شرهتنا عليك قوية يامهنا العتيبي!

[أبوأنس العتيبي]

السلام عليكم ورحمه الله


سمعت شيله مهنا في المزايين(برقا و روق)

بصراحة كانت في مستوى اقل من المتوقع من مهنا

مااقول انها شينة لا والله جهد ويشكر عليه بس


اقول ان شيله مهنا في مزايين قحطان احسن منها بمليون مررررره

ذكر جميع فخوذ قحطان وصار كل قحطاني يسمعها يشوش منها

وحنا يامهنا عيال عمك تحطنا في سطرين وتقولي والنار من شبابها!!

بصراحة اللي يعرف مهنا يرسله الموضوع
وان شاء الله نشوف جديدة


مجرد راي

تحياتي

[شاعي العتيبي]

ابو انس رايك بوصلة لمهتا الليلة انشاء اللة
اما من ناحية الشيلة فاعتقد انها ممتاز ممكن اكون صائب وممكن لا
عموما ابشر من يوصل رايك

[أبوأنس العتيبي]

الله لايهينك

اخوي شاعي

وعلمني وش قالك يابعدي

[سعد بن مطلق المقاطي]

بسم الله الرحمن الرحيم
السلام عليكم ورحمة الله وبركاته
ابو أنس
اشره على الطيب ويشره عليه
يا خي الكمال لله صحيح الكلمات وسط لكن اللحن ممتاز
والله يخلي الراس يشوش معه وبيض الله وجه
وجه ملفي وسفر وحبيب واللي ماذكرتهم يسمح لي والمطلوب منا عدم ذكر الملاحظات
اذا كل واحد ذكرنا ملاحظاته مانجزنا عمل
صحيح النقد البناء مطلوب , و لكن بينيك وبينه
او رسله على الخاص
وكلنا مكملين لبعض والشعراء كثير وشيلات كثيره
والله قلتها من دافع الحميه في هذا الرجل وانا والله ماعرفه الا في التلفاز
واني من شد المتبعين له
القبيله كبيره وفيها الكبير وفيها الصغير وفيها جميع طبقات ولاذواق تختلف اذا ماعجبتك اعجبت غيرك
نامل تقبل كلامي بصدر رحب ولوماعزتك ماقلت هذا الكلام.
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
تقبلوا خالص تحياتي
أخوكم///سعد المقاطي

[شاعي العتيبي]

الاخ سعد المقاطي
( فعلا انت بلسم ) وفقك اللة

[الـذيب]

تبقى وجهة نظر خاصه بك ونحترمها ياخوك وانا ماقول الا مهنا اجتهد وله منا كل الشكر هو وكل من شارك بقصيده بها الملتقى الكبير .

[ابو بدر الروقي]

قـــصيـــد جـــمـــيله ورائــــعه أخـــتلف معك فى الراي عـــزيزي بالعـــكس تنومس كـــل عـــتيبي ولو يبى يذكر عـــتابه يبى لها وقت طويل مـــاشاء الله عــــتيبه كبيره يعـــني لو يذكر الفخوذ طول القصيده ممكن يودي للملل تقبلـــ رايي ولكــ مني خالصـــ التـــحيه والاحترام

[ابوخالدالروقي]

قصيدة مهنا راااااااااااااااائعه بكل ماتعنيه الكلمه.

[خالدعبدالرحمن الحبردي]

قصيدة مهنا جيده ونطمح الي قصيده افضل

[الدعجاااني]

قصيده ماعليها جميله

بس عندك حقت ملفي المورقي تراها زينه


الله يعطيك العافيه


واشكر على طرح الموضوع


تحياتي

[غريب أطوار]

شكرا لمهنا على هالشيلة الجميلة جدا
لي عتب علية ويمكن الاغلبية لم يلاحظ هذا الشي
الا وهو......................
..................
..............
...........
...............
..........................
ياليتة في بداية الشيلة ذكررررررررررررررررررررررررر الخلق الاحد الصمد
والشكر والثناء لة
ولكن ابتدى بشكر ال سعود
والشكر للخالق بالاول والاخيرررررررررررررررر
ثم يشكر مايشاء بعد ذلك

[مالك الذيابي]

شيلة في قمة الروعة

وتبقى وجهة نظر

[نفيعي وحيد]

ممتازه جدا قصيدة مهنا

[بـــرقـــاوي^^هــــواوي]

أخوي العزيز أبو انس انا معك فيما قلته قلبا وقالبا..

اانا ماقول شي في مهنا وشاعر وصوته ينومس لكن شيلته ذي ماهي

بالمستوى اللي كان متامل من شاعر مثل مهنا اي والله تبي تمدح عتيبه

وولع النار ياشبابها لا ياخوي نبي شي قوي وولللحين انا ماسمعت اجزل

واقوى من قصيده ملفي المورقي ...


وشكرا.

اخوك: برقاوي هواوي.

[شبل الغبيات]

رأيك سديد


والله يعطيك العافية

[سلطان عايض]

أنا أخالفك الرأي أخوي أبو أنس فشيلة مهنا رائعة جداً وأتفق مع أخوي

الذيب فيما قاله وأيضاً في النقطة التي تطرق لها أخوي غريب أطوار

وشكراً

[أبوأنس العتيبي]

السلام عليكم ورحمه الله

مشكورين على التواصل

وانا مازلت اقول شيله مهنا ليست في المستوى المطلوب

واللي عنده شيله مهنا في قحطان يحطها هنا
ويقتنعون الاخوة المعارضين


انا اقول ان ملفي المورقي لازال يتصدر اجمل الشيلات

[عمرالروقي]

قصيده جميله والف شكر لمهنا
لكنها أقل من ما كنا نتوقع
وهذه الشيله لن تكون الاولى ولن تكون الاخير
( عطوا الحر فرصه ) :)
0
0
ننتظرك ايها المبدع مهنا