غلط * غلط ..ياعتيبة هذا التصرف حول المخيمات

[كساب الجميل]

الاخوة الكرام

السلام عليكم ورحمة الله

كلنا والله فرحانين بالمزاين والوناسة والعلوم الطيبة

ولكن الغلط هو إن كل واحد من القبيلة او الفخذ متشطر هناك وزابع

نفسه وحاط له مخيم خاص وتحصل الفخذ الواحد سبع او ثمان مخيمات

خساير واسراف وتعب على اللي يبا يعين ربعه والله يبلش المفروض

كل فخذ لهم مخيم واحد فقط ويكون باسمهم يكتب فيه ( مخيم
قبيلة ....... )

[نفيعي وحيد]

الله يعطيك العافيه موضوع ممتاز

لكن في فخوذ من عتيبه اعدادها كبيره اعتقد مخيم واحد لايكفيها


مثل النفعه والعصمه

تحياتي

[بـــرقـــاوي^^هــــواوي]

مشكور اخوي وانا اوافقك علي الرأي ...

أما سالفه يحطون اسم علي المخيم فانا ارفض هذا وبشددده...

اخوك/ برقاوي هواوي.

[نايف الهيلا]

كساب الجميل
وعليكم السلام ورحمة الله وبركاته

تأكد أن مافيه أحد بيحطله مخيم فاضي

لكن الغلط اقامة حفلات وأمسيات في تلك المخيمات

أخوك /نايف

[الدعجاني 000]

اخوي كساب الجميل


كلامك عين العقل


ايدك بقوه واشكرك على طرح الموضوع بعنف

[فيصل بن محمد]

والله صدقتو يا طيبين

المفروض اللجنه تنظر لهذا الامر والامسيات والمحاورات تكون في مكان واحد

ويحضرها الجميع

[طارق النفيعي]

الله يكتب اللي فيه الخير

[فهد النفيعي]

كثرة المخيمات امر طبيعي لا سيما والعدد كبيروفي بعض الفخوذ يتعدى افرادها الميتين الف
مثل النفعه والعصمه
فهذا من رايي امر طبيعي جدا ولا يثير الزعل بل امر مفرح
وتأكد انا اللجنه ماتسوي شي الا وتراعي جميع المصالح

[الطاير]

انا معك يابن العم
لكن من يسمع؟؟

[كساب الجميل]

أشكر القراء الكرام العزيزين على تفهمهم للموضوع والرد بأسلوب وعقلانية

أعرف فخذ من الروقة لهم ثمان مخيمات

اسراف وبذخ ماله داعي

وعدد هالقبيلة ليس بكثير ... طيب كيف يتوزعون هالقبيلة على ثمان مخيمات

[شبل الغبيات]

مشكور وماقصرت وأصلا أسماء المخيمات ممنوعة


وكلامك صحيح حول أن أبناء ء الفخذ يتكاتفون ويحطون


لهم مخيم واحد



وتقبل تحياتي

[عبدالله المسعودي]

انا معك في نقطه
اذا كان عدد افراد القبيله
كبير فهذا مافي مشكله
اما اذا كانوا قليل فهذا غلط
تحياتي

[الذيابي (العطيف)]

المخيمات وكثرتها امر طبيعي لكثرة القبيلة اما الرئيسي فهو لضيوف القبيلة فلا داعي لمضايقت الضيوف

[غريب أطوار]

خل عتابة على هواهاااااااا يحطون مليون
اما من نقطة كل واحد يكتب اسمةةةةةةةةةةةةةة
لا ياقلبي من شروط المخيمات ان لا يكون مكتوب اسم علية وهذة المعلومة من موقع اللجنة
ولكم تحياتي
تذكروا انة اول واخر مزايين بيكون لعتابة ياقلبي
بس اللة يجيب العواقب سليمة