المنصه

[عايض التوم]

البارحة والليل قد راح نصه=والنص الأخر باقي له بواقي
شفت الجميله جالسة في منصه= زادت عليها لهفتي واشتياقي
كلمتها وقالت عسى ماش خصه= قلت أحمد الله حضنا فوق راقي
قالت توقع ثم هرجك تقصه= لا بد يبديلي عليكم رواقي
قلت اسمعي واخذي من العلم نصه= يا بنت والله ما نحب النفاقي
حبل الرجا متعلق في مقصه= و أوجس على كبدي سوات العراقي
قالت هذا من الدرس ما غير حصه= ويبي يجيك دروس ودروس باقي
قلت أنتي من انتي وقصتك قصه= قالت أنا ما حدن تمنى فراقي
ودم القلوب من الرياجيل أمصه= وعن شجرة الأعمار أصك السواقي
مندوبي الحظ المباري وأخصه= لا قلت قم يسبق نهار السباقي
وص الذي غافل بما قلت وصه= يحسب حسابه قبل يوم التلاقي

مع تحيات أخوكم

عايض بن عواض التوم الفليت

[عقاب البرقاوي]

وص الذي غافل بما قلـت وصـه

يحسب حسابه قبل يـوم التلاقـي




صح لسانك ياولد العم وتسلم أناملك على هذي القصيدة ولا تحرمنا من جديدك اليوم ودوم

[عايض التوم]

سلمت يا عقاب ولاهنت على مرورك

[معلا إبراهيم الأسعدي]

صح السااااااااااااااااااانك

[عايض التوم]

يعطيك العافيه أخوي شامان الاسعدي وبيض الله وجهك على تواجدك

[أبو نجر النفيعي]

..

عايض الفليت ..

صح لسانك واعتلا شانك ..

قصيدة جزله من راس جزل ..

وننتظر جديدك بشغف ..

.

أخوك..

[خـالد الحافـي]

عايض التوم

بيض الله وجهك وصح لسانك

اشهد بالله انك جزل ووافي

[خالد بن ضمين]

صح لسانك يا عايض وبيض الله وجهك

[هدهد عتيبه]

صح لسانك يا عايض وبيض الله وجهك على قصيدك الجزل تقبل مروري

[عايض التوم]

بيض الله وجيهكم جميعا على المرور وهذا من طيب ذاتكم وبعد نظراتكم

وآسف على عدم التواصل معكم بشكل مستمر


أخوكم

عايض التوم