تسجيل الدخول

مشاهدة النسخة كاملة : رديه بين تركي بن حميد ومحمد بن هادي

طرقي
04-Aug-2003, 04:45 PM
هذا الموضوع يختلف عن جميع المواضيع هذه رديه بين الاميرين تركي بن حميد(امير قبيله عتيبه) ومحمد بن هادي (امير قبيله القحاطين) وكتبت هذه الرديه لكي تشاهدون التصوير الجميل والتحدي من قبل الامير تركي بن حميد
والتصدي من قبل الامير محمد بن هادي


فيقول الامير تركي بن حميد

ياراكب اللي مايداني الصفيري
*********************************هميلعٍ من نقوة الهجن سرساح
امه نعامه واضربوها بعيري
********************************جا مشبهاني على خف وجناح
عليه خرجٍ من سلوك الحريري
*******************************وسفايفه مثل الغرابين طفاح
يسرح من الطايف ويمسي البصيري
*******************************والسوق والبصره دهجهن بمرواح
مزهبك ياراعيه تمر ومضيري
******************************واحذر تشب النار يجفل من الظاح
واليا ورد يشرب ثمانين بيري
******************************غرافهن تسعين ودليهن ماح
رجليه بالحره وصدره يسيري
*****************************ويشرب براسه من على جمة رماح
ياويش هو شيٍ طويلٍ قصيري
*****************************يسبق زعاجيل الهوا يو تنداح


فرد الامير محمد بن هادي

ياتركي بن حميد وش ذا البعيري
**********************************ماتجلبونه كان تبغون الارباح
لاعاد له خف وجناح يصيري
*******************************انا اذكر الله راكبه كيف ماطاح
انا لقيت الكذب في كل اميري
******************************وياحلو كذب مرويةعلط الارماح
كيف النعامه نوخت للبعيري
*****************************اقول ذا كذبٍ على الناس فضاح


وهذه الرديه عميقه في المعنى يااهل المعنى وبعيده كل البعد عن النعامه والبعير والبيب هو الي يحللها

واتمنى ان تعجبكم
وتقبلوا تحيات اخوكم
(((((((((((((((((((طرقي))))))))))))))))
ابن مشيب
05-Aug-2003, 02:26 AM
مشكور ياخوي الطرقي , والله لايهينك على هذة القصائد بين الشيخين الكبيرين.
طرقي
05-Aug-2003, 03:08 AM
العفو يابن مشيب ويعطيك العافيه على الزياره
ddsn ss
05-Aug-2003, 05:29 PM
بعدي والله يالطرقي

وتسلم على هالمشاركه وننتظر منك ماهو جديد ومفيد

تقبل تحيات اخوووووك/ ددسن

ddsn ss
طرقي
05-Aug-2003, 05:49 PM
مشكور والله يسلمك ياددسن

والله يقدم الي فيه خير

خوووووووووك
((((((((((((((طرقي))))))))))))))