شميت ريحتها على أطراف كمه

[الذيب المقاطي]

كان الشاعر يحب فتاة في دياره بالشمال ، وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي
وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ، ويوم ابتسم الطفل ناداه المدرس وقال له من انت ولده ؟ قال له انا ولد فلان ، قال له :انت امك فلانه ؟ قال الطفل :ايه
سكت المدرس وكتب القصيدة ، ومن بكره عطاها الطفل وقاله عطها امك


غابـت ثمـان سنيـن حــل وتـرحـال
غـابــت ثـمــان كـلـهـا مدلـهـمـه
غـابــت سـنـيـن وشـهــور ولـيــال
مافـيـه قـطـر غـيـر وجــه يـمــه
وعقب الثمان الي تعبها برى الحال
جـاب الزمـان الكارثـة والمطمـه
جانـي ولدهـا مبتسـم بيـن الاطفـال
ومن بسمته ذكرت أنا بسمة أمه
ركضت له ودمعي علي الخد همـال
من كثرشوقي قمت بلحيل أظمـه
ساعة حظنته والطفل في يدي مـال
شميت ريحتها على أطراف كمه
واليوم بنت الناس فـي بيـت رجـال
حب على غير الشرف لي مذمـه
مجبور أعوّد واشتكي لكـل الأجيـال
بنفـس حزينـه تايـهـه مستهـمـه
برجـع غـريـب سكـنـه بــر ورمــال
يحيـا يمـوت ويندفـن مـا يهـمـه




يانعنبو الحب

[فارس الطايف]

يسلمووووو الذيب المقاطي ذكرتنى ابايت لها قصه شبيهه

لكن ماودي اذكر القصه وهي واضحه في الابيات،،

بعد ماقابل ولدها قال الابيات وردت عليه الام بأبيات

يقول

اكتب جوابي لمن يقراه * ويرد لي بالعجل شرحه
زرعت زرعي في مرباه * واثمر ولا نلت من طرحه

وردت الام تقول

جانا جوابك علي معناه * واهل الهواء بينو شرحه
من زرع في سبيل الله * مايسأل اليوم عن طرحه


الكبد خضراء و السموحه وتقبلوو تحياتى،،

[الذيب المقاطي]

فارس الطائف
لاهنت على المرور وعلى الأبيات الجميله
تقبل تحياتي

[مشعل المقــاطي]

مشكور يالذيب

[الذيب المقاطي]

مشعل المقاطي
لاهنت على المرور

[فارس مكة]

لا هنت يالذيب على القصه والأبيات الجميله
تقبل تحياتي ومروري

[الذيب المقاطي]

فارس مكة
لاهنت على المرور

[نواف العصيمي]

يعطيك العافيه .. وصح لسان شاعرها ويقال أنه حارثي

:(

ولك التقدير والإحترام

[الذيب المقاطي]

نواف العصيمي لاهنت على المرور
والله أنا ما أعرف القصيده لمن لكن حبيت أجيبها بالمنتدى مشكور على المرور مرة أخرى