المضياف الحقيقي والمخيم الرسمي

[راع الصفراء]

بسم الله الرحمن الرحيم

أبناء قبيلتي الغاليه ( عتيبه الهيلا )

السلام عليكم ورحمة الله وبركاته

أولاً اسأل الله عز وجل ان يقبل منا ومنكم الصيام والقيام

وألف مبروك لأبناء القبيله هذا الملتقى الرائع المشرف

وأسأل الله القدير له النجاح والتوفيق وإعانة القائمين عليه

ولا يعني تعدد مخيمات ابناء قبائل عتيبه شي ,, غير أنه محطة استراحة

لأفراد القبيلة ويستضيفون فيه ضيوفهم واصدقائهم من القبائل الأخرى فقط لاغير

والمعنى ان المضياف الحقيقي والمخيم الرسمي وجميع النشاطات

هو مقر الحفل وميدان التعارف ملتقى عتيبه

نتمنى زياتكم و يا مرحباااااااااااا تراحيب المطر في

(((((((((((( مـخـيـم الـقـسـاسـمـه )))))))))))))

من ثالث ايام العيد الى نهاية الحفل الختامي

والله يحييكم في محلكم .. والله يحييكم في محلات ربعي العتبان

( ضيف الكرااااااااااااااااااااام يـعـزم )


تقبلوا تحياتي


اخوكم / ابو راكان القسامي

[نفيعي وحيد]

الف شكر ابو راكان على الدعوه

ومليون نعم بربعنا القساسمه وعساكم على القوه

[مخلد بن ماشع]

كفوا يالقساسمه

قدها وقدود

وانتم اهلها


ويعطيك الف عافية اخوي ابو راكان على الدعوة الطيبة






تحياتي

[ابو علي]

جعل هذا طبعكم وحنا ان شاءالله من ربعكم
وعساكم على القوه...

[أبوسنون العطاوي]

راع الصفرا ابوراكان القسامي مخيمكم على عز وكرامه
لاكن لابد لكم بزيارة مخيم ذوي عطيه فمن حقنا عليكم تجون وتشرفون المحل الله لايهينك انت وجماعتك القساسمه

[البااااز]

الله يبارك فيكم ياربعنا وعساكم على القوه وفالكم العلم الغانم.

[غازي البقعاوي]

تسلم والله
وسبعة انعام بالقساسمه
وعساكم على القوه ، وعسى الله يعيننا لتغطية
مخيمات عتيبه بالزيارات والسلام
عساكم على العز والمعزه دوم.

[راع الصفراء]

نفيعي وحيد / ماعليك زود والله يحييك

مخلد آل مبارك / تسلم يالغالي والله يحييك

ابو علي / قويت وحياك الله عند ربعك

ابو سنون / لا شك ان مخيم ذوي عطيه يحمل أسم كبير و غالي علينا

وحضورنا ليس لزيارة يابوسنون بل لأنه محلنا جميعا ونعزم فيه وبيض الله

وجهك والقائمين عليه ولا يمنع ذلك ان تزورونا عند إبلنا المشاركه ,,

البااااز / تسلم والله يحييك

غازي البقعاوي / ماعليك زود وسجلنا ضمن زياراتك

والله يحيي الجميع في مخيم القساسمه وفي مخيم ذوي عطيه

وفي مخيمات جميع ربعنا العتبان ووالله إنا في نعمه يغبطنا عليها كثير

من الناس كيف لا وهي تدل على تماسك ووحدة ابناء قبيلة عتيبه الهيلا

وما يدريك ماذا بعد هذا الملتقى والتعارف من صله للأرحام

ومعرفة لفروع قبيلة عتيبه وربط بعضها ببعض

الى شعوب هذا الوطن الغالي وولاة امره الكريم

ومن ثم الامه الاسلاميه اجمع

وتقبلو تحياتي

اخوكم / ابو راكان القسامي

[رمح الهيلا]

بيض الله وجهك وما قصرتوا