قصيده في الشيخ معجب بن نافل بن محيا

[داهية عتيبة]

القصيده للشاعر عبدالله بن جريذي الدلبحي موجهه للشيخ معجب بن نافل بن محيا
::::::::::::::::::::::::::
ياسعود في معجب نضمت القصيده :::: في مدح معجب ماعليه منـــاقيد

أليــــا مدحته بالعــــلوم الوكيـــده :::: تمرض ولا تبرى قلوب الحواسيد

الطيــــب نحـــريبه ونمــــدح قنيده :::: نبا نــــعد مــواجه الطيب ونزيد

ياســـعود سيـــرنا لـــهاك الوليده :::: ألــــي على بيته قلطنا تــــراديد

قرمــــن قدوم الضيف ريفه وعيده :::: مايدهله غـــير الرجال الصناديد

في مجلسه من كل نـــاس وبديده ::::: روس الرجال ألي تقود المقاليد

يــــدورهم بنن دلالــــــه جـــديده ::::: والعود الأزرق في يدين الأواليد

للضيف والعاني عسا الله يزيده ::::: الله يخلي عروة للأجاويد

الطيب ما يضوي على من يريده :::::::: دونه يعجزون الرجال البواليد

من لاتعب للطيب مدرك بعيده :::::::: ولاكل من يتعب ينول المقاصيد

الطيب محد(ن) عايفه لايفيده :::::::: لكن مال الطيب ماد وتحاديد

يقدر عليه ألي حباله جويده ::::::: ألي مثل معجب طلوعه مسانيد

مورثه براك مدحـــــــه وجيده :::: من ربعتن مسترفد المدح والجيد

مـــن ربعتن شبو بنجد الوقيده ::::::: مايشربون ألا قراح القراهيد

جده على موته تباشر عبيدة :::::::: ألي بقو عقب الدفينه ملاهيد

كم من صباح فلسه من عقيده :::::::: شمر على فعل المحيا شواهيد

لو راح ماعقب عيال وشريده ::::::: والله لتبكي روق فوقه صراميد
وسلاااااااااااااااامتكم

[((الدلبحي))]

اخوي داهية عتيبه
تسلم على القصيده الجزله لشاعرنا المعروف عبدالله بن جريذي
وابن محيا يستاهل
اخوي داهية عتيبه صح السانك والسان الشاعر عبدالله ونتمنى ان تواصلنا بآخر قصائده
واتمنى التوفيق للجميع

[وصل العطياني؟؟؟]

اخوي داهية عتيبه


تسلم







وصح لسااااان القائل






ولك مني التحية
.

[متعب المحيا]

صح لسانك ياداهية عتيبه وصح لسان الشاعر الدلبحي

تستاهل اكثر من كذا يامعجب ونعم باهل الحرداء

[محب الهيلا]

مشكور وماقصرت

[ابراهيم الزراقي]

داهية عتيبه الله يعطيك العاااااااافيه ولاهنت ويستاهل معجب ابن محيا والله يبارك فيه ويحفضه للحناتيش ولعتيبه كافه

[رجَال]

وهل يخفى معجب أبن نافل أبن محيا
قصيدة تستقر على صدر السمو
قصيدة من زمن الصهيل

صح لسان أبن جريذي
داهية عتيبة عسى يمينك ما يجيها العوق


موجود يا معجب ولا أنته بمفقود=راسك رفيع من الوفا والحميا
يا سيف روق، وريف من جاك مضهود=يا الشامخ اللي فوق نجم الثريا