اقرب شاعر

[عبدالله السبيعي]

سلام تسليمة مني عليكم جميع = وللي يشوف انه الشاعر يجيني سداد
اللي يبي يلعب المعنى يجيني سريع = واللي يبي غيرها ماعندي الا الهجاد

[راعي البلهـا]

خلــــــــــــــــــــــــــــــــــــــــــــــــ ــــــــــــــوها
مرحبا ترحيبتاً لها شان رفيع..
ضافيه كافيه في حر وبراد.؟
امع الي سواتك نقدر نشري نبيع..
الدعوا ماتبا اجهاد الدعوا متبا اجهاد.

[حمود الحمود]

سلام ياشاعر السبعان فعلك فظيع = تفتن على الناس وسط ابيوتها بالعناد

الله يجيب المطر يزين وقت الربيع = يعجبك لاهبت النسمات وقت البراد

[عبدالله السبيعي]

أرحب ياحمود واستلم



هذي ظروف الحياة ان كان عرفك وسيع = ومن لاتعلم من الدنيا ياويش استفاد
ماتصعب القافية قدام شاعر سبيع = وويش اللذي يمنعه لايجي فوق الشداد

[حمود الحمود]

استلم اخوي عبدالله الله لايهينك



الله يسلمك طب السوق واشتر وبيع = جهز جيوشك بكل الاسلحه والعتاد

جود عنان الفرس حتى الفرس ماتضيع=مثلك ترى مايوصى شيخ وسط البلاد

[عبدالله السبيعي]

سلمت من لدغة العقرب وشوك النقيع = والا المصايب ترى ياكثرها فالعباد
صاحبك يعرف ترى ماهوب ورعٍ رضيع = مجودين العنان وماسكين الجواد

[حمود الحمود]

ياقو باسك ياعبدالله عسى مايضيع =لاطحت في داب ٍ اسنونه قويه حداد

ينهشك بسنونه وتصبح بعدها صريع=والنار من بعد شعلتها تعود رماد

[عبدالله السبيعي]

الحمدلله واثق والعاصي ابيطيع = ربعك كلوها قبل هرجتك مثل العواد
حمود يبغاء ينافسنا ولا يستطيع = قالولي المطيري وقلت ياويش عاد

[عبدالله السبيعي]

حمود تشرفت باللعب معك ولنا لقاء ثاني انشالله أخوك عبدالله السبيعي

[حمود الحمود]

السيف من فوق راس القوم يلمع لميع =وان حرك السيف لوشوي تصبح جماد

واحمودلاقال ياعبود له تاتطيع = مطيري ٍ لاهجدك تعاف حتى الرقاد

[حمود الحمود]

انا كذلك تشرفت باللعب مع شاعر من الغلبا وبيض الله وجهك اخوي عبدالله تقبل تحياتي

[احمد الملاح]

صح لسان الشعار وما قصرتوا

[عبدالله البرقاوي]

صح لسان الشعار وماقصرتوا