الى كل عتيبي!!

[ابن يام]

السلام عليكم ورحمة الله وبركاااته


اخواني الاعزاء


اتشرف بالأنضمام اليكم في منتدى الهيلا الكريم


وسلام مني لعتابه كل ابوهم


انا كتبت هذا الموضوع لسبب ما محيرني كثير


لان في كل ديره اجيها تكووون معي هالحيره



وهي خاصه بشمر وعتيبه

سؤالي ليش كل شمري يفزع مع كل عتيبي
وكل عتيبي يفزع مع كل شمري
+++++++++++++++++++++
ومن قال انا شمري يحب عتيبه
ومن قال انا عتيبي يحب شمر
+++++++++++++++++++++
وش سر هالعلاقه هل هناك صلة قرابه بينكم
ام لا اتمنى التوضيح جزاكم الله خيراً

[الادعاصم@]

حياك الله وسؤالك غريب
عتيبه وجميع القبايل اخوان ..........!!!!!!!!!!!!!!

[ابن يام]

الادعاصم

نعم السؤال غريب لكن محيرني كثير ليش

من سئلة قال ماعندي علم


القبايل كلهم اخوااان بس لو تكرمتو ابغى اعرف بس


وانا نزلت موضوع مثل هالموضوع بمنتدى الطنايا

[طلال الثبيتي]

والله مااعتقد هناك سبب معين .

وملاحظتك في محلها ..

بس على مر التاريخ دايم يطري عتيبه وشمر سوا بدون قصور في باقي القبايل ..

حتى انه قد قال احد الشعراء في شطرآ من قصيده طويله ..

يقول :

فيهم كرم شمر ونخوه عتيبه !!

[@النفيعي@]

من نـاحيـتي .. شمر. مثلهـا .. مثل جميع القبائل بالجزيره ..

وحنـا نحـب. . القبائل. كلهـا .. سواسيـه . . مانفرق أنشالله

مـع .. العلـم أني لاحظـت .. نفس الشئ. في قبـائـل الشمـال .. عامه

مـع عتيبـه .. !!


بالآخيـر.. كلنـا اخوان في الأسلام

[ابن يام]

الثبيتي

النفيعي



الله لايهينكم

لكن لم تاتو بأجابه شافيه


اخي النفيعي

نعم هو حب وشعوور من الطرفين وانا ملاحظ هالشيء
كون عندي زملاء من عتيبه وشمر

[ضرار أبن الأزور]

ابن يام اولا حياك الله في منتدى الهيلا وياهلا وغلا فيك


اما بالنسبه لسؤالك فالجواب عليه اخي العزيز ليس كما تتوقع

ليس هنالك صلة قرابه بين عتيبه وشمر من ناحية النسب ولا يوجد ايضا احلاف

ولكن اخي العزيز الطيب ما يحب الا الطيب من اي قبيلة كان


والاخوه ابناء شمر عرف عنهم الكرم والنخوه والصفات الحميده فكيف لا نحبهم

ونعم فيك وفي ربعك يام

[عبدالرحمن الهيلوم]

مرحبا مليون ياصبي يام (( الدنيا والحياه تجارب)) انا شريت عقار من ال فنيدل من شمر وعطيته ربع المبلغ وعند كاتب عدل اعطيه الباقي !!!! ويوم جيت في المحكمه لنقل العقد باسمي قال الشيخ اخذت فلوسك ياشمري ! قال نعم كلها ياشيخ .. طلعنا وقلت خذ فلوسك يابو راضي (( قال علي الحرام ما اخذ الي نصفها . انت في حاجه ولك مني 6 اشهرومنها الف تراه جاك يالعتيبي قيمة كرامتك !!!!!! وعموما الرجال شرواك تقدر الرجال. ومن حبه الله حبه خلقه وكل القبايل فيها الخير وعموما ( محمد ال شهي اليامي ) من يام يسوي عندي الشي الكثير

[ابن يام]

ضرار أبن الأزور

الهيلوم 1383


اشكركم على اجابتكم

اذاً يعني مابينكم لاقربه ولاحلف

طيب ايش المحبه هذاه....حيرتوووني اكثر

[فيصل الحمراني]

السلام عليكم ورحمة الله وبركاته
اذا احب الله العبد حبب فية خلقة

[ابن يام]

شكراً يالحمراني


لكن ذي قبيله لقبيله ماهي بشخص لشخص

[منصور بن فهيد]

يامرحبا فيك يابن يام ..
في محلك وبين اخوانك ..
ومليون نعم فيك وفي قبائل يام كافه ..
بخصوص استفسارك ..
انا اتوقع هناك ربط مابين شمر وعتيبه وقحطان ..
على اعتبار ان هناك في السابق حروب طاحنه مابينهم ..
ولدت هذا التقارب فيما بينهم في الوقت الحاظر ..
وبالعكس جميع القبائل العربيه تجمعنا بهم اواصر المحبه ..
تحياتي لك ..

[الهيـــــزع]

حي اليامي ويامرحبا

والله ياخوك انا ماعندي علم
ولاعرف شمري بحياتي لاني من اهل الطايف ومستحيل تلقى شمري في الطايف

لكن عندنا ياميه والله انهم ذيابه وينشدبهم الظهر ونعم الآبه
وعموما جميع القبايل فيهم خير وبركه

[ذيب روق]

ارحب ياصبي يام كلامك صحيح هناك ود واحترام بين شمر وعتيبه منذ زمن بعيد واعتقد ان السبب هو وجود الكرم والشجاعه والنخوه فى هاتين القبيلتين العريقتين وكذلك فى كل قبايل الجزيره العربيه تقبل تحياتي.

[الدعجاااني]

وانا كذلك اخوي ملاحظ

هالعلاقه واجد والله من الشمامره

مايسمعون بالعتيبي وكلهم والله كفو

وتسلم على الموضوع


تحياتي

[روح جاي]

حياك الله يايامي بين ربعك عتابه

ولااعتقد في صله تربط عتيبه بشمر ولاكن من كثر ماسمعت عن شمر وعن كرامتهم وشهامتهم حبيتهم

[مالك الذيابي]

ياحبي لشمر ونعم والله

ولافي القبايل قصور

[شايع الهلالي]

ونعم في العتبان و شمر ,,

[۞Ξ √ عـدوٍِ آلبرٍِد √Ξ۞]

ابن يـآم

ارررررحب مليــووون ولآ يكفوووون

في حلـت عتيبــه الهيــلااا

خـوال النبي صلىآ الله عليه واله وسلم

امـآ سوالك في محـله الحـب المتبآدل بين الشمامره والعتبان فوق ماتتصور

كل القبايل فيهـآ خير ولكن مايمزي هذه القبيلتين ان الرابط اللي يجمعهـآ

رابط مشترك الا وهو الكرم من ناحيــة شمــر والنخــوه والفزعـه من ناحيـة عتيبــه

حنـآ يالعتبان تشوش روسنا لآ سمعنا كرم حـآتم الطائي اللي ورثه من بعده لـ الشمامره وصار يضرب بهم المثل في الكرم

وهم من ناحيتهم تشوش روسهم لفزعــة العتيبي ونخــوته لمن انتخابه اللي مورثينها لنا جدودنا

وكل القبايل فيها خيررر وفيها طيبها ماعليهم قصور


حيـآك اللــه مرة ثانيه


وياهــلاا ويامسهــلاا ابك


وفقك اللـه لمـآ يحب ويرضىآ

[شايع الهلالي]

ابن يـآم

ارررررحب مليــووون ولآ يكفوووون

في حلـت عتيبــه الهيــلااا

خـوال النبي صلىآ الله عليه واله وسلم

امـآ سوالك في محـله الحـب المتبآدل بين الشمامره والعتبان فوق ماتتصور

كل القبايل فيهـآ خير ولكن مايمزي هذه القبيلتين ان الرابط اللي يجمعهـآ

رابط مشترك الا وهو الكرم من ناحيــة شمــر والنخــوه والفزعـه من ناحيـة عتيبــه

حنـآ يالعتبان تشوش روسنا لآ سمعنا كرم حـآتم الطائي اللي ورثه من بعده لـ الشمامره وصار يضرب بهم المثل في الكرم

وهم من ناحيتهم تشوش روسهم لفزعــة العتيبي ونخــوته لمن انتخابه اللي مورثينها لنا جدودنا

وكل القبايل فيها خيررر وفيها طيبها ماعليهم قصور


حيـآك اللــه مرة ثانيه


وياهــلاا ويامسهــلاا ابك


وفقك اللـه لمـآ يحب ويرضىآ

ونعم الكلام

[خلف العتيبي]

الله حي اليامي...

أنا من أعز أصحابي شمري ويحلف لي بالله أني أعز من أخوه وهو كذالك من أعز البشر عندي...

العتبان يقدرون الشمامره تقدير كبير...

ويعلم الله أحس أنهم قريبين لعتيبه من ناحية النخوه والشهامة...

لاكن أن تسأل ليه شمر تقدر عتيبه فأنا عندي جواب...

أنا أن وصلت عند بعض نقاط التفتيش الأعتياديه يستوقفني الجندي ويطلب هويتي وعند أعطائة يقوم بالشكر في قبيلة عتيبه الشكر الكثير وهذي حصلت لي أكثر من مره...

قصه طريفة حصلت لي...

كنت داخل في أحدى البنايات الخاصه بالسياره وإذا بالحارس يستوقفني ويطلب إثباتي...

أعطيته الأثبات و سفطت السياره على جنب لأنزل وأشوف وش القصه وإذا بحارس البنايه يأتي مسرع تجاهي وتعلوا وجهه أبتسامة الأحراج وهو يقول (( ياخي أسف والله مادريت أنك عتيبي كان قلت لي والله أسف تفضل وأدخل))...

طبعاً أنا إنحرجت أحراج كبير في وقتها...

ويعلم الله أن هذا الي حصل لي...

والشاهد أن قبيلة عتيبه لها هيبتها في كل مكان...

وأغلب القبائل نعزها وتعزنا لاكن في نظري شمر غير...

تقبل تحياتي يا اليامي وحياك بين أخوانك العتبان...


خلف الدعجاني...

[ابن مرزن]

ههههههههههههههههههههههههههههههههههههههه

شف يا اخوي خلف عتيبه مشهوره عند القبايل

ويعرفونى زين

حتى والله العظيم ان خويي خالدي ومن اعز اخوياي واعتبرني مثل اخوه واكثر


حتى هو يحب عتيبه وانا اتسال ليش شمر والخوالد يحبون عتيبه؟


تقبلوا خالص تحياتي
أخوكموم

[ابن يام]

مشكووورين جميعاً على المرووور المفيد

[فلاح الهاجري]

ونعم في عتيبه خوالي و الصبي ان طاب طيبه من خواله اقول انا ليش كل ما شفني شمري قال انه يحبني واذا سالته قال مدري والله وسبع انعام في لطامت العايل

[الجنرال العتيبي]

اعتقد إني في سؤالك شي غريب ...
مع احترامي الشديد لكن هناك واحد من أحد المنتديات كاتب موضوع قريب من موضوعك اسمه (( علاقة عتيبة و شمر بطيء و حايل ؟!)) .
أنا سأتعاملك معك بحسن نيه و سأؤجاوبك هل تعرف لماذا العلاقة هذه بينا و بين شمر لأن الطيب طيب مع الطيب و لأننا قبيلتين كبيرتين كل له ماضيه و أصله الذي يفتخر فيه فشمر قبيلة كريمة و عتيبة كريمة و الكريم مع الكريم يكون كريمًا .
أما إن كنت تقصد بسؤالك مثل الأخ الذي تحاورت معه في المنتدى تقصد النسب حيث إن الحمقى يقولون أن كثير من قبيلة عتيبة ترجع لغزية طيء فأنا أقولك هذا هراء و قائله يستحق أن يعالج في المصحات النفسية.

و يا ابن يام و النعم فيك و حياك الله ...

[ابن وايل العنزي]

الناس والقبايل سوا ومحبة الشخص للشخص واحترامه من الله

ماهو عشان قبيله او غيره.

مع اني الاحظ إن العلاقه بين شمر و عنزة احس انها اقوى بحكم

التجاور بالديار وكثرة المصاهره والزواج من بعض.

لكن الحب والتقدير من الله وليس حكر على احد .

والله يحبب الخلق في بعضهم.

[ضنا ال شايب]

حتى حنا يالقحاطين نحب العتباان هههههههههههه

[العطــ ابو نواف ــاوي]

اولا واخراً حياك الله يا صبي يام


بالنسبة لسؤالك فهو في محله ومحط انظار الجميع عموما الاجابه التي ذكرها اخوتي السابقون من ناحية الكرم والشجاعه والنخوه ففي كل قبيلة حقها من رجالها

والملاحظ من سؤالك انك تقصد ما يقع بين يام وقحطان ( وجيه محلف )
فهذا الحلف لا يوجد في نجد عامة على حسب ضني

عموما شمر وعتيبه كانا ولا زالا من اقوى القبائل واكثرهم وتنافسون في الكثره
وكان ابن رشيد يحكم الشمال عامة ويسيطر على بعض المناطق النجديه وكانت عتيبه على يد الشيخ ابن حميد غفر الله له ولإموات المسملين يتزعم عتيبه وكان شجاع وكان ما كان منه مع قحطان ومطير وساد تلك الايام وحط يده على نجد
وخاف منه ابن رشيد وصبح عتيبه اربعون ( 40 ) صباح ولا فاز في اي صباح
وعتيبه لم تغزو بن رشيد في ذلك الوقت
ولما عج بن رشيد عن كسر عتيبه لم يعد يرغب في كسرها ولا منادتها واصبح يسايس ويدرأ المشاكل بين القبيلتين لإن عتيبه كانت تعادلها في القوة والكثره والشجاعه
وتولد ذلك فيما بعد بالحب والتقدير والاحترام

بعكس القبائل الاخرى المجاوره لقبيلة عتيبيه
اذا جلست في مجلس تجد الخوض في الكلام المتعصب لماذا ؟
لان ابن القبيله المناده لعتيبه قد سلب مال جده او مات او قتل بسبب احد افراد عتيبيه والعكس صحيح .

ارجو ان اكون اصبت فيما ذكرت
فأن اخطئت فمن نفسي والشيطان وان اصبت فمن الله

[خلف العتيبي]

حتى حنا يالقحاطين نحب العتباان هههههههههههه



حبتك العافية... :)

الله يحييك بين أخوانك...

أخوك خلف الدعجاني...

[ابن يام]

وخاف منه ابن رشيد وصبح عتيبه اربعون ( 40 ) صباح ولا فاز في اي صباح
وعتيبه لم تغزو بن رشيد في ذلك الوقت
ولما عج بن رشيد عن كسر عتيبه لم يعد يرغب في كسرها ولا منادتها واصبح يسايس ويدرأ المشاكل بين القبيلتين لإن عتيبه كانت تعادلها في القوة والكثره والشجاعه

اخوي ابو نواف العطاوي مع احترامي الشديد لك الا ان كلامك مبالغ فيه

ابن رشيد بحياته ماوقف له واقف الا ند مثل عتيبه نقول ند يعني قد مره عتيبه غزت شمر بحائل ابد ماسمعت وبامكان الاخوان تأكيد كلامي كلها تاتي من طرف شمر والمهاجم ام ينتصر واما يهزم واما يرجع بدون انتصار الطرفين وعتيبه كانت من اقوى القبائل بشهادة الجميع

والاربعوون صباح اللى تتكلم عنها كانت يوم لشمر ويوم
لعتيبه وهي بالاخير صباح وليست غزوه.

والغزوات اللى بين شمر وعتيبه كثيره منها الانصر وابرق وغزوة عروى القاضيه

تقبل تحياتي اخوك ومحبك ابن ياااااام

[عتيبـــــ ولد ــــــــة]

اخوي ابو نواف العطاوي مع احترامي الشديد لك الا ان كلامك مبالغ فيه

ابن رشيد بحياته ماوقف له واقف الا ند مثل عتيبه نقول ند يعني قد مره عتيبه غزت شمر بحائل ابد ماسمعت وبامكان الاخوان تأكيد كلامي كلها تاتي من طرف شمر والمهاجم ام ينتصر واما يهزم واما يرجع بدون انتصار الطرفين وعتيبه كانت من اقوى القبائل بشهادة الجميع

والاربعوون صباح اللى تتكلم عنها كانت يوم لشمر ويوم
لعتيبه وهي بالاخير صباح وليست غزوه.

والغزوات اللى بين شمر وعتيبه كثيره منها الانصر وابرق وغزوة عروى القاضيه

تقبل تحياتي اخوك ومحبك ابن ياااااام


للتصحيح يا أخوي اليامي ..

الغزوات أو بالأصح الحروب (لأن الهدف منها ليس كسب الغنائم ولكن تطويع عتيبة لحكم ابن رشيد) كانت بين ابن رشيد وعتيبة ..

بتقول وش الفرق ..

أنا أقول لك ..

ابن رشيد حاكم دولة ليا منه أراد الحرب ظف كل الي حوله من قبايل وحضر (من بينهم شمر) من أجل تطويع عتيبة لحكمه ويوم يغلب ويوم يغلبون ..

وبالنسبة لـ :



والغزوات اللى بين شمر وعتيبه كثيره منها الانصر وابرق وغزوة عروى القاضيه


أولا وقبل ما اعلق عليها استغرب منك يا (((اليامي))) هذا الحماس مجهول السبب ----------------->هل هناك علاقة بين يام وشمر؟؟؟

أما بالنسبة لـ (قاضية) تدري من انتصر بداية المعركة وتدري من الي هج مع ابن رشيد لين كتب الله سبحانه وتعالى النصر على يد أبطال القصيم ..

وشكلك ما تدري عن الأنصر الي كانت بمثابة نهاية لـ "بن رشيد" وبعدها ما عنده الا تحريض القبايل على عتيبة ..

ابن حميد _ رحمه الله _ :

يا سابقي صكوا عليك القبايـــل ,,
الحضر والبدوان صاروا نحيــــة ..

قوم(ن) من العــــــارض ليا دار حايل ,,
لا قرب بهم جد ولا بهم مرحمية ..

يعني با ختصار :
ابن رشيد _ رحمه الله تعالى _ ما كان زي ابن عريعر ..
ابن عريعر ما اعزه بعد الله الا ربعه (الخوالد) ..
وابن رشيد ما أعزته شمر لكن هو الي عز شمر بالقبائل ..

وانت لك عقل وتحكم ..

دولة (من بينها شمر ) انتصرت وانهزمت امام عتيبة ..
أجل لو انها شمر لحالها ؟
يا اليامي المتحمس -----------> قل لي ليه متحمس:confused:


أما تعليقي على الموضوع الرئيس :

السبب أن عتيبة تعرف قدر شمر ..
وشمر تعرف قدر عتيبة ..

وإذا طالعت التاريخ تجد أن الند الوحيد لعتيبة هو شمر ..

وأنا احب أسألك سؤال من باب الأخذ والعطا ..

هل هناك علاقة بين يام وشمر توجب هذا الحماس و ------------------> (القاضية) ؟

أو أن السبب هو الأسماء المستعارة ..!!؟

:confused: :confused: :confused: :confused: :confused:


تقبلوا طلتي :)


والســـــــــــــــــــــــلام ,,,


ولد عتيبة الروقي

[النايع]

بصراحة انت يا ولد عتيبة

ومن خلال تتبعي لمشاركاتك

لقيت فيك العبقرية على اصولها

[عتيبـــــ ولد ــــــــة]

هلا يا ولد العم ..
لا عبقرية ولاشي .. تقدر تقول ------> (نظرة عتيبي) ..





مفاجئة لـ "اليامي" ... هنا بالداخل (http://www.otaibah.net/m/showthread.php?t=37698&page=2)


شكل العلاقة قوية :D


تقبلوا طلتي :)


والســــــــــــــــــــــــلام ,,,


ولد عتيبة الروقي

[ابن يام]

ولد عتيبه


السلام عليك ورحمة الله سلام من محب لك يشهد الله


اقسم بالله اني لم اقصد الأسأه لقبيله عريقه واي قبيله فمابالك بعتيبه وشمر هل الطيب والنخوه كل ابوهم.
لكن هذا الرد على عضو قال ان ابن رشيد لم يهزم عتيبه قط....واوضحت المعلووومه وجبت اللى لكم واللى عليكم الانصر هزمتو ابن رشيد وابن رشيد هزمكم بعروى.(القاضيه اي انها المنهيه لعتيبه فبعد هذه المعركه ارسلت عتيبه الهدو لبن رشيد )
أولا وقبل ما اعلق عليها استغرب منك يا (((اليامي))) هذا الحماس مجهول السبب ----------------->هل هناك علاقة بين يام وشمر؟؟؟

أما بالنسبة لـ (قاضية) تدري من انتصر بداية المعركة وتدري من الي هج مع ابن رشيد لين كتب الله سبحانه وتعالى النصر على يد أبطال القصيم ..

وشكلك ما تدري عن الأنصر الي كانت بمثابة نهاية لـ "بن رشيد" وبعدها ما عنده الا تحريض القبايل على عتيبة ..

ابن حميد _ رحمه الله _ :

يا سابقي صكوا عليك القبايـــل ,,
الحضر والبدوان صاروا نحيــــة ..

قوم(ن) من العــــــارض ليا دار حايل ,,
لا قرب بهم جد ولا بهم مرحمية ..

يعني با ختصار :
ابن رشيد _ رحمه الله تعالى _ ما كان زي ابن عرعر ..
ابن عرعر ما اعزه بعد الله الا ربعه (الخوالد) ..
وابن رشيد ما أعزته شمر لكن هو الي عز شمر بالقبائل ..

وانت لك عقل وتحكم ..

دولة (من بينها شمر ) انتصرت وانهزمت امام عتيبة ..
أجل لو انها شمر لحالها ؟
يا اليامي المتحمس -----------> قل لي ليه متحمس


اجابت سؤالك الاول لاتوجد علاقه لكن يوجد حلف بين راكان بن حثلين وابن رشيد حكام حائل(بين يام وشمر)

وتعليقاً على قولك ان عتيبه كانت منتصره في بداية معركة عروى....احب اني اقولك ان ابن رشيد كان منتصراً في بداية معركة الأنصر لولا المد من روق(ممكن لست متاكد لكن المهم انه جائهم مدد)

وهالكلام ابد ماراح يودي ولا يجيب لأن المعركه هي بالنهايه.

واما كلامك ان شمر ماعزت ابن رشيد فهذا مردود عليك واسمحلي يالعتيبي ففي اكثر من موقعه استشهد ابن رشيد بشمر ونخاهم.

مع العلم ان ابن رشيد له العديد من الخلافات مع شيوخ شمر عامه بل اغلب شمر لم تشارك ابن رشيد في غزواته لأن جزء كبير من شمر مع الجربااان(الجربا) ومع التمياط
ومع الطوااااله ومع العلى
وابن رشيد عدو للى ذكرتهم جميعاً
وصيت شمر عند القبائل كبير وسمعتهم كانت موجوده قبل لا يجي ابن رشيد فشمر هي من رفعة ابن رشيد
يعني ان شمر كقبيله كامله لم تشارك مع ابن رشيد و انت يالعتيبي تعرف شجاعة ونخوة شمر بحكم كثرة معارك شمر معكم.
للمعلوميه ابن رشيد يشمل كل الرشيد يعني مو شخص واحد يشمل الجناااازه ويشمل المهاااد ويشمل عبيد الرشيد ويشمل متعب الرشيد

واستشهد بيت لــ فخر يااام راكان بن حثلين

من باب برزان ليا نجران++ماهي لنا يالضيغمي انت اميره

هذا يدل على قوة ابن رشيد وابن رشيد بطبيعة الحااال معه حضر شمر وبدوانها.

ياولد الهيلا انت فهمتني خطاء وارجو ان تعذرني اذا بدر مني خطاء من غير قصد وانا ارحب بالنقاش مع رجاجيل مثلك وشرواك.
وبالنسبه للمفاجئه >><حلوووووه منك
هذا الأمر الواقع فهناك قبائل لها امتداد كبير لم تعد واسئل ربعك اهل العلم والدرايه يفتوك...وانا اتيت بهذا المثال للتوضيح لاغير ومع العلم ذكرت قبيلة عنزه

والسلام عليكم ورحمة الله وبركاته

[ضنا ال شايب]

والله جابها ولد عتيبه كاش؟ ههههههههههه
اليامي
شمر وعتيبه قبايل نفخر يها ولكن لا يوجد اي صله بينهم بالنسب اما علوم المرجله فابشر فيها

شمر قبيلة قحطانية وعتيبه عدنانية

[صاطي]

يالربع هدو اعصابكم الامور هاذي كلها انتهت ولابيننا الا الطيب

والتاريخ سجل في امهات الكتب ونعرف اللي لنا واللي علينا

واللي يبا يتاكد يرجع لكتب التاريخ ويقراء عن عتيبه وعن شمر وعن يام

وعن قحطان وعن الخوالد وعن كل القبايل اللي فيها خير

وحنا ياعتيبه تشهد لنا خصومنا وهاذي كلمة حق مهما زور المزور

وتكلم الحاقد .

عتيبه لها افعال يالربع يوقف لها التاريخ فالنخوه والشجاعه والكرم والعلوم

الطيبه وكذلك باقي القبايل فيها حقها .

اما بالنسبه للفزعه بين شمر وعتيبه فانا من ملاحظي الشي هاذا

حتى الناس اللي من برى

لكن انا اعطيك السبب الرئيسي:

شمر تعرف وش معنى انك تنخى عتيبي ...

يعني طلبك جاك مهما كان الثمن بدون مبالغه يالربع وهاذي صفة في

اغلب العتبان وان شاء الله انهم كلهم

وحصل لافراد من قبيلة شمر العزيزه وجماعات وشعار مواقف مع عتيبه بدت قبيلة شمر تكلم فيها

واكثر هالمواقف سطرت ببيوت من الشعر مما ادى الى تقويه العلاقه

بين قبيلة شمر وعتيبه والناس تقراء وتسمع القصايد

وكذلك توجد مساجلات لفزعه شمر لعتيبه سواء على مستوى الافراد

او الجماعات . وباذكر لكم بعض المواقف واعذروني على الاطاله

يقول انه كان هناك شمري كان عند نقطه تفتيش وكان عليه مخالفه

واخذوا رخصته وكانوا ناوين القسيمه له المهم الشمري طلب هالرياجيل

انهم يفكونه مالقا تجاوب وقالوا ان هاذا عمل وانت فيك مالايخطيك

يوم شاف الشمري العلم كذا قال يالربع فيكم عتيبي لانه يعرف

وش معنى انك تقول تكفى لعتيبي بدون مبالغه والكلام ذا ماهو مني ..

المهم قال العتيبي سم وش عندك والعتيبي فالكونتر حق التفتيش

قال انا طالبك يالعتيبي تكفى فكني من الرياجيل

قال العتيبي علي الملازيم لافكك منهم الا ان كاني مانيب فلان بن فلان

وفكه الرجال والسالفه مشهوره .

وقصة الشمري اللي فالدوره العسكرية

ومناسبتها هي :

كـــان الـجـنـدي ثــامـر بـــن فــلاح بن شامان الـشـمري

فــي دوره عـسـكريه

مـسـؤولـهـا الــمـقـدم تـريـحـيب الـعـتـيبي .

وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.

وعــاد بـعـد ان تـمـت دوره زمـلائـه وانتهت والشمري ماحضر الدورة

وفزع له العتيبي وقد تـمـكن الشمري مــن الـتـخرج مـعـهم بدون اي صعوبات وكانت فزعه مايجحدها الا مكابر المهم أرسل والد الشمري هذه
الابيات رد نقا للعتيبي وفزعته الطيبه :

ســــــــلام مـــنــــــــي لــلــــمــــقـــدم تــريــــحــيـــب

اعــــداد مــــا خـــــــط الـــقـــلـــم بـــــيـــــد كـــــتــٌــاب


وعــداد مـــــا غـــــنــــوا هـــل الـــفـــطــر الـــشـــيــب

بـــــأرضٍ خـــلـــيـــه مــا بـــهــــا غــيــــر الاعــــشــــاب


وأعــداد مــا ذعــــــــــذع نــــســـيـــم الــهــبــاهــيــب

وأعــداد مــــــا ســــجـــيـــت رجــلـــــي لـــــلاقـــــراب


مــا هــي غـــريــبــه مــــنـــك يــا كــــاســـب الـــطــيــب

حــــلــــيــــاك مــن نــــــجـــــمٍ تــــبــــيـــن ولاغـــــــــاب


شــــريـــف مـــا يــــدخـــل عــلــــى ســـاســك الـــعـــيــب

مــن يـــفـــعـــل الــحــســنــا بــــالاجــــواد مــــــا خــــــــاب


لــقــيــــت بـــالـــعـــتـــبــان خـــمـســــة عـــــــذاريـــــــب

الــطـيــــب والــنــــخــــوه وتـــــقــــديــــر الاجـــــــنــــــاب


ودون الـخـــــوي يـــا طــــــــــون حــــــــــر الـــلـــواهــيــب

وان حـــــدت الـــــدنــــيــــا يـــفــــكــــون الانـــــــشــــــاب


فـــرد عـلـيـه: تـريـحـيب بـــن سـويـلم الـعـتيبي قـائـلاً:

حـــي الـــكـــتــاب اللـي مــــــــن الـــشـــمٌــري جــــيــــب

اقــولـهـــــا بــالـــــصـــــدق مــــــــانـــــــي بـــــــكـــــــذاب


يـــــا مــــرحــبـــا عـــــــــــد الــــنــــجـــوم الـــمـــراقـــيــب

تــــرحــــيـــب مــشــتـــاقٍ لـيـــــا شــــــــاف الاحـــــبـــــاب


بــــكــــتـــاب ابــــــــن شـــــامـــــان رجـــل الـــمـــواجــيــب

فيـــــه الــــجــــواهـــر بـــــيـــــن صـــــايـــــغ وحـــــســــاب


بــنــيـــت لــه بــــأقـــصـــى ضــــمـــيـــري دوالـــــيـــــب

هــــذا الــــرصـــيـــد الـلـــــي كـــنـــزتـــه وراء الـــــبــــاب


مــن شـــــــأن ثـــــامـــــر يــــرخـــصـــن الــمــطــالــيــب

خــــويــــنــــا الــــطــــيـــب لــه الـحـــــق غــــــصـــــاب


خــــويـــنــا نــنــصـاب مــــثــــلــــه لـــيـــــا صــــــيـــــب

نــمــــرض مــعــــه ونـــطـــيــب مـــثـــلــه لـيــا طــــــــاب

يــا عـــل مـا يـــفـــتــق عــلـــى مـــثــلــه الـــجــيــب

والله يـــــجــــيــــره مــن صــــواديــــف الاســــــبــــــاب

فانا كشخص عتيبي ارى مثل هذه المواقف بين هاتين القبيلتين العريقتين

شمر وعتيبة يشوش راسي للفزعه للشمري والشمري كذلك

وهذا اجتهاد مني وانا افزع للشمري من بد القبايل عشان هالمواقف اللي

بينهم ولاشفت الشمري ذكرت هالمواقف الطيبه بينهم

ومن طلب الفزعه من اي قبيلة يبشر بعزه وانا صبي الهيلا.

والمواقف بين شمر وعتيبة كثيره لايتسع المجال لذكرها ولعلي اكتبها

في موضوع مستقل

وهذا الكلام بالنسبه للزمن الحاضر اما الماضي خلونا ننشد الشيبان ونعلمكم

[صاطي]

احب اضيف ان الشيخ محمد بن هندي هو اللي نوى ابن رشيد بالمغزى والكلام ذا مثبت

وقال كلمته المشهوره "ان عاش راسي لخليها تلزز جنوبها على برزان" يقصد البل

وكان ناوي الغزيه على ابن رشيد ولكن تسربت الاخبار لابن رشيد

وقال شاعر بن رشيد " وإن كان ابن هندي نوانـا بـرزان
فحنا على عروى قصرنـا مسيـرة "

وقد جمع ابن رشيد القبايل واللي خاف منه تبعه وتجمعت معه قبايل ماهي بسيطه ودارت بنيهم معركه

عروى ونعرف اللي لنا واللي علينا وممكن ترجع للمعركه وتاخذ تفاصيلها من الرواه

ولاتنسى ان نهاية ابن رشيد على يد الملك عبد العزيز وعلى يد

الاخوان بقياده سلطان الدين بن حميد والتاريخ محفوظ ولاكن لانريد ان نتطرق للموضوع بدون مناسبه.
والتاريخ سجل في امهات الكتب ونعرف اللي لنا واللي علينا

واليوم شمر وعتيبه اخوان واكثر من الاخوان وبينهم علومن غانمه وفزعه

[بعيدالهقاوي]

سؤالك غريب وعتيبة وجميع القبايل أخوان
ونعم بشمر وجميع القبايل

[شمري وافتخر]

الاخ اليامي
السلام عليك ورحمة الله وبركاته

علاقة عتيبه وشمر علاقة اخوه ومعزه من القدم وحتي الان وانشاء الله دوم
وكذالك علاقة عتيبه بباقي القبائل الاخري
وايضا شمر تبادل القبائل الاخري نفس الحب والاخوه
فنحن ولله الحمد نفزع مع عتيبه وغيرها
وكذلك عتيبه

هذا مالدي او وضح سوالك اكثر

اذا كنت حيران الي الان

وصلي الله علي نبينا وسيدنا محمد عليه افضل الصلاة واتم التسليم

[يوسف الشمري]

السلام عليكم جميعا
موضوع جميل وانا شمري من اهل الجزيره يعني العراق ودايم كنت اسمع جدي يمح بعتيبه وابوي ويقولون انهم متشابهن بالفرسه والكرم
عتيبه وشمر واللة اني ماعمري تعرفت علي احد من عتيبه والحمد لله اني الان وسطهم بهذا المنتدي الرائع
اخوكم يوسف الشمري والنعم بجميع القبايل

[ابو ضيف الله]

بصراحه يا اليامي سؤالك في محله

وعلاقة شمر بعتيبه علاقة فوق العادية وانا وغيري نشوفها مع ان عتيبه محبوبة والحمد لله عند القبايل كلها من فضل الله والسبب في نظري انهم يتواضعون للجميع وخويهم وأن كان اجنبي دائماً عزيز بدون قصور في القبايل

وقبل اسبوع واحد من الاخوان راح يزور مريض في المستشفى ويوم جاء لقاء ان وقت الزيارة انتهى ورجل الامن يقوله معليش ما اقدر ادخلك وقام خوينا يترجاه ومن لهجته عرف رجل الامن انه عتيبي وسئله: انت عتيبي؟ فرد: نعم ثم قال رجل الامن: والله ان ما تنرد ادخل بس لا يشوفك احد وبالمناسبة رجل الامن ذا شمري....

والقصص مثل ذي كثيرة والحمد لله وعن نفسي دائم اذا تخاويت مع شمامرة وقمنا نسولف بقصص الاولين اول شي يسؤلني عنه هو محمد بن هندي - رحمه الله- من اي عتيبه؟ مدري ويش معنى بن هندي؟!!!

[المشعان]

خلوكم اذكياء

الله مو اللي يحبه يحبب خلقه فيه

شمر من غير قاصر في القبايل الاخرى مجتهدين والله عوضهم




اخوكم المشعان

[ابن دسمان]

سوال غريب ؟؟؟؟؟؟؟

[عبداللهـ]

السلام عليكم الجميع .. ومساكم الله بالخير

بصراحه يـاأخـواني يعلم الله انـي كنت أبحث عــن قصيده بقوقل .. ودخلت على موضوعكم هذا والله فجأه .. فـأستغربت من ردود بعضكم يـا أبناء عتيبه العزيزه .. لأن مع احترامي الشديد المواضيع اللي مثل هذي لايقصد منها صاحبها الا الفتنه ..

فـقبيلة شمر وقبيلة عتيبه وقبيلة عنزه .ومطير .. ويام .. وقحطان .. وجميــع القبائل .. كانت لها صولات وجولات
وكل واحد فيهم عارف قدره وعارف اللي له واللي عليه ..

ولاكن بكل صراحه ولا اريد ان اطيل عليكم استغربت من رد اخوي ولد عتيبه عندما قـال شمر لم تقف مع ابن رشيد وان عتيبه وقفت بوجه ابن رشيد ومن معه من قبايل فـما بالك لو (( عتيبه تقابل شمر لوحدها )) ...؟

يـأخي لو سمحت وتكرمت اعط كل ذي حق حقه .. لاتجحد فعايل غيرك .. انا ماألومك لان تفكيرك محتكر على قبيلتك العظيمه والعزيزه علينا جــدا عتيبه .. ولاتعرف عن القبايل الاخرى شيئا ً .. وهذا حــال اكثر الناس الان
وانا اقول عتيبه كسرت شمر في اكثر من غزوه وشمر كذالك وأظن الكل منكم يعرف الشيء هذا .. ولاكن اللي اثارني كلامك الاول ان شمر مانفعت ابن رشيد بشيء ..؟
أحب ان اذكرك يـأخي العزيز بـ ان شمر وقفت مع أبن رشيد في معركة الاشراف عندما غزوا حايل .. ومنذو ذالك اليوم سمينا ((طنايا))

وان شمر وقفت مع ابن رشيد عندما ضعف حكمه وغزى حايل ابن شعلان ومن معه من عوج الدخان فـستفزع أخو صلفا شيخ شمل الاسلم من سفوان اللتي تقع بين الكويت والعراق .. فلما اتى وطرد الغزات بـكى ابن شعلان من قهر الرجال ... لان أخو صلفا كان على خلاف شديد مع الرشيد وكان ابن شعلان غد استغل هذه الفرصه لغزو حايل .. وابن شعلان فارس وشيخ الروله و معروف ونعم فيه ولو اكتب عنه كتاب ماوفيته حقه ولاكن الحق ينقال والتاريخ يشهد


وأحــب أذكرك بمعركة الصريف وسوف اذكرها لك كامله مع الاستدلال بالقصايد لان القصيده ام السالفه حـتى تقتنع بكلامي .. ويعلم الله ماذكرت هذه الفعايل يـ اخي بالله الا عشان تقتنع وتشيل من راسك المعلومه الخاطئه

فبعد وفاة الامير محمد العبدالله ال رشيد رحمه الله ..تولى الحكم الامير عبد العزيز بن متعب ال رشيد(( الجنازه )) وقد كان نفوذ حكم ال رشيد وصل الى حدود الاحساء وحدود الحجاز وكان يشمل القصيم والجوف والرياض اما عاصمته فحائل ، والى الجنوب امتد الى ان وصل الى مايقارب 170 كم دون نجران ،،،

ويقول راكان ابن حثلين في قصيده الى محمد العبدالله ال رشيد

من باب برزان ٍ اليا باب نجران = ماهوب انا يالضيغمي ..انت اميره

وقد اقام حاكم الكويت الشيخ مبارك الصباح معاهده سريه مع الانجليز دون علم الدوله العثمانيه وقتها !!

اسباب معركة الصريف :-

1) - رغبة الشيخ مبارك السيطرة على نجد .
2) - أراد الشيخ مبارك والإنجليز أن يقلل من هيبة ونفوذ آل رشيد في الجزيرة .
3) - تأييد بعض أهالي القصيم للشيخ مبارك .
4) - رغبة الشيخ مبارك بالقضاء على إمارة الرشيد وكذلك رغبته بالقبض على يوسف آل إبراهيم .
5) - الإعتدائات على قبائل الطرفين .
6) - قيام الشيخ مبارك بقتل جماعة من تجار حايل خفية وهم خارجين من الكويت .

إستعدادات الجيشين:-

جيش حايل بقيادة الأمير عبدالعزيز بن متعب بجيش قبيلة شمر جميعها شمر نجد والجزيره، وكذلك هناك فرقة مشتركة بالجيش من أهل الرياض بقيادة الشيخ عبدالملك بن عبدالله بن عبداللطيف آل الشيخ( من أحفاد الشيخ محمد بن عبدالوهاب) وكان الجيش ليس بالكثير مقارنة بجيش ابن صباح ،،،
أرسل الأمير عبدالعزيز الرشيد مبعوثين لقاسم بن ثاني أمير قطر يطلب الدعم ، ليتزود من ميناء قطر من العثمانين بالأسلحة ، ولكن فشل في ذلك فقد قبض مبارك الصباح على المبعوثين وعرف خطة الجنازة في كيفية الدعم ، ففشلت خطته ، فقد كان موقفه صعب إذ أن موانيء الكويت وقطر مغلقة بوجهه ، والطريق إلى العراق غير آمن .
ولكن بدأ الإستعداد دون معونة أحد معتمداً على الله ثم على أهالي حايل ..

جيش الكويت بقيادة الشيخ مبارك بن صباح وكان قد قام حلف بين الشيخ مبارك والكثير من القبائل للقضاء على دولة آل رشيد، واختلف في عدد الجيش فقيل 10000آلاف وقيل 13000ألف وقيل 30000ألف.. وكان الجيش يضم الأمير عبدالرحمن بن فيصل وابنه عبدالعزيز وكذلك أمراء بريده آل مهنا وأمراء عنيزة أل سليم، وقد تزود هذا الجيش بالأسلحة من الإنجليز وهي حوالي 5000 بارود ، أما القبائل المشتركة فهي:-
الظفير: بقيادة الشيخ جعيلان بن سويط .
المنتفق: وهو عبارة عن عدة قبائل مجتمعة تحت حلف واحد ، بزعامة الشيخ سعدون باشا السعدون .
مطـير: وقد اختلف من هو شيخ مطير أثناء معركة الصريف ، فقيل الشيخ سلطان الدويش وقيل أنه الشيخ فيصل الدويش ، فاختلف في من هو شيخ مطير ولكن أغلب المؤلفين يقولون أن شيخ مطير في ذاك الوقت هو الشيخ سلطان الدويش... والله أعلم .
العجمان: بقيادة أبو كلاب الشيخ محمد بن حثلين .
بني هاجر: بقيادة ابن شافي .
المرة: بقيادة ابن شريم.
سبيع : بقيادة ظرمان بو اثنين .
السهول: يقيادة ابن جلعود.
الرولة: بقيادة ابن شعلان .
قحطان: بقيادة حشر بن وريك .
العوازم: بقيادة مبارك بن دريع .
الرشايده: بقيادة محمد بن قرنيس .
وعدد كبير وجموع من البدو اللي اشتركوا طمعاً بالغنائم .
ويقول الشاعر العزي ابن عبيد (راعي البره) عن جيش ابن صباح:-




من كل غواص وسيـب يجيبـه
وباللي يحدقون السمك زام حراب
وعريب الدار وكل من يلتجي به
وراع النفاق ومارج الدين ماغاب
وجموعة العجمان ولـي حظيبـه
مع الدويش واتلاهـم والأجنـاب
والمنتفق وإبـن شريـم ونسبيـه
وسكانت النقرة وسالم وغصـاب


خطة مبارك الصباح:-
قام الشيخ مبارك بوضع خطة للسيطرة على نجد والقضاء على إمارة الرشيد ، وكانت الخطة أن يتجه عبدالعزيز بن عبدالرحمن آل سعود إلى الرياض ، وأن يتجه آل مهنا إلى بريده وآل سليم إلى عنيزه ، وأما باقي الجيش يقاتل جيش آل رشيد .
عندما وصل الجيش إلى روضة التنهات توجه عبدالعزيز آل سعود بألف رجل لفتح الرياض، وحاصر الرياض 55 يوم يقول عبدالله فلبي(( أن عبدالعزيز اقتحم فعلاً أسوار الرياض ، ولكن أهلها التفوا حول أميرهم، وقاتلوا قتال المستميت ، حتى كسر اصبع عبدالعزيز)) وكان من أكثر المدافعين عن المدينة الشيخ محمد بن عبدالله بن عبداللطيف آل شيخ مما جعل عجلان أن يهدي الشيخ فرس ، وعندما كان الملك محاصر للرياض أتاه رسول من والده يخبره بهزيمة الجيش ويأمره بالعودة إلى الكويت .
آل مهنا وآل سليم فقد نجحوا في دخول بريده وعنيزه !!!

ليلة المعركة وصباحها:-
كان الأمير عبدالعزيز قد خيم في الصريف، وأما الشيـخ مبارك فقد خيم في الطرفية. في يوم 25 ذي القعدة وفي الليل اجتمع مبارك مع شيوخ وكبار القبائل يشاورهم بشأن الحرب ضد الرشيد.
وكان مع ابن صباح ( 27بيرق ) وارسل ألف مقاتل مع عبد العزيز بن سعود إلى الرياض وقال ابن صباح أنا معي قوة ما تقهر ونا ماقدّامي إلا ّ شمر وبجيب ابن رشيد وبوقعه على بياض وابي اذله وابقضى على دولة شمر وأيدوه الموجودين !!؟
وقال له العزي راع البره يقال انه من عتيبه .. هل تعرف ابن رشيد؟؟؟؟ قال ابن صباح ( أنا ما اعرفه اعرف عمه وآلا هو حكم من سنتين وهو شر وشرير وش يصير؟؟ قال العزي:::: يصير شي كثير لا تتعب نفسك وترسل له المراسيل تراه هو يدور عليك تراه وصلك اليوم ولا الليلة ولا ّباكر حط حراس لا يغرك المنافقين ترا ما فيهم إلا ّ من انكوا بناره وقام ابن صباح وثار عليه وقال وش ها الصباح الأقشر ) ) !!؟
كان جيش مبارك الصباح متوقعين النصر وذلك لكثرة العدد والعدة، وكان الأمير عبدالعزيز الجنازه يريد تأخير المعركة إلى اليوم التالي ، ونصحه رجل بأن يسرع بالهجوم وقال : مبارك اليوم ما له عز ولاسعه لأن البارحه ذكرى تاريخ ذبحته لأخويه محمد وجراح ...

وصف معركة الصريف:-
بدا جيش حايل يعرضون ، ويوم انتهوا من العرضه قام كل واحد يودع أخوه... هاجم عدد من الفرسان جيش ابن صباح ولكن واجههم البوارديه وبدوا بإطلاق النار عليهم فرجعوا، وأمر الأمير عبدالعزيز بأن تساق 40 ناقة من الصخريات (نياق ال رشيد) ويكون الجيش من خلفهم وقد قتل في بداية المعركه ابناء حمود العبيد ال رشيد (سالم ومهنا وماجد)رحمهم الله.... وكان الأمير عبدالعزيز متعصب بعصابة حمراء ومعه رافع البيرق ومن حوله عدد من أسرة آل رشيد .
ويوم بدأت المعركة وتقهقر جيش ابن صباح ، فهج ّ الكثير من الجيش وخاصةً البدو. ولم تستمر المعركة كثيراً حيث أن جيش ابن صباح انكسر بعد فرار الكثير من الجيش ، فانهزم الجيش هزيمه نكراء . وغنمت شمر الكثير من الغنائم.. ولدرجة ثقة جيش ابن صباح بالنصر كان غدائهم بالقدور جاهز . وللعلم أن اابن صباح حين خروجه قال للطباخين ( نبي ناصلهم وننهيهم زينو الغدا نبي نتغدا بهذا ماحنا مبطين) وهذا بسبب تيقن ابن صباح كسب المعركة لكثرة البيارق معه !!؟
وتفاجأ الطبابيخ بدخول ابن رشيد ومن معه عليهم ليتغدو غدا ابن صباح
وأبن صباح هذا هو الوحيد اللي تبقى من الصباح وما الصباح الحاليين إلا احفاده .. فر شيوخ القبايل كلهم وكلن رجع إلى ديرته ، وفر الشيخ مبارك هو وامراته إلى سدير وبالتحديد إلى الزلفي ، وركب بعير وتوجه نحو الكويت . ويرد مبارك هزيمته إلى البدو المرافقين له الذين انقلبوا عليه ونهبوا رجاله. ويروي مبارك بأن شيخ بريدة قد وصل في 400 فارس بعد أن انجلت المعركة، وأن ابن رشيد لاحقه، وشتت رجاله، وقتله، وفرض على بريدة 30000 ريال غرامة. ويدعي مبارك بأنه خسر حوالي 2000 من رجاله منهم حمود أخو الشيخ، وخليفة بن عبد الله الصباح ابن أخيه، بينما يقدر خسارة ابن رشيد بأربعمائة قتيل.

وهذه امرأه كويتيه في الكويت وصلها خبر الهزيمة من قرينيس واحد من عبيد الصباح ، وأصبحت كل الكويت أحزان فكان كل بيت فيه أحد ميت له . وهذه امرأة فقدت إبنها من أهل الكويت فرثته تقول:-




قلت آه من علم ٍ لفى بـه قرنيـس
ياليت من هو ميـت مـا درا بـه
علم ٍ لفى به مرّس القلب تمريـس
والنار عجت في الضمير التهابـه
واليوم له عن جفن عيني مراريس
والحنظل المذيـوق زاده شرابـه
نصيـت بيتـه فلـت ياقرنـيـس
وين الحبيب قـال: ماعلمنـا بـه
على الله اللي على ضمر العيـس
واليوم ما أدري أي حـب لفابـه
اخفى مع البيرق الحرب السناعيس
وإن سئل به وإلى المحادير جابـه



بعد الإنتهاء من المعركة وإنتصار شمر، تغنى الشعراء بهذا النصر الكبير...قال الأمير عبدالعزيز الجنازه لواحد من أخوياه رح لحايل وعلم الأميرحمود العبيد تراه ما ينام و بشره بالنصر وعزه بالعيال وخذ هالبيتين ، يقول الجنازه وللعلم فالامير عبد العزيز ليس شاعر ولم يقل الشعر قط ... الا مرتين .... هذه احداهن::



يا هيه يا راكب المرسـون
سلم علـى ساهـر الليلـي
قل ابن صباح وبن سعدون
وبن سعـود وبـأ الخيلـي
كسرتهم والقضي ممهـون
بعيال شمر علـى الخيلـي
اركض كما شوشة المجنون
سبحـان رب مسويـلـي



والمرة الاخرى التي قال شعرا فيها ، قبل وفاته بأيام ::



راع الجمل وده يطيح
واللي على متنه رماه
ياعيال انا مالي نطيح
مليت من تال الحيـاه



ويوم وصل الرسول للأمير حمود العبيد تألم حمود لوفاة ابناؤه لكنه فرح للنصر المتحقق فقال::




عـزاه ياقلـب مـن العـام ملهـود
ولا جت علوم الغـزو ينسـاح بالـه
وإلى أبطوا الطرشـان تلقـاه منكـود
مثل الغليـث اللـي يحسـب لياليـه
والله لـولا حبكـم يافتـى الـجـود
لا حـج بيـت الله واصلـى قبـالـه
يالله يالـلـي للمخالـيـق معـبـود
يا الواحـد اللـي كـل حـي يسألـه
تجعل سهمنـا يمـت الضـد مقيـود
بسلامـة اللـي وافيـاتٍ اخصـالـه
عبدالعزيز اللي على الحرب والكـود
يصبر كما تصبـر عرايـب جمالـه
عطـاه ربـه خـلـةٍ مـثـل داوود
ولين اقلـوب التـرك لـه وإستمالـه
من العام غزاي على خيـر وسعـود
مــا ديــرة إلا بنـايـة ظـلالـه
الله يعيـن الخيـل ويقـوي الـقـود
عليـه لا سـنـه تعـلـى رحـالـه
واللي فتق فتق وهـو كـان مسـدود
ذبح الجمـل يقطـع بـزوره شمالـه
وإن ما مضى شئ ترى الحكي مردود
انشد بريـدة وإنشـد اللـي حوالـه
واللي تمنا الحرب ماهـوب مـردود
من حربنا مـا حصـل إلا الرزالـه
تر حربنا مثل البحـر مـا بهـا زود
الغبـه اللـي موجهـا فـوق جالـه
داخلـه مفقـود وطالعـه مـولـود
مـا اهبلـك ياللـي خابـر وتعنالـه
وش عندنـا الربـع لدعيـج وحمـود
وعريـب دارٍ يـوم تطـرد اشغالـه
يقـول مالـي اجـي نجـد مقصـود
إلا الأميـر احولُـه مــن جبـالـه
وابوه ما اكبر فزتـه يافتـى الجـود
وابوه لو هـو حالمـه كيـف قالـه
هو ما درى أن اجبالنا الحمر والسود
عين على الطبـاخ فـي كـل حالـه
وابـوه مانـا خابـر يطلـب العـود
ولا عندنـا لـه قالـةٍ بـه مقـالـه
غره سلاحـه خمسـة آلاف بـارود
ومطيـر وسبيـع ويــام ٍ صيـالـه
مثل الحبوش اللي يسوقـون محمـود
وأهلكهـم البـاري بعـزة جـلالـه
نقلهم الله لين جو حـول أبـو الـدود
ومن دمهم هـاك الطغاميـس أسالـه
حامـو عليهـم بالبواريـد وفــرود
ومبـارك ٍ نـجـاه ربــه لحـالـه
ماله شبيـهٍ كـود فرعوننـا العـود
اللـي نجـا والقـوم تفـرق قبـالـه
وفرعوننا المذكـور وإبليـس العـود
أطيب منه وأذرب منـه فـي فعالـه
ما هاب من ربـه ولا خـاف منقـود
أمـه لقـع قلبـه وشمـت بخـالـه
شيبـان أخوانـه مصليـن ورقــود
في فرشهـم ذبحـوا بليلـة ٍ غيالـه
وإن كان عند أمه جنيهـات وعقـود
لزمـا ً يغولـه مثـل غولـة عيالـه
ونكس علـة قومـه بخسـرا مفقـود
ومن ذبح منهـم وخِـذ شطـر مالـه
((خلوه بكويته )) وراحوا على القود
وكل ٍزبن لـه ديـرة ٍ فـي حلالـه


ويقول كذلك مفضي السلمي:-




يالله أنك تعـز الشيـخ وتدلـه
دعوت العبد يامـولاي وتجيبـه
يوم جانى أخو مريم وربع ٍ لـه
هيّض مطير والعجمان وأجنابه
جاك شرهـٍ على حايل يبي ظله
ما درى أنه بلاد دونهـا لابـه
حايل ٍ حايل ٍ كل ٍ يبـي ظلـه
مار أبو متعب بالسيـف عيابـه
وين فيصل وشرب الكيف بالدله
ماثنى سابقه لارحم مـن جابـه
وين سعـدون ومـرده لعبـدالله
يوم حامت عليه الخيل ماشابـه



ويقول العزي بن عبيد راعي البره:-





يا مزنه غرا نشـت مـن مغيبـه
ترعد وتبرق ساقها رب الأربـاب
ترمى السخط قيدت على من تصيبه
بأركانها تسمع كما ضرب الاطواب
همت ودمـت وادلهمـت غضيـه
استثقلت باللـي لـلأرواح جـذاب
تبي الحريب اللي دنا من حريبـه
ابن صباح اللي تعرض للأسبـاب
من كل غـواص وسيـب يجيبـه
وباللي يحدقون السمك زام حراب
وعريب الدار وكل من يلتجي بـه
وراع النفاق ومارج الدين ما غاب
ومجموعة العجمان واللي حضيبـه
مع الدويـش واتلاهـم والاجنـاب
والمنتفـق وبـن شريـم ونسيبـه
وسكانة النقرة وسالـم وغصـاب




وبالأخـير اقــول لــكم يــا أعضاء منتدى الهيلا الــكرام أرجو ان لاتفهموني غلط من خلال ردي هذا وأقول لـ اخوي ولد عتيبه اعط كل ذي حق حقه ولاتظلم.. وياليت الكل مايكون محتكر أفعال قبيلته وحدها فوالله هناك فرسان لايشق لهم غبار ونفخر بهم كـعرب

واتمنى من الجميع ان لايفهمني غلط .. لاني والله ماذكرت الكلام هذا الا عشان ارسخ المعلومه لـ اخوي هداه الله ولد عتيبه


وللمــعلوميه : شمـر وعتيبه بينهم نسابات
فشمر زوجت عتيبه وعتيبه زوجت شمـر

وانا شمري وخوالي الحبرديه من روق من العتبان من سكان قرية القراره بالقصيم ومن سأل ماضاع

واتمنى انهاء هذا الموضوع من قبل المشرفين لـدرع الفتن



-----------------------------------------------------

[سطام العفار المزحمي]

للتصحيح يا أخوي اليامي ..

الغزوات أو بالأصح الحروب (لأن الهدف منها ليس كسب الغنائم ولكن تطويع عتيبة لحكم ابن رشيد) كانت بين ابن رشيد وعتيبة ..

بتقول وش الفرق ..

أنا أقول لك ..

ابن رشيد حاكم دولة ليا منه أراد الحرب ظف كل الي حوله من قبايل وحضر (من بينهم شمر) من أجل تطويع عتيبة لحكمه ويوم يغلب ويوم يغلبون ..

وبالنسبة لـ :






أولا وقبل ما اعلق عليها استغرب منك يا (((اليامي))) هذا الحماس مجهول السبب ----------------->هل هناك علاقة بين يام وشمر؟؟؟

أما بالنسبة لـ (قاضية) تدري من انتصر بداية المعركة وتدري من الي هج مع ابن رشيد لين كتب الله سبحانه وتعالى النصر على يد أبطال القصيم ..

وشكلك ما تدري عن الأنصر الي كانت بمثابة نهاية لـ "بن رشيد" وبعدها ما عنده الا تحريض القبايل على عتيبة ..

ابن حميد _ رحمه الله _ :

يا سابقي صكوا عليك القبايـــل ,,
الحضر والبدوان صاروا نحيــــة ..

قوم(ن) من العــــــارض ليا دار حايل ,,
لا قرب بهم جد ولا بهم مرحمية ..

يعني با ختصار :
ابن رشيد _ رحمه الله تعالى _ ما كان زي ابن عريعر ..
ابن عريعر ما اعزه بعد الله الا ربعه (الخوالد) ..
وابن رشيد ما أعزته شمر لكن هو الي عز شمر بالقبائل ..

وانت لك عقل وتحكم ..

دولة (من بينها شمر ) انتصرت وانهزمت امام عتيبة ..
أجل لو انها شمر لحالها ؟
يا اليامي المتحمس -----------> قل لي ليه متحمس:confused:


أما تعليقي على الموضوع الرئيس :

السبب أن عتيبة تعرف قدر شمر ..
وشمر تعرف قدر عتيبة ..

وإذا طالعت التاريخ تجد أن الند الوحيد لعتيبة هو شمر ..

وأنا احب أسألك سؤال من باب الأخذ والعطا ..

هل هناك علاقة بين يام وشمر توجب هذا الحماس و ------------------> (القاضية) ؟

أو أن السبب هو الأسماء المستعارة ..!!؟

:confused: :confused: :confused: :confused: :confused:


تقبلوا طلتي :)


والســـــــــــــــــــــــلام ,,,


ولد عتيبة الروقي

اؤيد كلامك بلكامل ولك مني عشرة على عشرة

[سطام العفار المزحمي]

السلام عليكم الجميع .. ومساكم الله بالخير

بصراحه يـاأخـواني يعلم الله انـي كنت أبحث عــن قصيده بقوقل .. ودخلت على موضوعكم هذا والله فجأه .. فـأستغربت من ردود بعضكم يـا أبناء عتيبه العزيزه .. لأن مع احترامي الشديد المواضيع اللي مثل هذي لايقصد منها صاحبها الا الفتنه ..

فـقبيلة شمر وقبيلة عتيبه وقبيلة عنزه .ومطير .. ويام .. وقحطان .. وجميــع القبائل .. كانت لها صولات وجولات
وكل واحد فيهم عارف قدره وعارف اللي له واللي عليه ..

ولاكن بكل صراحه ولا اريد ان اطيل عليكم استغربت من رد اخوي ولد عتيبه عندما قـال شمر لم تقف مع ابن رشيد وان عتيبه وقفت بوجه ابن رشيد ومن معه من قبايل فـما بالك لو (( عتيبه تقابل شمر لوحدها )) ...؟

يـأخي لو سمحت وتكرمت اعط كل ذي حق حقه .. لاتجحد فعايل غيرك .. انا ماألومك لان تفكيرك محتكر على قبيلتك العظيمه والعزيزه علينا جــدا عتيبه .. ولاتعرف عن القبايل الاخرى شيئا ً .. وهذا حــال اكثر الناس الان
وانا اقول عتيبه كسرت شمر في اكثر من غزوه وشمر كذالك وأظن الكل منكم يعرف الشيء هذا .. ولاكن اللي اثارني كلامك الاول ان شمر مانفعت ابن رشيد بشيء ..؟
أحب ان اذكرك يـأخي العزيز بـ ان شمر وقفت مع أبن رشيد في معركة الاشراف عندما غزوا حايل .. ومنذو ذالك اليوم سمينا ((طنايا))

وان شمر وقفت مع ابن رشيد عندما ضعف حكمه وغزى حايل ابن شعلان ومن معه من عوج الدخان فـستفزع أخو صلفا شيخ شمل الاسلم من سفوان اللتي تقع بين الكويت والعراق .. فلما اتى وطرد الغزات بـكى ابن شعلان من قهر الرجال ... لان أخو صلفا كان على خلاف شديد مع الرشيد وكان ابن شعلان غد استغل هذه الفرصه لغزو حايل .. وابن شعلان فارس وشيخ الروله و معروف ونعم فيه ولو اكتب عنه كتاب ماوفيته حقه ولاكن الحق ينقال والتاريخ يشهد


وأحــب أذكرك بمعركة الصريف وسوف اذكرها لك كامله مع الاستدلال بالقصايد لان القصيده ام السالفه حـتى تقتنع بكلامي .. ويعلم الله ماذكرت هذه الفعايل يـ اخي بالله الا عشان تقتنع وتشيل من راسك المعلومه الخاطئه

فبعد وفاة الامير محمد العبدالله ال رشيد رحمه الله ..تولى الحكم الامير عبد العزيز بن متعب ال رشيد(( الجنازه )) وقد كان نفوذ حكم ال رشيد وصل الى حدود الاحساء وحدود الحجاز وكان يشمل القصيم والجوف والرياض اما عاصمته فحائل ، والى الجنوب امتد الى ان وصل الى مايقارب 170 كم دون نجران ،،،

ويقول راكان ابن حثلين في قصيده الى محمد العبدالله ال رشيد

من باب برزان ٍ اليا باب نجران = ماهوب انا يالضيغمي ..انت اميره

وقد اقام حاكم الكويت الشيخ مبارك الصباح معاهده سريه مع الانجليز دون علم الدوله العثمانيه وقتها !!

اسباب معركة الصريف :-

1) - رغبة الشيخ مبارك السيطرة على نجد .
2) - أراد الشيخ مبارك والإنجليز أن يقلل من هيبة ونفوذ آل رشيد في الجزيرة .
3) - تأييد بعض أهالي القصيم للشيخ مبارك .
4) - رغبة الشيخ مبارك بالقضاء على إمارة الرشيد وكذلك رغبته بالقبض على يوسف آل إبراهيم .
5) - الإعتدائات على قبائل الطرفين .
6) - قيام الشيخ مبارك بقتل جماعة من تجار حايل خفية وهم خارجين من الكويت .

إستعدادات الجيشين:-

جيش حايل بقيادة الأمير عبدالعزيز بن متعب بجيش قبيلة شمر جميعها شمر نجد والجزيره، وكذلك هناك فرقة مشتركة بالجيش من أهل الرياض بقيادة الشيخ عبدالملك بن عبدالله بن عبداللطيف آل الشيخ( من أحفاد الشيخ محمد بن عبدالوهاب) وكان الجيش ليس بالكثير مقارنة بجيش ابن صباح ،،،
أرسل الأمير عبدالعزيز الرشيد مبعوثين لقاسم بن ثاني أمير قطر يطلب الدعم ، ليتزود من ميناء قطر من العثمانين بالأسلحة ، ولكن فشل في ذلك فقد قبض مبارك الصباح على المبعوثين وعرف خطة الجنازة في كيفية الدعم ، ففشلت خطته ، فقد كان موقفه صعب إذ أن موانيء الكويت وقطر مغلقة بوجهه ، والطريق إلى العراق غير آمن .
ولكن بدأ الإستعداد دون معونة أحد معتمداً على الله ثم على أهالي حايل ..

جيش الكويت بقيادة الشيخ مبارك بن صباح وكان قد قام حلف بين الشيخ مبارك والكثير من القبائل للقضاء على دولة آل رشيد، واختلف في عدد الجيش فقيل 10000آلاف وقيل 13000ألف وقيل 30000ألف.. وكان الجيش يضم الأمير عبدالرحمن بن فيصل وابنه عبدالعزيز وكذلك أمراء بريده آل مهنا وأمراء عنيزة أل سليم، وقد تزود هذا الجيش بالأسلحة من الإنجليز وهي حوالي 5000 بارود ، أما القبائل المشتركة فهي:-
الظفير: بقيادة الشيخ جعيلان بن سويط .
المنتفق: وهو عبارة عن عدة قبائل مجتمعة تحت حلف واحد ، بزعامة الشيخ سعدون باشا السعدون .
مطـير: وقد اختلف من هو شيخ مطير أثناء معركة الصريف ، فقيل الشيخ سلطان الدويش وقيل أنه الشيخ فيصل الدويش ، فاختلف في من هو شيخ مطير ولكن أغلب المؤلفين يقولون أن شيخ مطير في ذاك الوقت هو الشيخ سلطان الدويش... والله أعلم .
العجمان: بقيادة أبو كلاب الشيخ محمد بن حثلين .
بني هاجر: بقيادة ابن شافي .
المرة: بقيادة ابن شريم.
سبيع : بقيادة ظرمان بو اثنين .
السهول: يقيادة ابن جلعود.
الرولة: بقيادة ابن شعلان .
قحطان: بقيادة حشر بن وريك .
العوازم: بقيادة مبارك بن دريع .
الرشايده: بقيادة محمد بن قرنيس .
وعدد كبير وجموع من البدو اللي اشتركوا طمعاً بالغنائم .
ويقول الشاعر العزي ابن عبيد (راعي البره) عن جيش ابن صباح:-




من كل غواص وسيـب يجيبـه
وباللي يحدقون السمك زام حراب
وعريب الدار وكل من يلتجي به
وراع النفاق ومارج الدين ماغاب
وجموعة العجمان ولـي حظيبـه
مع الدويش واتلاهـم والأجنـاب
والمنتفق وإبـن شريـم ونسبيـه
وسكانت النقرة وسالم وغصـاب


خطة مبارك الصباح:-
قام الشيخ مبارك بوضع خطة للسيطرة على نجد والقضاء على إمارة الرشيد ، وكانت الخطة أن يتجه عبدالعزيز بن عبدالرحمن آل سعود إلى الرياض ، وأن يتجه آل مهنا إلى بريده وآل سليم إلى عنيزه ، وأما باقي الجيش يقاتل جيش آل رشيد .
عندما وصل الجيش إلى روضة التنهات توجه عبدالعزيز آل سعود بألف رجل لفتح الرياض، وحاصر الرياض 55 يوم يقول عبدالله فلبي(( أن عبدالعزيز اقتحم فعلاً أسوار الرياض ، ولكن أهلها التفوا حول أميرهم، وقاتلوا قتال المستميت ، حتى كسر اصبع عبدالعزيز)) وكان من أكثر المدافعين عن المدينة الشيخ محمد بن عبدالله بن عبداللطيف آل شيخ مما جعل عجلان أن يهدي الشيخ فرس ، وعندما كان الملك محاصر للرياض أتاه رسول من والده يخبره بهزيمة الجيش ويأمره بالعودة إلى الكويت .
آل مهنا وآل سليم فقد نجحوا في دخول بريده وعنيزه !!!

ليلة المعركة وصباحها:-
كان الأمير عبدالعزيز قد خيم في الصريف، وأما الشيـخ مبارك فقد خيم في الطرفية. في يوم 25 ذي القعدة وفي الليل اجتمع مبارك مع شيوخ وكبار القبائل يشاورهم بشأن الحرب ضد الرشيد.
وكان مع ابن صباح ( 27بيرق ) وارسل ألف مقاتل مع عبد العزيز بن سعود إلى الرياض وقال ابن صباح أنا معي قوة ما تقهر ونا ماقدّامي إلا ّ شمر وبجيب ابن رشيد وبوقعه على بياض وابي اذله وابقضى على دولة شمر وأيدوه الموجودين !!؟
وقال له العزي راع البره يقال انه من عتيبه .. هل تعرف ابن رشيد؟؟؟؟ قال ابن صباح ( أنا ما اعرفه اعرف عمه وآلا هو حكم من سنتين وهو شر وشرير وش يصير؟؟ قال العزي:::: يصير شي كثير لا تتعب نفسك وترسل له المراسيل تراه هو يدور عليك تراه وصلك اليوم ولا الليلة ولا ّباكر حط حراس لا يغرك المنافقين ترا ما فيهم إلا ّ من انكوا بناره وقام ابن صباح وثار عليه وقال وش ها الصباح الأقشر ) ) !!؟
كان جيش مبارك الصباح متوقعين النصر وذلك لكثرة العدد والعدة، وكان الأمير عبدالعزيز الجنازه يريد تأخير المعركة إلى اليوم التالي ، ونصحه رجل بأن يسرع بالهجوم وقال : مبارك اليوم ما له عز ولاسعه لأن البارحه ذكرى تاريخ ذبحته لأخويه محمد وجراح ...

وصف معركة الصريف:-
بدا جيش حايل يعرضون ، ويوم انتهوا من العرضه قام كل واحد يودع أخوه... هاجم عدد من الفرسان جيش ابن صباح ولكن واجههم البوارديه وبدوا بإطلاق النار عليهم فرجعوا، وأمر الأمير عبدالعزيز بأن تساق 40 ناقة من الصخريات (نياق ال رشيد) ويكون الجيش من خلفهم وقد قتل في بداية المعركه ابناء حمود العبيد ال رشيد (سالم ومهنا وماجد)رحمهم الله.... وكان الأمير عبدالعزيز متعصب بعصابة حمراء ومعه رافع البيرق ومن حوله عدد من أسرة آل رشيد .
ويوم بدأت المعركة وتقهقر جيش ابن صباح ، فهج ّ الكثير من الجيش وخاصةً البدو. ولم تستمر المعركة كثيراً حيث أن جيش ابن صباح انكسر بعد فرار الكثير من الجيش ، فانهزم الجيش هزيمه نكراء . وغنمت شمر الكثير من الغنائم.. ولدرجة ثقة جيش ابن صباح بالنصر كان غدائهم بالقدور جاهز . وللعلم أن اابن صباح حين خروجه قال للطباخين ( نبي ناصلهم وننهيهم زينو الغدا نبي نتغدا بهذا ماحنا مبطين) وهذا بسبب تيقن ابن صباح كسب المعركة لكثرة البيارق معه !!؟
وتفاجأ الطبابيخ بدخول ابن رشيد ومن معه عليهم ليتغدو غدا ابن صباح
وأبن صباح هذا هو الوحيد اللي تبقى من الصباح وما الصباح الحاليين إلا احفاده .. فر شيوخ القبايل كلهم وكلن رجع إلى ديرته ، وفر الشيخ مبارك هو وامراته إلى سدير وبالتحديد إلى الزلفي ، وركب بعير وتوجه نحو الكويت . ويرد مبارك هزيمته إلى البدو المرافقين له الذين انقلبوا عليه ونهبوا رجاله. ويروي مبارك بأن شيخ بريدة قد وصل في 400 فارس بعد أن انجلت المعركة، وأن ابن رشيد لاحقه، وشتت رجاله، وقتله، وفرض على بريدة 30000 ريال غرامة. ويدعي مبارك بأنه خسر حوالي 2000 من رجاله منهم حمود أخو الشيخ، وخليفة بن عبد الله الصباح ابن أخيه، بينما يقدر خسارة ابن رشيد بأربعمائة قتيل.

وهذه امرأه كويتيه في الكويت وصلها خبر الهزيمة من قرينيس واحد من عبيد الصباح ، وأصبحت كل الكويت أحزان فكان كل بيت فيه أحد ميت له . وهذه امرأة فقدت إبنها من أهل الكويت فرثته تقول:-




قلت آه من علم ٍ لفى بـه قرنيـس
ياليت من هو ميـت مـا درا بـه
علم ٍ لفى به مرّس القلب تمريـس
والنار عجت في الضمير التهابـه
واليوم له عن جفن عيني مراريس
والحنظل المذيـوق زاده شرابـه
نصيـت بيتـه فلـت ياقرنـيـس
وين الحبيب قـال: ماعلمنـا بـه
على الله اللي على ضمر العيـس
واليوم ما أدري أي حـب لفابـه
اخفى مع البيرق الحرب السناعيس
وإن سئل به وإلى المحادير جابـه



بعد الإنتهاء من المعركة وإنتصار شمر، تغنى الشعراء بهذا النصر الكبير...قال الأمير عبدالعزيز الجنازه لواحد من أخوياه رح لحايل وعلم الأميرحمود العبيد تراه ما ينام و بشره بالنصر وعزه بالعيال وخذ هالبيتين ، يقول الجنازه وللعلم فالامير عبد العزيز ليس شاعر ولم يقل الشعر قط ... الا مرتين .... هذه احداهن::



يا هيه يا راكب المرسـون
سلم علـى ساهـر الليلـي
قل ابن صباح وبن سعدون
وبن سعـود وبـأ الخيلـي
كسرتهم والقضي ممهـون
بعيال شمر علـى الخيلـي
اركض كما شوشة المجنون
سبحـان رب مسويـلـي



والمرة الاخرى التي قال شعرا فيها ، قبل وفاته بأيام ::



راع الجمل وده يطيح
واللي على متنه رماه
ياعيال انا مالي نطيح
مليت من تال الحيـاه



ويوم وصل الرسول للأمير حمود العبيد تألم حمود لوفاة ابناؤه لكنه فرح للنصر المتحقق فقال::




عـزاه ياقلـب مـن العـام ملهـود
ولا جت علوم الغـزو ينسـاح بالـه
وإلى أبطوا الطرشـان تلقـاه منكـود
مثل الغليـث اللـي يحسـب لياليـه
والله لـولا حبكـم يافتـى الـجـود
لا حـج بيـت الله واصلـى قبـالـه
يالله يالـلـي للمخالـيـق معـبـود
يا الواحـد اللـي كـل حـي يسألـه
تجعل سهمنـا يمـت الضـد مقيـود
بسلامـة اللـي وافيـاتٍ اخصـالـه
عبدالعزيز اللي على الحرب والكـود
يصبر كما تصبـر عرايـب جمالـه
عطـاه ربـه خـلـةٍ مـثـل داوود
ولين اقلـوب التـرك لـه وإستمالـه
من العام غزاي على خيـر وسعـود
مــا ديــرة إلا بنـايـة ظـلالـه
الله يعيـن الخيـل ويقـوي الـقـود
عليـه لا سـنـه تعـلـى رحـالـه
واللي فتق فتق وهـو كـان مسـدود
ذبح الجمـل يقطـع بـزوره شمالـه
وإن ما مضى شئ ترى الحكي مردود
انشد بريـدة وإنشـد اللـي حوالـه
واللي تمنا الحرب ماهـوب مـردود
من حربنا مـا حصـل إلا الرزالـه
تر حربنا مثل البحـر مـا بهـا زود
الغبـه اللـي موجهـا فـوق جالـه
داخلـه مفقـود وطالعـه مـولـود
مـا اهبلـك ياللـي خابـر وتعنالـه
وش عندنـا الربـع لدعيـج وحمـود
وعريـب دارٍ يـوم تطـرد اشغالـه
يقـول مالـي اجـي نجـد مقصـود
إلا الأميـر احولُـه مــن جبـالـه
وابوه ما اكبر فزتـه يافتـى الجـود
وابوه لو هـو حالمـه كيـف قالـه
هو ما درى أن اجبالنا الحمر والسود
عين على الطبـاخ فـي كـل حالـه
وابـوه مانـا خابـر يطلـب العـود
ولا عندنـا لـه قالـةٍ بـه مقـالـه
غره سلاحـه خمسـة آلاف بـارود
ومطيـر وسبيـع ويــام ٍ صيـالـه
مثل الحبوش اللي يسوقـون محمـود
وأهلكهـم البـاري بعـزة جـلالـه
نقلهم الله لين جو حـول أبـو الـدود
ومن دمهم هـاك الطغاميـس أسالـه
حامـو عليهـم بالبواريـد وفــرود
ومبـارك ٍ نـجـاه ربــه لحـالـه
ماله شبيـهٍ كـود فرعوننـا العـود
اللـي نجـا والقـوم تفـرق قبـالـه
وفرعوننا المذكـور وإبليـس العـود
أطيب منه وأذرب منـه فـي فعالـه
ما هاب من ربـه ولا خـاف منقـود
أمـه لقـع قلبـه وشمـت بخـالـه
شيبـان أخوانـه مصليـن ورقــود
في فرشهـم ذبحـوا بليلـة ٍ غيالـه
وإن كان عند أمه جنيهـات وعقـود
لزمـا ً يغولـه مثـل غولـة عيالـه
ونكس علـة قومـه بخسـرا مفقـود
ومن ذبح منهـم وخِـذ شطـر مالـه
((خلوه بكويته )) وراحوا على القود
وكل ٍزبن لـه ديـرة ٍ فـي حلالـه


ويقول كذلك مفضي السلمي:-




يالله أنك تعـز الشيـخ وتدلـه
دعوت العبد يامـولاي وتجيبـه
يوم جانى أخو مريم وربع ٍ لـه
هيّض مطير والعجمان وأجنابه
جاك شرهـٍ على حايل يبي ظله
ما درى أنه بلاد دونهـا لابـه
حايل ٍ حايل ٍ كل ٍ يبـي ظلـه
مار أبو متعب بالسيـف عيابـه
وين فيصل وشرب الكيف بالدله
ماثنى سابقه لارحم مـن جابـه
وين سعـدون ومـرده لعبـدالله
يوم حامت عليه الخيل ماشابـه



ويقول العزي بن عبيد راعي البره:-





يا مزنه غرا نشـت مـن مغيبـه
ترعد وتبرق ساقها رب الأربـاب
ترمى السخط قيدت على من تصيبه
بأركانها تسمع كما ضرب الاطواب
همت ودمـت وادلهمـت غضيـه
استثقلت باللـي لـلأرواح جـذاب
تبي الحريب اللي دنا من حريبـه
ابن صباح اللي تعرض للأسبـاب
من كل غـواص وسيـب يجيبـه
وباللي يحدقون السمك زام حراب
وعريب الدار وكل من يلتجي بـه
وراع النفاق ومارج الدين ما غاب
ومجموعة العجمان واللي حضيبـه
مع الدويـش واتلاهـم والاجنـاب
والمنتفـق وبـن شريـم ونسيبـه
وسكانة النقرة وسالـم وغصـاب




وبالأخـير اقــول لــكم يــا أعضاء منتدى الهيلا الــكرام أرجو ان لاتفهموني غلط من خلال ردي هذا وأقول لـ اخوي ولد عتيبه اعط كل ذي حق حقه ولاتظلم.. وياليت الكل مايكون محتكر أفعال قبيلته وحدها فوالله هناك فرسان لايشق لهم غبار ونفخر بهم كـعرب

واتمنى من الجميع ان لايفهمني غلط .. لاني والله ماذكرت الكلام هذا الا عشان ارسخ المعلومه لـ اخوي هداه الله ولد عتيبه


وللمــعلوميه : شمـر وعتيبه بينهم نسابات
فشمر زوجت عتيبه وعتيبه زوجت شمـر

وانا شمري وخوالي الحبرديه من روق من العتبان من سكان قرية القراره بالقصيم ومن سأل ماضاع

واتمنى انهاء هذا الموضوع من قبل المشرفين لـدرع الفتن



-----------------------------------------------------

والله ثم والله والسبعة انعام فيك وبشمر وتاريخ شمر واضح ومعروف وعندما شفت موضوعك كامل عجبت فيك الدفاع عن قبيلتك وولد عتيبة انت فهمتة غلط ياعبدالله هو قصدة ان مادرات حرب بين عتيبة وشمر قبيلة لقبيلة بل كانت بين ابن رشيد واهل القصيم والمجمعة وغيرة من القبائل ضد عتيبة ومرحبا فيك يالشمري وكلنا اخوان وكل واحد فينا يفتخر بالاخر
اعجبني بيت الجنازة الي يقول فية راع الجمل وده يطيح
واللي على متنه رماه
ياعيال انا مالي نطيح
مليت من تال الحيـاه

[عبداللهـ]

يـاهلا والله بـ أخوي سطام . ونعم فيك وفي الجميع ... أخـوي ردي هذا أنـا لاأسميه دفاع عن قبيلتي فالحمد لله كلن عارف مقداره

أخوي سطام انا مافهمت كلام أخوي ولد عتيبه غلط .. لا بالعكس انا فسرت كلمه قالها .. وفهمتها بتفسيري

كلمته اللي قالها

دولة (من بينها شمر ) انتصرت وانهزمت امام عتيبة ..
أجل لو انها شمر لحالها ؟


أجل لو انها شمر لحالها <--< هذي يـ اخوي سطام فيها الكثير الكثير

المهـم وانا اخوك بداية الموضوع كان سؤال عن سبب العلاقه اللي بين القبيلتين

ولا ودنا نغير مسار الموضوع

والعذر والسمووحه منكم الجـميع .. ويـعلم الله معزتكم ياعتيبه العالم بها الله يالخـوال

[إستراحة محارب]

عتيبة وشمر اخوان بالدين

وعتيبة ليسوا اخوان شمر فقط بل اخوان كل المسلمين

عينوا يالربع ما ابي أتدخل

[إستراحة محارب]

رجائي الخاص يالهيلا التزموا الهدوء

هذا ضيفكم

حياك الله يا ابن الطنايا

[عون بن عون]

هدو


عينو خير يا الربع



....

[عبدالرحمن الهيلوم]

يـاهلا والله بـ أخوي سطام . ونعم فيك وفي الجميع ... أخـوي ردي هذا أنـا لاأسميه دفاع عن قبيلتي فالحمد لله كلن عارف مقداره

أخوي سطام انا مافهمت كلام أخوي ولد عتيبه غلط .. لا بالعكس انا فسرت كلمه قالها .. وفهمتها بتفسيري

كلمته اللي قالها

دولة (من بينها شمر ) انتصرت وانهزمت امام عتيبة ..
أجل لو انها شمر لحالها ؟


أجل لو انها شمر لحالها <--< هذي يـ اخوي سطام فيها الكثير الكثير

المهـم وانا اخوك بداية الموضوع كان سؤال عن سبب العلاقه اللي بين القبيلتين

ولا ودنا نغير مسار الموضوع

والعذر والسمووحه منكم الجـميع .. ويـعلم الله معزتكم ياعتيبه العالم بها الله يالخـوال






حقك علينا يالغالي

وانت عزيز وربي ومن ناس معزتهم في صميم القلوب



وبعض الاخوه يجتهد فقط

وشمر تاريخه ماتغطيه الشمس


ونعم مليار ماتكفي الطنايا

[عفارالأسعدي]

السلام عليكم


الحقيقه السؤال غريب اخوي اليامي هذا اذا انت يامي

ويام قبيله عزيزه على عتيبه ونعم القبيله


وعتيبه وشمر وعنزه بالشمال لهم تواجد ومناطق هجر


وفخذ الاساعده من عتيبه متواجدين في مناطق الشمال

مثال مدينة بقعا بمنطقة حايل اغلبها عتبان من قبيلة الاساعده

ومنطقة الجوف ودومة الجندل وعرعر

وفي تقارب كبير بينهم


هذا سبب من الاسباب ولا عتيبه تعز كل القبايل بدون استثناء

والطيب محبوب لوه كردي


اشاره ،،،،،،،،،،

كل القبايل لها تاريخ وامجاد وكلن حسب الوزن مثل الارصده بالبنوك

بس هذي ارصده غير ارصدة الورق هذي ارصده بنيت على جماجم الرجال

ولايجحد تاريخ القبايل وامجادها وفعولها الا الانسان القاصر

وعتيبه لها تاريخ متميز مع القبايل ومشرف وهذا من نعم الله على

عتيبه وهوازنيتها

ولاهانت قبايل الجزيره كلها


اخوي عبدالله



ماله شبيـهٍ كـود فرعوننـا العـود
اللـي نجـا والقـوم تفـرق قبـالـه
وفرعوننا المذكـور وإبليـس العـود
أطيب منه وأذرب منـه فـي فعالـه




بيض الله وجهك وتطمن مايصح فى منتدى الهيلا الا الصحيح



وهالبيتين يعنك انها بيتين




تحيااااااااااااااااااااتي عفاااااااااااااااااااااااار الاسعدي

[سطام العفار المزحمي]

الاخ عبدالله يعلم الله اني احترم شمر ولكن حبيت اوضح لك بعض الامور
الي ذكرة ولد عتيبة فقط

وانت اخوي عبدالله جعلتة تاريخي

المهم العلاقة بين شمر وعتيبة ليست قوية فحسب بل اقوى من القوية ولله الحمد والمنه والفضل كمثل باقي القبائل العربية

ونرحب فيك ويامرحبا مليون فيك
وهذا ايميلي للتوضيح اكثر
alroge-2009@hotmail.com

المهم سعيد بشوفتك في منتدى الهيلا

[الوافي 2008]

تسلم يايامي على كلاامك ,,

والقبايل كلها عند شمر اخوان بس عتيبة حسابهم غير وصراحة احسهم مقاربين لقبيلتنا

وبالنسبة لي كل مضر غالين وعزيزين لقربهم للرسول ,, عتيبة وسبيع وتميم وخاصة بني تميم لثناء الرسول عليهم


واهديك قصيدة عبدالرحمن عادل في الشيخ بن حميد



http://www.youtube.com/watch?v=4YdamgtegXE

تسلم يالغالي وانت وربعك بني يام غالين

والسلام

[مطر العبدلي المطيري]

ونعم عتيبه وشمر انساب من اقرب قبائل لبعضهم

[عيد السميري]

الاخ ابن يام للمعلومية ان العتبان يكنون ليام هامة همدان الحب والتقدير لما تمثله يام من الانفة والشجاعة وحماية الجار والخوي ولما تمثله يام من النخوة العربية الأصيلة التي لم يخالطها طبائع الأعاجم من الفرس والروم وغيرهم من الأعراق.

الكثير من الاخوان تطرقوا للإسباب التي تحبب عتيبة بشمر والعكس .
لكن الحقيقة التي ربما غفل عنها بعض الاخوان . وهي موثقة ومتوارثة لأبناء الجزيرة العربية .

عتيبة القبيلة الوحيدة التي لم تتحالف مع اي من القبائل لحرب قبيلة اخرى . بينما كانت القبائل في الجزيرة العربية تتحالف فيما بينهم لشن حروب ومناخات تزلزل الارض وتدك الجبال لهولها وعظمها ضد قبيلة عتيبة (طلال _نطاق -الرشا-الرحى وهي معارك لاتقل ضراوة من معارك الفتح الاسلامي )ولكن مع ذلك لم تتضعضع قيد انملة عن مبادئها (وثلاثها البيض ) التي حافظت عليها على مدى قرون قبل النبوءة .فثبتت وغلبت وغُلبت فما اسرعهم في الكر والانجبار بعد الكسر في عنفوان وظفر ومنعه .

يقول احد المؤرخين ان ابن رشيد اغار على عتيبة (47 مرة) ومن كان مع بن رشيد من قبائل حرب ومطير وعنزة والظفير وغيرهم ولكن ثبتت عتيبة ولم ترضخ لولاية ابن رشيد ومع ذلك يكن ابناء القبيلة لشمر والطيبين والشجعان من القبائل الاخرى التقدير والاحترام دون الانتقاص . اخيراً ابن يام سوف اورد لك مانشأ عليه ابناء القبيلتين بالوراثة وهو قول الخليفة الراشد عمر ابن الخطاب رضي الله عنه لقادة الفتح الاسلامي وذوي الرأي والمشورة (يقول ابوحفص ( اوصيكم بالأعراب خيرا فإنهم اصل العرب ومادتهم )

فهذه المحبة نعتبرها من الدين مع شمر وغيرها من قبائل العرب الذين نفخر بهم في شمال المملكة او جنوبها او في انحاء المعمورة.

[الازهر]

لاعلم لدي

ولا ازود على الاخوان ومداخلاتهم

[الشمري حائل]

ماشاء الله تبارك الله ..

[جبل شمر2]

1000000 نعم بعتيبة ويام وكل الطيبين.

[الحسيب]

فيه أحد مايحب عتيبه ..

والله انا نحبهم ونغليهم ونعزهم

ويستاهلون بفعلهم الطيب ..

[العضياني العتيبي]

شمر فيه عتيبي مايحبهم حنا ياعتابة نحب شمر غير شيء من الله الئلب ومايعشئ عموما ياصبي يام عتابة معروفتن عند العرب والعجم والترك مثال يعرفون عتابة زين مازين وهنتاك مسألة ان عدواة عتيبة لييت مع شمر بل مع ابن رشيد الذي جمع القبايل علئ عتابة ولا الشمامرة حبهم من سالف الزمن مع العتبان ولابينا عداوة اذكر رحنا للشمال شله معنا قبايل عده المهم ونلقئ شمامره ونتعرف علاهم وينشدونا وش انتم وعاد كلن جاب اصله يوم قلنا حنا عتبان ونلقنا الترحيب والتقدير اكثر من اللي معنا فالتقدير متبادل بينا من غير قصور بالقبايل الثانيه

[ذيب الشلاوى]

مافيها شي ياليامي ونعم بجميع القبايل كلنا اخوان في قوله تعالى : (وجعلنا بينكم شعوبا و قبائل لتعارفو )

[عزارم]

الطيب ينحب وين ماكان ياطيب

[نافع]

انا اعرف قبائل كثيرة تحب عتيبة اكثر من غيرها حتى لو بينهم مشاكل وشكاوى تلقاهم يقولون والله
لا جت للصحيح عتيبة ونعم واجيبها من الآخر عتيبة اكثر نخوة وكرم من غيرهم