرمح وشبيب .. في الكون سهم مرسلا )

اخوكم الدكتور سعد الهيلوم

[عتيبي للابد]

اتمنى من الاخوان اللذين حضروا الاجتماع و عندهم القصائد التي القيت في اجتماع ذوي مفرج ان يضعون القصائد حتى نستطيع الاطلاع عليها حيث ان الوقت الان مناسب قبل بداية المزاين وسوف نكون مشغولين و ننساها , حبيت اذكر الاخوان و انشاءالله يستجيبون لطلبنا .

اخوكم الدكتور سعد الهيلوم.

(( يا راعي الغوج الهليب..............طول الخضار تزايمه
حاذور من شلفا شبيب..............تشبع طيـور حايمـه
وكروش تغذا بالحليب..............على الطراد مهايمـه ))

للشيخ هذال بن فهيد.

[طارق النفيعي]

صح ألسنتهم

ويعطيك العافيه على ما قدمت يالغالي ..

قصائد رائعه ويستاهلون كل خير ..

ننتظر المزيد ..

أخوك : طارق النفيعي

[هاشم النفيعي]

صح لسان الشعار

بيض الله وجيهم


تسلم يالغالي على النقل الجميل


لاعدمناك

[جنرال السعوديه]

يعطيك العافيه وصح السانك

[_هيلوم_]

شكر ومحبة وإمتنان بالشعراء 1 -سفر بن سلوم الهيلوم 2- أحمد بن مستور الهيلوم وفي إنتظار جديدكم في الملتقى إنشاءالله تعالى والشكر موصول أيظاً للأخ العزيز/الدكتور/سعد بن عايض الهيلوم. ( أخوكم/ عيد بن عويض بن مرزق الهيلوم )

[عتيبي للابد]

اشكر جميع الاخوان على مرورهم و اضافاتهم الطيبه,
الاخوان الشعر اء سفر بن سلوم و أحمد بن مستور لديهم قصائد سوف يشاركون بها في المزاين انشاءالله نضيفها للمنتدى بعد القاءها في المزاين يعطيهم العافيه والله يوفقهم و اتمنى ان يفوزون في المسابقه و الاهم دعمهم لمزاين قبيلتهم بالقصائد الجزلة والمعاني الطيبة.

الاخ عيد بن عويض حياك الله و مشكور على المرور و سلم على الوالد والاخوان جميعا و عيدكم مبارك وتقبل الله طاعتكم مقدما قبل زحمة العيد .

اخوكم الدكتور سعد الهيلوم.

[_هيلوم_]

الأخ العزيز الدكتور/سعد بن عايض الهيلوم وأنت أيضاً من العايدين الفايزين إنشاءالله يارب وبلغ العم/عايض والأخوة عوض وسليم معايدتنا بعيد الفطر المبارك وكل عام وأنتم بألف خير وأعاده الله علينا وعليكم باليمن والمسرات.