على شان ياعين تكرم مدينه

[حمود الحمود]

السلام عليكم ورحمة الله وبركاته وشهر مبارك على الجميع تقبل الله منا ومنكم صيامنا وقيامنا انه ولي ذلك والقادر عليه .


اببدا كلامي واقول التحيه
لكل الرجال الكرام الوفيه
نبا العفو من عند رب البريه
على شان ياعين تكرم مدينه



ارسل سلامي لكل الطيبين الكرام = اللي من الطيب زايدتن مقاديرها

الله يبارك لنا بحلول شهر الصيام = ويفكنا امن الفتن واللي يبا ايثيرها

[قف امامك عتيبي]

مشكوررررررررر وبيض الله وجهك ولاهنت
1

1
1
111
111
111
تقبل مرورك

[احمد الملاح]

صح لسانك ولاهنت وننتظر واحد يرد عليك

[حمود الحمود]

معقوله يالربع مااحد رد وين الشعار ومشكورين الاخوان (قف امامك عتيبي )و(احمد الملاح )اللي شرفونا بمرورهم

[عبدالله الجـــذع]

ننتظر الشعار ...

وصح لســانكـ ياحمود...

[احمد الملاح]

والله ودي ارد بس موالك ما عرفناه

[رفيع المنزل]

اهلا هلا ياحمود وتقبل ردي المتواضع لاني حست ان فيه موضوع هادف من هذه المحاورة والله يتقبل منا ومنك وجميع المسلمين


هلا مرحبا ياحمود ترحيب تكريم=عد مايلوح البرق في ساري الغيم
وربي وسيع العفو ناصيه ماضيم=علشان خاطر عين تكرم مدينة

اهلا هلا بك عدد مالاح برق الغمام= ترحيبة ٍ مانمثلها على غيرها
دعيت رب ٍ كريم وطالبه مايضام = بين اصبعينه قلوب الناس ويديرها

[حمود الحمود]

يامرحبا اخوي رفيع المنزل والله يسمع منك ويغفر لنا ولجميع المسلمين في هذا الشهر الكريم واستلم لاهنت

يالاله يالاله يالاله يالالا على شان ياعين تكرم مدينه

نبا نطلب الله ولله نتوبي
وربي يغفر الزلل والذنوبي
ونسلم من المشكله والكروبي
على شان ياعين تكرم مدينه


يامرحبا وانت رجال ٍ رفيع المقام =لن الرياجيل تعرف من تعابيرها
الله يديم المحبه زود والاحترام =والطيبين النشاما ايزيد تقديرها

[يوسف عبيد]

صح لسانك ولاعدمناك

[رفيع المنزل]

الظاهر لحن موالي يختلف عن موالك المعذره توه تبين لي ذلك لكن استلم وياليت نكمل الى قبل الفطور


يالاله يالاله يالاله يالالي على شان ياعين تكرم مدينه

تقدمت تدعي وسيع العطايا=وانا مثلك ارفع عليه الشكايا
عسى دارنا ماتجيها الرزايا=على شان ياعين تكرم مدينه

دام البقا والحشام يصاحبون الحشام = اشفق لمثلك رجال(ن) زان تدبيرها
دنياك ياصاحبي هذي تراها حطام = واهل القلوب العمي تحتاج تذكيرها

[حمود الحمود]

الله يبيض وجهك نعم جبت الموال صح بارك الله فيك وردودك تدل على ميلاد شاعر كبير الله لايهينك ونكمل على رايك بعد الفطور .

[حمود الحمود]

اخوي رفيع المنزل اسف على التأخير في الرد ولكن اسمحلي لاني مشغول والجايات اكثر وانا اخوك وصراحه محاوره معك اكثر من رائعه والى مزيد من الابداع بارك الله فيك وكثر من امثالك تقبل تحياتي .

[رفيع المنزل]

الله يجيبك مرة ثانية انا كل لحظة اشيك على النت شايفك موجود واقول يرد
وجلستني الله يهديك لكن هين هين هههههههههه امزح معك


تحياتي لك