مهداه لابوزايد

[ابومسلط]

السلام الله ولله السلام = الولي اللي على العرش استوى
كون ابن ادم ودمه والعظام = عالم(ن) ذرات جسمه والنوى
ابتدي به نظم شعري والكلام = والقصيد اللي به القلب اهتوى
في خوي(ن) خوته مثل الغمام = مابتعد عنه الظمير ولا نوى
غيمة لاريح فيها ولا ظلام = مايجيك الا ذعاذيع الهوى
الخوي اللي كسبنا باحترام = العليل بخوته يلقى الدوا
من شيوخ(ن) تعتلي وقت الزحام = حظهم وسط المعارك ماهوى
ورثه طيبه خواله والعمام = والمراجل ورث ابوه وما حوى
ناهل(ن) من فعلهم ظرب الحسام = شاهر(ن) بالحق سيفه مانزوى
تاج راسه عزوته بالعز قام = وارتفع تاجه وظمه واحتوى
ابوزايد في بحور الطيب عام = لين صار الطيب فوق المستوى
له فعول(ن) من فعلها ما يظام = وارد(ن) حوض الشجاعه وارتوى
ماتبع درب الرذيله والحرام = واللذيذه ماتبعها والهوى
لو تفرقنا الليالي ماتلام = ماجتمع قلبين فابن ادم سوى
والصلاة اعداد من زار المقام = في نبي(ن) مايظل ولاغوى
واختتمها بالسلام امن السلام = الولي اللي على العرش استوى

[ابن فرحان]

تسلم يا ابو مسلط وصح السانك ياطويل العمر على ها القصيده ..

اخوك \ ابن فرحان

[ابومسلط]

وصح لسانك ياطويل العمر والمزيد قادم انشششششششششششاء الله
اخوك ابومسلط

[ابن جدعــان]

صح لسانك يا بو مسلط.

ونحن في انتظار جديدك

[نادر العتيبي]

السلام عليكم ورحمة الله وبركاته

تحيه طيبه لجميع اعضاء منتدى الهيلا

تحيه طيبه لاخوي العزيز / ابو مسلط

والله انك احرجتني يوم كتبت هالقصيده

وكتبت رد لايقارن بما كتبته ولكن لعله يفي بالمطلوب

ارجو السموحه من التقصير الحاصل في القصيده

وعسى ان تعجبك وتعجب القارئين





الشـــهــاده للــولـي رب الانــــــام

____________________ فالكتـاب اللي سـجـلـه مـانـطــوى

امره اللي بـيــن حـرفـيـن تــمـــام

____________________ كون الانـــســـان دمـــه والشـــوى

وابـتــدي واقــول ياناصر ســــلام

____________________ يـاعميل الخير ياذيب(ن) عــــــوى

ماعلـيـكـم زود يـاروس الـكـــــرام

____________________ يـاعــقــايــد قـوم يـا يــمـنى لـــــوا

يـاشـيـوخ الــعــز يالـقوم الشــهام

____________________ الفخر جـانـا مـن الـقـــوم وضـــوا

لايـقـام الكم حـــريــب ولا صــــدام

____________________ مـن يـصادمـكـم مـن الـنـار انــكوى

وابو مـسـلط لا تـحــيـزم بـالحـزام

____________________ قوة(ن) فـي صــلـب قـوه واقـتوى

والنـعـم.. والنعم بـالـرجـل الهـمام

____________________ ولاخــســر مـن جا ذراكــم والتوى

يـشـهد الله طـيـبـكـم يـانـاس تــــام

____________________ طيبكم طيب(ن) من اصل المحتوى

والمدايح لو تـســابـق بـانـسجـــام

____________________ من جـمـايـلـكـم نـضـيـعــهـا هـــــوا

والصلاة اعــداد مــن صلى وصام

____________________ للـنـبـي اللـي حـــديــثــه قــد روى

الشـــهــاده للــولـي رب الانــــــام

____________________ فالكتـاب اللي سـجـلـه مـانـطــوى

[ابومسلط]

صح لسانك يابوزايد وماقصرت على هالرد اللي اكثر من رررررررررررائع.
وانشاء الله هالقصايد تعجب الهيلا هل المنتدى. ولنا الفخر والشرف بالاشتراك معهم.

[ابن عامر]

صح لسانـــــــــــــــــــــك

[الحر الأشقر]

لا هنت يا أبو مسلط ولا هان أبو زايد
وصحة ألسنتكم يالثنين، وننتظر منكم مثل هالقصايد الجزله، والطيّب عادته الطيب
وتقبلو تحيات أخوكم/ الحر الاشقر،،،،،،،،،،،،،

[ابومسلط]

ابن عامر والحر الاشقر
صحت ابدانكم...........
ومشكوريييييييييييييين
على الرد الطيب والجميل
وانا اسف لتأخري في الرد عليكم
للظروف.
ولكم جزيل الشكر والتقدير.
ويعطيكم الف عافيه.
ابومسلط.....................

[وصل العطياني؟؟؟]

صح لسان أبو مسلط وصح لسان أبو زايد

قصيدة وردها...


كلتاهما في قمة الروعة....


ننتظر كل ماهو جديد...

ونفتخر بمشاركتكم البناءة والقيمة جداً...

فلكم الشكر الأجزل...



تحياااااتي

[ابومسلط]

الله يعطيك العافية ياوصل
والاروع من هالقصائد هي مشاركاتك وحضورك واهتمامك
والردود التي تشعرنا بأن مايُكتب يُقرأ.
ولك مني ونيابة عن اخوي ابوزايد
جزيل الشكر والامتنان.
تحياتي........................
ابومسلط.....................