قصيدتي في ربعي الدغالبه ..

[تركي نايف القبع]

صخرت عوب القاف يا منيف تصخير=شبيت ناري في لواهيب ناره
شرده على صوتي مصاغيرهن ضير=تلفتن لي جلهن والحواره
وصعقت باعلى الصوت هيبه وتشهير=والشعر غصب استاق ندّر خياره
اليا حجب شمسه عجاج ومعاصير=بشّر ولد نايف ودوك البشاره
ارسي كما ترسي جموع الطوابير=اليا احتمت للهوش في وجه غاره
قلته وانا جدي يفك المكاسير=بهاك النهار اللي يروع سماره
شال الصويب اللي عضامه شعاثير= عقب ادبحو علمٍ نحب اختصاره
بيومن عليهم نوّ شرّه محادير=مصلف مراكيضه وماطول نهاره
منه الحرار الشقر تاقع مخامير=وتشرب ظماها غبن علقم مراره
الشعر سبكه سبك معنى وتفسير=مهوب ملك عقود قرض وعماره
ماقسموه شيوخ نجد المناعير=ياللي تبي تاخذ قسومه غياره
مايلحقه لوم الرخوم المعاثير=اللي تعزوا عند هيّا وساره
بلجت طيره للعشاء حزة عصير=حرٍ جزيل الصيد ياخذ كباره
طلعه بعيد وحدم في تلة السير=جبر الصوايد والنواظر شراره
كنّه خزام اللي يفك المصاغير=اليا حدوهن بين ريع وزباره
مقدام قومٍ للمعادي مناحير=من فوق شقرٍ نابيات الفقاره
مروين حدّ مرهفات البواتير=مضرابهن يدميه قلب وسطاره
من دون سرفات البكار المغاتير= كم(ن) عقيدن وسدوه القراره
كم فارسن خلّي عشا الذيب والطير=وداست على راسه حوافر مهاره
على ظهور القب مثل المسامير=في حذفنا للروس فن وشطاره
لاخصامنا قاسين مثل الشناكير=وكسيرنا ماتنفع ابه الجباره
وابوارديه بامهات المعايير=مضرابهن في الضيق نضبط عياره
تلقابنا الهزعاء ورود ومصادير=اليا نشب في الحلق محكم زراره
نرعى بها الوسمي ونبت المخاضير=اللي تهاب القوم ترعى خضاره
بخزام فكاك العطّف والمظاهير=بيومن عجاجه زامي(ن) دون قاره
مدوا عليه السبر طلع النواظير=وفي الضعينه شاف المعدي دماره
خيلن مقابيلن وخيلن مدابير=وكّد بشوفه للمجاويخ غاره
ثم اعتلينا فوق قبٍ مضامير=وصفرن وغاشيها الحمار بشقاره
خيل الصييفي بالعزاوي مزابير=وحموله الغلبا سبيع النماره
وفي معتلجهن طاح زبن المخاسير=دمه نثر فدعوس صافي حماره
وشالوه ابن سلوم ربعن مناعير=السيف منهم ضاريٍ بانتصاره
وغنابنا بيتين فينا مشاهير=منها رفعنا عقب ذله وقاره
قول عليه شهود ماهوب تزوير=يكسر برميه للهدف كل شاره
مالفقوها مذهبين المداوير=مضمونها وقّع نجاح اختباره
سبعه وعشرين معنونه بتقصير=اللي خذيناها قلايع خياره
يشهد بها فراج والسر والنير=للي يبا منا نرد اعتباره
وجبنا الاصايل وسط روضن على بير=ابها يبشر كل قرمن بشاره
وجانا من الحاكم رسايل وتنذير=ابن رشيد الخيل تاصل لداره
وعيا خزام يطيع للشور ويشير=شيخن براسه في المعاند دجاره
قولت بدا تقصر طوال المشاوير=ماترتخي روسن وفيها نعاره
تمت عدد برقٍ مزونه مناثير=ماطر خياله راكدٍ في مساره


الشاعر / تركي بن نايف القبع الدغيلبي

[الامير حريبيش]

وعيا خزام يطيـع للشـور ويشيـر *****شيخن براسه فـي المعانـد نعـاره
ونعم في خزام فارس عتيبه وونعم فيك و في الاد النعيري

[ماركيز]

من دون سرفات البكـار المغاتيـر
كـم(ن) عقيـدن وسـدوه القـراره
كم فارسن خلّي عشا الذيب والطيـر
وداست على راسه حوافـر مهـاره

والله وستين نعم في الدغالبه .. حربة عتابه ..

وصح لسانك وبيض الله وجهك ..

تحياتي ..

[مرزوق حمدان العتيبي]

...
.
وجبنا الاصايل وسط روضن على بير
ابهـا يبشـر كـل قرمـن بشـاره
وجانا من الحاكـم رسايـل وتنذيـر
ابن رشيـد الخيـل تاصـل لـداره
وعيا خزام يطيـع للشـور ويشيـر
شيخن براسه فـي المعانـد نعـاره

...
اشهد بالله انك عديت الصدق يابو نايف
ونعم فيك وفي جدك .. وفي راع البويضا خزام
والاد النعيري ربعك وفالهيلا على وجه العموم ..
... شامخه تستحق التثبيت ...
....

[نايف العبيد العتيبي]

اي وَالله يَامَرزوق ...

أشْهَد بِالله إنهَا تِستَاهِل اَلْتَثبيْت


صَحْ لِسَانك يَابو نَايف وَلاهِنت


وَنِعم فِيْك يَاحَيي وَبجدّك


دُمْتَ بِود

[نايف الحميدي]

حيه وحي ماجابه


ابونايف شهادتي فيك مجروحه


قصيده ولا اروع جزله من جزل


ولايستغرب عليك القصيد الجزل وانت من بيت شعر وبيت طيب

الله لايهينك على هالقصيده


اخوك

[الجوراسي]

اقتباس من حبيب العازمي
>>>>>


ياحي العزوة اللي مايبي تمجيدها تفكير=يعزون الغناوي والضعيف مع وخياته


<<<<<<<<<<<<


والله وسبعين نعم بربعنا الدغالبة

[ناصر الدغيلبي]

السلام عليكم ورحمة الله وبركاته صح لسانك ابو نايف الله يعطيك العافيه
ونتظر منك المزيد

[أبوناصر القبع]

السلام عليكم ورحمة الله وبركاته


صح لسانك يا القبع

ونعم فيك وفي الدغالبة وعتيبة الهيلا



أبو نايف كفيت وفيت ولا استغربها فيك وأنت من بيت شعار وفرسان

[طـــــــــلمس]

بوبيض الله وجهك على القصيده الرائعه