فتل ونقض ........... فتل ونقض

[رجا بن فهيد الهاجري]

السلام عليكم ورحمة الله وبركاته

بحاول بقدر المستطاع بهذا الموضوع اعرض اكثر عدد من الابيات اللي فيها فتل ونقض لاكثر من شاعر وتكون بشكل يومي باذن الله


واتمنى ان يحوز على رضاكم

وراح تكون بيتين بيتين




يقوول صـــــــــيـــــــــــاف





ياشلويح صك الباب عن كل ريحه - قبل تشتب نارن ما يكمل حطبها

يفرح الضيف يوم اطيح راس الذبيحه - وان كلى من لحمها ما التفت فى عصبها



رد شلـــــويـــح بن شلاح



لو نصحت العرب ما تستمع لنصيحه = وكل سلعه يسنع دربها اللي جلبها

وانت ياشعيل تبرك لو فوق الصفيحه = يوم بعض الجمال اتخاف تجرح ركبها

[رجا بن فهيد الهاجري]

المحاوره هذى حصلت فى الجهراء في (الكويت)

وسمع رشيد الزلامي بوجود الشاعر شلويح المطيري

وكان موجه له دعوه ولما حضر لم يجد شلويح لعب مع شاعر

مطيري وكان رشيد متفوق على الشاعر المطيري ومشى عليه رشيد ابيات كثيره ... راحو مطير لياتو بشلويح وكان وقتها لا يريد اللعب وبعد ما اصرو المطران بقدوم شلويح حضر الملعبه وقال




شلويح

سلام الله بقافن يمنع المسلم عن المسلم = يحل المشكله والطيبه للي يدورها

وانا الليله لقيت المشكلة مابين خال وعم = قبيله مع قبيله مانبي تكثر خسايرها



رشيد الزلامي

الا يامرحبا ترحيبتن مثل العسل والسم = تفسرها وغيرك ناس ما تقدر تفسرها

انا متهوم في راس الجمل وانته بعد متهم - لكن اللوحه اللي في قفا موترك غيرها

[رجا بن فهيد الهاجري]

الــــمــــســــعـــــودي

نهاية يوم ذي الحجه بداية يوم من عاشـور = هـلا يامرحبـا والمملكـه باحلـى لياليهـا

انا ماهمني فالوقت لا مطلـق ولا مستـور = مركبها على قمـة جبـل وتهـز رجليهـا



مــــــطــــــلـــــــق

انا اشوف المدافع فالمحاجي والفرود اتثـور = يدوم الك البقا وانته جملها وانـت راعيهـا

تقوله وانت محني في يديه حنيـة الباكـور = وانا اللي من قديم الوقت طابخها وشاويهـا



الــــمــــســــعـــــودي


عينت الشايب اللي لقمته ماوصلت الحنجور = فضيحه لن تفلها وان بلعهـا سمهـا فيهـا

منول ياذهبنا كنت في صندوقنـا مصـرور = وذلحينـه تشالتـك الحرامـيـه باياديـهـا


مــــــطــــــلـــــــق

عينت الطرقي اللي شق قدرة شعلة الدافـور = لياجاتـه ضيـوف الله يـزري لا يعشيهـا

انا ماني بشايل لي عصاة راسهـا مشقـور = لكـن التاجـر اللـي جابهـا لازم يوديهـا

[رجا بن فهيد الهاجري]

الــــــــــمســـــــــعـــــــــودي

ياخيال وبروق ورعود مسموعه * لكن مايشرب الطير من ماهـا

ما فالسنه حب خوخ ورماني * والحال مايسمـن الا مـن الـزادي

مجنون ليلى سقى الرمل بدموعه * عشرين ليلـه وليلـه مايلقاهـا

البطن جيعان والطرف سهراني * والراس مرشوش بالورد والكادي



مـــــــــــســـــــــــــتــــــور العـــصيمي

كلٍ جوابه على قيس موضوعه * واللي كتبهـا عـرف كيـف يقراهـا

انا على الدرب محدٍ تعداني * احرص من ابـرص وبـادي ورا بـادي

الضحك بالضحك والحرب بدروعه * واللي على البال مدري وش اطراها

جاكم نبـا مـن سبـا ياسليماني=اوحيـت مرسولـه ايصيـح وينـادي

[الكينج]

بسم الله الرحمن الرحيم
السلام عليكم ورحمة الله وبركاته
شكرااااا يـــــــــ ابو زيد تقبل مروري

[مرزوق حمدان العتيبي]

انا متهوم في راس الجمل وانته بعد متهم - لكن اللوحه اللي في قفا موترك غيرها

يامرحبا يابو زيد .... >>>> طال وقته وهو ينتظر التوصيه هههه
اشهد بالله شهاده مافيها مجامله انك ذووق بهالاختيارات الرهيبه ..
...
بيض الله وجهك وننتظر مثلها ..
اخوك ...

[رجا بن فهيد الهاجري]

ارحب بالكينج ومرورك اسعدني


===

ارحب ارحب يامرزوق

[عبدالله هادي ناشي الفليت.]

مشكوووووور
ولااااااااااهنت

[العفريت]

ابو زيد بيض الله وجهك

[رجا بن فهيد الهاجري]

عبدالله بن هادي يامرحبا وشرفني مرورك




====


العفريت ووجهك طال عمرك

والله لايهينك واسعدني مرورك

[رجا بن فهيد الهاجري]

صـــــــــــيــــــــــــــــاف


يا مرحبا واللي حضر يقلط على سمن و سمين**وان جاب كلمه طيبه يقدّم ويفتح بابها

رشيـــد بن زيد الزلامي صاحبي هـــاك السنين**واليوم يغدرني بغفله ماحسبت احسابها





الـــــــــــــــــــــزلامــــــــــــــــــ ـي

يا مرحبا يا طيبٍ تعـــرف حقـــوق الطيبين**اوقف على حيلك وشب النار يا شبابها

واشلون اسوي لك حراسه من يسار ومن يمين**خايف على صياف من بقعا ومن مشعابها



صـــــــــــيــــــــــــــــاف

ما انته مشكك في الحروب وذاك خشم وذاك عين**لكن لا تزعلني من الدعوى وانا طلابها

دارت رحـاكم مـره وحنـــا رحـانا مــرتــين**واللي ما يسمع صوتها تطحن ولا يدرابها



الـــــــــــــــــــــزلامــــــــــــــــــ ـي


اللي مخلينا نشكك فيك با القلب المتين**وسوس لك الشيطان تشتال العرب بترابها

هاك السنه اتحث شيخك والعرب لك مخلصين**واليوم لا في روضه المسجد ولا محرابها

[رجا بن فهيد الهاجري]

عبدالله بن شايق


ياقشـر بيـت العنكـبـوت خـيـوط = وبيوتـنـا فــي نـجـد مبـنـيـه

راحـت ثمـود وقـوم عـاد ولــوط = ذنـوبـهـم عـبــره الاهــيــه




الرياحي


مايقـعـد الا العـاجـز الـمـربـوط = مـربـوط لاهـــذي ولا هـذيــه

وان رحت صـوب القاهـر واصيـوط =تجيـب لـك مـن مصـر مصـريـه




ابن شايق

العبـد فـي خـده ثـلاث شـخـوط = ويـحــد سـيـفـه للحـرامـيـه

والـي تعركـش راسـه الممـشـوط = يـخـاطـب الـعـالـم بجنـبـيـه



الرياحي

الغصـن يومـي والـورق مـخـروط = عــارض ذعـاذيــع اليمـانـيـه

شّكـر تـرى زاد العشـاء مصفـوط = والناجحـه تسبـق عـلـى النـيـه

[رجا بن فهيد الهاجري]

حبيب العازمي
الشرع يحكم والشهود اثنيـن = وغير الثنيـن اثنيـن حلافـه

وراك يامطلـق تلـد العيـن = وش شفت قدم الذيب وخلافه


مطلق الثبيتي


مالك ورانـا ياحبيـب ديـن = والشرع ثابت فـوق ميقافـه

ماشفت قدم الذيب غير الزين = واللي يطرف فالخـلا حافـه



حبيب العازمي

خليت الاردن يالشريف حسين = والخوف في جوفه وفطرافـه

سلم العرب وقت القسى والين = كل ن علاه ايضفـي الحافـه





مطلق الثبيتـي

الله ياحسبـي علـى الاثنيـن = كل ن يصج السمع غطرافـه

الموتر اللي صانعه فالصيـن = اعمى عيون النـاس كشافـه

[شاعرخطير]

لاهنت يا بو زيد

[رجا بن فهيد الهاجري]

هذى قصه معروفه تكلم عنها رشيد الزلامي

وهي محاوره بينه وبين صياف وكان يقصد ابو جميل

دكتور من حرب تهجم على شعراء المحاوره وقال انهم يسيئون

الى الشعر الفصيح وكانت في ندوه وفيها اكثر من دكتور

وهذى المحاوره كانت في الجنادريه اعتقد ولعب الزلامي على

هذا الموضوع وبما ان الدكتور كان حربي وابن عم صياف :) :)


ويقول الــــزلامـــــــــي


سلامي ها السلام اللي خفيف ٍ دمّه

معه جنسية ويبغى له جواز سعودي



مشكلة صياف صارت بين ابوه وعمّه

والسبب ناس ٍ تدق الملح والبارودي







الـــــــــحـــــــــربـــــــــي صياف




مرحبا بالشاعر اللي ما قدرت آذمّه

الليالي ما تغيّر والزمان ايعـودي

الزلامي معه علم وكل شي ايهمّـه

مير لو يزعل تغيّره الليال السودي







الـــــــــــــزلامــــــــــــــي



كيف تدلي بالشهادة يـا كبيـر الذمّـه

وأنت ما شب الك ضوّك غير قدح زنودي

صرت مثل اللي كبر وانكر لبن ديس امّه

والعرب فالصيف تعرف عدها المارودي






الـــــــــحـــــــــربـــــــــي

العلوم اللي تحط النـاس راس القمّـه

حبلها من يمكم يا صاحبـي معقـودي

ثوبك اللي ما ينوش الأرض غير ابكمّه

نزله للجمرة اللي فوق راس العـودي







الـــــــــــــزلامــــــــــــــي



ودي اكشف غلطتك للعالـم الملتمّـه

أنت حربياً تطالبني بـورث اجـدودي

يا محبين العقـال ومنكريـن العمّـه

خصمكم في الآخرة عبد الله المسعودي :D










الـــــــــحـــــــــربـــــــــي



أنتم رجال الشرف وعظامكم منسمّه

أعبروا ذاك الطريق وحملكم مشدودي

أنت ما تدري عن البارود لين اتشمّه

مير لا ترمي بها فالوادي المسدودي

[رجا بن فهيد الهاجري]

مطلق الثبيتي


ترا عقل البني آدم يا حمد الناصر سواة القيـد=يخلي السر دايم صرة في الجيب مصـروره


نسيت الفقه والتوحيـد والتفسيـر والتجويـد=بعد عودت معهم كـل يـوم تلعـب الكـوره



احمد الناصر


تهرج يالثبيتي انت ابـو مـا تشتهـي وتريـد=وليا ضيعت دربك نزهدك في راس باكـوره


تكايدني واناخا بـرك رجـال تحـب الكيـد=جوازك للسفر ما فيـه توقيـع ولا صـوره



مطلق الثبيتي


عطوك البندقية مار ياجعلـك تصيـد الصيـد=لها روحين صار البندقة ما هيـب ممهـوره


يجيبون الـدوا للعـود يبونـه يصيـر وليـد=وليا شافوه يعرج بين اهل رابـغ ومستـوره




احمد الناصر


تشوف اللي قريبه يالثبيتي مـا تشـوف بعيـد=سواة التاجر اللي في البحر غرقـان بابـوره


اظن الفقع جنبه شجرة الرقروق بالتأكيـد=ولو ما تحسن اللحية لقيت البيـض منثـوره

[رجا بن فهيد الهاجري]

مـصـلــح بــــن عــيــاد
ياطبيب الجرح منته خبيـرٍ فـي دواه = وأنت في دفترك مليون سيـه وحسنـه
ياجبل ورقان مأهتز منك ولا حصـاه = سير مضمونٍ حسابـه وسيـرٍ ندهنـه



عـبــدالله بــــن عـتـقــان
أسلمي ماتقبله لو ماشي فـي سـراه؟؟ = وشلوي وألا عـلاوه سريـع أتعينـه
البلكه والحجر تختلـف عنـد البنـاه = الحجر صعب الكسـر والبلكـه هينـه



مـصـلــح بــــن عــيــاد
أدخل المسجد ليا قـال حيـا للصـلاه = وأضبط التوقيت وأحفر لسرك وأدفنـه
لا تعاين فوق وجهك على كـم العبـاه = لا تحنحن صاحبك مايحـب الحنحنـه





عـبــدالله بــــن عـتـقــان
ماتركنا فرض ربي ولا حنـا عصـاه = خاف ربك وأعرف أسليم والظن أحسنه
ياولد عياد ذيب الفـلا يجـزي عـواه = لا تدندن صاحبـك مايحـب الدندنـه

[فلاح الهاجري]

بيض الله وجهك

[نواف العصيمي]

يعطيك العافيه ..وبيض الله وجهك

يشرفني متابعت موضوعك دوماً

ولك التقدير والإحترام

..

[رجا بن فهيد الهاجري]

شاعر خطير مرحبابك ولاهنت على المشاركه

فلاح الهاجري ونواف العصيمي


الله لا يهينكم يشرفني تواجدكم

[رجا بن فهيد الهاجري]

في هذى الابيات مطلق الثبيتي يتوجد على غياب الشاعر شلويح المطيري

بعد اعلن اعتزاله لعب المحاوره وفي البيت الثاني كان واضح المعنى لشاعر مطلق

وقاااال

الثبيتي

لا يا وجودك على السجه بحره سليم = اللي تروع عقاربها وديبانها

وانا وجودي على شوف الرفيق القديم = اللي ليا جا يقود الجيش برسانها



واعجبني للامانه رد ابومشعاب وقال

ابو مشعاب السلمي


أمن امس وانته هنيا يالثبيتي مقيم = اترفع الخيمه البيضه بعمدانها


اعلم ترا ماش غيري ياثبيتي غريم = اصبر على نار عوض الله ودخانها

[رجا بن فهيد الهاجري]

السناني

يالرياحي مابقى ضحك سن وهز رؤوس= دنت الساعه وكلاً سمع دناتها

وش تحرى بعد قلع الثنايا والضروس= إنزل الميدان وإللي برأسك هاتها


الرياحي

يالسناني كل واحد يدورله عروس = ماتزين الحاجه إلا على حزاتها

قرّب إذنك وإفهم الدرس والدنيا دروس = وإحتزم والطايره ولعت لنباتها



السناني
أشهد إن الطيبه تندفع فيها الفلوس = مير رؤوس القوم ماأحدٍ كسب مرضاتها

باقيٍ عشرين ساعه على اليوم العبوس = يمكن أحيا الناس تبغى تزور أمواتها



الرياحي

لاتحسف والله أنجاك من حرب البسوس = صلت أمك وإدعت والسبب دعواتها

مابقي إلايوم يومين وتطيب النفوس = ثم أذكيها وأسمي على مذكاتها

[رجا بن فهيد الهاجري]

ملفي الشلاحي :

ياضيوفٍ حضرتوا يسعد الله مساكم = كل ضيفٍ نبي نأخذ حمايض علومه



الزلامي يحسب انه على الشعر حاكم = ما درى إنّا على الشعار مثل الحكومة



الزلامي :

كان فيها تحدي فارقونا وراكم = عارفين القمر والليل نحسب نجومه



ياعرب مالحقنا شك في مستواكم = مير ياليت حضن الضلع يلزم بقومه




ملفي الشلاحي :

ياعتيبة زعلكم ما يباعد رضاكم = من يحب التحدي ما تردى عزومه

ياوسيع البنايد ما رضينا خطاكم = وادري ان المطيري ما فرحت بقدومه


الزلامي :

شرنا مانعينه وان طلبتوه جاكم = مير خلوا لحاكم غالية ومحشومة

امتحنتوا عتيبة هالسنة وش بلاكم = والمراجل بحر واللي يعومه يعومه

[رجا بن فهيد الهاجري]

هذى محاوره قديمه لشاعر حارثي ما يحضرني اسمه

ولكن اعرف سالفته وهو كان في كل حفلة تقام فى الكويت

يحضر لها ويحاول ان يلعب مع شلويح المطيري

وكل ما حب انه يلعب مع شلويح قاله اجلس ياورع


لين مره من المرات صار عندهم حفل ودعو شلويح

وقام الولد يبي يطلب شلويح وقاله اجلس يورع

قال الحفل حفلنا ان بغيت تلعب ولا اجلس انت


قال عندي المبدا ولا عندك ... قال شلويح عندي


بدا شلويح وقال


مرحبا ياحصيني طامعٍ له فى ذيب = والحصاني توجد مع لغابيبها

بس ابعطيك تمره وطاسه حليب = في وسط غرفه مسكرتن دولايبها


قال الحارثي

منته بذيبٍ ولا انته من كلامك قريب = ارنبن رابضه والله بلاني بها

خذ نصيحه مجرب خل عنك الطبيب = شوف كرشك كبيره من مضاريبها


وضحك شلويح وعرف ان هذا الورع شاعر وله مستقبل

ولكن للاسف ذهب للحرب 73 وفقد ولا يعلمون عنه اي شيء لحد الان

[رجا بن فهيد الهاجري]

حبيّب:

يارشيد انت امتكبر مـا تمـر ولا نمـرك
ما تنازل غير مرّه واحده ماعرف سببهـا


السفينه مبحره في البحر والموج ايتحرّك
وان غفل عنها الدريول دفّها الموج وقلبها



الزلامي:

خايفٍ من مرّةٍ يالشاعر الناشي تضرّك
خل الين اتشد رأس المرجله والا ذنبها


والله انك يا حبيّب لو تكافي الناس شرّك
اعتقد ما ضاقت الديره ولا شدّو عربها



حبيّب:

الزمان اللي ضحك لك بالثنايا لا يغـرك
ثم تحسب انّك تخطّم قبلها وانت اتعقبها


والله اني يالزلامي محتسي حلوك ومّرك
نعنبوها لحيةٍ ما تحتمي ما قف شنبهـا



الزلامي:

يا حبيّب ما تبا منـا بريـره لـو نبـرّك
طامعاَ في خزنة الدنيا تبا تسرق ذهبهـا


انت لو تمسك طريقك والعواصف ما تفرّك
كان ذبّحت الرجال اللـي مثنيـةٍ ركبهـا

[رجا بن فهيد الهاجري]

مطلق

يالعصيمي معاشك من بنوك اليمامة000 ولا انا من بنوك الله يجيني معاشي

جبت ستين شيخ وكل شيخ بعمامه0000 جعلهم عند نو بارقه في المناشي




مستور
وانت رزقك تجيبه من جحلط تهامة000 مزنة من مطرها مالحقنا رشاشي

اطلب الله يامطلق في طريق السلامة00 لاانت قاطع نصيب ولا انت خادم بلاشي

[رجا بن فهيد الهاجري]

ملفي الشلاحي :

سلطان لو يشتكي ماني بشاكـي لاحـد = مطية القـوم ثـارت وقطعـت قيدهـا

العام في المحكمة سلطان قـام وشهـد= شهـادةٍ مـا عرفنـا وش مقاصيدهـا


الهاجري :
شهادتي فيـك مجروحـة ولا تعتمـد= الوقت قفـى بعنترهـا وابـو زيدهـا

اليا عقدنا العقـد منهوو يحـل العقـد= كثرت علوم البدو من كثـر ترديدهـا


الشلاحي :

ان كان تشهد شهادة زور مـا تنحسـد= يا عاقل البدو ياللـي صايـرٍ سيدهـا
كنت احسب انك على نية وراعي جلد= وشلـون تحلـف بديـن الله وتعيدهـا

الهاجري :

كان المجامل يبا ينفعـك انـا مستعـد = تابـع فواتيـر جـوالـي وتسديـدهـا

العام الاول وصوتك مثل صوت الرعد = واليوم يالاجـودي زعلـت اجاويدهـا

[فلاح الهاجري]

مبدع في هذا الموضوع وتستحق الشكر عليه وانا انتضر مشركاتك

[لماح]

مشكووووور يا أبو زيد ..


وفعلا موضوعك اكثر من رائع ..

اتمنى مواصلة الأبداع ..



واعلم ان أتحرى مشاركاتك الجديده .. بفارغ الصبر ..


يا ليت مثل موضوعك مئة موضوع !!



وشكرا .,.,.,.,.,.,

[رجا بن فهيد الهاجري]

يامرحبا بالجميع والله لايهينكم يافلاح ويا لماح والله ودنا نستفيد لا اكثر ولا اقل

واعتبروها اجتهادات مني واهم شي ان الموضوع يحوز على رضا الجميع


واسمحولنا على القصور اخوكم ابوزيد

[رجا بن فهيد الهاجري]

الـــــزلامـــــي

على خيرة الله جيت اعلم واريـد علـوم
واخيّـل سحابـه يجهـر العيـن بارقهـا

وانا اشوف بالقمه تكاشف سبـور القـوم
خلـف يجمـع القوات مطلـق يفرقهـا

...................

الــثــبــيــتـــي

عسى خير ياطيرٍ علينـا كسـرت الحـوم
نبـا نعـرف الساعـه ونحسـب دقايقهـا

انا ما اعرف الظالم وانا ما اعرف المظلوم
ولا شفت نور الشمس من يـم مشرقهـا

.......................

الـــــزلامـــــي

غزيت امس يامطلق وحنا غزينـا اليـوم
لكنـك تسابـق كـل غـزوه وتسبقـهـا

وانا لو ابيح بسر فـي خاطـري مكتـوم
أظنـك تشـب النـار والنـاس تحرقهـا
........................

الــثــبــيــتـــي

ليا مـات منكـم واحـدٍ قلـت يامرحـوم
ومـن يسـرق العربـان لابـد نسرقهـا

تراك البلا والشـر يالفيـل أبـو زلّـوم
تسـوق المطيـه ليـن ذابـت مطارقهـا

[العفريت]

ابو زيد بيض الله وجهك على الموضوع المميز وانا متابع معك
الله يبارك فيك يالغالي

[رجا بن فهيد الهاجري]

حبيب

يا هجوس العازمي حضّري وإبليس مات =الليالي بيض والعيد بين أيامها

وأنت يا راعي المطية ترى ما فات فات =سوقها يمّ السنع والسنع قدامها


مصلح

يا عيون الحارثي حِقـّيَ الرميَ الثبات =البلاجيك القصيرة نقلت احزامها

يا عتيبي لو تكلم على السبع اللغات =ما يرفّ اعن الرياجيل غير اوهامها



حبيب

والله اني ما اسقي الخصم من سكر نبات =دام رجليني على الأرض تمشي اقدامها


الشلاوى فكروا يصنعون المعجــــزات =والنتيجة كل صفحة تجف أقلامها



مصلح

الشلاوى سلموكم سلاح وطايرات =والنتيجة غابت الطايرة واعلامها


هيه ياللي تحسبنّك على شط الفرات =يبكي المومن على ليلة ما صامها

[fahad8088]

لاهنت على النقل

[علوم النشاما]

ابو زيد الله يعطيك العافيه

وعيدك سعيد

[رجا بن فهيد الهاجري]

رشيد الزلامي :

ماقدر أمزح مع القرقاح مزحٍ كثير == بعطيه قرضت ملـح يسريبهـا



فلاح القرقاح :

الزلامي بعض الاحيان شاعر خطير =في ضميره هجوساً عاويـاً ذيبهـا


رشيد الزلامي :

سامع لي كلام وكل شيٍ يصيـر = مير ما علم على الدنيا ولا غيبها


أمس شافوك مابين البحر والغدير = اشعل النار والحقها مشاهيبها



فلاح القرقاح :


ما يعيش الكلام ان كان مات الضمير = فيـه حاجـه مانـدري وشنسويبهـا


فيك طبع الحصان وفيك طبع البعيـر = الاصحاب ما تصخي فاصحاحيبها

[رجا بن فهيد الهاجري]

عـــــــــبــــــــــدالله الــمسعودي

ماتاكـل السكـيـن غـيـر ام القـريـن = واللـي بـدون ديــوس مافيـهـا لـبـا

ياثلـب يالـلـي لاهـديـر ولا حنـيـن = تقـبـل وتقـفـي والحـمـول مصلـبـا

صـــــــــيـــــــــاف

لعلـهـا صـيـده لـقـوم سـارحـيـن = اهيـه شبـت والا ولـده الـلـي شـبـا

ماهـو بنـا اللـي يعتـرض للغاشمـيـن = مـن يـوم شفـت العلـم عـنـي جنـبـا


عـــــــــبــــــــــدالله

شبيـت نـار الكيـف فــوق الدلتـيـن = واسقيتـك الفنجـال مـن كـفـي جـبـا

صيـاف مثـل الشمـس بــن الفيتـيـن = مـدري ولـد منسـوب والا مـن سـبـا


صـــــــــيـــــــــاف

ارفــع دلالــك للـرجـال الغايبـيـن = مالـي بهـا عـازه ومنهـا مـا اقـربـا

مثـل البحـر ياصاحبـي ترطـن رطيـن = وانــا سـلاحـي بالـزهـاب مزهـبـا

[رجا بن فهيد الهاجري]

هذى محاوره راح اكتبها كامله

اولن المحاوره كامله ماحصلتها فى اي منتدى وراح تكون حصريا لمنتدى الهيلا

واعتبر هذا الطاروق من الطواريق النادره بين ... عبدالله المسعودي رحمه الله .... وجارالله السواط .. وكلهم شعار ومن فحول المحاوره


حسب مافهمت من هذى المحاوره وسمعت عنها

ان المسعودي حضر لحفل فى الحجاز والحفل كان في حاره

وكان هناك بنت تطل عليهم من بين البيوت تستمع لهذى المحاوره

وكان مغزا المسعودي هذى البنت لانه شافها والله اعلم هذا حسب فهمي


لما قال

عيني تخيل أصحابها اللي حيث ما حلو تحيل = لدو لها ياسواط والا مابعد لدو لها


لو مات مفتون الهوا في ربة الطرف الكحيل = ما عاد يسمع كلمة المعروف لين اتقولها


ورد السواط


أن خيلت عينك جميع أصحابها خلك ثقيل= والارض مترها وقيس عرضها من طولها


ان مات مفتون الهوا مايلتقى مثله مثيل = لا تحرق الطبخه ونكرها ونكره دولها



المسعودي


انته توصيني نسيت اني هذيلي من هذيل = الناس عارفها واخاطبها بقد اعقولها


عسى هذا يخبر هذا بكره محن اصحاب فيل = مير انت بينت الحقيقه قبل يمضي حولها




السواط

أنا عتيبي من عتيبه من رياجيل الدليل = صورتك لن رحت المصور لايغرك زولها


الليله الليله نبي نكسيك بثياب النبيل = والشمس تبدي والخبر يبدي ولو اتقولها


المسعودي


رجلن يدس الما عن الضميان اقول انه بخيل = وارضي عليها الغيث يمطر ما تسيل اسيولها


لو كلت زاده مايخلص عنك يا تمر النخيل = والقوم ماتتعب على شوك الكداد اخيولها



السواط

ما نشرب الا من زبيده جمها ماهو قليل = تشرب منه طليان بربر لو تهز اذيولها

اهل المغازي لان غزو ما تحتزم بام الجديل = يليت بعض الناس ماكان ارسلت مرسولها


المسعودي

اطلع ليا راس الجبل وانزل ليا بطن المسيل = وام الكباير لا تداني زينها بحثولها

الطبع غالب لتطبع كيف اغير مستحيل = الناس طلعت للقمر ومطبله بطبولها


السواط

اطلع على سطح القمر ياطرقيٍ عابر سبيل = انته بفعلك والنشاما بينات افعولها


يا سايق الموتر على هونك ترا ليلك طويل = حاسب على سيارتك بطلوعها وانزولها


المسعودي


ودي بخيل ابلا سروج ولا سروج بدون خيل = لاتحرم الاجواد من زواد لين اتنولها


تراك يابن الناس فيك احساس واشعورن نبيل = والمشكله كبرة عليك ولا عرفت احلولها

[رجا بن فهيد الهاجري]

ابو مشعاب

مرحبا والمسلم الصادق جزاه الجنه = قالها اللي يعرف المصدار والميرادي
لا تضن بضن في مسلم بري(ن) منه = خل قلبك يا الثبيتي في مكانه هادي

مطلق الثبيتي :

علم الضميان لا يرجي مزون الكنه = لو يلوحن البروق ويرعد الرعادي
وان حصل منها رشاش(ن) ما يبل الشنه = المطر ماهو مطر حتى يسيل الوادي

ابو مشعاب :

ما علي من الشقاوي لو يحرق بنه = الفهيم فهيم قلبه والجماد جمادي
المخايل يا ثبيتي كل دار اسقنه = مير لا تجحد ربيع بلادكم وبلادي

الثبيتي
انت لو خاويتنا بين الذرا والعنه = كان جبنا الزبده اللي تيدم الاجوادي
مير اثرك اللي ليا نادوه جر الونه = قال انا راسي يجودني وفكري غادي

[رجا بن فهيد الهاجري]

مرحبا بالجميع ويشرفني تواجدكم و كل من يتابع هذا الموضوع

[رجا بن فهيد الهاجري]

ابومشعاب

صياف جاب النا الفرس يبغاني اعطيه البعير = وسليم ما تقبل حمير الناس سد جمالها

هذى رحايلكم من اول مدة الوقت العسير = الحومها ماتنوكل وديوسها لعيالها

صياف

الخيل من فريسها ولا انت راسك مستدير = وان كان ماتعرف ركوب الخيل انا خيالها

هذى رحايلنا تسد النوب فى الوقت القصير= وانته ماتعرفها ولا تعرف تشد رحالها


ابومشعاب

استاق عيرك لا يضلي عندنا ينفر نفير = يزعج بوابير البحور اللي تشيل اثقالها

اثر الحمير اشكال شي منها كبير وشي صغير = وهذى فصيله قبل لا جتنا ولا جينى لها

صياف
اسليم اثرهم ما يعرفون الخيول امن الحمير = ما يعرفون الا الجمال بقيدها وعقالها

بكره عباد الله يسمونك عمى وانته بصير = واللي ماتدري عن ركوب الخيل واعزالها

ابومشعاب

هذى عطايا الله كبار الروس فى الصحراء تسير = اليا بغينا نقطع الفرجه نمس حبالها

منها البكار اللي لبنها يجبر العظم الكسير = ماهي رحايل مانعرف الوانها واشكالها

صياف

اتعلم الشايب لكنك يا عوض الله غرير = الناس حطت في خيول الحرب روس اموالها

هذى ليا صاح المصيح فاول الفزعه تغير = ماهي سوات ابعيرك اللي حالته يرثالها

[رجا بن فهيد الهاجري]

الــــــمـــــــســـــــعـــــــودي }
ياسـلامـي عـلــى الـلــي طـــال عـنــي غـيـابـه = والمغـيـبـه بـــدون اســبــاب فـيـهــا وفـيـهــا

صـاحــب مشـلـحـه ضـافــي وغـاطــي ثـيـابــه = لا حــــرارة ســمــوم ولا غــبـــار يـجـيـهــا

{ الـــــــجـــــــبـــــــرتـــــــي }
مـرحـبــا يـارفــيــق جـابــنــا الله وجــابـــه = كـــل مــاجــات بـيـعــه غـالـيــه يشـتـريـهـا

يــوم احـضــر كـتـابـي غـــاب عـنــي كـتـابـه = فـــي لـيــالآ يـحـضــرون الـريـاجـيـل فـيـهــا

{ الــــــمـــــــســـــــعـــــــودي }
مامـعـي شــك فـــي خـنــدف ولا فـــي شـبـابـه = وإن مـشــت ماهـجـرنـا راسـهــا فـــي يـديـهــا

كــم عـقــولآ ماتـعـطـي كـــل شـــي حـسـابـه = تـعـرف الـلــي لـهــا مـاتـعـرف الـلــي علـيـهـا


{ الـــــــجـــــــبـــــــرتـــــــي }
مــاش عــود يـشـيـب ويغـتـنـي عـــن شـبـابـه = والـولـد يـذكــر الـلــي قـلــب عـــوده نسـيـهـا

انـــت هـايــب وحـنــا الـلــي لـنــا مانـهـابـه = وان هـبـطـنـا نــبــي مـقـضـاتـنـا نقـتـضـيـهـا


{ الــــــمـــــــســـــــعـــــــودي }
ماعـيـنـت الفـقـيـه الــلــي قـريـتــو حـجـابــه = مـــن حـــروف كـتـبـهـا واحــــدآ مـاقـريـهـا

مـاتـطـول الـمـراجـل فـــي يــديــن الـعـصـابـه = والـفـراشـه ماتـقـطـع جـــوع مـــن يشـتـويـهـا